うまい鮨勘

營業中

休息中

猛龍過江 うまい鮨勘 前東京築地市場內的人氣壽司店，以刺身和壽司聞名，想要一嘗其鮮味，需 要經過長長人龍的等候。 在日本已有逾30間分店🤓唔知大家食咗未，但最近又有一間築地場內人氣壽司店登陸海港城。以後唔使過海都可以食到新鮮又肥美嘅刺身同壽司，為食嘅我當然要第一時間去試食啦😁坊間一般手卷都係雪糕筒形，雖然好似好豐富，但食到中間好多數只係得飯同紫菜，而呢款外形就無咁靚仔，不過整條手卷都填滿，鮮甜豐富口感，食到最尾仍然好滿足🤤

尖沙咀海港城有間專吃壽司的日本餐廳餐廳環境以木系為主，除了食物有質素外，服務亦很好！店員很有禮貌！如果是喜歡吃壽司的朋友，絕不能錯過，海膽、拖羅蓉、魚子的分量相當足料！大大碗！有滿瀉的感覺！而且味道是新鮮的！鮮味很重呢！必叫的系列之一！另外，餐廳有飛機直送的鮮魚，不論賣相，還是味道，都是一番！鮮味的味道很鮮甜！而家價錢都okay! 還有其他飛機直送的魚選擇！刺身方面也有質素！拖羅很肥美！入口即溶！大大件！啖啖肉！

うまい鮨勘在海港城跟友人的爸爸辦點事他便隨意挑一定店請我吃午餐呢3️⃣刺身握り寿司定食分別有3款刺身5件壽司&迷你三文魚子海膽丼刺身分別係-吞拿魚腩-油甘魚腩-牡丹蝦壽司分別係-蟹肉軍艦-吞拿魚蓉軍艦-油甘魚-三文魚-唔知係乜( 因為uncle 夾左黎食😂)雖然個個都係點呢個餐但師傅一d都唔hea全人手製作，握壽司切刺身擺盤樣樣都做到足各款刺身都非常新鮮好味1️⃣1️⃣ うなぎ丼鰻魚丼沒有驚喜沒有失望平平無奇正常發揮咁呢都唔知點樣形容佢好嗯…….鰻魚份量都幾足都係即刻燒岀黎仲熱既配以特製甜甜地既鰻魚汁好開胃呢☺️其實我倆都唔係食好多既人所以兩個set share, 大家都可以試哂唔同既野，都幾好丫不過可能忽然有一家大細9人在旁準備入座，外國人，d令人安心既碼令到人好唔安心，小朋友又一隻色，大人又一隻色，店員可以小小燥所以講野都大聲左小小呢🥹海港城既食品質素一般都唔會差，仲幾好添不過價錢就見仁見智啦( 可能下次有機會等我有coupon 先黎食😂😂) 有機會我都會再來的推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 尖沙咀廣東道3-27號海港城海運大廈地下OTG04號舖#日野#刺身#壽司#海膽

朋友俾咗啲海港城coupon我🤭所以一於去海港城搵食😁16:50左右去到，17:00前落單竟然仲可以叫到午餐😆落完單後上前菜同麵豉湯，薯蓉好creamy👍🏻但麵豉湯太鹹，飲咗兩啖頂唔順俾哂友人飲🫣$298刺身壽司定食🍣牡丹蝦好大隻，肉質彈牙☺️池魚同燒吞拿魚一般般，油甘魚同帶子可以😋三文魚就冇特別🥲海膽食落覺得有啲臭🥹$380燒活鰻飯🍱鰻魚燒得脆卜卜，好焦香，但冇乜油脂🥹個人喜愛燒出油脂香油撈飯食🤭總括而言，扣去coupon，埋單都要$550落樓🥹so far覺得唔算抵食🥹尖沙咀一定搵到更好選擇

