一汁一菜 (源成中心)

營業中

休息中

雖然餐廳都幾多客，但係坐都坐得幾舒服，裝修感覺都係好溫馨舒適，就算自己一個人食都唔會覺得好尷尬。睇完Menu之後就覺得好多選擇，好多小菜都好想試，最後加加吓就加咗好多嘢，但係每一樣嘢令我都幾滿意，食完就係覺得好舒服。‣ 法式龍蝦濃湯 ＋$10湯底味道濃郁，但係唔會太鹹，而且都幾多小龍蝦肉喺入邊，而淡忌廉都令個湯品口感更加順滑，我對龍蝦湯真係冇抵抗力，特別鍾意嗰浸龍蝦味同埋鹹香。‣ 玉子鰻魚丼飯 $79鰻魚燒得皮酥肉嫩，完全唔覺得腥，而且無骨，蒲燒醬嘅份量都恰到好處，唔會因為太過多而令到成兜飯太甜又或者太鹹。而玉子嘅蛋香同埋甜味令到丼飯多種份柔和嘅口感，呢個價錢係講我覺得都幾合理，而且份量都唔算細，食到我勁飽。‣ 香印青提特飲 ＋$20餐廳嘅調味都偏向比較自然同埋清新，特飲都唔例外，但係正正因為佢唔算好甜，所以成餐飯配合起嚟先覺得好舒服。青提再加梳打不嬲都係一個冇得輸嘅組合，酸酸甜甜先開到胃繼續食嘢。‣ 和風雞肉燴厚揚豆腐 ＋$15食豆腐嘅時候就更加覺得好有日式家庭風味，口感好溫潤，雖則係厚揚豆腐，外皮略微帶脆，但係食落去嘅時候都好輕盈，我都好鍾意佢嘅和風雞肉，淡淡嘅日式醬油香食落去真係

今日觀塘APM行街，見到對面呢間日式料理相當不錯，就決定買外賣返屋企食。菜品選擇非常多，可以自由配搭唔同嘅套餐，自由度非常高。最後揀咗兩個和風定食 （主菜、湯/飲品、小菜、米飯）每份$75，都相當抵食。北海道產甜粟米雞肉豆乳濃湯：非常之好飲嘅一碗湯，非常之濃厚Creamy，甜甜的，材料豐富，除咗有極大量嘅香甜粟米之外，仲有雞肉、西蘭花、紅蘿蔔等，淨係飲個湯已經大滿足。厚燒玉子：三大件玉子燒賣相同味道都相當對板，口感紮實綿密，味道甜甜的，真正日本口味。和風雞肉燴厚揚豆腐：炸豆腐上淋上醬油雞肉碎，甜甜的，非常開胃。雖然叫小菜，但份量一啲都唔少。自家製野菌醬燒和牛漢堡：和牛漢堡一大塊，牛味相當濃郁，肉汁豐富。加上醬汁味濃，仲有好多菇，呢個主菜非常好味。野菌味噌豆乳雞扒：雞扒大大件，味噌味香，送飯一流。值得一提，日本米飯的確係幾好味香甜。最後仲有一杯蜜桃紅茶，茶味香濃，飲得出蜜桃的酸甜味。個人一向鍾意日本料理，呢個外賣幾啱口味，幾有日本家庭式風味。

之前食過一汁一菜嘅外賣，覺得好好食😋呢間係觀塘開源道嘅分店第一次幫襯，估唔到仲有得堂食🤩入面嘅裝潢好有日式feel，仲播住啲輕音樂，成個感覺都好舒適好慢活😌餐牌選擇都好多，包括有唔同嘅定食套餐，例如係主菜定食（$65起）/咖哩定食（$69起）/自選沙律定食（$69起）等，感覺好健康同埋真係有好多選擇😛🔻揀左個丼物定食（$89起）包括有湯/茶再加一個丼物☺️湯就揀左個小盛嘅8種根菜雞肉豆乳濃湯，入面有唔同種類嘅蔬菜，仲有啲雞肉，飲落有好濃郁嘅薯仔湯味🤓👍🏻丼物就揀左完熟蕃茄野菌燴牛肉丼飯，有啲蕃茄汁餸飯，仲有唔同種類嘅菇，牛肉燉到好軟身😻另外+$15加左個小食 — 和風雞肉燴厚揚豆腐😸豆腐上面有啲肉碎同洋蔥，用黎餸飯都好好食😼最後就加左+$20濃厚焙茶布丁作結😍焙茶味好濃，布丁好滑😊🔻覺得呢間餐廳真係好舒服，同埋食物選擇夠多又好健康，好唔錯！😀

