三德素食館 (僑冠大廈)

營業中

休息中

日期：2008年2月25日人物：麥太，陳太，羅小姐，阿A＆阿M陳太生日當然要出黎慶祝下喇！我地選擇左哩一間，清清地嘛，叫左個特價自選套餐$398：有一個湯同五個餸，一碗飯，哩埋ｄ前菜，埋單：HK$492．１．竹笙蟹玉素翅：好足料既翅，幾彈牙．２．五柳仙斑：芋頭做既魚，好味哩．３．菠蘿咕嚕素球：酸酸甜甜，ｄ肉做得好似．４．椒鹽蠔仔脆豆腐：哩個係幾碟之中最似既一味餸菜，又似蠔又似魚，仲有ｄ鯹鯹地味添啊！５．鑊仔花姿鮮竹浸菜苗：清清地．６．潮式欖菜四季豆素軟骨：油得黎有ｄ鹹．

二月一日- 星期五晚聽聞呢度既齋菜幾好食，三個人嚟咗呢度食晚飯。是晚有新人於此處擺結婚喜酒，已經佔咗食館既一半位置，無計啦，我哋足足等咗九個字先有位。檯與檯之間都算窄，唔知係咪有人擺酒，臨時加多幾張檯呢？我哋點咗二人套餐，有湯及糖水各兩客加兩個餸，再另外加多一個餸，三個人食好足夠。呢度既齋菜果然係幾好食，唔會太油膩，價錢又相宜，值得推介。

之前記錯, 應該係大盒十款$25, 細盒八款$20.

幾乎每次黎北角做完野, 都會特登幫襯佢, 買盒齋鹵味(大$20, 中$15, 小$10) 返屋企做晚餐. 通常要排隊, 好野多人要嘛. 其他食店多數得五至六款配搭, 但呢度(大盒)的配搭竟多達十二款, 岩哂"眼闊肚闊"的我. 酸甜適中, 唔會太多汁, 好味!其中一位服務員妹妹好好記性, 我隔幾個月先去一次, 佢都記得我:"咁耐唔見你嘅?" 簡單一句問候, 已知係用個心黎對人. (或者係我個樣特別衰, 容易記>.<) 祝佢工作愉快!

蝦蛟、小籠包、魚片腸粉、蘿蔔絲酥加多一碟特價粉麵，是次推介：星洲炒貴刁。以上推介為二人份量。另外腸粉及粉麵會不定期更改，敬希留意！

我仲未去食, 不過我剛剛打電話去訂位, 留電話時, 要講左8次先聽到, 仲要態度奇差, 好似係我既問題, 令佢聽唔到咁, 所以大家訂位時, 請有充足既耐性...

它們的粉絲腐皮卷口感不俗，點心款式選擇亦不太少，有陣時不想吃飯是頗佳選擇。

好夠耐冇食過芝麻卷喇一直好"恨"食知道呢度都有買下糕點所以專登係補習之前黎買...但好失望呀...呢度d芝麻卷太甜了又冇芝麻味...金玉其外

之前買過「三德」的端午糉子，很不錯～這次吃的外賣點心，有素珍珠雞、芋頭卷、鮮竹卷、春卷和奶皇西米卷，素珍珠雞和鮮竹卷都很好味，不太油；但春卷和芋頭卷就不敢恭維了，春卷的皮不單不脆，仲好鬼un，我好辛苦才咬開；芋頭卷則是成條芋頭沾上麵包糠炸，一點都不好吃；奶皇西米卷挽回分數啦。全部點心都冷冰冰的，相信用暖爐烘著會更好吧～為何同一個店子的食物質素相差如此遠？奇哉奇哉～

昨天在外賣部買了中齋(15元)食，水準依然，不會太濕或過腍，但是另外買的春卷唔掂，可能放久了，又腍又多油，好彩芋角還可以，下次買甜品試下。

唉...........今日去左新開架三德素食買外買點心呀今日係第2次去啦第一次去時因為星期六好多人呀,排曬隊都係得一個店員做野雖然又唔係快買到野食等都幾內但都好好禮貌今日星期三第2次去仲要有2個人,我今日見到推廣新開10蚊5件我緊係買5件啦,我要3件雜菜腐皮卷同埋2件腐皮卷,但佢都係比個膠袋我放,但因為雜菜腐皮卷太大件啦,同埋唔小心囉一定會爛架,我要求要盒放啦,a店員都囉左比我,但b店員出聲啦仲好冇禮貌講,5件唔可以用盒架,你買6件先比你啦,好啦,個時都算啦6件就6件,但個時a店員都放緊雜菜腐皮卷在盒,仲因為雜菜腐皮卷太大件放了3件都冇位,我都出聲叫佢唔緊要啦放上頂,b店員仲係好冇禮貌望定左我,真係太過份啦收錢啦,仲要我比$13.5,收我貴個件錢唉,,,,,,,,,,,,,有時冇盒都唔係問題呀,但有時好似容易整爛架食物,就好心比個盒人啦,人地都買6件啦,仲咁串望住人仲咩呀,真係過份

素食巡禮﹝一﹞吃過幾次，中式素食來說，這裡的水準，是不錯。一個人來，通常來一碗什菌燴麵，麵燴得腍身，湯底有一點味精但不過份，加上草菇及冬菇，口感味道不比吃肉的差。午市點心方面，獨愛一味炸芋角。炸得香口，內裡除了芋蓉，還加入了菜譜，口感及味道俱增強。其他的菜色，都頗有水準。五柳仙斑是吃中式素食常點的菜色。這裡的，炸得表面香脆，不算油膩。裡面的芋蓉保留了一些芋粒，增強口感，不錯。唯五柳汁是「全汁」，卻沒有「五柳」在內的，美中不足；甜酸味一向也是素食的良伴，這裡的咕嚕素肉球及咕嚕蝦球也做得不錯，口感雖然不算似，但加一點甜酸味，下飯正好；比起那些什麼羹，幾款燉湯也不錯，通常是用不同的菇類如猴頭菇、黃菌、冬菇等等去燉，夠火侯，味道醇美，值得一試；其他菜色，也跟真的葷菜有八分似，味道也不差。當然，作為中式素菜，這裡也不免是重茨汁及油份較重，不過吃中式素菜，大多如此，不見怪。侍應們服務較粗枝大葉，不過態度還算不錯。午市來吃麵及點心，五十蚊左右已經連茶錢。如果晚上來，每人也是百五元左右，都算經濟，難怪也幾旺場的。

阿爸下晝買左盒齋返屋企, 到夜晚食都仲係好好食, 個樣雖然無乜特別, 但係係入面過出面買果D, 幾好味, 又大盒, 抵食!

很少有素食館做點心, 它不僅有點心吃, 還像真度極高!!特別推介叉燒餐包, 它熱騰騰, 包身軟, 好好味道!!但係, 真係要快, 因只出數碟, 我食完想叫多碟就冇.... 唯有食叉燒包...不過而家都仲有想食叉燒餐包!!腸粉都唔錯, 不過蒸好過炒腸粉, 炒腸粉好似炒河粉...可能我自己唔係好鍾意食鍋氣啦...仲有個鮑魚雞絲粥, D雞絲有咬口, 不過老公就鍾意艇仔粥多D...總括來說, 不錯, 唔係好似食素, 味道及服務都沒有一般素食館古老

30 April 2007 (Mon) - 午飯唉，腸胃病，乜都唔食得，買咗粟米粥，貪佢唔駛咁寡，食白粥勁無味，終於捱足兩餐粟米粥，好在聞落又香，食落都好胃口啲！！病魔快啲遠離我啦！