一鍋蜂 (已結業)

         是日與兩個朋友相聚，友人們表示不想吃韓日、西式等料理，唯有簡單咁揾間中菜餐廳。想起公司同事之前同我推薦咗一鍋蜂，近近地幾就腳，所以前去一試。小店裝修簡單，環境舒適。我哋點咗煎肉餅、豉汁炒涼瓜同首創頭抽雞三個餸。         首先上咗煎肉餅先，肉餅煎到金黃色，好夠份量，食落軟脆香甜，鮮嫩味美，可以保持到肉汁。豬肉肥瘦比例適中，唔油膩。首創頭抽雞——雞味濃郁，食得出係新鮮家雞而非雪藏雞，肉夠爽口，加頭抽更加突出雞的鮮味。豉汁炒涼瓜——無咩特別，但勝在份量足，豉汁好香。

今日係公公75大壽，我哋一家人約埋幾個親戚去一鍋蜂食飯，事先訂咗間包房，坐得舒服D。呢度環境舒適，服務員又好nice。叫咗幾個餸，味道都算唔錯。宜家同大家推介返幾道菜。蝦好新鮮，豉油味道啱啱好，唔會太過鹹，保留咗蝦的鮮味。炸鍋嘅蝦皮脆肉嫩，又唔會油膩，超級好味！聖子大大隻，夠新鮮，處理得好乾淨，肉質脆口又足味，搭配微辣又香濃的豉汁，好食呀！滿滿一煲，豬腳肉質鮮美，膠質豐富，口感軟爛彈牙，沒有油膩感，豬腳燉煮過程中釋出的肉汁香濃，是一道酒飯皆可的美味菜肴。回鍋肉肥瘦度啱好，加香干同尖椒椰菜一起炒到夠鑊氣，辣辣地食落好舒服。芥蘭脆卜卜，牛肉唔老，好嫩口。藕片爽脆可口，雞腎好入味，略帶小小麻辣味，好開胃。這餐飯大家都食得好滿意，雖然係小店，但D嘢食風味十足，唔同一般茶餐廳貨色，有點水準，不錯！

       今日有同事生日，約埋幾個啱傾的同事一起慶生。大家尊重壽星公的意願，食中菜，於是琴日已經book定公司附近一間中菜餐廳。收工後一行6人去這間餐廳“一鍋蜂”。        一共叫咗6個菜，雖然是小店，但辣菜同有些特色小菜還是有點驚喜的。        脆皮炸大腸：大腸清得乾淨，切得非常大塊，外層炸到脆口酥香，內層口感不會覺得韌。        水煮牛肉：份量不少，味道麻辣鮮香，牛肉滑嫩適口，同時牛味不會被麻辣味完全蓋過。吸收過湯汁的芽菜、青瓜等蔬菜味濃汁厚，撈飯一流。         蔥爆豬肚：肉质厚实，口感爽脆無腥味，唔會苦苦地，嫩而不生，好清香，很下飯。        生炒骨：生炒骨炒得外脆內嫩，鑊氣夠，咬落口有肉汁，甜酸醬汁濃度啱啱好，送飯一流。        上湯豆苗：豆苗顏色嫩綠，味道清香，爽脆可口。        菜脯肉碎煎蛋：色澤金黃，外焦香內鬆軟，菜脯脆口，味道鮮美，酒飯皆可。

        是日去土瓜灣接女朋友放工，順便在呢區食完晚餐再返家。平時同佢出街食親都係韓國菜同日本菜，今次轉下口味食返中餐。我哋唔想去食太興、翠華等出名的餐廳，因為都食咗幾次，想試下其他小店，所以上Openrice揾附近的中菜食肆，揾到呢間“一鍋蜂”，見到菜色幾吸引，於是決定就揀呢間解決今晚這餐飯。        我哋6點幾去到，可能去得算早，里面暫時的我哋一枱食客。食緊時陸續有其他食客入黎，生意幾旺。餐廳內部整潔寬闊，環境都算唔錯。        睇完menu後，我哋叫咗頭抽煎豬肚帶子同黑椒蒜片和牛粒兩個小菜。兩個菜都值得推介！               帶子同豬肚份量好平均，而且都夠新鮮。豬肚食落無腥味，口感爽脆；帶子size夠大，外表煎至金黃色，稍微帶點香脆，肉質嫩口，夠彈牙，特別加咗香醇濃郁的頭抽顯得整道菜口感更加好。        蒜片炸到好香脆，蒜味極濃郁。和牛粒外層有焦香味，內部肉質軟綿鬆化。黑椒味同牛肉味混合甘香十足，食落口無渣又有點咬口，是一道惹味的菜式。         兩道菜好好味，我同女朋友都清曬盤，估唔到小店都有咁高的水準，下次食中菜又多一個選擇啦。

