三德素食館 (僑冠大廈)

營業中

休息中

我間中都會食齋，遇啱初一、十五都會買幾件齋點心做早餐，公司最近嘅齋鋪就係三德，一般我都覺得是OK的，但有幾次外賣銀絲卷都吾掂，有陣酸味、"餿餿地"味，似係件腐皮或裡面嘅什菜變左質，早排吃了一次是這樣後，第2日再買時，同個阿姐講，佢話吾知，D師傅都係果朝早整好拎去比佢地賣，其實我想佢同公司反映番，吾好咁啫，隔左一排，我再買，又係有'酸餿味'，以往食，冬天都冇咩問題，而家夏天呀大佬，係咪要正視一下呢？我通常會買珍珠雞、蘿蔔糕、腐皮卷同銀絲卷，而家吾再買銀絲卷了。

話說雞年大年初一，同家人去左飲茶！今次有d特別，去左食齋點心！可能好多人都會有錯覺，食齋就係無啖好食，味道好寡！如果你都係咁諗就錯！錯！錯了！真相係...齋點心賣相同味道都非常高水準👍🏻👍🏻👍🏻唔嗒真d都唔知道食緊蔬菜呀😝尤其係今日食果個🍤🌽素蝦粟米餅，煎得好香口!😋😋😋小籠包口應較乾，必須蘸上醋，味道同口感先較好！宜個素燒賣比平時酒樓既更好食！更健康！雖然冇豬肉，但一樣好有嚼勁！甜品桂花糕加左大量既杞子，明目養生，大人細佬都岩食！食左九個點心都係每人$75咋😬好抵食呀！新一年🐣大家都不妨食下齋，夠健康唷！

年初二和家人去了三德食齋菜。由於是吃午餐，先嘗了幾道點心，包括燒賣、腸粉和飽，質素普通。太太選了一道我喜歡吃的菜--蟲草花蛋白素翅。蛋白非常嫩滑，能夠媲美上海菜館吃到的賽螃蟹，加上素火腿和素翅與及蟲草花，味道配合得天衣無縫，而且口感豐富、賣相好看，值得推薦！三色椒磨菇魚豆腐本身選呢個餸係因為覺得比較健康，點知上枱嘅時候就發現比較油膩。荷葉飯就是把米飯放在迷你的蒸籠裡，以荷葉包裹，讓米飯充份吸收荷葉的香味，加上芋頭粒和素肉，所以一點也不油膩，感覺十分健康，不過整體而言，口味偏向清淡，唔夠香。乾燒伊麵小朋友最鍾意食伊麵，而呢度都煑得算OK。整體而言質素只屬普通，不過以午餐價錢來説就偏貴，四人埋單要500元。

今日初一，早上食咗素点心做早餐……昨晚炒咗菇菇秋葵米粉做午餐，今晚呢？原本想買盒齋，但後來不如叫媽咪出來三德食齋吧！我吾係第一次幫趁，嚟呢度好方便，而且食物都ok……今晚兩個人叫咗二人套餐~一個湯/羹/翅、兩個小菜1. 金湯竹笙素翅-~夠熱，又有料，吾錯2. 高湯芋絲魚滑雜菜煲~個魚滑吾好食，可能係梳打粉味3. 腰果芹香鴛鴦柳粒~ 個仿片頭，蟹柳都ok，腰果腍咗因為係套餐，有個紫米露糖水送今晚食到好飽飽！感恩！

一家決心每星期至少奉行一次素食。選址地點和價錢都不錯的三德，而且有質素保證。5人用膳相信4人餐已很足夠，因可選4款小菜，再另加一碟荷葉飯。三德果然是素食館老大哥，是日雖然座無虛席，上菜速度其快，且食物都是熱騰騰的。金瓜竹笙素翅濃稠度適中，南瓜蓉湯底頗滑溜，加上爽口的竹笙增加口感，素翅夠入味。羅漢齋的食材如冬菇，粟米芯等都很新鮮圓潤，基本上外觀都很靚，不會有粗製濫造的情況。底部的燒豆腐很可口。調味方面不會過咸，醬汁和油的份量點到即止。其他菜式如百葉菜苗雲吞和香芹柳粒亦見心思，用上幾款不同形狀，顏色和口感的食材。健康清淡卻不會過份單調。雲吞尤其的色可愛，饀料鮮滑。另點的荷葉飯則略嫌不夠香，有少量芋頭粒和素粒，份量足4-5人享用。整體來說感覺很不錯，肯定會再光顧嚐嚐其他小菜款式。

