從⋯異世界 (已結業)

不用飛日本，香港也有女僕Cafe了，可以體驗一下當Master的感覺！客人如需召喚女僕，輕搖鈴噹女僕便會出現聽從Master的吩咐。以動漫為主題，主要提供蛋包飯、多款甜品及飲品。蛋包飯 ($88)女僕把蛋包飯端上桌後，會先詢問客人想繪畫什麼圖案才畫，畫完後再寫上客人的名字。完成後女僕會與Master一起施展魔法，讓客人與女僕更有互動。很可愛；入口蛋味香濃，炒飯加入了火腿和煙肉，味道帶咸香，再加上茄汁的酸甜， 十分開胃。流心心太軟 ($68)外層鬆脆內裡軟滑，雙重口感加上朱古力味道香濃，味道不會過甜，一點都不覺膩，令人沈醉。

有朋友係動漫迷，佢見有間新開嘅女僕cafe就拉住我去試......咁我就獻出左我嘅第一次.......去女僕cafe啦😆😆門口有個噹噹，要搖下噹噹先可以召喚到女僕為你服務喔～ 疫症當前，佢地會先為客人量體溫同噴酒精搓手液，都幾貼心，護己護人嘛～ 😉枱面上都有個噹噹，用嚟召喚女僕為我地服務☺️我地叫左 2 set 開掛人生 ($240)，包一個蛋包飯和甜品、一杯飲品，再加同女僕影一張即影即有相～～女僕會問你想係蛋包飯上面畫咩公仔，再係你面前幫你畫～～ 仲要同佢一齊唸完咒語，施完魔法先可以食喔～～🤣🤣🤣 蛋包飯個飯底係加入煙肉和粟米粒嘅蕃茄醬炒飯，味道正常～～未聞花名其實係士多啤梨加芒果嘅沙冰，有士多啤梨果肉，似係用冰粒直接打，因為食得到啲碎冰😂😂 藍莓水果茶就係用茶包沖嘅，味道偏清淡微酸，感覺幾養生～～甜品我地叫左流心心太軟，心太軟的確幾流心，朱古力味好濃，不過加埋上面嘅雲呢拿雪糕真係好甜甜甜呀😂😂😂整體嚟講都係一個唔錯嘅體驗嚟嘅，女僕嘅顏值普遍都幾高喔，女僕裝又幾靚，中意動漫嘅朋友唔好錯過lu🥰🥰

星期日去開銅鑼灣逛街，某人帶我去體驗女僕咖啡店，好期待哦....咖啡店位於2樓，上去時經過1樓有夾公仔機，拖友可以玩吓先去食嘢要响門口搖鈴呼喚女僕來引領入坐，店內有點Cyber feel，枱面搖鈴讓客人呼喚女僕，女僕會跪下或蹲下幫客人落單，好似入咗日本漫畫世界。第一次體驗揀咗 "開掛人生" $240有一張相、一份主食、一杯飲品、一份甜品。主餐係蛋包飯，仲可以用茄汁畫客人喜好的公仔在蛋上面。滑滑蛋皮下面係煙肉粟米飯，撈埋蛋同茄汁，濕濕哋，味道好夾又開胃。絕對領域係梳打特飲，顏色好靚，睇得又飲得。藍莓水果茶好香又夠味，唔錯喎。甜品揀咗曲奇雪葩窩夫，窩夫外脆內軟，配埋曲奇雪糕更加好味。士多啤梨聖代<=>草莓新地，士多啤梨雪糕唧上草莓醬，灑少少彩糖粒，再插2條手指餅，造型不錯。食完嘢，仲可以揀一個心水女僕，同佢影返張即影即有合照添。女僕咖啡店有客人守則架，配合一吓更好玩。

之前見到呢間新開餐廳報道，無論食物定係環境打卡都好靚，仲知道係電競網紅Rose Ma開既，跟住朋友生日就揀咗呢間餐廳去試吓😀店舖仲係試業階段。本身上網check左佢地開2:00pm，所以約左2:00pm食，但原來原來佢地改左開2:30pm，應該係配合打機界嘅人士作息而唔開咁早，所以去到未有太多人。如果想有包場feel，可以選擇約呢個時間去食😌環境闊落，佈置好適合打卡，影相唔會太暗召喚女僕侍應用噹噹🤣我地揀咗三個set，每個set$240（未計+1）包括：即影即有相一張、一個main course(蛋包飯）、一杯嘢飲、一個甜品🍮每個蛋包飯都有唔同嘅Pattern，主要都係唔同嘅卡通人物/動物，so cute☺️每個女僕侍應都係畫畫嘅高手，超贊👍🏻食飯前仲要學佢哋先魔法，開心呢！（不過蛋包飯可以熱d，打完卡之後個飯就開始變暖😉）飲品不會太甜，幾好味😋食物賣相一流！👍🏻😋食完仲有得同女僕合照，仲寫埋字好窩心🥰一生人係要去一次女僕Cafe體驗下嘅☺️

