羲和雅苑

營業中

休息中

屋企人鐘意食中菜特登book 左呢間靚海景餐廳食飯餐廳最出名應該就係北京馳名烤鴨我地4個人叫左半份就岩岩好了廚師會係你面前表演切烤鴨眼見師傅都幾好刀功然後侍應會介紹烤鴨的食法烤鴨不同的位置配上不同的醬料和配菜首先食左烤鴨皮先，配上爆炸糖同藍莓醬呢個食法相當新穎有趣食落口感都好特別，屋企人都接受到然後就係食烤鴨皮連肉配上黃芥茉醬最後就係比較傳統的食法配上京蔥、山楂條、青瓜以及傳統醬汁應該是最有層次和口感的食法了牛油芝士焗大蝦超級多芝士亦好入味蝦都算大隻，而且蝦肉爽囗鮮嫩師傅已經開邊，所以好容易就拆到蝦肉食紫薯燕窩蒸蛋白紫薯燕窩再配上金箔賣相睇落已經好高貴好吸引蛋白蒸得好滑好靚籠仔花膠櫻花蝦海味蒸飯冇諗過份量都幾大份而且好足料，櫻花蝦、魷魚等配料都好多但花膠就好像沒有食到的感覺老上海燻魚魚是先炸再燻的魚肉有點幼骨，要慢慢小心點吃整體來說，這家餐廳都幾值得食，而且環境優美。海景位要提早booking ，趁疫情去食，會比較容易坐到的。

朋友的生日，佢很喜歡吃片皮鴨，所以特意係網上搜尋到這間中菜館享用晚膳。餐廳環境都倘大，感覺很高尚，而且唔會太嘈吵，還有室內和室外位置都可飽覽維港景色，食物方面很多都是精巧特色小菜，款式選擇又多，我睇到好多小菜都好想食，唔知點揀，最後就交比壽星去拍板負責點菜，佢叫左半隻烤鴨、兩款凍和熱食的鮑魚、佛跳牆、羲和小肉餅同擔擔麵。店員落單後將小轉盤放在枱上，之後拎出八寶盒，跟住就有位師傅在我們的枱旁邊擺好陣，拎著鴨一邊快手地片呀片，分別片出三碟不同位置的鴨片出來，店員之後把鴨片放在會保溫的層架上，然後再續一介紹鴨片所屬的位置及如何選配八寶盒內的調味食材、醬汁等。第一碟有半邊鴨頭的，大部份是外皮，店員說點藍莓醬及爆炸糖食就最好，第二碟是鴨的背肉部份，帶點脂肪，點芥末醬食用或放些山楂條配搭都合適，而第三碟是鴨脾的位置，點用傳統醬汁最美味，是常見和傳統的一種吃法。我先用夾子夾出荷葉餅，放入烤鴨薄片和配料醬汁包着吃，暖立立，好好味，其它食物都好快地一一送上。磯煮鮑魚: 鮑魚又爽又彈牙，仲配埋幾粒梨肉，特別用心。松茸素佛跳牆: 原本朋友被名字吸引，滿心期待食到此款菜式，可惜裡面大多只係菇，失去傳聞中的特別

遲來的團拜同好姊妹生日飯,難得出黎聚一聚，梗係要食好嘢啦😆 一行六人，侍應安排左間房俾我地，可以望住個海景食野，又有私人空間，唔錯。點左8樣餸，生日再送一份上湯壽麵，好滿足😋 美中不足係預先訂咗一隻烤鴨，因為當日來貨唔夠只可以比到半隻烤鴨我哋，唔夠喉囉😔 巴蜀口水雞孜然羊架金沙海皇扒白玉冶味乾燒桂花魚乾炸馬蘇里拉拔絲丸子馳名烤鴨椒鹽鴨架(二食)鍋燒鮑魚雞粒燜飯紫薯燕窩蒸蛋白甜品食完飯仲可以出去餐廳嘅室外範圍睇下夜景影吓相，一定會再encore 😙

