有囍 (已結業)

收工去完果欄，掃貨後來到太子食晚飯， 落雨關係， 來到花墟附近， 看到有間泰國餐廳， 門口貼住好多明星相， 一於食呢間, 有囍！餐廳座位寬敞, 有位放戰利品，坐下來還有暖水供應！超肚餓， 叫了二人套餐，追加串燒拼盤！肉骨茶, 用鐵鍋上， 溫度保持得好好， 藥材味濃， 湯底清， 飲完成身暖晒，湯料份量充足！再來係海南雞，配油飯；海南雞雞肉嫩滑，雞味突出，沒有太多肥油，雞皮爽身，配三色醬汁， 十分出色！串燒， 分別有雞，牛和豬， 配上自家調配的沙嗲醬，稍稍的甜味和花生醬好配合， 配上烤肉，勁惹味！麥皮蝦， 開邊大蝦， 配上經烘烤過脆口帶香的麥皮，每人有兩隻蝦， 色，香，味的滿分推介！馬拉盞炒通蝦菜, 通菜係朋友的最愛之選，調味和火候掌握得剛剛好！最後， 跟餐送上紫薯糖水， 顏色全碗紫色，淡淡的紫薯香糖水，帶軟身的紫薯蓉，為美味晚餐畫上句號！餐廳員工親切有禮，是日晚餐令人超滿足！如你經過花墟一定要同朋友，屋企人來有囍食飯！

颱風天在家裡困了一整天，之後的上班天又遇上交通不暢通，結果決定在外邊食晚餐，讓人潮過去才慢慢回家。太子原本就是很多食肆的地方，但平常都吃著那幾間，今天發現這裡可以吃到不同種類的東南亞食物，就決定在這裡吃晚餐。時間尚早故也沒有幾個人，餐廳內部很寬敞，燈光和顏色也很好，看著讓人舒服。經過一番思考後我們也終於點好菜。肉骨茶是偏向新加坡的口味，並不會有藥材味，反而是甜甜的，湯的份量足夠兩個人每人喝兩碗，而且肉的份量也很多。沙律是泰式的風格，用上酸酸甜甜的沙律汁，很開胃的一道菜。我沒有去過新加坡，但是聽聞這在新加坡很好名，一直都很想吃，所以在看到餐牌有時十分開心。一碟有四隻像手掌大的大蝦，大蝦炸得剛剛好，外層脆脆的，大蝦很新鮮咬起來是爽口的，配合甜甜的味道，非常好吃😍我也是一般都不吃芥蘭，因為覺得很苦及很硬，馬拉盞炒就是唯一方法讓我會吃，也是不負所望，十分美味😋整體來說這間餐廳份量也很足夠的，金邊粉同樣很大份，而且很煙韌，加上青檸汁酸酸甜甜的，非常好吃👍🏻 原本我們已經飽到吃不下，但店員推廌我們吃芒果糯米飯作甜點，說這裡的糯米飯是四色，便點了一個。四色分別是糯米、黑糯米、斑蘭口味及藍碟花口味。這

大半年前同朋友去了這間餐廳食飯，食物款式很多，而且全部都是東亞南食物，如星加坡、泰國等，款式比較有特色，所以今次帶了位外國回港的朋友一嘗東南亞風味。肉骨茶星加坡最出名的肉骨茶，有藥材味道，但不夠濃郁，排骨煲到很腍幾乎離骨。蕉葉燒海鱸原條鱸魚以蕉葉包裹，外層以錫紙封住去焗，蕉葉及香茅等調味料的香味滲入鱸魚內，而且保留了肉汁，魚肉有淡淡的清香，而且很嫩滑。馬拉盞炒椰菜苗椰菜苗炒得爽脆翠綠，而且小蝦米十分惹味，為平平無奇的蔬菜增添不少風味。星加坡海南雞海南雞已經去骨，啖啖雞肉，皮下脂肪較多，雞肉都算嫩滑，配上特式酸甜醬十分惹味。水果茶一大壼夠兩至三人飲，裏面有很多的蘋果粒，味道不會太甜。

今晚難得和舊同學食飯，搵間不趕人餐廳才得，唔可以阻礙我們談心在太子開左一間星加坡菜餐廳，已經好多明星來食過全院滿座叫個二人套餐，再加小菜，就這樣吧好滑海南雞，肉質鮮美好吃，配香飯和油飯好香藥材味，飲完都暖晒由於叫套餐，所以麥皮蝦有兩餐，啖啖肉，好鮮美，完全令人愛上，下次要散叫先，可以食多幾隻炒得好香，芥蘭食落沒有苦澀滋味這個好多海鮮（蝦，魷魚）作配料，有臘腸片，貴刁即系河粉，我最愛，河粉炒得爽口彈牙食落好香好脆口，鹹蛋王味好突出，食不停口好濃果茶，飲咁多間餐廳果茶，這間最好飲，大力攞介玫瑰花浮動，飄逸出它的獨特香味，聞到少少荔枝味，甜甜地，飲完當晚應該好好睡一覺好滿足的一餐，下次再食其他

