一鼎‧台式火鍋 (MOSTown新港城中心(4期))

營業中

休息中

今日我同我同事去咗馬鞍山附近做嘢，佢突然話要去食火鍋午餐。我就俾佢拉咗去新港城中心嘅一鼎·台式火鍋食午餐。🍲推薦一下呢間係一人一鍋嘅火鍋店。我哋兩個各自點咗一套一鼎殼飼牛套餐，$229一套。我點咗QQ骨膠原湯底（膠原豬王骨鍋），有助於皮膚彈性同埋關節健康，啱晒而家養生嘅我。而我同事點咗紅燒火牛湯底（紅燒和牛湯鍋），集合咗濃郁、鮮美、微甜嘅味道，絕對令人回味無窮。我哋嘅套餐主打肉類一鼎殼飼牛肉，塊塊肉香軟嫩，口感豐富。呢度仲供應好多台灣小食，其中我最鍾意嘅係紅糖炸麻糬。香脆可口，令我豎起咗我嘅大拇指。任食咗90分鐘嘅我哋非常滿意呢頓午餐！

馬鞍山最近新開了一家台式火鍋放題，終於有機會一試了。我們點了$289 「90分鐘澳洲200日穀飼牛吃到飽套餐」。整體超級滿意，肉類新鮮，台式小食款式多，仲有好好飲既台式飲品，是家超有誠意的餐廳！湯底：大推紅燒火牛湯底，濃郁牛肉湯底配牛肉火鍋超適合。另外朋友點了養生的QQ骨膠原。調味：超有誠意，台式調味料比之前係台灣食仲要多。我試了水果醋，好fresh。肉類：8款肉供選擇。當中最愛澳洲200日純穀飼牛，牛味濃，油脂均衡。驚喜竟然有牛舌。另外讚一下花雕雞，鮮嫩非常。台式小食類：台式小食種類多到我地試唔晒。我們點了地瓜球、梅香地瓜條、黑糖炸麻薯、酥炸菇菌、蒜味小香腸等。每一樣炸物十分出色。另外仲有紅燒滷水和滷肉飯等主食。台色手搖：每人可選一款台式手搖。黑糖珍珠牛乳和香水爆檸兩杯都超足料好飲，絕對唔係hea做。另外出面仲有好多其他飲品選擇。最後當然整番杯雪糕埋尾！今期係愛文芒味，為整頓飯錦上添花！

今日午餐嚟到馬鞍山搵嘢食，被呢間標榜火鍋配料、飲品同甜品都無限量供應嘅餐廳吸引過去～佢哋嘅menu真係好豐富，係一人一鍋嘅自助火鍋🤩 菜單有好多種選擇，搞到我呢個選擇困難症患者真係好愁啊⋯⋯最後我揀咗$229嘅「一鼎殼飼牛」，入面有令我無法忘懷嘅澳洲純和牛～和牛嘅肉質十分嫩滑，鮮嫩多汁，真係入口即化啊🥰仲有湯底有8種選擇，我揀咗QQ骨膠原湯底。呢個湯底係用豬骨熬製而成，味道真係夠香夠濃，口感十分濃稠但係又唔會太油膩，令人想一口接一口咁飲👍🏻話係一人一鍋嘛，朋友就揀咗同我唔一樣嘅湯底，佢揀咗特別嘅燻鰹魚湯底，呢個湯底真係非常獨特，有陣濃郁嘅燻香氣但係又能帶出鰹魚嘅鮮味，好鬼正喔！呢間店仲供應咗各式各樣嘅小食，我點咗煉奶炸油條同三星蔥燒串花枝，我同我朋友食到真係飽到走唔郁，非常推薦大家嚟試吓，好抵食啊～