奶奶生日,她係三德擺生日飯.第1道菜:芒果鮮雜果沙律 - 生果很脆，芒果又好甜，令人胃口大開。第2道菜:二崧鮮冬菇露筍 - 金菇菜炸得啱啱好，不過半，露筍很新鮮，不過冬菇就一般。第3道菜:白雪映紅蓮 - 個名就好靚，未上菜都估唔到係乜，原來是番茄蛋白，賣相好靚，味道不過不失。第4道菜:淮山百合黑木耳蜜豆 - 買相同埋味道都一般第5道菜:冬瓜盅 - 買相一丁點都唔靚,冇湯, 心稔浪費咗個冬瓜, 點知食落去,冬瓜蓉很入味又多汁,蓮子又林,我仲打包咗2碗返屋企 第6道菜:姬松茸醬爆翠玉猴皇菇 - 猴頭菇加埋個醬,十分好味第7道菜: 蟲草花炒素翅 - 一般啦　第8道菜:崧子黃魚- OK 啦崧子香椿素玉炒飯 - 炒得乾身,好味三絲炒面 - 太飽, 冇食,唔知乜味整體我都好滿意素宴,味道同份量都好,又唔肥膩,亦好飽.

本人不喜愛素食，因友人為素食者，所以今天到北角三德吃午餐。我們之前亦試過佐敦分店，味精一般，太油。不過，此間有驚喜，我們叫了三絲炒麵線，一吃完全唔覺得喺素食，肉絲好香，麵缐好乾身，好味道，五柳仙魚，即叫即炸，芋頭好焾好粉，外面香脆，十分可口，酸齋及素鵝都好味，午市重有糖水送

我同太太要去素食館飲茶，第一時間當然是會想起位於屯門的某間素食店。但屯門的大興邨，很不就腳，要飲完茶行街的確不方便。所以，在港九的市區內，我們會另有一個選擇，而這一個就是兩間分店都接近旺區的《三德素食館》。是日，太太來到銅鑼灣行街，她想起食點心，然而，灣仔銅鑼灣一帶並沒有一間價錢大眾化而又有點心食的素館，我們想食素，想飲茶食素點心，心目中就有北角的《三德素食館》。北角《三德》的環境不比佐敦店好，而且比較細，所以就不多花文筆寫環境了，而且太太先來到，我到的時候，她已經為我人點好食物了，而先來的，是好多齋鋪都會預先做好的素咸水角。素咸水角，肉碎餡是素肉，外皮帶點脆，內心軟而煙韌。咸水角的味道其實不是咸，咸的部份也許只有那丁點的素肉帶出來，而這樣的甜美卻帶丁點咸香的味道，就是咸水角的最佳，最吸引的味道。炸素蟹鉗，是以素蟹肉漿加上一條蔗條而做成的，做得形似但又不太失素食的風格，只是味道是味精而已。但作為一個未完全能茹素者，這是一個素食的好味道。齋口不齋心的食品，就是這一個。水晶餃，是純蔬加素蝦的餡料，味道也夠香甜，不過水晶餃皮太粘，影響了食入口的感覺，但餡的味道鮮甜，稱得上是可口。燒賣，是素肉