是日約咗朋友去海港城, 海港城人內開咗一個新嘅部份.北京填鴨係我嘅至愛, 聽人講呢間羲和雅苑有新嘅 食法所以就去試一試. 呢間餐廳位於最遠嘅新角落. 由於填鴨要等五十分鐘所以就落咗先. 餐廳內裝修古色古香, 環境唔錯仲有一個無敵維港景遠望icc. 點園專門介紹填鴨嘅食法, 有爆炸糖食法, 把鴨胸皮沾上藍莓醬再點上 爆炸糖. 呢個食法令有爆炸脆皮感. 但係我最鍾意都係另一早食法就係芥末醬配上鴨脾. 其次仲有山楂取代傳統醬汁嘅食法.百年醬肉肥而不膩配上夾膜食, 比起扣肉更好. 留意到有個韮香雞, 都幾特別所以一試. 韭菜蔥辣椒芝麻油醬油加上半隻雞, 食落雞唔柴有芝麻香同少少辣 叫咗一客張氏獅子頭, 一個迷你嘅獅子頭店員 送上一個迷你嘅白飯, 跟指示將二者合而為一, 獅子頭肉質鬆軟. 最後還有一個牛油蝦伊麵, 蝦球大粒伊麵底.最後紫薯燕窩蛋白有金箔面作結. 呢間餐廳位於海港城新舖分嘅最遠處,景觀不俗, 奉勸大家唔好低估咗片皮鴨, 其實都會飽飽哋.

海港城好多嘢食！有晚突然想食中菜 見呢間裝修幾靚算多嘢食就入咗去👅同朋友總共3個人 每人嗌幾樣share師傅會喺你面前即切烤鴨 可以睇埋表演😂😂人少少又想試多啲其他小菜 淨係叫咗半隻試試🤔但上到碟三個人食份量又唔算少鴨肉有三個部位 店員好細心逐一介紹食法👍🏼最左係鴨胸皮 推介點爆炸糖覺得一般 有啲奇怪中間係鴨胸肉 點黃芥末醬最右嘅係鴨腿肉 包住青瓜京蔥同醬喺皮入面食鴨肉味道都唔錯 皮都算脆幾鍾意嘅前菜 山藥甜甜地少少淋帶爽脆 好似食緊桂花馬蹄糕咁😝豆腐味道不過不失 連埋木魚絲食😂個人鍾意比較有咬口硬少少嘅質感 但佢就比較淋🤥份量多 冰菜係醋汁底 酸酸地好開胃🤩每舊都幾多肉 梅醬汁食落唔膩不過啲肉少少韌😟推介♥️有四大舊 份量好夠蝦球好彈牙 下面塊米通又係另一種口感加埋鋪滿成舊蝦球嘅醬好好味🥳不過醬汁太多 食晒成舊有啲膩🤭推介♥️泡飯好足料 湯底煲到橙色 好濃味飯底唔算煲到太淋 都仲有咬口 另外有脆脆放埋喺上面食不過就比較細份鹹蛋黃蟹肉汁配埋滑豆腐🤩幾鍾意呢個 好重鹹蛋黃味 蟹肉就唔係好食到 整體唔錯 無食過呢款小菜 幾新鮮👍🏼正正常常 蛋白幾滑 但唔係太特別🤨好重薑汁味 個人唔鍾意咁薑汁😂