馬鞍山開咗依間舖睇過啲Menu好啱食，所以想食好耐，今日約埋朋友去呢度食！呢個朋友本身好鍾意食牛大人😂😂😂好豪爽加咗個椰子雞湯 加$29 但係加原湯唔知係咩意思，加咗$9個湯底好似唔係好重椰子味，不過當中嘅蓮子馬蹄幾好食幾新鮮 不過整體而言食兩個鐘真係好趕急，因為我食得比較多菜，佔個碟好多位，又要又要花時間，拎上嚟又要攤凍吓先食到！我自己食得比較小肥牛、朋友食得好飽，因為佢食嗰啲肥牛就咁淥10秒就食得🤣🤣我諗我total食埋一碟左右㗎咋途中要去商場廁所都用得多時間因為我食嘢比較慢，又唔可以即刻食，好似自助餐熟食咁 所以兩個鐘嘅話真係太趕急享受唔到不過問心而言，呢間啲嘢食真係幾高質㗎 ！仲有手搖 但係原來佢清場之前半個鐘就會截咗單，我都唔知唔 等我個friend叫我叫嘢食叫嘢飲我都話一陣先啦仲有時間 搞到叫唔到杯芝芝芒芒同埋甜品有啲遺憾🥹🥹朋友個碗好靚仔極度喜歡呢度嘅滷水非常高質！唔會因為係任食而降低質素，牛筋初頭嗰啲好腍，不過注意返嗌一嘅話 係一條㗎咋海鮮正常！最期待最特別嘅瀨尿蝦其實我好想狂食 但係嗌咗兩隻之後就冇時間食同埋再嗌 始終剝殼好困難但係佢啲肉好實好高質😍😍😍我要多一個鐘食

今日去咗馬鞍山新港城中心一間叫「一鼎‧台式火鍋」餐廳食火鍋放題，我哋嗌咗一人$289嘅澳洲200日穀飼牛吃到飽套餐，總共食90分鐘。餐廳嘅環境乾淨，自助區嘅衛生程度理想，而且係一人一鍋，有6-8款嘅火鍋鍋底可以選擇。我哋嗌咗蕃客為主同紅燒火牛兩個湯底，蕃客為主有濃郁嘅鮮蕃茄味同菠蘿，令到個鍋底帶有酸味，非常開胃；紅燒火牛用咗多種藥材、牛肉、牛骨同牛脂熬製而成，成個湯底充滿濃郁嘅牛味，啱晒用嚟煮牛肉；湯底滾到咁上下可以自己添加豬骨湯，比加清水更濃味！肉類最推介一鼎穀飼牛、澳洲純和牛、特級牛舌同澳洲200日穀飼牛，全部都係薄切，牛味幾濃郁，QR code下單後嘅上菜速度都幾快；自助區有多款蔬菜、丸類、粉面類同飲品，仲有自助雪糕機，可以整杯裝或筒裝嘅牛乳雪糕或芒果雪糕；另外仲有多款台灣小食，當中包括我最鍾意嘅滷肉飯；每人仲可以限嗌一杯台式飲品，我哋嗌咗牛奶冬瓜茶同百香果三重奏，飲品唔算太甜，可以中和火鍋嘅油膩。📍馬鞍山鞍祿街18號MOSTown新港城中心(4期)2樓2001號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

今天去同事慶功宴，發現咗意外好食嘅台式火鍋店【一鼎‧台式火鍋】😋我揀咗【QQ骨膠原（膠原豬王骨鍋）】，飲咗第一口，真係太絕咗！肉骨香味十足，湯底帶有濃郁清甜嘅味道，一級棒👍仲有【澳洲純和牛】，牛肉真係讚不絕口，太有嚼勁咗😍刷咗湯底嘅牛肉更加鮮美可口，多汁，食得津津有味。我仲點咗【黑糖珍珠牛乳】，濃郁嘅焦糖味帶有Q彈嘅珍珠，只能講火鍋配奶茶絕配！呢間店嘅食物真係太驚艷我咗！價格公道，食材新鮮，係食火鍋嘅好地方😘

今日同男友去食晚飯時，意外發現咗一間位於馬鞍山，好好食嘅火鍋店【一鼎·台式火鍋】，我哋都好鍾意呢間店嘅食材，所以推薦畀大家🤤我點咗【QQ骨膠原（膠原豬王骨鍋）】，濃鬱嘅豬肉香味，令湯底甜而不膩，特別可口美味！男友點嘅【燻鰹魚（海苗鰹魚清湯鍋）】，魚肉特別柔軟，咬起來特別順口滑嫩，鍾意食鰹魚嘅朋友們絕對唔可以錯過！仲有【澳洲黑安格斯殼飼封門柳】，配上豬骨湯嘅精華，就變得好鮮甜多汁，而搭配鰹魚湯就特別柔嫩，入口即化，雖然係搭配唔同嘅湯底，但牛肉嘅鮮味依舊保持，真係回味無窮😍😍😍我哋整體嘅體驗都好鍾意，服務生亦都好友善，下次打算帶家人一齊嚟品嚐！

