一品螞蟻 (已結業)

今晚又再與幾位朋友到葵涌shopping，不經不覺行到差不多接近消夜時段，又攰又餓，隨意入了一間餐廳醫一醫肚...雖然已經九點半，但set dinner 仍有供應。想吃餐H (鐵板經典雜扒) 卻又不吃牛，結果一問之下原來可以將牛轉其他肉類，所以最後也order 了。餐湯味道可接受，但附上的意大利包硬如石頭。主菜以鐵板上伴以黑椒汁，肉類一般，主要靠掛上黑椒汁才有味道，可惜黑椒汁太少，吃到中途時已經無汁可沾。朋友選了C 餐（冬陰公鮮雜茵豬肉丸燴直通粉）配胡麻醬羅馬菜沙律。沙律上枱時大家也呆了一下，好清下！朋友說這個直通粉味道一般，唯獨是冬陰公味道都算對辨。

今天相約同事外出吃午飯，近來總是愛約同事吃飯，因為有些話不方便在公司內說，就只能在外吃飯時說。一品螞蟻一直都想來一試，難得同事能找到座位，當然要來一試。今天胃口不太好，所以要了個沙律餐，簡簡單單，味道又不錯，價錢也不貴，環境也坐的舒服，開心地過了一個午飯時間。*********************午餐套餐，沙律，餐湯和飲品。紅湯，以雜菜湯為主，沒有加入肉類，有點像意粉屋的紅湯，淡淡的蕃茄味，酸酸地，加入了些洋蔥椰菜和薯仔，酸得來都幾開胃。 三文魚沙律，份量不算很多，剛好今天不肚俄，三文魚是煙三文魚，不是很咸，肉質也不梅口。沙律除了有雜菜，還加了火龍果，以沙律醋調味，也是酸酸地都幾開胃，這樣可以清腸胃，感覺也不錯。 餐飲，凍檸茶，茶味不濃，淡淡的像英式茶味道，甜度也很適中，而且都幾大杯，整體來說是不錯的一個午飯。

有一品推介就試下個脆蝦薄餅同西班牙海鮮飯除了海鮮飯，其他食物都幾好食但個西班牙海鮮飯真係😢個飯又無味啦，又腥啦，好似完全無調味淨係得蕃茄味，鹹味都無。啲海鮮就無咩飯，但個飯就充滿腥味。仲要係2人份量，即刻覺得中左伏🙄

朋友話要揾個地方可以坐得耐啲又可以唔俾人趕唔限時就跟左佢地入一品螞蟻見個環境裝修幾好諗住食物都係點知原來我錯了Casual Dining 果然係Casual Dining 無論賣相同味道都好Casual所謂嘅香茅豬扒唔香無香茅味無豬肉嘅鮮味得落得太多鬆肉粉嘅質感同埋得個咸字一舊無靈魂嘅物體所謂嘅椰汁海鮮辣湯底無椰汁味更加無海鮮味當然亦無辣味我覺得係食緊濃縮版嘅史雲生豬骨湯所謂嘅米線都好彩仲有米線嘅形態但係眼見得果幾條食多兩啖就無其實係咪想人叫多幾碗仲有菜真係咁貴咩？以上失敗之作價錢一啲都唔Casual lol

無論午餐還是下午茶，每次經過都見到店內不缺客人，間中有也光顧，每次都會點同一種食物。來到一品螞蟻吃下午茶唯一的目的就是它 - 酥炸豬大腸。這個高膽固醇高脂肪的食物，真是對它又愛又恨。大腸炸到外面焦香而且乾身，內裡軟滑，肥而不膩，腸香突出而沒有豬的騷味，非常出色。其他的食物都只是一般般，沒什麼評價，飽腹就好，而且價格不高，可以接受。店內侍應各有各忙，唯一的好處是不會趕客，是個下午茶可以放鬆的好地方。

自從轉左新工，就同同事不斷去試新野，今次就試呢間 - 一品螞蟻。其實我呢間我試過佢既dinner set。今次就試埋佢個lunch set。就咁睇佢個menu 3拼連野飲(冷或熱) 連加一都係50幾蚊。都算抵既。order 左七味雞翼，香煎雞排，煙燻鴨胸肉片米線 + 熱華田。七味雞翼同米線係分開上既，講真雞翼真係麻麻地~凍既，而且冇咩味。食落d雞肉到  "鞋"既又有d乾。香煎雞排就唔太香，好似冇煎過咁,又唔脆，唔知係唔係浸左落米線到,浸得耐。個人覺得煎既野應該分開上，比食客自行決定落唔落去d米線到煙燻鴨胸肉片~淡而冇味~欠缺左果陣油膩既甘香味，但仍有些少口感，似食緊叉燒。反而d米線口感唔錯，個人幾buy 軟硬適中，又唔會太碎。杯華田就不過不失。