心思思想食片皮鴨 上開飯見到呢間有烤鴨三食 評價仲唔錯 襯朋友生日去慶祝下先桂花蜜山藥山藥有驚喜 很爽脆 配上桂花蜜 又不會過甜 是一道開胃的小菜蝦乾冰草同樣是一道開胃的冷盤 冰草爽口 原本以為配上蝦乾味道會偏鹹 不過入口有啖啖醋香 每一塊冰草也沾滿調味動感豆腐入口果然很動感 很Q彈滑嫩 不過醬汁較單調 但面層的木魚絲有為調味和口感 增添了一點分數吃了幾道開胃小菜 今天的主角便來了 更有師傅在面前切烤鴨馳名烤鴨(半隻) 店員會仔細介紹烤鴨不同部為該沾上甚麼醬料🦆最左面的鴨胸皮 配上爆炸糖 藍莓醬 味道很新奇 有點入口即融🦆中間的鴨胸肉 配上芥末醬 酸酸甜甜🦆鴨腿肉 有中式西式的食法 中式配上青瓜絲京蔥絲傳統烤鴨醬汁 西式則配上山楂條洋蔥條藍莓醬 再包進薄餅皮 自家製餅皮很軟熟 個人比較偏好中式食法 鴨腿肉很香口青梅一字骨一字骨很入味 稠稠醬汁 酸酸甜甜金沙海皇扒白玉豆腐很滑濃豆味 面層醬料稠稠的 濃蛋黃味 更有蝦肉 底下會有蠟燭坐熱 不怕變”鯨”芥末沙律蝦球蝦球彈牙 配上滿滿的芥末沙律 微辣微酸很解炸蝦球的油膩感 底下更有脆口的鍋巴 口感豐富蝦湯海皇泡飯每次到中菜廳必點 🦐蝦湯濃郁足料

今日同老婆係尖沙咀海港城行街，諗住LCX裡面都開左好多新食肆，咁就一於試下新野，老婆話要食鴨，最後就決定訂羲和雅苑。先講環境，有靚海景對住成座ICC, 相信呢個view都佔左成餐飯價錢1/3左右第一次嚟唔知咩好食咩唔好食，咁就個2人套餐$1388，希望會有驚喜。第一道菜上左個磯煮鮑魚，好食，也是成個餐最好食的一道菜，鮑魚好淋而有咬口、伴碟的蘿蔔入哂味，真係超越我預期的味道。第二道菜就係烤鴨，三個部位三種食法，有芥末醬、傳統烤鴨醬、藍霉醬、爆炸糖等，坦白講唔會有大驚喜，不過不失。跟著再上一個獅子頭，好普通的豬肉丸，失望。第四道就係黃扒魚肚，但是魚肚帶點腥味，就係靠熱辣辣的南瓜湯才可以吃完食到這裡，店員突然要把我們的4座位分出一半給另一邊的5人入座客人，當然我們也沒有拒絕，但是我們變成了2人枱後，枱面是有點擠迫，其實以$800/人均的價錢內說是有點兒那個。第五就就是燒汁芥末牛肉粒，天啊！我還以為到了金X餐廳，又食到那種似曾相識的梳打粉淹牛扒的感覺，完全沒牛肉味接著再上的潮仔蠔仔泡飯夠熱，確係唔錯，還有一個松露蝦仁煎蛋，普普通通。最後吃了一個紫薯燕窩蒸蛋白，不太甜，還算味美。後記：想找一個侍

呢一晚同個朋友約左好耐好耐，一直話要試早排係海運開左既羲和雅苑，之前一開張果陣介紹左老闆黎食，佢帶日本客黎食完之後都話呢間北京菜餐廳好有質素，話無介紹錯，等左好耐終於同朋友夾到時間黎食。羲和雅苑係海運都算係好入既位置，入左商場都仲要行一段路先到。餐廳裝修都唔錯，有中國風既感覺，真係有種食緊北京菜既feel！餐牌選擇選擇其實真係好多，種類太多，我地只有兩個人都叫唔到好多野黎試，但因為難得黎呢間，我地兩個人都決定叫多小小share食。本身Menu既設計好靚，見到d相都已經流哂口水，不論係前菜、湯品、主菜定小食或者甜品，全部都好吸引，雖然睇menu價錢唔算平，但感覺上質素應該係上等！蝦乾冰草 $78前菜點左個冰草，其實我對上一次食冰草已經好耐之前，係深圳到食過，果陣已經覺得冰草口感幾特別，但係係香港絕對唔容易係餐廳食到冰草，難得北京餐廳有得食，所以我地前菜就叫左個冰草試下，佢呢到係蝦乾冰草，食落覺得幾fresh，係輕易就可以食哂成碗，不過前菜黎講佢唔算開胃，不過我都朋友都幾enjoy食冰草哈哈！粟米魚肚羹 ($88)朋友係一個愛湯愛羹之人，所以佢話點都會叫一個羹黎試下，咁我個人係menu都淨