見新開鋪諗住試吓，但覺得員工服務態度一般。當日隔離枱客人似乎是員工的朋友，然後員工光明正大地送咗似乎不屬於佢哋餐入面，比較高級的牛肉比我哋隔離枱客人，令到隔離左右比足價錢的客人都覺得有啲尷尬。。好似做咗傻仔。而且員工不停在和顧客朋友傾計。。。有啲影響其他食客，例如我哋枱上菜速度比較慢，以及大家都被迫聽佢哋的傾偈內容。希望只是個別例子😓呢間火鍋放題都不算太便宜，而且要收服務費，下次應該會選擇性價比更高，服務更好的餐廳。食物質素方面就一般，可能同牛魔差不多的感覺，如果追求味覺享受可以去其他餐廳，但呢度主打食到飽，可能不能要求太多。

一鼎今日聽朋友講馬鞍山開左間新開既一人一鍋自助火鍋，今日見放假米同老婆去試下，去到剛剛開舖，已經有人等位入去，一人一鍋最好，自己鍾意咩湯底就咩湯底，唔駛爭。我地叫左個$269澳洲200日殼飼牛吃到飽套餐，揀左（麻辣鴨湯底）同埋（燻魚汁湯底），依個價錢仲有好多款牛選擇，有榖飼牛/草飼牛/安格斯封門柳/200日純榖飼牛。另外仲有好多小食，鹽酥雞/牛三寶/麻辣魚皮/黑糖麻薯/魷魚仔/另外最重要最重要係有即沖手搖飲品，香港真係冇一間自助火鍋🍲店有即沖手調飲料，味道同出面飲既一樣。甜品佢地竟然有部軟雪糕機，有3.6牛乳/台灣芒果2種口味。總結：以前係屯門食過一次已經念念不忘，估唔到今次係馬鞍山都食到，超開心又正🥰#馬鞍山#火鍋#放題#任食#美食

📍好少會過嚟馬鞍山 行經見到有新開張優惠🥳 午市90分鐘吃到飽套餐 做緊2人同行 1人半價promotion🔥 餐廳主打台式1人小火鍋 有8款秘製湯底可以揀 裝修簡約光猛 空間感十足 全程都播緊台灣流行曲 好有feel! 🌀 澳洲200日純穀飼牛 90分鐘吃到飽套餐 套餐包括多款豬牛羊肉類+ 前菜+ 台式滷水小食+ 台式炸物🍤 亦設有自助蔬菜🥬及丸子類區域～ 最值得讚係 除咗免費區飲品之外 仲配有 1️⃣杯台式手搖飲品🙋🏻‍♀️🔅 湯底: QQ骨膠原湯底 & 麻痺鴨骨膠原湯底用咗大量豬骨+雞骨熬製而成 豬骨湯頭鮮甜濃郁 配搭菜/肉都好適合 保持到食材嘅原味! 麻辣湯底用咗秘製香料 辣度幾高 不過做到麻辛香3種層次 好惹味🤤🔅 肉類包咗多款肉類 有一鼎/ 澳洲200日純穀飼牛/ 特級牛舌/ 澳洲黑安格斯封門柳/ 丹麥梅花肉/ 澳洲草飼羊/ 台南花雕雞...竟然有2款穀飼牛供應 因為飼料以大麥同小麥為主 油花分佈更平均同多 口感更加軟嫩 我就鍾意個豬五花 肥瘦適中無羶味 配麻辣湯底超好食! 🔅 前菜及台式炸物小食有齊各款夜市小食 鹽酥雞/甜不辣/地瓜球/台式小香腸/台南獅子球等🙌🏻 炸物都炸

