一品雞煲火鍋

營業中

休息中

在外行咗成日，饑腸轆轆，突然好想食雞煲，係荃灣提到雞煲，不得不提的就是超出名一品雞煲。過去想食總是要排好耐，今次夜晚十點幾依然上坐率好高，不過終於都唔洗排隊。主角怎可以少得了秘製雞煲，未揭蓋就聞到陣陣香味，好吸引。揭蓋的瞬間各個都流曬口水，香飄四溢。雞肉燜得很入味，洋蔥亦燜得又軟又香。我們要的是小麻辣，配飯一流。配菜方面，火鍋點可以無我最喜歡的響鈴同豆卜，煮得耐汁都入曬去，正。不過黑椒牛丸好鹹，可能原味會好好多。蝦滑唔錯，鯪魚滑有陳皮唔係太鐘意。竹蔗甘荀汁够料够甜，大杯檸檬茶亦好過癮。最後五個人食咗$620，好食又唔貴，不愧是我最愛的雞煲^_^

這間食店不用多說, 相信很多荃灣友都認識該店, 我也是近來常客的一個!其實, 我曾經試過旺角、油麻地和深水埗的雞煲, 真係沒有一間能留得住我個口同胃呀!朋友生日, 我就介紹這間食店給他, 明知該店出名人多, 所以我醒啦, 晨雞咁早下午5點幾攞定籌排頭位呀! 當然, 所以咁咪好早就入得場開波囉!唔駛講, 先嚟一隻雞, 然後慢慢點其他餸! 由於今日有小朋友, 所以我們點的是小麻小辣.不得不提, 食雞煲真係要細火啊! 因為超易燶底! 另外, 食雞煲一定要點白飯, 加少少汁嚟食, 簡直係絶配! 單單撈汁送飯, 小朋友已經吃了三碗飯! 接下來, 他當然是收工早抖啦! 我們大人, 就慢慢享受雞煲的麻辣香.講真, 食完個雞煲真係有點飽, 但無耐為食嘅自己又好鍾意落鮮淮山, 連同雞汁的味道, 真係好爽口野味啊!蝦滑和墨魚滑也是我的至愛! 再來一杯啤酒杯大的凍檸茶, 正呀!由於我不食牛, 所以不能告訴你們牛丸的味道, 但朋友說最差係黑椒牛丸, 所以成碟好似未食過咁……其實令我最唔鍾意嘅係, 身上和頭髮一直有雞煲味, 久久也散不了!

夜晚好夜先至想食嘢，所以就同朋友提議去食一品，因為佢哋凌晨三點先閂門，環境坐得舒服，雖然佢有抽風系統，但食完都會成身打邊度嘅味道，佢個雞煲好好食，三個人以下可以食半隻雞，每次我都會叫中辣，雞肉餣得好入味，加埋洋蔥同配料，入口感覺是先麻後辣，另外佢個墨魚滑同埋蝦滑超級好食，兩個都好彈牙爽口，我極力推介，而最後通常我都會叫一碟娃娃菜吸引個湯既精華，叫個白飯加埋湯汁，一點都冇浪費！

某星期五晚上同男朋友係荃灣揾晚飯食，經過眾安街一品雞煲，好香好想食，但太多人排隊了 (當時大約8:30點)，店員建議我地去大鴻輝地庫全層之分店排隊會快D有位，我地去到後等了約15-20分鐘就有位啦。地方很大，沒有太多裝飾，比較簡單，有D噪，坐底後點了一個微辣既雞煲(一定要叫DD辣的雞煲，會野味D) 及一些火煱配菜。呢度d姐姐好醒好快手。 2個人order了半隻雞煲，個汁好香好雞肉入哂味，少少辣更加野味，記得要叫dd辣呀! 食完七七八八個雞煲之後，加咗湯之後就變咗火煱湯底啦!好濃! 正!2個人唔係叫咗好多野，芝士腸，蓮藕片(爽!:yummy ，竹笙 (吸哂d汁，正!:like ，美國肥牛 (好新鮮!:excited ，生蠔 (麻麻地)及唐生菜等等...

琴晚第一次試這间火鍋, 諗住多人排隊食一定正嘢, 坐下問吓有嘜正嘢, 店員話雞煲!咁我就依店員推介試下店宝, 食第一口, 感覺一個字"鹹"。醬料超鹹, 雞煲超多油! 勁失望。我個女兒一边吃一边講好鹹飲嘢, 莫非餐店想客人叫多D嘢飲整鹹D。😰😰😰