常言道要食得出色又招積的片皮鴨，通常會在北京老字號的食店先會食到。 但是最近有間北京食店叫羲和雅苑來到香港開分店，位置係海港城，可以一邊享受美食一邊欣賞維港景色。食店內裝修富有中國風的味道，坐無虛席，店外還有很多人在排隊。黎到羲和雅苑，當然要一試他們的主打馳名烤鴨 (半隻，HKD 328)。傳統的食法是把烤鴨加葱附以甜麵醬包在薄餅內食。但是，他們再加以改良，變成一鴨三食。 師傅好細心地把烤鴨切成薄片，分成三碟而上，而每碟烤鴨都放在暖爐以保住烤鴨的溫度。 第一碟就是鴨胸皮，點上草莓醬，再點上特製的爆炸糖。一食之下，你感覺和聽到爆炸糖的`霹靂啪啦'，口感特別加上鴨胸皮非常脆口，令人一試難忘。第二碟就係鴨胸肉，店員建議我們點芥末醬，再加上洋蔥同山楂條，開胃惹味之餘，不失鴨肉的鮮味。第三碟就係其他部位的鴨肉，就沿用傳統的食法。 個人就覺得山楂條既食法最創新同味道特別。 所有的材料都放在圓盒內面，賣相給予人非常專業的感覺。另外，我們都叫了小食磯煮鮑魚 (HKD 78)。原隻鮑魚以冰鎮方式上碟，以蘿蔔伴碟。大大隻的鮑魚已經切好4片，肉質鮮嫩，一啲都不韌。 熱食我們就叫了宮保大蝦球 (HKD 118

年近歲晚，又是到了吃團年飯的時候～團年飯這般重要，當然要吃好一點啦知道海運大廈新開了不少餐廳，就打算從這𥚃挑選其中一間。最後我們選了這間來自北京、主打片皮鴨的中菜餐廳餐廳全場爆滿，幸好有訂座，不用等位便可入座。這𥚃走中式復古風，帶有點氣派，而重點是近窗位置有海景相伴值得一提，這𥚃的店員都很有禮貌，而且會不時替客人更換碗碟餐牌上某些菜式，名字旁寫有一句詩詞，還附上註解，甚有文藝氣息這裡最有名的是片皮鴨，當然要點啦，我們一行三人，就點了半套鴨，另加一點前菜和其他菜式。紅酒雪梨糯米藕($68)：賣相十分賞心悅目，加入了桂花醬和雪梨，香甜又滲透出絲絲酒香張氏獅子頭($48)：這是一人份的獅子頭，以一個小盅盛載，還配以一小碗白飯，很可愛獅子頭鬆軟柔嫩，與西式肉丸是截然不同的風味而茨汁的鹹度是很好下飯的那種，難怪會配上小白飯～宮保大蝦球($118)：蝦球件件都很大，表面有一層薄薄的麵衣，酸甜帶微辣，蝦肉爽彈不算很辣，不嗜辣朋友應該也可試試～青梅一字骨($128)：一上枱便傳來醋香，很對我的口味。排骨肉中有少少脂肪，所以口感軟嫩但不膩，加上酸甜的味道會讓人停不下 口當店員送上這個八寶盒時就知道萬眾期