是日落雨濕濕想食d暖野但又唔想打邊爐，所以黎左寶屋企附近既有囍呢間餐廳經過左好多次都好多人，今日終於有機會入黎試下喇門口貼左好多明星相，但今日入面冇乜人，唔知會唔會伏左呢一入到去侍應姐姐就好親切問我地使唔使幫我地套遮套，服務態度唔錯內裡都好乾淨企理餐牌都好多選擇，好多都想試但今日病病地又唔可以食太辣同唔飲得酒個碟好靚湯浸芥蘭清清地岩哂我呢個病人，都好大碟喎胡椒蝦有四隻蝦係裡面，胡椒味好香好重，好惹味！炒貴刁又係勁大碟。。好足料好夠鑊氣！欣賞d臘腸一d都唔肥！肉骨茶係我至愛既藥材味，感覺好好好補！肉同懷山都煲到好稔！水果茶超級超級足料！勁多生果，成壺好重荔枝同蜜桃味，好天然既甜～最後當然係黎個甜品作perfect end啦！我估唔到有成塊燕窩係入面！超滋潤！必叫！見到隔離台叫左胡椒蟹好大陣象好勁咁，下次再黎一定要試！兩個人食咁多碟野真係超級飽！！

位於太子花園街近警察局的「有囍」遠離旺角及太子喧鬧嘈吵的行人專用區沒有擠迫嘅感覺 相信這裡令人更能享受美食上網找找看搵到間花墟附近有間新派少少的新加坡菜就決定一試•門面光猛顏色鮮艷！藍色設計其實挺搶眼！由玻璃窗望入去見到空間感都幾大座位都幾闊落！入面用左木系同卡通風格⋯⋯有圓枱適合八至十二人又有卡位或長方枱仲有單人既窗邊位！真係咩組合都迎合到呢枱與枱之間有充足空間,一點也不侷促店員服務周到！還有位看似老闆娘但落手落腳會細心提供意見那樣菜式較受歡迎！雖然她說套餐組合十分豐富！但最後決定跟朋友散叫為主！先來客肉骨茶$62肉骨茶真的期待已久因為很少有餐廳有得飲呢款茶！之前喺大坑飲過一次！而且旅行都有飲過我發覺我其實都幾喜歡呢一種藥材味道而呢間嘅肉骨茶都冇令我失望！散發著淡淡當歸香味而杞子又帶出一點甜味！飲落去個人都會暖一點！排骨嘅肉質煲到夠稔！做到一咬就可以肉骨分離！配上油炸鬼吸取湯嘅精華又覺得幾夾！抵讚！總共都飲到成四碗呢！同時主角星加坡麥皮蝦登場 $168第一次食！賣相好吸引！麥片帶著牛油香味！蝦的外殼脆身連同牛油麥片一齊食好入味！肉質新鮮未至於嫩滑但係會覺得夠彈牙！最好嘅係麥片可以就咁

近期天氣開始炎熱，更加刺激起想食東南亞菜式嘅慾望，無論新加坡定泰國還是越南菜都好想吃！！經朋友介紹下知道太子有間<有囍>，主打新加坡及其他東南亞菜式，位於太子花園街，粉藍色的設計非常吸眼球店內的裝修保持得非常新簇，感覺光猛衛生。樓底非常高，感覺開揚，沒有逼澀的感覺令食客吃得更開懷。<香芒米紙卷>煙韌有彈性的米紙包著大量新鮮的蔬菜絲，口感爽脆。再上那粒甜甜的芒果畫龍點睛般的把味道都吊起了<燒豬頸肉>大大片，香滑有肉味。再點上酸酸辣辣的醬汁很惹味。<蒜蓉椰菜苗>原來椰菜苗比我想像中大很多，不是豆苗的那種嬌小軟滑的朋友。椰菜苗爽脆無碴，加上大量的蒜蓉一起炒，健康又好味。<星加坡娘惹咖喱雞><娘惹菜>的歷史原來可追溯至明代，當時的皇帝通過聯婚與馬六甲王國建立邦交，兩地人通婚生下的女性便叫娘惹，所以娘惹菜便是中菜和東南亞菜式的混合。不同地區的咖喱都各有特色，像泰國咖喱帶辣椒的辣，印度咖喱運用大量香料來長時間烹調，而娘惹咖喱則接近印度咖喱，但烹調時間較短，着重香濃而不辣的風味，尤其適合港人口味。香滑無骨