        之前有朋友同我推介了土瓜灣九龍城道一間中菜餐廳“一鍋蜂”，話哩間餐廳菜式多樣，味道不錯，所以今晚即興約咗兩個老友來試食下。        餐廳門面普通，內部裝修亦算簡潔，但勝在夠闊落，坐得舒服。侍應服務態度都幾好。有位友人比較好辣，所以佢點咗個麻辣豬肚絲，揀咗小辣，方便我同另一個朋友都能夠食到。另外點多兩個菜，分別係生煎蓮藕餅同韭菜花炒鹹肉。          先講，豬肚清洗得好乾淨無腥味，切絲均勻，煮到柔軟爽口，調味的麻香和辣味有滲入豬肚之內，加上有青瓜的清爽口感中和返，完全沒有油膩感，小辣的辣度都控制得好好，好惹味。        再來係，蓮藕做底，切到厚薄適中，口感爽脆，上層的豬肉煎得好香，食落唔肥膩，口感豐富。擺盤精美，令人有食欲，值得推介。        最後上，韭菜同鹹肉比例啱好，唔會有菜多肉少的情況，鹹肉肥瘦啱好，味道適中，都不錯。        飯後感想：哩度菜式的確豐富多樣，仲有一些特色小菜，尤其辣菜值得推介，好惹味，友人都覺不錯，可惜今晚不能一一試盡，唯有等下次再約多幾個三五知己一起來食啦。

          琴晚約咗三個牌友夜晚開枱，牌局係土瓜灣進行，所以朋友就係附近揾餐廳食晚餐，最後係九龍城道睇到有間餐廳個名好得意，叫“一鍋蜂”，於是就入去試下啦。    椒鹽九肚魚——椒鹽好香口惹味，炸粉好薄而且不油膩，九肚魚炸至金黃色好脆口，連魚骨都可以食到，魚肉結實不易爛，鬆軟滑口。   蒜蓉焗肉排——有非常濃郁的蒜香味，肉排肉香四溢，外酥里嫩，風味十足。      蔥燒海參——大蔥爆到好香口，搭配含豐富蛋白質同膠質的海參，有很高的營養價值；海參夠肥美，吃起來口感柔軟卻不失彈性。     粟米瑤柱羹：營養豐富，色澤細膩，稠而不粘，味道清淡，入口甘甜潤喉。偶然來食呢一次，同牌友都覺得D食物味道有水準，唯獨係賣相差咗小小，可以在呢方面再俾D心思就完美啦。

     因工作關係，晚上帶著很疲倦的身體同partner在下班地點附近揾一間餐廳食一個簡單晚餐後就回家休息。估唔到因此揾到一間價廉物美的餐廳——一鍋鋒。「松茸魚肚燉老雞」松茸肉質肥厚，味道好鮮美。魚肚清香，嫩滑，味道香醇。雞湯燉得好夠火，三樣加埋一齊，好有營養，味道好鮮甜，值得一試！！「豆豉鯪魚油麥菜」豆豉鯪魚本身已經風味獨特，再加上爽脆的油麥菜一齊炒，更加惹味可口，值得一試。「豉油王炒麵」廣東的特色小吃，份量夠多，色澤黝黑明亮，麵條爽滑彈牙，加上芽菜，十分爽口。值得推薦。

土瓜灣一直都出咗名多食肆，但又唔同於其他旺區咁都係清一色的食店品牌，呢度每一間小店都有自己獨特的風格同味道，令人心嚮往之。這晚同兩個朋友在土瓜灣行完街想搵嘢食醫肚，經過九龍城道，見到有一間餐廳名幾得意，叫“一鍋蜂”，上網search咗下，原來係一間中菜餐廳，新開咗半年左右，於是決定入去嘗嘗鮮。店鋪門面簡潔，室內都無乜特別的裝修，但勝在闊落，坐得舒服。我們叫咗3個小菜，分別係：椒鹽鮮魷  鯪魚球豆腐煲  回味脆牛展椒鹽鮮魷即叫即炸，魷魚新鮮彈牙，炸粉不厚，魷魚炸至金黃色，外酥內軟；鯪魚球豆腐煲D鯪魚球好大粒，可以食到魚的鮮味，爽滑彈牙，加上豆腐同生菜，味道十分鮮甜； 回味脆牛展咬勁十足卻易嚼，點埋醬汁辣辣地，好味！總體上講呢間餐廳食物味道尚可，服務亦算周到，而且仲有好多菜式，湘川粵齊全，值得一試。

又辛苦了一週，終於可以好好地透一日，難得放假唔想自己煮飯，於是同屋企人一齊去屋企附近新開的一鍋蜂點左幾個小菜一邊傾一邊食。一鍋蜂小炒王：熱辣辣咁端上臺，香氣撲鼻，韭菜加上腰果·魷魚一起炒材料多，夠鑊氣，好惹味、豉椒南瓜蒸排骨：肉香撲鼻，軟爛適宜，豆豉和剁椒的結合把排骨的味道提升的很香很下飯，口味微辣，味道無比鮮美椒鹽魚腩：魚腩酥香，外脆裏嫩，魚肉特別彈牙兼嫩口、難得是小菜這樣平也堅持即叫即炒，上檯時還是熱辣辣夠鑊氣。食物有水準又如此抵食，強烈推薦！！