海港城新開呢邊餐廳，個靚景已經好吸引，今日行經就排下隊食下😍👍入到餐廳內，裝修雅緻，具有中國風之餘，亦都有時尚感👍👍加上維港夜景，一絕😍睇餐牌時，發覺頭盤都十分吸引，叫了2款頭盤，👍桂花蜜山藥👍紅酒雪梨糯米藕👍賣相都十分精緻特別，而且仲好好味😋😋當然叫埋餐廳出名嘅北京烤鴨👍👍最鍾意佢第一食脆鴨皮配藍莓醬加爆炸糖，特別又好味👍👍第二食是脆皮鴨胸肉配秘製甜芥末醬👍👍第三食是以往傳統食法，薄皮包住鴨腿肉，不錯😋😋配上多款配料配醬，賣相精緻吸引酥皮酸辣湯，中西合璧的食法，十分配合😍😍仲叫埋大大隻宮保大蝦球🍤🍤，配上美味豐富配料，京蔥、辣椒🌶️、白胡椒，帶嚟不同辣味的層次感，辣味剛剛好，易入口青梅一字骨，份量十足，酸酸甜甜，好好味😋😋必食👍👍榆耳碧綠核桃👍👍份量十足又美味😋有黃耳，雲耳、鬆化核桃、青嫩芥蘭甜品仲叫埋紫薯燕窩蒸蛋白，好睇又好味😍😍睇住靚景，配埋美食，價錢都相宜，待應們都十分殷勤有禮，更詳細介紹餐牌及食法，實在要一讚👍👍

每隔一段時間都會想搵片皮鴨食，今次經朋友介紹，約了另一小編一齊去了這間在LCX入D新裝修的餐廳，這個區域最近多了幾間不錯的餐廳～店內裝修，食物擺放和食具都有心思，看到這些顏色配搭令人胃口大開。兩個人食半套片皮鴨，以為份量很少，再叫了一個炸醬麵加紫薯燕窩蛋白。首先到了我們最期待的爆炸糖片皮鴨，醬料配搭有三種配三個不同部位的鴨一起品嚐，算是這間店的特色！首先是鴨皮和頭，點一點藍莓醬加爆炸糖，甜甜的帶點爆炸糖的刺激，很創新的食感！適合小朋友多一點，我還是喜歡第二個配搭，鴨胸位置加芥茉醬，微辣加點鴨香味。食最尾一步先真正是片皮鴨的食法，除了青瓜和洋蔥，這裏特別配了山楂條，味道總算配合！最後甜品紫薯燕窩蒸蛋白，分量和menu相有點不太相符，只可說很精緻，大碗一點會更值得食！整體來說，整份片皮鴨的鴨肉不算太好食，都是配料或出煙的擺設吸引，都是享受過程多一點！

京菜中要數最吸睛一定是片皮鴨，能夠欣賞現場廚師用靈活的刀功把鴨皮肉切成薄薄小片，實在賞心悅目。早前聽說尖沙嘴海港城開了一間北京來的過江“鴨”-羲和雅苑，還出了個爆炸糖片皮鴨，嘴饞與好奇心驅使下，我決定和熊少爺前去一探究竟。 當晚八點多來到的時候已經是座無虛席，幸好我倆提早預約，在靠窗可望到海景的二人位置坐下後，店員遞上小菜和茶水。 等了一會，店員首先遞上八寶盒，裏面承載著8款烤鴨的配料，包括藍莓醬、山楂條、甜麵醬、芥末醬、洋蔥條、芥末醬、黃瓜條、紫洋蔥條、山楂條， 還有是次焦點的爆炸糖。 盒中間還擺放了蒸著薄餅的蒸籠，用以保持其軟腍的口感。  滿心期待的片皮鴨終於出場了。廚師熟練地把鴨起出三個部分，鴨皮、鴨胸肉和鴨腿。 店員細心地為我們介紹著吃法。 先由鴨皮吃起。店員建議我們直接蘸藍莓醬和爆炸糖。在咬下脆脆的鴨皮同時，爆炸糖“噠噠噠噠”在舌頭上跳躍起來。味蕾在糖分活躍的跳動下，開始甦醒了。 接著的是鴨胸肉。這次則是直接蘸芥末醬，酸甜中帶點辛辣的，延續了剛才的爆炸糖的刺激感。芥末醬似乎把胸肉的鮮甜更充分地呈現出來。 最後的鴨腿肉。店員建議用薄餅卷起來吃，可以蘸傳統的甜麵醬、蔥條和黃瓜