見呢間食omakase 13貫都係800蚊一位，就book咗佢同朋友慶祝生日，不過要留意食omakase係冇得用海港城嘅現金卷架，一嚟到侍應就安排咗我哋坐普通位，我哋有少少奇怪，因為平時食omakase都係坐吧枱多，不過我哋要求之下侍應都即刻安排咗我地坐返吧枱前菜海螺肉，白子，粟米，蕃茄，蘿蔔師傅同我哋講咗食個次序，海螺同白子都唔腥仲幾鮮甜，白子跟埋啲海藻食有口感得嚟又幾嫩滑壽司刀貝，沙錐魚，左口魚，小肌，燒北寄貝，秋刀魚，白蝦，中拖羅，鮟康魚肝，赤目魚，海膽，魚子，大拖羅，海鰻數數下發現有14貫😳每一件壽司師傅都會介紹，會講埋用咗咩鹽呀咩汁呀去調味，所以我哋都唔洗特登去點豉油同埋wasabi已經夠味得嚟又食到魚嘅鮮味，每一件壽司都好新鮮，完全冇腥味玉子燒，吞拿魚蓉手卷玉子燒似海綿蛋糕，甜甜地幾好味，手卷都幾大條，但入面好多吞拿魚蓉，每一啖都食到吞拿魚蓉鯛魚湯/蜆麵豉湯我哋每人揀咗一款，蜆麵豉湯就係好普通平時都飲到嘅味道，反而鯛魚湯有特別，湯係奶白色有魚嘅鮮甜味幾好飲甜品：雪糕最後仲有雪糕，有抹茶味同埋芝麻味揀，我哋揀咗抹茶味，食完咁多壽司食返個雪糕清清地就圓滿喇成日都好怕omakas

日本厚岸蠔🦪$130⭐️⭐️⭐️⭐️⭐️🇯🇵出產生蠔的勝地，口感Creamy， 肉身超厚肥，足足三大啖先食完 好值得好值得食！燒鮑魚 $98師父已經去除內臟，用竹籤固定，進食非常方便，口感爽脆彈口，一口接一口，一隻點夠呢😚刺身盛合 $500墨魚真係被驚艷到，彈口程度非常出色，飛機貨原來新鮮到咁✈️ 依個價值 成碟刺身份量好多好飽，本身仲叫左個刺身飯好彩取消得切🤭菠蘿雪葩 $98 🍧成個菠蘿🍍仔上真係超得意，即刻幫佢打卡🌟連甜品都咁有誠意，真係好喜歡依個餐廳椰子雪葩$88 🌟🌟🌟🌟🌟必點呢🥹🥹🥹 依款係雪糕，質地軟滑，椰子味香濃，仲要可以拎住🥥好有感覺🍨 好好食好好食！📍尖沙咀 海港城海運大廈地下OTG04號舖

呢日想食omakase就嚟咗呢間試～但唔係有師傅喺前面逐件整同介紹，感覺似食壽司lunch set多過食omakase🥲🔸廚師推介套餐｜握り寿司 十三貫 $800✨前菜｜鮟鱇魚肝、鮑魚、海藻✨漬物｜牛蒡、蘿蔔、蕎頭、茄子✨時令壽司 ▫️赤鯥 ▫️帆立貝 ▫️赤身 ▫️沙錐 ▫️粒貝▫️右口魚 ▫中拖羅 ▫石垣貝 ▫小肌 ▫白蝦▫️大拖羅 ▫️海鰻 ▫️海膽軍艦✨雪糕｜綠茶、紅豆、士多啤梨味選一🔸鰻魚玉子燒 $92火候同調味都控制得幾好，味道唔錯🔸鹽燒雞下腿串 $48燒得好乾！雞下腿都整到柴過雞胸，好失望！🔸蒲燒鰻魚肝 $58燒汁整得幾好味，唔錯～🔸燒小甘薯 $38正常發揮，但面頭啲蜜糖好似多咗啲🔸鹽燒黑豚腩 $78香口惹味，唔韌唔乾，幾好食🔸鹽燒雞頸肉 $38普通～整體嚟講食物同服務都係普普通通不過不失，勝在地點方便～

今晚一家人為媽咪慶祝生日，事前原全冇同餐廳提及過，進餐過程中一位有紋身嘅員工執枱嘅時候可能聽到我哋幾兄弟姊妹討論買唔買蛋糕俾媽咪，佢執完臨走嗰陣講咗句「有心就得」，當時我哋冇為意，點知過咗一陣佢突然好窩心攞住個心形壽司同我哋媽咪講生日快樂，當時全家都好驚喜令到我哋媽咪好開心，原本臨走嗰陣好想親口同佢講聲多謝，不過見佢忙緊冇講到，所以家人提議響呢個平台登記帳戶表揚一下呢位員工嘅細心同殷勤嘅服務態度，我哋一定會再去