雖然已過天寒地凍 食雞煲之良時 但對美食的堅持是不分時限季節架😤所以到依家 天時暑熱之際 我和朋友卻跑去食雞煲了我對雞堡沒什麼大研究 無研究比較過邊間美味啲但我其中一位朋友堪稱是半個雞煲達人！佢同佢愛人食過好多間雞煲店👍其中 佢最推薦呢間一品  今日 終於一試熱辣辣天氣食雞煲呢啲叫「走在天氣的尖端」🎉雖然久仰大名但今次係第一次食雞煲味道不錯,充滿住麻子,洋葱,汁比較濃味同甜由於我遲到 不知朋友們叫了什麼辣應該係小辣 因麻辣味除了頭幾口外都不太重味雞肉都算多既 上左枱煮左陣 服務生話食得啦跟住一行4人便起筷 第一件食落有點怪極度懷疑未熟 但事實上原來真係未夠熟呢大家都發現未夠熟 所以再煮多陣再食 哈我地4人都中了服務生的伏呢 食半生雞感覺不太好其實 但以雞件未夠熟 又未吸收汁情況下發現沾汁食都OK惹味既 啲汁幾正 但唔夠麻同辣食哂D雞就加雞湯打邊爐啦 🍲叫左幾樣火鍋料 如豬牛肉等火鍋料未見突出但算叫新鮮 一行4人 3人飲酒 都飲左10枝大啤酒 少少誇張可能飲得算多酒 即使食唔多埋單都要成$900蚊基本上算係有中上既級數 偶然一試都ok既 最緊要 今餐同朋友吹水開心又滿足嘛👍又無人會煩住我

今晚係4人幫的聚會, 朋友推介呢間雞煲, 說這裡的麻辣雞煲唔錯, 好似我呢D食唔到麻辣的也能接受, 既然如此, 就豁出去 我哋叫咗個少麻的秘製雞煲 (半隻), 雪花肥牛, 響鈴, 蝦滑併墨魚滑, 油麥菜各一客及法國K1664 Blanc白生啤2大杯.先講個雞煲, 起初入口真係覺得麻麻地, 唔好誤會, 係麻辣個麻. 但食耐咗, 又覺得佢甜甜地, 易入口又野味. 即使加咗幾次湯都依然好味.雪花肥牛同油麥菜都唔錯, 不過響鈴就沒有想像中的脆.我一向對啤酒的接受程度都好低, 因為啤酒有種苦澀味. 但朋友介紹呢隻法國K1664 Blanc白生啤, 飲落唔知點解好似飲緊竹蔗茅根咁, 好易入口. Size都係驚人的, 一杯2人share剛好.壓軸的蝦滑併墨魚滑至係全晚的高潮, 兩滑每個差唔多有拳頭咁大, 又爽又鮮, 雖然要成$88, 但覺得好值, 好好味!!!

是日朋友聚會，朋友推介這店雞煲真係無介紹錯，雞煲唔會太麻辣，可能叫左少辣，不過食食下不止有辣味，仲有酸酸甜甜既味道，食到淨一兩件雞，我地就加湯啦！打邊爐湯底好正有兩個鐘限時，電腦落單感覺好先進，下次都會再黎幫襯

數到荃灣最出名既雞煲一定係一品，由細細間開到大大間～都依然可以大排長龍，真係西利～係門口已經遠遠聞到好香既雞煲味，等左15分鐘坐低即時左一隻少麻少辣雞先，先食完雞件再算，好多時我寧願剩係叫雞都唔叫其他野，因為價錢其實差不多２百數一隻雞等於兩碟肥牛，叫個白飯撈汁先係最慳皮識食！基本上係連汁都唔會浪費，直至最後一啖～一隻雞４碗飯岩晒２個人食有凸，因為飯其實好細碗＄１０碗，所以２碗只係正常份量。平時我都會當普通晚餐咁來食，價錢同西餐差不多，好好味！

一向都有食開一品雞煲，今次叫左中辣少麻，唔知係咪少麻關係，今次好鹹，所以下次都係食返多麻！呢度雞煲材料十足，好香，但幾濃味，所以唔鍾意食濃味同怕鹹朋友，可能未必喜歡！！2個人食只可以叫好少野~響鈴~~尚可以，還有些小脆口，而且唔會炸到好油，所以乾身薯仔片~~入晒味，食雞煲必選手切肥牛~~好新鮮，有牛味紫洋蔥~~可惜係紫洋蔥，如果係白洋蔥會好味d枝竹~~都新鮮，靚仔，又係雞煲必選，入晒味，正！總括荃灣食雞煲選擇少，所以呢度始終比較好。