以一碗湯一個主食的飲食哲學提供輕便簡約的日式洋風輕食，適合附近打工仔買外賣返公司食個light lunch ～完熟番茄野菌燴牛肉丼天氣咁熱一於揀啲酸酸地開胃既菜式。啖啖肉既牛肉同茄蓉送飯一流，配菜仲有西蘭花紅蘿蔔，令賣相加分仲多左纖維。最驚喜嘅係呢道燴菜裏面有切左條狀既野菌，甘多款蔬菜平衡左牛肉既油膩感，健康得黎又惹味。濃厚焙茶布丁日式甜品就非布丁莫屬。除咗有蛋香，巧妙地將焙茶的風味融入柔軟Q彈的布丁中，滑溜可口，茶香迷人。一汁一菜提拉米蘇咖啡味香而不澀，忌廉幼滑，蛋糕夾心、同忌廉相間，口感細膩飽滿，酒味比較淡，小朋友食都可以。

♡♡♡📍一汁一菜 (源成中心) (觀塘)觀塘開源道64號源成中心地舖去觀塘接朋友收工，唔想下下都apm食飯咁悶，沿住開源道行，都開左幾多有質感嘅食肆🙂‍↕️🙂‍↕️今次揀咗呢間日系和風菜，成個裝修都幾舒服，啲菜式都好温馨～🍽️ 高麗菜野菌豆乳濃湯朋友好鍾意豆乳湯，佢話呢碗湯好多菜同野菌，而且飲落去好清新，唔會油淋淋咁。不過因為真係好足料，所以成碗湯都偏稠身嘅🥰🍽️自家製野菌醬燒和牛漢堡扒野菌醬少少酸酸地，中和工原本有少少油膩嘅和牛漢堡扒，就啱啱好！因為野菌醬帶有少少酸味，真係好開胃🤤好容易就食哂一碗飯🙊🙊🍽️檸檬忌廉雞肉咖喱日式咖喱好啱啲唔食得辣嘅人😆😆成碟飯好有咖喱嘅香氣，但係就唔會有辣味，更加唔會辣到難以入口🙈而且加埋檸檬，係咖喱嘅香味加上檸檬香，成件事好清新，又有啲家常菜嘅味道🤣🍽️ 濃厚焙茶布丁（配豆腐雪糕）最後加購咗個甜品🍧焙茶布丁質感類似雞蛋布丁咁厚，食落仲帶有焙茶味，都幾特別🙂‍↕️而豆腐雪糕就偏輕身同清淡，淡淡豆腐味配埋焙茶布甸🍮都幾有驚喜🙌🏻

今日中午路經呢間裝修好似幾企理嘅日式餐廳食個快lunch，佢旺角朗豪坊間分店都有食過一次，印象中豬軟骨主菜幾唔錯，日本米嘅白飯都好食，但前菜、主菜份量唔多，個湯都係味道偏淡。諗住連鎖日本(概念)餐廳，分店質素唔會太參差，點知就中晒伏😓我哋兩個人每人叫咗一個主菜套餐，湯就叫咗粟米湯同野菌白湯，湯料幾多，但個湯好似啲即沖湯包咁，好淡。主菜叫咗豚肉壽喜燒同南蠻汁雞扒，個壽喜燒煮到好似關東煮咁，完全唔係壽喜燒！但最離譜係個南蠻雞扒，份量好少，個汁只可以用鹹、酸、辣嚟形容，好似用辣椒豆瓣醬煮出嚟咁，勁難食！完全唔敢相信日本菜會有啲咁嘅味道(後來Google呢間連鎖餐廳其實係本地嘢，唔係日本品牌)。仲有另一樣野，我哋都幾肯定佢一定唔係日本品牌，就係裝飯個碗崩嘅！崩到會𠝹損口嗰種程度，我哋仲發現唔只我哋其中一個「中招」，係隔離枱個客人嘅飯碗同樣都係崩得好明顯，試問一個真正嘅日本品牌點會容許呢啲事情發生呢😏於是我哋食完同店員反映，個碗崩咗，店員即時呆咗，然後「哦」一聲就走埋，完全無跟進，如果係有受訓嘅日本品牌嘅店員一定唔會係俾呢種反應客人。總結，人均近$100嘅午餐，得到呢種食物質素同服務態度，只可以