呢度都幾多人食。假日下晝3:00都滿晒人。不過就唔使等咁耐位。首先服務員個個都好寬容。好難得有一間餐廳有咁多個侍應都係開開心心咁樣做嘢。最怕遇到一啲事已經好似欠咗佢幾百萬咁黑口黑面。呢一度就算唔講佢嘢食，淨係對住啲服務員都已經值得一讚。呢度食嘢都唔平，好在有海港城嘅優惠券，滿$300減$100。再加上放假，心情特別好。食貴少少再加埋有優惠，嗌嘢食捱得特別開心。首先叫咗個三文魚刺身。一客有三片，每一片都幾厚吓。三文魚刺身新鮮，但唔係好肥。覺得普普通通，但好多時候做到普普通通已經好好。個辣味吞拿魚蓉丼有驚喜，魚蓉部份非常多。食晒成碗飯都會仲有少少魚蓉喺度。茄有少少辣味，好香。份量又多。海鮮海草沙律，入邊有粒好大嘅帶子同埋哈。好甜好新鮮。海草方面有少少滑潺潺，未必人人鍾意。三文魚子又多，開心。叫咗隻生蠔$110。比想像中細少少，但係好好味。鮮甜。一啲都冇腥味。個肚好creamy. 甜蝦刺身一碟有五隻。有一隻個頭夾扁咗，但係冇影響到佢嘅鮮味。隻隻都好甜好新鮮。最後叫咗一碟牛舌。一串就要$88。感覺都幾貴下。不過笑得好好味。燒到啱啱好，唔會好韌。又多汁。買單嘅時候六百幾蚊，可以-200。兩個人食

因為咁岩海港城買完野仲 join 左 rewarding everyday campaign就拎左coupon 搵間日本餐廳試下.門口見到裡面有好多款日式野食🍣最後坐底就叫左天丼、三文魚沙律🥗仲有吞拿魚壽司卷.天丼有2 款。因為唔想夜晚食咁多飯就叫左$135 果款，平平地但好好食🤩裡面有天婦羅蝦、南瓜等.壽司亦都好出色.最後要讚的係店員的服務經常留意我地夠唔夠茶🍵餐廳整體經驗好正, 會再幫襯😋

海港城8-9月繼續推出購物送現金卷優惠，但折扣大減，食肆人潮在假日已不再洶湧。 前兩階段沒有選擇這家居酒屋，只因位置太好，就在 OTE 入口，估計取價進取，不過今晩還是決定一試，想不到很滿意，整體味道幾好，價錢可以接受，兩個人共花了$1333，可用4張$100美食現金券。 炙燒壽司盛 $368海膽手卷 $158*2鰻魚玉子燒 $92鮟鱇魚肝 $100免治雞肉串 $38*2燒地雞飯二食 $260我們坐在壽司吧，看着師傅們準備，身手敏捷，出菜快！ 炙燒壽司盛 $368通常在一般居酒屋吃壽司，我都會選取炙燒拼盆，因為不可能與 Omakase 的上乘質素相比，而且炙燒能提升肥美感，果然沒有令我失望，炙燒壽司盛的賣相及味道皆好。海膽手卷 $158*2非極品但亦甘香，如果手卷的紫菜能夠再脆些更好。鮟鱇魚肝 $100呢個唔多得，遠不及 Omakase 的幼滑中帶粉粉地的質感，比較硬，不過唔難食。 鰻魚玉子燒 $92蛋滑味道豐富。 免治雞肉串 $38*2沒有月見相伴大為失色，肉與軟骨的組合不過不失。 燒地雞飯二食 $260非常好吃，值得回頭，相信是日本雞，有雞味，肉質細緻。燒得香脆，調味剛好，飯亦香。

午餐朋友介紹今天去海港城內一間吃壽司，門口好多人排隊，按了號碼至少要等半小時以上，等了差不多35分鐘終於顯示我們號碼，但是門口帶位員工跳過我們的號碼，叫了後面號，我們覺得奇怪問原因，門口帶位員工無禮貌到極點，極度差語氣一口咬定話我們自己走開沒有聽見她叫號碼，是我們錯過要我們重新輪候，太沒道理朋友與她理論，她完全不理我們並且繼續放其他食客入內，最後是個侍應叫她先幫我們安排一下坐位。怎麼說我們都係顧客，服務態度令人相當反感。未食正餐先食了一肚火，什麼餐廳價錢高服務差，食物一般般。極上壽司盤$398～好一般同街邊十幾元一件無分別蝦天扶良$178～蝦唔新鮮，一陣雪藏味牛肉湯烏冬$145～湯太重味太鹹，牛肉太老，慶幸烏冬彈口好食