喜歡食平民餐廳,如果同時尋找到平價高質,就會有種尋到寶物的感覺花墟附近,有間以泰國菜為主的親民餐廳,價錢不貴,但性價比高,大碟抵食款式多,大力推薦給人多飯局門面很大很sharp!粉藍色設計靚之餘又搶眼入面裝修亦好有特色卡通漫畫做設計,繽紛得黎又不過於浮誇.選擇困難的懶人一定叫套餐!2-4人都有,選擇多當然單點也不輸蝕朋友好大食,通常2人餐都是3-4個份量,於是我們點了套餐C,打算不夠再加,「食得晒,先好嗌」.上菜速度好快,點完大約7-8分鐘就有得吃1️⃣話梅豬手煲憑香味征服不吃豬手的我,上桌時看似相當大其實每一件豬手肉不多,大概是吃他的醬汁味,酸酸甜甜,豬手比我想像中不肥膩,反而吃出每一件都是骨膠原,膠感極高!邊吃邊想,應該對女士皮膚不錯建議趁熱食,否則涼卻後膠質凝固就是另一個感覺了.2️⃣泰式炸蝦丸比我想像中大了兩倍!是四人份量嗎？炸得金黃香脆,不說笑,這個絕對飽肚,蝦肉質彈牙,雖然油炸但吃了又不會滿口是油呢.3️⃣第一次嚐肉骨茶起初以為是茶味重一點,原來更像中藥味道,一鍋大約有四至五條肉排,肉質軟淋,另外有些中藥食材,賣相就已經像平民補品。第一口喝下去有點咸,但之後感覺還不錯,養生般的味道.4️⃣

今日老公放夜，我先返屋企hea下，等到差不多十點就同佢去了屋企附近的有囍食晚餐。正好有二人套餐，每樣都有，可以試多幾款。肉骨茶有濃郁的藥材香味，排骨煲到很腍，幾乎離骨，湯底有肉香，非常鮮甜。泰式炸蝦丸新鮮即叫即炸，一切開中間還冒煙，蝦丸比乒乓波還要有粒，蝦肉爽彈。香芒米紙卷以米紙包著蘿蔔絲、米粉、青瓜絲及黃果，是一個素菜卷，無油無脂坊，健康清新。星加坡海南雞大既有1/4隻已去骨的海南雞，雞肉嫩滑而且外皮爽口，脂坊不多，可以連雞皮一起食。話梅豬手煲豬手炆得又腍又入味，外皮充滿骨膠原，雖然有話梅味，但只有輕微酸味，非常開胃。蝦醬炒通菜通菜翠綠且嫩，蝦醬不會太咸，炒得爽脆。最後甜品是紫米露，可惜食得太飽，所以無要到。整體質素中上，而且大件夾抵食。

之前冬天係呢度打過邊爐, 食物水準唔錯; 及後知道原來呢度都仲有提供星馬泰菜, 咁就要試下啦!裝飾夠現代化, 同星馬泰無半點聯想, 枱同枱之間唔算太迫, 坐得都幾舒服! 由於時間尚早, 人客未到, 及後就坐滿大半場!餐牌設有二人套餐, 亦有散叫, 由海鮮, 肉類, 小食, 湯, 飯, 甜品及飲品一應俱全, 價錢都走大眾化路線!今次點了呢個二人套餐(B) ($398), 份量款式都相當吸引打頭陣係青木瓜沙律 - 作為頭盤好岩數, 青木瓜絲嘅酸味夠晒醒胃, 配埋辣辣醬汁就再醒神D, 口感爽口啟動埋胃口! 跟住係原煲肉骨茶送上, 打開蓋D煙出晒黎, 聞到藥材香味, 見到有幾條排骨, 附上醬油及油炸鬼, 都幾正宗!熱度夠晒, 最怕D湯唔夠熱, 飲落順喉, 藥材味唔會太濃; 排骨煲完肉質都唔嚡, 成條食晒無浪費!星加坡海南鷄 (例牌), 份量足夠二人食, 部位有肶位及鷄翼, 附上甜醬油, 辣鷄醬及薑蓉, 套餐包白/油飯!鷄皮下脂肪唔算多, 唔食皮嘅都好容易撕走, 肉質幾嫩滑, 分別試左3款醬汁都同鷄肉係夾嘅^^炒通菜 - 通菜食落無渣, 惹味醬汁配埋蝦干辣椒一齊炒, 送飯無難度!新加坡咖喱魚頭煲