一鼎係上月新開嘅台式火鍋店，除咗有唔同任食套餐之外，連台式飲品都有得任飲。有四種級別嘅餐可以揀，我就揀咗$339嘅120分鐘澳洲200日純穀飼牛套餐。湯底一人一鍋，分別係紅燒火牛同埋呷醋豬，牛湯似台灣牛肉麵湯底，豬湯酸酸哋。先來幾碟小食開下胃。滷水牛筋夠大舊，軟滑入味。三星蔥燒串花枝蔥清香彈牙。藤椒虎皮雞爪惹味刺激。紅噹噹蝦球成粒荔枝咁樣，火紅脆粒包住蝦丸，外脆內彈，出面啲中菜一碟起碼一舊水，呢度任食。試咗三款牛肉，分別係澳洲純和牛、澳洲200日穀飼牛、澳洲黑安格斯封門柳，切得較薄，淥十秒就食得，唔會太油膩。值得一提嘅係青花椒牛舌，香濃爽滑，令我食完又食。海鮮方面，海蝦同大蜆夠新鮮。另外仲有唔同花款嘅海鮮滑，例如粒粒蟹子花枝滑。飲品有茶、汽水等基本選擇，但呢度就當然要叫主打嘅台式飲品。全部都可自選甜度、冰量，即叫即沖，百香果三重奏清新，黑糖珍珠牛乳濃郁順滑，香水爆檸酸香清爽，芝士琥珀最出色，芝士奶蓋鹹香綿密，茶香醇厚。📍一鼎•台式火鍋馬鞍山鞍祿街18號MOSTown新港城中心（4期）2樓2001號舖

朋友同我講喺馬鞍山呢一個嘅美食沙漠開咗一間台式嘅一人火鍋，就喺新港城中心，咁近地鐵站，一於去試吓😋🥘鍋底 一人一鍋，鍾意食咩就落入自己個鍋度，啱晒我呢啲好揀飲擇食嘅人，咁今次就選擇咗蕃客為主同埋QQ骨膠原湯底，骨膠原湯底即係豬骨濃湯，濃濃嘅豬骨味，真係煮咩都覺得好食，至於蕃茄濃湯亦都好特別，加入菠蘿烹調，食嘅時候會更有鮮甜嘅味道🍄‍🟫台式小食 台式火鍋又點可以唔試埋台式小食呢，呢度嘅台式小食種類有好多，包括有酥炸菇菌、古早蒜味小香腸、古早鹽酥豆腐、一鼎鹽酥雞、台式甜不辣、三星蔥燒串花枝、手作地瓜球、辛師傅招牌韮菜餅、九層塔花枝丸、台南獅子球、花蓮藕墨魚滑同埋紅噹噹蝦球，基本上唔使思考，叫晒黎食絕不後悔，好似置身係台灣夜市咁🥩澳洲200日穀飼牛 澳洲黑安格斯封門柳 澳洲穀飼牛嘅肥瘦適中，牛肉肉味濃郁，食落去口感一流，至於澳洲黑安格斯封門柳，肉質鬆軟嫩滑，牛肉味會更濃，建議呢兩款牛都要叫晒黎試🥤台式飲品 餐廳除咗提供汽水任飲之外，亦都包括咗唔少任叫嘅台式飲品，咁今次就叫咗黑糖珍珠牛乳同埋芝士琥珀，黑糖珍珠甜度恰到好處，珍珠彈牙，配埋濃香滑溜嘅牛奶，正到爆，至於芝士琥珀，上面嘅芝士奶蓋，簡直