知道呢間主打日式咖喱同埋湯，但係竟然有自選沙律😯想食健康啲所以就嚟試吓自選沙律 四款食材 ($59)好多唔同嘅食材可以選擇，蛋白質選擇好多！仲好有份量，揸上手勁重😆▫️自製香烤雞肉 - 係唔柴嘅烤雞肉！調味都夠唔會冇味▫️煙燻鴨胸肉 - 肉好腍，但係比較多肥膏同埋皮，如果冇咁多皮就好啦▫️烤豬手 - 都係好腍 烤得香▫️吞拿魚沙律 - 唔會好多蛋黃醬嘅吞拿魚沙律，夠輕盈醬汁可以另上👍🏻 醬嘅份量都唔少，焙煎胡麻沙律醬香濃，想要清新啲嘅可以揀蕃茄蒜香沙律醬🍅—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $60-100 𝗉𝗉 (takeout)🌟 𝗈𝗏𝖾𝗋𝖺𝗅𝗅 7.5/10📍一汁一菜 Ichijussai觀塘開源道64號源成中心地舖

行完APM去搵嘢食，一落電梯係開源道行前少少，見到馬路斜對面有間日系幾精美嘅餐廳，上網睇下資料，係日式嘢食，都幾啱口味😍所以就去試下啦🤓睇menu佢有唔同嘅定食同唔主菜嘅選擇，都多嘢揀，今次第一次嚟就試下佢推薦嘅和牛漢堡扒同南蠻和風雞扒定食先啦😊1. 自家製野菌醬燒和牛漢堡扒定食 ($89）#北海道產甜粟雞肉豆乳濃湯先講下個野菌醬先，有好重嘅梅味，酸酸地好開胃🤩和牛漢堡扒都厚，同個醬好夾🤤而個香甜粟米湯好濃同好足料，裏面好多西蘭花同雞肉，食完成個定食真係好飽😋2. 南蠻風味雞扒定食 ($89） #高麗菜野菌豆乳濃湯#石窯麵包南蠻風味雞扒定食就無叫珍珠米，叫左一款叫「石窯麵包」嘅包試下，嚟到時個包熱辣辣，質地好煙韌，搣開嚟點汁食😋，唔食飯都多個選擇🤭而個南蠻風味雞扒重點都係個汁度，甜甜辣辣，唔會太辣幾惹味😋酸菜減少啲油膩感，用嚟點包食唔錯👍🏻至於個湯，大半碗都係野菌同菜，足料👍🏻好滑同重豆乳味，推薦！3. 提拉米蘇 （$49）最後仲叫左個甜品提拉米蘇，超濃咖啡味🤩層次分明，cream打到好滑😋為呢餐打上完全句號😝

🥣 自選4款沙律🥣：💰$59一入門口就見到雪櫃有多種色彩繽紛既蔬菜，勁吸睛，落單都係自選，真係花多眼亂！底部係新鮮混合沙律菜，大塊爽甜、凍西蘭花夠爽口、厚切粒狀煙蜂蜜火腿有咬口，仲有煙熏味配點蜜味，日本蛋沙律好多蛋黃醬🤩吞拿魚沙律肉感重，醬可另上，配埋柚子鰹魚醬酸酸地，有微微鰹魚味，好refreshing！🥣自家製野菌醬燒和牛漢堡扒🥣：💰$99套餐加$10轉法式龍蝦濃湯，較多小龍蝦肉，仲有雜菜粒，唔會好稠，調味同龍蝦味剛好，唔會太咸蓋過龍蝦鮮味。
自家製野菌醬汁酸酸甜甜，少似茄汁，有少許菇菌，和牛漢堡扒肉質軟念，配田牧越光米，好快就食晒喇！套餐簡左杯蜜桃紅茶，微糖，好滿足呀。🍮濃厚焙茶布丁🍮：💰$39焙茶味超濃郁，口感creamy，布丁頂部深色最濃味，如果唔沾咁多糖漿就會冇咁甜，可個人調節。