颱風天乖乖留在家看看美食照吧。這家位於海港城的うまい鮨勘，擴充後空間超級大，提供的Omakase set 也是cp值極高，不用一千就能吃到呢！叫2個omakase set更送心型刺身蛋糕，強烈建議生日或週年紀念來慶祝♡-お勧め握リ十三貫 $800𓂅 前菜為鮑魚拌肝醬·燒石垣貝𓂅 13貫壽司除了有入口即溶大拖羅、左口魚、爽口北寄貝、鮮甜海膽等餃常見的款式，亦有比較少見的沙鮻、新子、太刀魚、白蝦等。𓂅吞拿魚蓉手卷，裡面慢慢的魚蓉，吞拿魚味道好出，用料新鮮。𓂅鯛魚湯，濃郁魚味極鮮甜。𓂅甜品，芝麻或抹茶雪糕。-⁣お勧め串焼きコース $800𓂅 前菜為⁣枝豆·蕃茄，清新開胃。𓂅 然後會有大概10款不同部位的燒鳥，比較特別的有雞皮、雞頸、充滿軟骨口感的免治雞肉球等。𓂅 之後更有彈滑的燒原隻鮑魚。A4日本和牛油脂分布均勻而不膩。極推介虎蝦超多汁彈牙，好新鮮。想不到以這個價錢能夠吃到！𓂅雞白湯拉麵𓂅甜品-𓂅 鮨味心型蛋糕(原價：$198）只要惠顧2個壽司/串燒set就免費送哦！記得提前一日預定這個心型蛋糕好吸睛，上面佈滿粒粒新鮮多種類的魚生，而且對於喜歡刺身的我來說，生日收到的話會好開心！𓇥

早前與好友到海港城、來自日本築地市場人氣過江龍鮨勘吃串燒及壽司套餐, 兼有前菜、湯及甜品, 還獲店家贈送鮨味心形壽司, 若果要慶祝生日都很適合. 先說我的廚師推介串燒套餐(每位HK$800), 共13款串燒, 當中有本地三黃雞、日本A4和牛串、南非鮑魚及虎蝦.  先由前菜說起, 是爽甜白粟米、枝豆及蕎頭. 蕎頭清爽, 吃時拌入磨豉味的米粒, 好特別.由於是三黃雞, 雞味濃郁, 肉質嫩滑, 所有串燒都超好味!免治雞肉串以雞腿肉及雞軟骨而製, 肉質軟滑, 最喜歡咬下有卜卜脆雞軟骨, 再沾日本生雞蛋黃, 貪心地吃了兩粒, 一粒留給好友.  雞翼燒得香脆, 在面加少少鹽花, 更吊味!  啖啖肉雞柳, 再配自家秘製醬汁, 更是吃得滋味.以為是柚子胡椒, 原來雞胸沾了甜甜的醬汁、令人又愛又恨的雞皮、原來雞心的質感有點像雞腎, 不錯啊~ 雞頸肉都幾矜貴, 第一次食, 皮多肉少, 但有人就愛吃這位置, 帶少少爽脆.雞肝好油潤, 建議趁熱吃、雞下腿及大葱雞肉是我吃串燒必吃的, 這店也燒得很好, 雞皮脆而雞肉仍夠juicy、至於雞尾, 吃過就明白為何人們對牠的偏愛, haha.日本A4和牛串, 嘩! 燒得

每次經過海港城うまい鮨勘，都見到人頭湧湧，因為種類多元化，食材高質又鮮美，性價比高。 最近他們還全面擴充升級新和食，推出全新的兩款廚師推介套餐，只要惠顧任何2款廚師推介套餐，即可免費獲贈鮨味心形壽司乙個 (由即日起至10月31日期間，需提前一日預訂)，咁著數，所以就跟朋友來試試看。  2款Omakase 廚師推介套餐分別是 即烤串燒套餐 及 時令壽司套餐，HK$800一位，合理呀﹗  時令壽司套餐，配以前菜、手握壽司、手卷、鯛魚湯或蜆麵豉湯及甜品。 前菜是八爪魚沙律及鮟鱇魚肝配酸汁，擺款精緻，八爪魚咀尤其爽彈酸甜，好清新開胃。  13 貫款式不一的壽司，都是選用日本直送的時令魚鮮入饌，既定的有大鮪魚腩、中鮪魚腩、海膽、白蝦，而這晚的時令魚鮮則有赤身、小肌魚，帆立貝、金目鯛、赤陸、池魚、左口魚、石垣貝、魷魚海膽；每款都好合我心意，加上壽司飯份量恰當，可以完美地品嘗到魚鮮。  海膽甘甜鮮美，石垣貝爽甜厚肉；  池魚肉質爽口帶油香、赤陸魚皮滑溜，鮮甜無比； 大鮪魚腩口感豐膄，中鮪魚腩油脂甘香又軟滑。  接著是吞拿魚蓉紫菜手卷，幼滑吞拿魚蓉由頭帶落尾，非常足料。  口裡都是魚油香，這時再喝碗濃