香港星加坡菜或泰菜多以單一形式供應，很少會同時提供兩種不同菜式。有囍算是新嘗試，除了有星泰小菜外，仲做埋星泰湯底火鍋。有囍裝修很清雅，淺木色襯上色彩繽紛的創意卡通，令人看得很舒服。很久沒有食過星加坡菜，今晚就主力叫星加坡名菜。柚子沙律柚子沙律很大的一碟，柚子肉撕成大塊，入口很有質感很飽滿，味道清甜多汁，作為前菜很開胃。星加坡海南雞半隻海南雞的份量也不少，雞肉已去骨，皮薄肉嫩，雞味清香，點上泰式雞醬或薑蓉均可釣出鮮味。肉骨茶肉骨茶沒有星加坡一般的重胡椒味，亦沒有如馬來西亞的重藥材味，更不見原粒蒜頭，反而有不少玉竹在其中，此肉骨茶其實更近似中式湯水，肉味藥材均是淡淡的。一字排煲得不軟不硬，骨頭有點軟骨，點上甜豉油肉味酥香鬆化。星加坡麥皮蝦星加坡美麥皮蝦十分有名，麥皮多用即食燕麥片。星加坡麥皮蝦大蝦層層疊起，大蝦香脆入味，燕麥金黃酥香，蝦跟燕麥片一齊食，味甜香口。燕麥片吃起來味道既甜且鹹，有另一番滋味。馬拉盞椰菜苗馬拉盞醬帶有發酵蝦仔味，其他味道如辣椒或蔥頭蒜頭味較輕。濃味馬拉盞配爽口椰菜苗味道很合拍。

之前講過一、二月都特別多重要人物生日, 繼老爸和最好友後, 就輪到老媽, 但要諗跟她吃什麼慶祝就較困難, 皆因她有很多食物都不能吃, 加上她對食又有要求, 的確令我大傷腦筋。經過多翻考慮,  最終決意帶她吃甚少吃的新加坡菜, 讓她一嚐新加坡風味。餐廳佔地不少，門面用上我最喜歡的湖海藍色，故特別討我歡喜。門外除了放了各款餐牌外，還貼了很多店主跟名人的合照，看來餐店頗有名氣。走進內裏, 環境光猛, 座位不少, 有一排面向街景的單人位、靠牆有一排數張四人卡座, 而中間則設有多張二至四人枱, 亦有一張十多人的大圓枱。別以為它的裝潢跟一般茶餐廳相若, 其設計富心思, 多處牆上畫了色彩繽紛的油畫, 既雅致亦有朝氣, 感覺舒適。看看餐板, 只有三頁, 分十一類, 包括海鮮類、蔬菜類、麵類、飯類、甜品、湯類、小食、沙律、肉類、飲品和特飲, 選擇不算很多, 但很多菜式都很有風味, 亦相當吸引我。******************************見到隔離枱點了一客柚子沙律, 大大碟, 好吸引, 我地就再豐富一點, 要一客大蝦柚子沙律 Prawn Grapefruit Salad ($108)來打

今晚我們喺旺角探完親友之後，諗著睇吓周圍附近有邊間食店好食？行到去花園街其中一段屬於係食街嘅有眾多間食店，喺我們揀緊想食邊間嘅時候，就見到呢間叫「有囍」嘅吸引咗我們，因意頭非常好，兼且仲有幾多人排隊等位，所以我們就決定入去食晚飯！喺我們諗緊叫咩食嘅時候，一個感覺好似係老闆娘嘅靚姨用超級親切友善嘅語氣咁問：「你們叫咗嘢食未呀？」除此之外，呢個靚姨仲比其他任何一個員工都落力咁去招呼在座每檯人客，令到人客都有種賓至如歸嘅感覺！至於店內嘅環境裝修好光猛，坐位與坐位之間亦好舒適寬敞！我們叫咗肉骨茶係足料餚製，所以湯底嘅味道相當甘甜濃郁，而且喺咁寒冷嘅天氣嚟飲，真係覺得特別「暖笠笠」同好補身！星加坡海南鷄「半隻」嘅肉質非常鬆軟嫩滑，就算係鷄胸嘅肉質亦完全唔會有「嚡」嘅感覺，鷄皮亦相當爽滑，真係好正呀！蒜蓉炒椰菜苗係差唔多每一檯人客都有叫㗎，因唔係有好多餐廳可以食到，而且炒得鑊氣十足，當時好彩我們早一步落單，因咁啱我們呢份就係最後一份，真係好搶手呀！黑蒜青檸燒豬肋排嘅肉質非常爽滑鬆化，因加咗啲黑蒜，所以味道相當惹味，另外再加埋秘製嘅青檸辣椒汁一齊食，酸酸甜甜，感覺好醒胃同好清新，完全唔會有膩嘅感覺，