香港老飯店

營業中

休息中

今晚阿仔約食飯，特意介紹「香港老飯店」俾我試吓，話呢度環境有點懷舊得呢，食物出品又幾好，再加上侍應服務簡單舒服，好有家嘅感覺，所以攪到我都好有期待😚之前諗住喺老店，應該會係細細間果隻，入到去真係估唔到咁大，裝修不是奢華但係好企理、好乾淨感覺，特別係洗手間，真係有點意料之外🤣睇佢網頁都會見到有幾多招牌菜介紹，就挑幾個小食開始，睇吓會否帶黎驚喜😉🔻合桃燻蛋擺上枱除咗見到個蛋黃係好流心外，賣相其實係冇乜特別，但當夾起隻蛋放入口之後，真係有WOW factor 感覺，除咗個蛋黃非常非常流心外，個蛋白外表味道非常 Smoky，煙燻味的確芳香😍。至於個合桃亦香甜鬆脆，確實高質👍🔻鎮江餚肉一碟12件，件件都好大好實在，加上薑絲鎮江醋一齊食，好香好滿足😚🔻蜜味烤香方你就當佢係上海三文治咁食吧😂，一件大大面包，裡面包含一大片火腿肉(肉方)及一片炸腐皮(素方)，眾所皆知金華火腿質地偏硬及帶鹹味，師傅應該用慢火將佢蒸透後，再用桂花蜜糖醃漬；而素方則採用豆腐皮將佢酥炸。上桌時，用面包加上炸腐皮及桂花清香的火腿肉片合夾後食用，每一口都可感受酥軟、甜鹹兩種對比的滋味，唔係誇張，呢個小吃係我全餐飯嘅 No. 1👍👍

香港老飯店歷史悠久, 亦都是在香港名牌上海菜之一, 位於尖沙咀寶勒巷的分店, 要由地面上條長長的樓梯(沒有升降機), 對老人家或行動不便者較為不便. 地方闊落, 有良好的服務態度, 當然在價錢上也反映出來😅安排入座後, 服務員開茶, 亦擺上用熱水燙過的茶杯碗筷, 感覺較為衛生. 開了壺鐵觀音, 茶葉靚, 茶味香濃.厚厚的菜牌, 內有太多選擇, 而我們所選以下食物👇鎮江餚肉 外表形態非常有層次, 上湯啫喱&餚肉分佈分明, 味道可以合桃燻蛋琥珀合桃夠香脆, 甜度適中. 反而主角燻蛋略為失色, 欠缺煙燻味, 與普通一隻烚蛋沒分列 蜜汁烤雙方 軟軟的方形飽片, 夾著脆脆的炸腐皮, 鬆化的蜜汁腿片, 整體組合完美演繹😋👍👍香煎小黃魚小黃魚比我們想像中大條, 外脆內嫩, 味道恰當好😋👍👍鮮肉小籠包 一籠有十隻令籠包, 皮薄餡靚, 豬肉沒有豬騷味, 內裏上湯不算多, 不過味道非常好😋👍👍 就算放耐了室温食都好味蔥油大餅厚厚的蔥油大餅, 外面煎到金黃色, 餅面佈滿白芝麻, 外脆內軟. 我本人略嫌內裡蔥粒不夠多, 再多d蔥就更好🤭酒釀丸子用料多, 有酒味, 丸子有咬口, 酸味比甜味重, 這碗糖水算是少糖