周末與家人共聚天倫，想起都已經有一陣沒去吃素了，便相約家人到三德好好吃一餐。許多人都誤會素食好淡口，沒什麼花樣又會缺乏營養，但相信當你接觸過素食過後，或許會改變你的想法。其實現在很多朋友都因為健康，環保等因素而轉成素食者，各種應季蔬果，豆製品都有足夠的營養提供給身體，均衡飲食就可以了。素食的餐廳許多，但是三德給人感覺很舒服，雖然餐館地方不大亦較平民，人情味卻很濃。9點幾的時間，人流不算多，姐姐的態度也很好。金湯蟹玉素翅－以南瓜作調味，挺香的，沒甚麼特別，倒是有點像吃羹的感覺蟲草花蛋白素翅－最喜歡吃這道菜，蟲草花頗多之餘素翅極爽口又入味素火腿的味道是好像真的火腿，加上蛋白一起炒最重要是 賣相好看，實物更是美菠蘿咕嚕素球－失色的咕嚕素球，好乾身，每吃一粒也要飲啖茶才可XO翠玉瓜炒菇－翠玉瓜爽口，菇菌比較稔，雖然沒甚特別，口感卻不錯上湯冬瓜枝竹釀豆卜煲－好重料，都有8-9大粒的釀豆卜，非常入味枝竹不但低脂肪高蛋白質，而且營養豐富的食物湯底也十分清甜，整煲都很完美椰汁香芋南瓜煲－南瓜好香好甜，可惜只有數件，不夠喉香芋較硬身，不出色不入味整個煲都偏甜，感覺上有點像吃甜品似的上枱時是一條魚型的，姐

又去三德食齋菜，今次要食不同菜色，但仍然是要燉湯，因為又有茶樹菇燉湯，好香又潤，北角店原盅湯湯料係特別多嫁，杞子、紅棗、竹笙、茶樹菇、冬菇、黃洱、素肉、好香甜，一定要飲燉湯^^今日食錦鹵炸雲吞，超多料的甜酸汁，一大碗有酸齋、麵筋、辣椒、番茄、冬菇、菠蘿、木耳，嘩好豐富又好味，炸雲呑加上甜酸汁實在絕配，正呀！XO醬炒菜遠什菌，上枱看似普通清炒，但食落都算辣，始終XO醬係辣辣地又好惹味👍👍👍今天糖水都唔同咗，番薯雪耳糖水，乾燥天氣最好潤一潤啊 😊😊😊（整天也食齋，好好好，有時不一定初一十五才食，平日有時食下都覺得自己健康咗 )

其實我都幾中意食齋，但我是口齋心未齋，因為D齋舖通常D菜名仍然有魚，牛，羊，豬，哈哈！又去三德食齋，羊腩煲，真的不得不說，食齋仍然用葷菜的名稱真有點奇怪，但用麵筋做成的羊肉又好神似，無論味道，樣貌和口感也和羊腩好鬼似，不得不讚一讚帶有「肉」感的齋煲，當然煲𥚃的枝竹、馬蹄、冬菇和生菜配合得宜才能一再強調這是羊腩煲呢但又真的好好味，而且只在冬天才有，不妨試試！加條「魚」，甜酸松子鰻魚，用紫菜包着粉絲，菜絲，炸脆再加甜酸醬汁，紫菜外皮看起來就像是鰻魚皮，香口又好味，形神兼備，而且五柳甜酸醬可以去一點油膩感覺，加些可口的松子，好吃啊！其實三德素食最吸引我的不是單單那些奇怪的菜名，而是最正的燉湯，用不同的菇菌類燉制的原盅湯，湯料多又潤，每次去也一定叫的，冬菇、黃洱、素肉、竹笙是湯膽，每月配上不同的菇菌，有時猴頭菇、有時舞姬茸，最好味是配蟲草花，好香甜，記得飲燉湯啊！！后記：前菜記得要叫服務員轉菠蘿（只有北角店才有的），好味又開胃^^