2024年7月3日 星期三今晚同老婆入左馬鞍山買嘢，順便食埋個飯先走係新港城中心見到呢間餐廳好似新開張左無幾耐，而且我哋對上一次打邊爐都已經係幾個月前，心癢癢之下就決定比一次機會佢入去之前需要首先選擇揀邊一個餐，有四個套餐提供，最平$299就有交易，而我哋就要咗120分鐘既第二個餐，因為比起第一個餐價錢只係差少少，不過可以食到嘅食物多好多入到去坐低咗可以自己掃QR code落單，見到湯底都有好多選擇，而且名稱都比較特別，由於可以一人一鍋嘅關係，所以我同老婆可以要兩款唔同嘅湯底share老婆要既係蕃客為主，一嚟到已經聞到好濃郁嘅蕃茄香味，仲見到火鍋裏面有蕃茄片添，飲咗一啖個湯底，發覺味道酸酸甜甜幾清新，完全可以化解到火鍋嘅油膩感至於我就要左呷醋豬，其實係酸菜白肉鍋，成個鍋放滿晒白菜同豬肉，仲有杞子，味道酸酸地幾開胃，唔需要點醬汁都已經好夠味調味料區都放滿咗好多唔同嘅調味料可以自行調配，想要辣嘅有指天椒，而比較特別嘅係有海鮮酸辣汁同台灣水果醋汁，兩款都從來未試過，味道幾特別，用嚟點海鮮同肉都唔錯另外自助食物區都有唔同嘅食物選擇，無論丸類或者菜類都有，仍然冰凍代表十分新鮮小食方面餐廳都有提供

朋友家附近有間 一鼎‧台式火鍋 剛開張，想約我去試試，今次選擇了 澳洲200日純穀飼牛吃到飽套餐 $339，可以吃120分鐘。有飲品區、部分火鍋料、醬料、雪糕機等，連水果也有。套餐包括幾款茶飲任點芝士琥珀，芝士奶蓋豐盈幼滑，茶味香濃，味道好夾香水爆檸，好足料，青檸味十足，相當清新。黑糖珍珠牛乳，奶蓋經火槍輕輕燒過，賣相一流，美味奶蓋配黑糖牛奶很不錯。每人一鍋好方便蕃茄beef酸湯鍋，微辣帶點酸爽湯底包了青藤椒牛舌，薄身嫩滑，味道帶點麻。QQ骨膠原，養生肉類主打是牛肉，另外也有豚肉、羊肉及雞肉。牛肉顏色鮮紅相當新鮮澳洲純和牛肥瘦均勻，質地較薄，入口嫩滑澳洲黑安格斯封門柳肉味濃澳洲200日純穀飼牛、一鼎穀飼牛 大塊有點厚度，少許嚼勁牛肉味香濃。丹麥梅花肉 肉味清甜，好有驚喜海鮮有鮮甜海蝦、好厚的帶子熟食也有多款台灣小食選擇，如香辣的台灣鴨血、脆脆地瓜球、九層塔花枝丸、滷水牛筋、金錢肚等。

今次我地黎到馬鞍山玩，主要想黎千色店行，新港城中心呢度都好大，好多野睇，但馬鞍山就人稱美食沙漠，見到呢間台式火鍋午市有二人同行一人半價優惠，咁抵食就不如試下🤓澳洲200日純穀飼牛餐（$289）呢間火鍋店係玩一人一鍋既，所以湯底我可各自揀，我地一個揀台式麻辣鴨血湯底既麻痹鴨，一個揀蕃茄湯既蕃客為主，兩款都係店內推介，我地都覺得揀得無錯👍🏻牛肉方面我地呢個餐屬於第2貴既級別，黑色盒既分別係澳洲200日穀飼牛，澳洲黑安格斯封門柳，就係呢個餐先嗌得既，質素同白色盒既比會鮮色d，脂肪都靚d，我覺得鐘意食牛既都值得嗌呢個級別🐮自助區既火鍋配料都有勁多款，要有既丸類，炸魚皮，蔬菜都有，值得一提既係有蜂巢豆腐同埋皇帝菜，呢兩樣對我黎講係驚喜，比較少放題店有得食🤩除左火鍋食物之外，佢地仲有唔同既台式小食，我自己鐘意既就係青麻椒辣魚皮，辣辣地又爽脆，任食真係掂，一鼎鹽酥雞係熱辣辣即炸，好食，而古早鹽酥豆腐就比較特別，外脆內軟都唔錯👏🏻飲品方面自助區有罐裝飲品任攞，最正係原來係度食，係包一杯佢地品牌既手搖店一鼎茶，我地揀左黑糖珍珠牛乳，同埋香水爆檸，兩杯手搖飲品都好飲，淨係呢度都值$30幾，抵呀😆最後唔少得