位置較偏僻但係餐廳幾大同唔殘舊菜單好多選擇基本要咩中菜有咩雞牛魚鴨羊豬海鮮通通齊我地都叫咗2前菜 4主菜 1小食 1甜品1️⃣燻蛋必叫之選! 係逐隻叫 不過2隻起其實就係涵水流心蛋特別在食落/聞落有陣燻煙味 唔知點整架呢相信功夫甚多 又要燒又要熟唔曬而且流心蛋黃鹹鹹地配甜甜地嘅凍蛋白😍好食另外佢仲配啲合桃 而合桃上面有層焦糖加芝麻粒 食落香脆可口👍🏻2️⃣鎮江餚肉依個都係名菜樣子好得意 好似結咗冰嘅肉食落似晶瑩剔透嘅’嗜喱’夾雜住啲肉色鮮紅嘅火腿咁放入口鹹鹹地又涼依個應該功夫都多3️⃣松鼠黃魚成條魚鋪滿茄汁醬/甜酸醬 橙紅色 而且因為炸過多表 好似有’刺咁’味道唔錯 醬汁唔太酸 而且仲脆卜卜不過我嚴佢唔夠魚肉似食緊茄汁味嘅米通多過食緊魚所以如果為食海鮮就唔啱叫依個4️⃣樟茶大鴨又一個傳統特色菜一大隻燒鴨 旁邊擺咗啲麵包粒 外觀幾得意鴨算多肉地 腍 而且好入味 所以勸唔需要點另有嘅椒鹽麵包就好睇唔好食 冇味同硬5️⃣干扁四季豆炒得好香四季豆咬落爽身 唔會’鞋’唔會好鹹6️⃣金腿菜粒炒飯食落粒粒分明 乾身有芥蘭粒 炒蛋 火腿不過其實俾火腿搶矖味 因為夠鹹但係芥蘭粒好爽口 脆脆地 令炒飯多啲層次感遍油7️⃣蔥油大餅超厚

工作辛苦，偶爾都會約三五知己去食好東西聚下，輕鬆下。今日我們來到位於尖咀的香港老飯店吃中菜。如果喜歡吃上海菜的，這裡也是一個不錯的選擇。我們點了一個冷盤，滿滿的骨膠原呀！！蘸上香醋，減去肉的滯感。蛋白模擬雪白的蟹肉，炒得剛剛好，不會炒得過老，口感嫩滑。蛋黃模擬蟹膏，蘸上鎮江香醋，就好似真的蟹肉一樣很足料，雲呑飽滿，雲呑皮嫩滑，有很多翅呀！賣相一流，魚肉片起去骨，蘸上薄薄的炸漿，炸至金黃香脆。配上甜酸汁，醒胃又不覺得膩，趁熱食先最好味。小籠包真是我至愛，薄薄的皮包著熱辣辣的湯汁，清甜味美，蘸上香醋，滋味滿滿。很好吃，蛋白味濃，豆沙餡不會太甜。但經過油炸的，所以怕肥的一件起，兩件止。最後貪吃的我還點了一款甜品，豆腐嫩滑，淡淡的杏仁味，但略嫌甜了一點。整體而言，食物質素高，服務亦週到，下次再來吃其他菜式。

今年農曆新年不在香港，所以提早跟家人吃團年飯，不想到一般連鎖酒樓，素聞香港老飯店的名聲，一放藉此機會試試。 ＊＊＊＊＊＊＊＊＊＊＊＊＊＊可能年近歲晚，平日夜晚的老飯店亦非常旺埸，好彩我們有預早訂定枱。厚厚的餐牌內餸菜有過百款，其中主要為上海菜，常見的上海名菜都能在這裡找到。茗茶$15/位，小吃$20/碟，收費合理。小食一至三位有一碟，酸菜酸香十足非常開胃。鎮江餚肉($128)鎮江餚肉是我非常喜歡的一道上海冷盤，幾乎每次食上海菜必點。這道鎮江餚肉每一塊都大小均稱，一口一件，豬手和豬手湯凍形成獨特的花紋，非常吸引。豬手肉質軟腍，半透明的豬手湯凍很彈口，蘸上鎮江醋佐食味道不錯。松子黃魚($238)松子黃魚粒炸到脆卜卜，糖醋汁酸酸甜甜，非常開胃。火腿津白($118)津白很香甜，金華火腿鹹香味濃郁，空口吃會有點過鹹，但配著津白一起吃就剛剛好。上海炒粗麵($128)上海炒粗麵份量非常多，足夠四人分吃，但粗麵口感偏腍，如果彃口一點會更好。豆沙軟餅($160)豆沙軟餅都幾大份，建議四至六人分吃。豆沙軟餅比平時的豆沙窩餅有點不同，餅皮較厚，軟得來有點彈性，豆沙甜度適中，整體都不錯。總結，除了上海炒粗麵較