2003年，三德素食館在北角僑冠大廈一樓開業，而僑冠大廈至今亦有近五十年歷史，連同毗鄰的華豐國貨、商務印書局，遠些的新光戲院、新都城百貨，還有被時光遺忘得乾乾淨淨的北角邨、明園遊樂場等等⋯⋯它們都為北角街坊留下過幾多五光十色的夢幻泡影。而我，就念念不忘那條曾經滄海的名園西街。每次到三德，總會勾起一些伶人往事。嘩！講尼啲⋯⋯ 講番正經，當晚weekend八時多到達，立刻有位。因為超肚餓，叫了一碟酸齋，食咗先講。之後點了兩位套餐，包一羹兩菜送甜品。選了： 竹笙冬茸粟米羹、五柳仙班、麵醬什菜素魷絲。另加一碗白飯。先說單點的酸齋，份量足秤，入口彈牙，起初偏淡，但後來覺得酸味入口自然而溫和適中，是開胃之選。竹笙冬茸粟米羹，用料份量絕不吝嗇，勾芡稠度準確，惟一人只有一小碗，份量偏少。五柳仙班，是炸魚形芋泥。其中芋泥弄得幼滑軟綿而水份適中，佐以帶酸又帶甜的五柳醬汁，正。不過，可能在上桌前放久了，炸的外層已經不很脆了，也不夠熱。但亦不失為不錯的出品。麵醬什菜素魷絲，質和量並重，菜款平均，當日執碼功不可沒，這也是我常說的細節。素魷絲的主要成分相信是蒟蒻，也俗稱魔芋，有謂蒟蒻是胃腸的清道夫，大家不妨試試。

平淡是福! 星期日買份報紙飲茶去也~是呀! 吃素也有廣東飲茶。為免午市等位，不妨早一些去或先訂檯。蘿蔔糕、芋絲春卷是最大路的素食點心，金菇素肉腸粉和鮮竹素肉球則是仿葷點心，全部都好吃呢!這兒水滾茶靚，是不少持素者的飯堂，食物既美味，價錢也適中。以素菜館而言，這裡地方算蠻大的! 要請客擺酒也不成問題 ^_^    除了持素者常來，不少吃葷者也樂意來這兒。餐館餐牌中英對照，見不少在港印度或外藉朋友也常在這兒吃飯呢!希望大家多吃素，少些淚氣，共同為社會謀福祉才是正道!

又跟好朋友去北角上堂, 上星期經過說上堂前去試, 我早放工點所以就先去取位, 原本以為是普通吃齋的店, 原來是飲茶形式的, 很特別!!! 午市都很多人, 不過我兩個人就很易搵位, 桌的空間都不窄, 坐下便叫點心, 真的有種在普通茶樓飲茶的感覺!!!等了一會兒, 朋友來了食物也來了!! 一上來就是比我想像中大碟的例牌七色齋, 真的有很多顏色, 有傳統的酸齋, 甜齋, 辣齋, 咖喱味, 木耳, 豆腐, 叉燒等, 每樣都好好味, 除了最後者有少少硬, 但很不錯, 而且好像吃極也吃不完的感覺!!!然後來了腸粉, 又是很大碟!! (兩個人吃這麼多~~XD) 味道很不錯, 而且粉很滑!!! 很像真的兩款食物!!! 小龍包入面是很多的娃娃菜大白菜, 料很足好像要爆出來的, 皮也不厚!! 另一樣的用兩層料組成 (忘了名字>.<), 真的很像豬肚啊, 黑椒有點嗆喉, 味道一般!!最後來埋這個燒賣, 原來是糯米弄的!! 努力吃著, 其實味道不錯, 很煙癮及飽肚, 不過要慢慢咀嚼不要急 啊!!!雖然中途已很飽, 但經過努力後都能努力完成額, 真的又FULL又開心!!! 出街吃得太多餐, 吃一

買完排幾粒鐘既德成號蛋卷,一條友黎依度飲個茶,但原來開11點,我仲以為好似茶樓咁開好早晚市原來套餐都唔貴必食當然係蘿蔔絲酥餅,內裡既餡很香很濃,蘿蔔味強又爽口而且不過咸呢個餃就只屬一般,入面大部份食材都係比較硬身,所以整體味道不夠BALANCE豉油皇腸粉也是必食,豉油味很香,腸粉入味又乾身,腸粉有彈性!久不久食下素食都唔錯