女僕cafe不是男士到訪專利，身為女士的我一直以來都甚感好奇，此風氣終於吹至本港，在銅鑼灣開設香港女僕cafe！充滿好奇心的我已急不及待在cafe試業期間到訪光顧途經1樓商場夾公仔場地後步上2樓，跟隨日本歌曲行走便會到達女僕cafe門口，寫上餐廳名子的牆身下放了數張椅子方便食客等待，當晚平日人流不多，無需等位門口掛著鈴噹，提示客人如需召喚女僕請輕搖鈴噹。疫症期間，女僕還幫忙量體溫及搽上搓手液後便可進內就座就座後女僕會講解在cafe內用餐規則，總括最重要兩點：不可說粗言穢語及不可隨意拍攝女僕身影或臉孔，合照需收費。亦可見每枱均擺放著與掛在正門相同的鈴噹。如有任何需要召喚女僕，鈴噹一響女僕便會趕緊上前，如人場人流較多，女僕可能混淆鈴噹聲，只需示意即可餐牌內主要分為4大項目，有主食、飲品、甜品及合照收費區，可散叫亦可選擇套餐，套裝則有4款供選擇。雖然cafe在試菜期間主食只供應蛋包飯，但這正是女僕cafe最標誌性的一道菜，也是必點之一！對女僕世界每件事物都充滿好奇的我倆決定點選2個「開掛人生」套餐看似平平無期，沒有特別裝飾或打扮的百利甜酒朱古力味道不錯，質感較一般熱朱古力稀，但味道以百利甜酒

呢日嚟一個新嚐試，就係去咗女僕Cafe😂，聽就聽得多，但去都係第一次。我哋喺大廈樓下已經望到大大個廣告，要行樓梯上去，首先會經過一樓夾公仔嘅樓層，再上多層就係。Cafe應該真係新開張無耐，有一邊好似仲未裝修好🤔。不過環境好大，適合搞大型聚會。當我哋進入異世界前，我哋係要先輕搖鈴鐺🔔，召喚女僕，好快女僕就出嚟迎接我哋。第一次去女僕Cafe，感覺真係好特別🙈，好唔慣咁好服務。女僕首先同我哋講解主人／大小姐嘅守則，例如唔好玩鈴鐺、唔準講粗口同騷擾女僕等等🤣，好搞笑。我哋一場嚟到，又未食晏，所以就一人要咗一個開掛人生Almighty Life套餐($240)，即係包一張即影即有、主食、飲品同甜品，都幾豐富👍。我留意到餐牌上有部份嘅食物名稱比較特別，好過癮，哈哈。首先嚟到嘅係飲品，我要咗梳打特調系列嘅絕對領域🍹(原價$68)。飲品好大杯，味道有啲複雜，飲到大概有啲水果味？好似有檸檬味🍋同波子汽水味。我朋友就要咗水果沙冰系列嘅未聞花名🌺(原價$68)，同樣係大大杯。呢杯實際係士多啤梨🍓芒果🥭沙冰，都幾真材實料，飲得出用上唔少水果。味道比較酸，士多啤梨味比芒果味出，所以飲品係偏粉紅色。由於係沙冰，飲

來到女僕餐廳，大家的關注當然是女僕了。當天試業中，不少可愛女生來面試。全部大概二十歲，這麼可愛的女生，有男友嘛？另外有夾公仔機，可以夾女僕的照片。找女僕要搖鈴，女僕就會貨貓貓一樣過來。十分禮貌地詢問 master 想食咩。感覺就是被關注及重視。由於是試業的關係，暫時選擇不多，所以我們都叫了蛋包飯，女僕會在蛋上畫卡通人物。我們叫了，叮噹及鬆弛熊。女僕年紀少，根本都不知叮噹是誰。他們大概叫多拉A夢吧。蛋包炒得嫩滑，半熟的蛋汁是不錯。煙肉炒飯份量也足，食完已很飽了。Tiramisu, 是不錯的選擇，配玫瑰 latte , 👍🏻👍🏻👍🏻香軟而不會太甜。每個菜式都精美可愛。朋友點了士多啤梨新地，造型十分夢幻，打卡一流。令我們感驚訝的是，不少女生來女僕餐廳。