上個月忙到死，連情人節都唔記得咗，搞到第二日先買返一大束花氹番BB，到咗尋日先去補返餐情人節晚飯。今年搞搞新意思，唔去食西餐，改為食中餐。由於趕住去黃埔睇戲，又怕嗰度啲食肆排長龍有排等，所以去咗土瓜灣附近搵嘢食。聽啲同事講最近試過嗰度附近有間不錯又唔貴嘅菜館，就同BB去試吓啦！入到去，可能見到我哋係情侶，店員就安排我哋坐窗邊的二人枱，初時都覺得好逼夾，但坐落之後，原來都好有情侶座feel。除咗環境，對我哋嚟講最緊要梗係啲食物好唔好食啦。我哋點咗沙拉骨同上湯豆苗兩個菜。沙拉骨：肉邊脆卜卜，肉質滑嫩，炒得夠鑊氣，酸酸甜甜都幾好味。如果沙拉醬再多D會更好。上湯豆苗：湯汁好濃郁同鮮甜，豆苗色澤青嫩，可口。今次只係食咗兩個菜，味道都唔錯，我見到呢間仲有好多菜式，下次會再推介朋友一起來食。

今晚唔理男朋友，約咗班同事出去大喝大食。晏晝只係食咗個杯面同飲咗罐可樂，下午已經好肚餓啊，所以要搵間又經濟又實惠嘅菜館，擦翻一餐。早兩晚開完OT放工去搭巴士，都經過一間菜館，地方唔算大，但都總算光猛。見到周圍食市冷清清，唯獨此間坐滿大半，所以今次我提議大家去試一試。可能因為早嘅關係，好容易搵到位。我哋一坐好，店裏面的樓面已經問我地係咪第一次來，我心諗咁又點呀，原來佢係想介紹我哋菜館有咩嘢好食，咁誠懇嘅服務，我都係第一次見。喺佢嘅介紹下，我哋食咗芝麻雞，清蒸大沙巴龍躉，鹹魚雞粒豆腐，清炒菜心芝麻雞——外脆裏嫩，大隻多肉，芝麻好香，肉亦嫩滑有味！清蒸大沙巴龍躉——好大條夠厚肉，蒸的岩岩好，條魚又好新鮮，味道好贊。鹹魚雞粒豆腐——濃味多汁，味道極鮮，食唔到鹹魚腥味，超級送飯。

鍾意周圍搵嘢食嘅我，同鍾意睇韓劇嘅女朋友，今晚冇嘢做凍冰冰費事喺屋企煮。我話食中菜，佢又話要食啤酒炸雞，最後差包剪揼，女朋友贏咗，但係竟然今次聽曬我話去食湘川菜，真係抵錫，因為平時佢好少食辣菜。屋企附近有間環境唔錯，鋪面整潔嘅中菜館，之前都食過，今次見到有新菜式出場，是湘川菜，啱晒我呀⋯⋯今次只同女朋友兩個撐枱腳，所以點咗兩個菜：湘式回鍋肉同北菇鵝掌煲。先講回鍋肉，由於女朋友唔係好食得辣，所以辣度方面揀咗小辣。回鍋肉半肥半瘦，口味較重，拿黎送白飯好夠味，而且特別開胃北菇鵝掌煲：兩個人食份量有點偏多，鵝掌同香菇燜到較冧，食落口感好膠滑，都值得一試。

琴晚約左幾個朋友係附近球塲打羽毛球，成身大汗，更衣室冲完個涼之後，大家都諗緊去邊度醫肚，上網睇下附近有咩食。我搵到附近有間食中菜，就走去試吓。一入到去，地方尚算闊落，有兩張大枱，啱晒我哋一班人。見到推介介紹特價菜和湘川辣菜，就叫黎試下...其中有幾味餸值得推介椒乾栗子燜泥鴨--鴨肉好大舊，肉質鮮嫩，栗子同鴨肉味道結合恰到好處，非常可口辣子藕片炒雞腎--雞腎的口感很好，加上入口爽脆入味的蓮藕一齊炒，再略帶一些麻辣，好開胃鹹魚雞粒豆腐--濃味多汁，食唔到鹹魚腥味，超好味

是日同兩個老友相聚在一鍋蜂食飯。中意食辣的我們點左水煮魚片同乾鍋肥腸兩個辣菜，辣度就揀了中辣。水煮魚片用芽菜作底，魚片好大舊，份量夠多，入口感覺好嫩滑好新鮮，又辣又麻。乾鍋肥腸加左三色燈籠椒下去炒，色澤鮮豔，肥腸爽滑煙韌，勁道十足。最後再叫左個豉汁涼瓜中和下辣味。哩道菜味道都算ok，但覺得如果再加埋鯪魚一起炒會更加惹味。

住係土瓜灣既我，當然要約埋幾個老友一齊來試下fd有推介既餐廳啦，首先來個冰鎮話梅涼瓜開下胃先，鍾意吃海鮮既我當然要試下啦，聖子爽口彈牙，再來個龍蝦伊麵，龍蝦生猛，肉質鮮甜，值得一試！