依間舖頭之前開咗好多分店，咁啱今次經過觀塘唔知食咩好就入咗去。門面裝修好搶眼，就喺APM對面而且好近地鐵站。室內環境好闊落，而裝飾都好清新日系，俾人一種好舒服嘅感覺。 餐牌都清晰易明，而且全部都有圖片。主要係可以自選唔同菜式配搭， 有飯/湯煮/主菜/小菜/甜品等等，但係對我呢啲有選擇困難症嘅人嚟講，睇咗10分鐘餐牌都未揀到食咩。最後好彩佢有個二人set，比起就咁單點抵食啲。特選二人前 $208🫕湯法式龍蝦濃湯日式帆立貝大根豆乳濃湯🥗小菜吞拿昆布拌秋葵🍛主食南蠻風味雞扒+田牧越光米濃香牛肉野菌咖喱飯🍹飲料蜜桃紅茶烏龍茶🫕法式龍蝦濃湯賣相同味道都唔錯，龍蝦味道算幾濃，而且龍蝦肉都有幾舊。🫕日式帆立貝大根豆乳濃湯本身以為豆乳味會好濃，但係味道比較想像中淡。加上個湯本身唔夠熱，所以冇比想像中好飲。🥗吞拿昆布拌秋葵認為小菜賣相一般，但味道都唔差，不過就冇咩驚喜。🐔南蠻風味雞扒味道普普通通，而且份量偏少有啲失望。🍛濃香牛肉野菌咖喱飯份量都幾大，而且咖喱汁入邊有薯仔，洋蔥，紅蘿蔔，野菌唔同配料，醬汁味道都唔錯用嚟送白飯一流。整體而言店內環境同服務都唔錯，食物雖然精緻賣相唔錯，但味道個人認為係一般般。

平時放工經過一直想試下佢地既濃湯！餐廳秉持着日本嘅飲食哲學，套餐提供一碗湯，一道小菜，一碗飯，定期仲會推出提供季節食物! 👍🏻👍🏻室內採用日式淺木色系為主調，舒適感大增❣️今晚晚餐：🍚玉子鰻魚丼飯🫕法式龍蝦濃湯🥃蜜桃紅茶🍮喫茶店雞蛋布丁配雪糕招牌龍蝦湯賣相已經好吸引🤤🤤味道好香濃，而且濃稠度啱啱好！大大碗而且配料都唔少！食到有龍蝦肉添!👍🏻👍🏻鰻魚飯亦冇網上講到咁細份啵!🤔鰻魚肉質厚身! 鰻魚汁配合飽滿嘅日本米飯! 很OK!🙆🏻‍♀️雞蛋布丁味道濃郁! 豆腐雪糕味道都幾出!作為飯後甜品！令成餐飯好完滿🩷🩷

最近有二聲咳，感覺身體需要一點元氣所以今日午餐時間，就去咗“一汁一菜 ICHIJUISSAI” 食返個營養均衡又精緻既和食法式龍蝦濃湯龍蝦湯濃稠度適中，鮮味濃厚，加上忌廉，飲落更加香滑，淡淡龍蝦肉，龍蝦肉爽口彈牙，好滿足玉子鰻魚丼飯賣相相當吸引，鰻魚肥美厚身，配搭燒汁一流，鰻魚下面有大大件厚切玉子，食落有驚奇，厚身玉子，口感香滑綿密，日本飯粒粒分明，軟硬適中，今日成個丼飯都係超水準，好味🤤蜜桃紅茶普通蜜桃紅茶，甜度固定，但唔會太甜，套餐除咗有蜜桃紅茶，仲有日式綠茶可以選擇濃厚焙茶布丁（配豆腐雪糕）甜品係第二個胃😂食完飯就要食返個甜野先，大人細路都鍾意食嘅布丁係必然之選，滑嫩軟Ｑ的焙茶布丁🍮茶味出色濃厚，布丁QQ彈彈，加上焦糖糖漿既豆腐雪糕，多層滋味perfet match黎到夏天 有時都想fresh fresh一下下次要試下佢個自選沙律先🥗