依日心情異常高漲+振奮同另一半講唔想煮飯..不如出去食pizza~佢話..是但啦!之前睇到"新都會廣場"有2間西式餐廳..食評都唔錯講真既..其實我對"新都會廣場"d食店~水準真係好一般之前間中去試新店~大多都唔掂! 連大集團都係(真係唔知點解?)原本揀左兩間想去既餐廳..另一半睇睇現場話No!咁隨意行..行下行下是但撞左入去"Ant One"食晚餐* * * * * * * * * *食店以簡約黑白色調為主~卡檯及部份座位設計寬敞舒適樓底好高~加上最高牆身係透明玻璃..觀感上好似更空曠不過著裙係上面經過~就比較要小心走光呢!我地點左2個Set Dinner~另一半要餐湯.."羅宋湯(跟上意大利包)"蔬菜都幾豐富..但味道唔夠濃郁~餐包軟綿綿..好實在感伴上"酸醋油醬汁"內仲有d酸青瓜粒~好開胃我要個"凱撒沙律"~蔬菜新鮮爽脆..芝士粉又夠多麵包粒脆口~醬汁份量剛好..整體清新好味另一半感冒..清清地點個"法式鮮茄汁雜菌雞絲燴扁意粉"($102)意粉軟硬度適中~醬汁剛好包裹每條意粉食得到鮮茄味~雜菌味道清淡原本出黎係想食pizza~但見到鹹豬手又想食香口野最終點個"鐵板黑椒德國鹹豬手"

我本身個人對食物已經冇乜要求，點知黎左呢度都覺得咩野叫難食……當曰叫左個忌廉素鱈魚天使面，一黎到……成碟意粉冇色，好似岩岩過完冷河既面咁，食落去確係一d味都冇架，好一兜完全未味又大碟碟既面，咁大碟我都唔知多謝定唔多謝好！-_- 另外叫左個牛扒，d質素好似茶餐廳質素，但係兩碟要成百幾蚊就真係唔抵啦！要專登打食評彈下佢，唯一好係食個環境，真係比呢樣呃左入黎，無下次ga la

中午1點幾，同朋友係葵芳見到一品螞蟻，外表睇落好似都幾ok咁，埋去試下月，一坐低，d座位好窄，坐得唔舒服，但內里裝修都唔錯，用左好多壓紋建築，一唔舒服小妹都覺得幾影響食慾，但朋友話想試下野食好唔好食，是旦啦，試下，我叫左豬排米線，椰香海鮮辣湯底，朋友叫左咖哩薯蓉魚柳蛋包飯，一心諗住個米線麻麻地，點知食落都唔錯，辣海鮮湯底因為加左椰香所以剩下好少辣，但就甜甜地，豬排外表唔討好，但咬落鬆化，口感唔錯，反而米線就一般，太軟，但整體都算ok la，相反朋友叫個嗰薯蓉魚柳炸得太多粉，魚柳好少，咖哩唔夠濃味，溝得太希，蛋皮太薄，我試下一啖已没有興趣，感覺完全係難食，呢間真係要改善下先得

晚上九點零同班朋友睇完戲, 諗住醫肚見唔洗等位,環境又ok 就求其入左黎環境都ok適合三五知己或二人撐枱腳就算一大班人都應該冇問題(泊埋d枱囉)望下個menu 都係d普通西式野 (雜排鐵板, 牛肋骨, 排拼大蝦, 果d)服務一般 個女侍應唔太友善 又唔係特別細心果種 但都隨傳隨到order左前菜 煙三文魚雜菜沙律 主菜 鐵板雞排配煙肉帶子串跟薯菜 餐飲 凍朱古力前菜完全唔得 d菜有苦味主菜 塊雞排唔係大件囉 薯菜份量好少 得5~8舊 食唔飽但個帶子串就唔錯 軟硬適中 餐飲 算係最好 朱古力味濃 又有少少甜 冰既份量啱啱好2230 last order 2300收舖citi bank 信用卡優惠 消費滿200減30,滿300減50encore 機會唔大 連加一扣埋優惠 是次消費 135