話說當天青蛙跟媽媽及表弟去了一年一度的美食博覽血併後,由於表弟晚飯想吃雞煲, 於是青蛙就選址比較熟悉的荃灣''一品雞煲火鍋''!!''一品雞煲火鍋'' 的總店青蛙光顧了數次, 每次水準穩定。今次則第一次試大鴻輝分店,想不到17:30就可以入座呢, 讚呀!! ^^該分店地方夠寬躺﹑座位與座位之間有距離,而且卡位數目亦多﹑紫色背靠夠高, 私人度足夠。由於入座時店員已表明限時兩小時,所以我們先下單要一份小辣的細雞煲。才剛下單, 雞煲便轉眼奉上, 果然夠效率呀!待雞煲滾起後, 餓壞了的我們立即開動!!雞煲的醬汁濃香﹑味帶甜; 雞件夠嫩又入味, 一貫的好吃。表弟靜靜地不斷低頭密密吃,就知道他對這個雞煲非常滿意 ^^V見雞肉差不多吃完, 隨即下單點火鍋配料,一於加湯打邊爐!!!每次都必點的蝦滑與墨魚滑,依舊爽口、彈牙、勁鮮味!!!好吃指數爆燈呀 ^^再來又是必點之物- 烏冬它們選用的烏冬質感帶少許煙韌,而且煮耐了亦不會變稠, 很捧!!去年跟豬大人在總店試過一次響鈴,當時覺得即使沾上湯汁吃, 仍酥脆可口。可是今次有點失準, 筷子一夾已感覺不脆...沾上少許湯汁已經顯得非常腍身。吃得肉多, 是時候吃些

朋友介紹話lai呢間一品雞煲食...之前都聽過不少朋友話一品有一定水準...星期六客人都真係比較多,, 都等成約45分鐘先入到座....  好在同朋友吹下水, 都好快過 一行5人,, 先叫左杯大青檸水$29...  食雞煲無野飲,, 真係會好濕濟 !!呢杯野好大杯, 又解渴 !! 幾好幾好 !!叫左1隻雞 小辣 小麻... 隻雞好滑, 唔算好辣 而麻辣都好香 !!! 太正喇 !!配料方面... 我地叫左美國雪花肥牛, 墨魚滑 - 超彈牙, 仲要墨魚粒蝦滑 - 超彈牙, 好好好味 芝士丸魚皮餃雲吞 - 唔好味, 真係可以唔好叫響玲卷 - 好正芋絲娃娃菜枝竹 脆鯇魚片 - 好爽口, 但無乜鮮味可言最後埋單每人$175 結論: 係好味gei, 絕對可以一試, 但未去到咁到人都吹捧個種好味 !!!

由於家人生日的關系，我們一家係呢間餐廳訂左十位就慶祝屋企人既生日，因為屋企人鍾意熱鬧，所以就簡左呢到。 當我一入來既時候，都估唔到有咁多人係到排隊，人氣都真係幾誇張。 當我地屋企人一坐低果陣時，傾傾下先發現原來呢間既雞煲係特別出名，所以我地就好快咁落單，希望試下係咪真係咁好食。 因為屋企人食辣程度唔同既關系，我地就簡左一個小辣同埋一個中辣既雞煲。好快，d雞煲就上場啦，雖然d雞辣味十足，但係唔知係咪因為我地屋企唔鍾意食花椒既關系，大家都覺得麻麻地，而隻雞又唔算特別滑，同普通既冰鮮雞真係唔大分別。不過個汁都算幾入味，d雞都食到個汁既味。食完隻雞，就緊係要點火鍋配料啦，配料同平時打邊爐既鋪頭差唔多，不過個湯底用雞煲既汁都真係別有一番風味，都算係幾特別既。 食後感: 可能筆者對配料無太大的好感，所以覺得雞煲唔算太特別，但係個汁都係好入味，仍然值得一試!

「孩子的一天很快過去，一年卻很慢長。成人的一天很慢長，一年卻轉眼過去。」又一個月，又是每月一聚之時候。「返璞歸真，回到過去。」《一品雞煲火鍋》，是我們追捧的店子，它獨特的麻辣更是令人難忘。雖然雞煲熱潮漸漸冷卻，兼正值炎夏，卻無阻嗜辣之士到來吃辣的意欲。（反正是在室內地方吃雞煲，店子的冷氣還要頗強勁，哪有炎不炎夏之分嘞？！？！）這次七人（另有一人有事沒來）來到位於大鴻輝中心（舊英皇）的新店…以前好像只有傳統雞煲，士別多多多多多多多多多多多多多多多多日，現在多了牛什雞煲、鮑魚雞煲供選擇。周邊的競爭多了，又確是需要多點改變來吸引食客。不過，我們要最傳統的雞煲就好了。點菜紙，是畫格仔的方式啊，哈哈，「好似細個考試咁～」ps. 友人到來等位時（大概等了半小時，辛苦了！），輪候票上還印有QR Code，掃瞄後可以手機參看輪候情況，「好high tech呀！！！」。同場加影，友人的日本手信！！！！（激激激辛唐辛子辣椒粉及菠蘿果醬）啤酒、汽水，這個是肯定的喇…沒多久，雞煲出場喇，一隻雞份量，中辣多麻（$188）。ps. 除了辣度外，現在還可自由選擇多麻或少麻耶。於電陶爐上滾一滾、翻兩翻…ps. 舊店是

兩個人食一隻雞煲，今次返璞歸真，食白飯！微辣味道大部分人都接受到，不過隻雞比較細，肉少一點。唔知係唔係上次叫半隻d 雞會大d，定係成本上漲。食到一半加一份油麥菜，最後放少少水(剛剛蓋不過面餅就夠，唔好太多)煮埋個雞汁出前一丁，好正！