今日去咗觀塘一間叫「一汁一菜 」嘅餐廳嗌外賣，呢間日式食餐廳喺觀塘最繁忙嘅開源道，既有外賣又有堂食，堂食座位寬敞，採用簡約嘅日式裝修風格，坐落幾舒服；而餐廳有多種套餐嘅配搭，例如小菜定食、主菜定食、咖喱定食、和風定食同丼飯定食，顧客可以用唔同嘅價錢自由配搭唔同號嘅選項。🍊 玉子鰻魚丼飯鰻魚肉質肥美，份量唔算多，玉子味道香甜，丼飯用咗日本珍珠米，白飯粒粒分明，整體嚟講過晚魚丼飯屬於正常發揮🍊 高麗菜野菌豆乳濃湯湯頭充滿濃郁嘅豆乳味，質地濃稠綿滑，配料豐富，有野菜、蘑菇、紅蘿蔔等蔬菜，係充滿纖維嘅一個餐湯🍊 日本白桃意式奶凍呢個甜品都幾特別，頂層有半個白桃，食落軟身無渣，中間有一層透明嘅啫喱，底層係口感順滑嘅桃味奶凍，食落口感豐富，整體味道唔算太甜，作為飯後甜品唔錯📍觀塘開源道64號源成中心地舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

揀左個玉子鰻魚丼飯lunch Set包括鰻魚飯+日本帆立貝大根豆乳濃湯+ 凍蜜桃紅茶怕唔夠飽所以額外叫多左豚肉壽喜燒，因為單叫任何主菜類食物都係$35，我覺得小菜黎講係幾值得一班人一齊share。不過都比較要有選擇技巧，豚肉壽司燒份量偏多，有蘑菇芋絲豆腐豚肉，如果揀漢堡扒只有一個就冇辦法share。但豚肉既肉味都好濃。依度主打應該係湯，龍蝦試過，今次飲豆乳濃湯，依舊偏稠身，有唔少湯料，而豆味都算明顯。飲完都有啲飽肚至於鰻魚飯，比較中矩中規，鰻魚偏香口，但真係要小心啲骨！甜品布丁之前夜晚食想試但賣晒，今次lunch試下焙茶味，茶味都比較明顯，但外圍口感偏實，食到中心位置偏淋，有種"半熟"口感，又未於流心🤣但都幾好食

成日經過想試好耐，難得今晚唔係好肚餓，就同朋友黎一嚐日本輕食。店內裝修簡潔，以木系風格為主，企理雅致，店員亦親切友善。特選2人前$208法式龍蝦湯味道濃郁，入口順滑又creamy，仲食到粒粒彈牙爽口蝦肉，超級驚喜。期間限定的墨西哥風牛油果雞肉蔬菜濃湯，配搭好新鮮，未飲過牛油果湯，味道酸酸辣辣好開胃，仲食到粒粒牛油果同雞肉，仲冇好多蔬菜如三色椒蕃茄等，健康滿分。豚肉壽喜燒好豐富的材料，有入味的鹵豆腐同芋絲，仲有好多片豚肉，肥瘦均勻，切成薄片好易入口，味道甜甜入味，送飯岩哂。田舍鯖魚味噌煮冇咩骨，味噌味好出，簡單煮法，已經帶出鮮味。豚肉丸子豆乳咖哩飯日式咖喱一向偏甜唔辣，配料例如薯仔紅蘿蔔吸哂咖喱汁，超級入味，丸子口感似豆腐，好得意的配搭，而且份量十足，兩個人分享都夠食。日本米飯珍珠米飯粒粒分明，軟硬適中。包冷熱茶類飲品，如紅茶、綠茶同烏龍茶。濃厚焙茶布丁$39估唔到焙茶同布丁咁夾，口感綿密，雞蛋味都好濃郁，外有一層焦糖醬，甜度適中，完全唔會食到茶的苦澀味。📌一汁一菜（源成中心）地址：觀塘開源道64號源成中心地鋪評語店員友善好客食物選擇眾多🐵推介🍌🍌🍌🍌🍌（5🍌為滿分）#foodie #美