早排有個上海朋友話,係香港無食過傳統上海菜,問有無好介紹! 我話聽就聽過香港有好多老一派既上海菜館,但係就未食過,因為好似幾高格調,幾貴下! 當中"上海老飯店"都聽講過好多次,一直未有機會試! 呵...比個fd撩起左個引，一于三五知己去試下!尖沙咀既"香港老飯店",聽就聽得多,去都係第一次,裝修好古僕,入到門口見到有條轉彎樓梯,真係好有70-80年代既感覺! 真係好有懷feel!食上海菜,第一樣當然試冷盤啦! 可能果日太興奮啦,一人叫左一個冷盤!呵...有d多添,不過實食得晒既!核桃薰蛋 滷水蛋就聽得多,薰蛋真係未食過! 原來係用左d木黎煙薰,聞起上來好香,隻糖心蛋食落外脆內甜!不過最特別既係蜜餞既核桃,好脆口,甜甜地咁,配埋薰蛋食陣味好好味!花鵰醉豬手+醉雞 上海野一定唔可以無既花鵰冷盤!我點左花鵰豬手,因為之前自己試整,睇下同"正宗"既差幾遠,點知係差太遠啦,呢度既豬手口感適中,外皮好爽脆,肉身好軟淋,但又唔會散,口感好好,酒味雖則濃,但唔會搶左豬手既未,正!醉雞都好大隻, 相對豬手酒味更加濃,係我鐘意既味道! 不過食唔到酒既,或者覺得濃左d,因為好足酒味! 雞肉好嫩滑又爽口,食到

上海菜是中國十大菜系之一，亦是其中一款繼粵菜後我最喜歡的菜系，每個月至少會去食兩三次，今晚就去了尖沙咀這間以滬菜為主的香港老飯店。餐廳食物款式多而且很多比較少見的正宗滬菜，加上店員親切笑容及體貼的服務，整餐晚飯都令人食得暢快。小食醃酸菜及花生，前者味道不會過酸而且爽脆。無錫脆鱔：這個菜在很多的上海菜館都比較少見，還記得對上一次食是多年前，一試便愛上，今次這個脆鱔，即叫即做，咬落不單是脆，裏面更是熱辣辣，外層的鎮江醋汁帶點甜香，好食到停唔到口。鎮江餚肉：餚肉的骨膠原啫喱豐富，半肉半啫喱完全不膩，加上醋汁添點風味。蟹粉小籠包：一個字《鮮》，小籠包裏面盛載著大量蟹粉湯汁，而有粒粒蟹膏混合在肉餡內，外皮很薄，鮮甜無比。樟茶鴨半隻：這個不得不試，一上枱面就飄出陣陣煙薰香味，鴨肉嫩腍醃得入味，又不會薰得太乾，保留了鴨肉肉汁，外皮香而不膩，絕對是推介之一。津白肉絲炒年糕：年糕就比較大眾化，以大量的津白及筍作配菜，年糕煙韌又不會過咸，就是有點油膩。杏仁豆腐：味道比較一般，杏仁味不夠突出但十分幼滑，還有些罐頭雜果伴在一起。

香港老飯店都係第一次嚟, 原來係食上海菜, 朋友話個名似係食廣東菜, 一點也唔似上海菜的名字. 環境都好靚, 這裏是新店. 感覺好優雅.前菜酸菜一碟, 花生, 酸菜都幾好味呀, 有些椰菜, 紅蘿白絲, 唔係好酸, 花生夠香.餐牌也很吸引的, 有晒圖片. 好清楚分晒類, 好整齊的感覺.我們點左好多嘢食, 鎮江餚肉, 一客十二件, 夠晒凍, 應該雪左好耐的, 加醋一齊食, 好味道, 唔會好肥, 好結實的口感. 花雕酸雞, 份量唔算好多, 都係好凍的, 雞肉都好滑, 不過唔夠醉, 唔夠花雕味道. 如果濃味D會更加好.燻蛋伴合桃, 賣相好吸引. 燻蛋係流心蛋黃的, 好效功夫, 中間放了一些合桃, 將合桃放係蛋黃裏面一齊食, 好好味呀, 蛋黃好滑, 好香, 每隻也是流心的, 好平均. 合桃好香甜又夠脆. 好好味.清炒蝦仁, 蝦仁好細仔, 但係好白的, 沒有腥的味道, 好清甜, 爽口, 份量都好多的.津白肉絲炒年糕, 這碟比較油, 年糕都好粘的, 吸左D醬汁的味道, 入味, 份量都多, 津白, 肉絲都好入味鮑魚紅燒肉, 冇諗過生日的主角竟然話要食飽魚, 原來係鮑魚仔, 另外加三隻, 每隻40元,