今日落得好大雨，幸好因約了男友一齊去食早餐，早了出門口得被過。 Ants one是我比較喜歡去食早餐的地方， 因為環境舒適，空間感大，令我有一種好relex的感覺，最緊要係可以輕輕鬆鬆的進食沒有被迫著走的感覺。 皮蛋排骨粥 + 腸粉排骨肉質軟軟諗，粥底夠火候，好入味，粥有綿綿的感覺。 而煎腸粉，只是醬汁多了許少，如可再熱一點會更好。 熱奶茶， 茶味夠濃，是精神的伴侶。 整體而言，價錢合理，不用加一。 環境舒適，可給我能有個偷快的心情上班。

午餐的時候周圍都無位，我們一行太多人，仲難搵位，跟住我們分開搵就去到一品螞蟻就好快有位，跟住我們入去坐其實都幾逼逼地。個午餐份量太小，基本一個男生根本唔夠食，而且味道太咸，要飲好多水。係個海鮮飯係好D，三文魚的份量係比例上多D，但份量亦是好少。千萬別點西瓜汁，因為他應該是西瓜水，因為西瓜汁好水、無咩西瓜味，好淡一D都唔好飲，仲要半枱人都點左，感覺好伏，不會再點。

某個星期二放左工，同男友去撐枱腳。果日商場比較多人，平時餐廳有位的，果日full到要等位。不過門口安排入座的經理好快手，有位即刻去收枱同安排我地入座。我地坐在近門口的位置等食物的時候，望見所有侍應都好忙。有D侍應好明顯係生手，上菜要望幾次紙仔(有枱號)，有D由疑。而我留意到有一個女經理都好快手，不停做。我大約等左十幾分鐘，就有食物上枱。男友碟意粉耐少少。而坐我旁邊亦有一對男女，同我地差吾多時間入座。我食左一半，佢地D野食仲未上枱。個男客人嗺男經理(安排入座的經理)，男經理即刻call 咪，叫廚房跟、上飲品。飲品上左後，佢地D野食仲未上。到我地差吾多食完，佢地先有野食，足足等左半個鐘，佢地都有D無奈。上菜時，男經理都有講吾好意思，同解釋因為焗野同扒要耐少少。個客人都接受。見到所有店員都好忙碌，都明白侍應做到無停手。估吾到星期二都咁多客人個男經理雖然無笑容(太忙碌)，但幾忙都即刻跟進客人的意見，又幫手執枱、收碟，讚~!食物方面雖然好多客人，但我同男友碟意粉依然好有水準~而我見有D客人食漢堡飽(新產品~?)，個漢堡飽有好多層，好足料。個飽仲大，份量足夠。好吸引食過吾少次一品，下次依然會食^_

對於一些食店，去過一次後，或者隔了很久才會去，不過又有些食店或者是會經常去的。當中以前者為居多。位於葵芳的一品螞蟻，是時間相隔了很久，才再到訪的食店。於第一次到訪時，當中味道儼如紅螞蟻的味道一樣，貫徹如一的，沒有兩樣。今次的到訪，是懷著與之前的相若的味道，是否與上次一樣呢？老實說，餐牌再不用多看，只知道品種是多了又新了很多，故不再把餐牌拍照下來。芝士汁焗西蘭花煙三文魚飯是今次的午餐，芝士焗西蘭花是一向西式的煮法，味道也是很夾的，一來芝士味道濃郁，西蘭花味道清淡而富爽脆，加上煙三文魚，味覺就豐富了，幸好煙薰味道不算太濃郁吧。一杯凍咖啡是為炎熱的天氣下降降溫，有著香濃的咖啡味道才是皇道呢！在午餐時間食飯，侍應真的很忙，就連侍應忙於鄰枱的服務，也要招呼在下落單呢！

與朋友相約到葵芳逛街每次都好頭痛要吃什麼，今天就選擇了一品螞蟻，畢竟之前沒有吃過，就試一試吧。我和友人都對香蒜欖油加州蕃茄乾雜菜炒意大利粉有興趣，兩個都叫了8號lunch set配西瓜汁。香蒜欖油加州蕃茄乾雜菜炒意大利粉上菜的時候已經聞到很香的橄欖油及蒜味，吃下去也很不錯，也有很香的菌味，而蕃茄乾就有點咸，但整體來說這個意粉是不錯的。西瓜汁比較少餐飲會配西瓜汁，甜度適中，也沒有太稀。總括而言意粉不錯，有機會下次再來葵芳的時候，可試試其也的lunch set!