三德素食館 (僑冠大廈)

營業中

休息中

同姐姐,爸爸和大伯的一餐,由於是爸爸負責叫,所以款式上叫了比較多雜食點心類生煎包味道略為味精了一點,但包煎得脆,加番分腸粉夠滑,菌類帶甜,加上甜豉油無得頂喔小籠包都有點湯汁,似模似樣!個皮都薄蝦餃當然是素蝦加上馬蒂之類做,合埋眼食都隱約FEEL到幾似真蝦味偶然食下素真係開心

今日又是素食天,同他們到了三德飲茶UPLOAD點心紙比大家看強烈推介蘿蔔絲酥餅,內裡蘿蔔十分濃味,外面夠乾夠鬆化!比食雜既出品更佳其次係豉油皇腸粉醬油味十分香,腸粉夠滑!再者是艇仔粥,入面有素肉,金菇,素SQUID等等,既有口感,味道不單調!味道不錯,價錢合理,三德還是有質素

之前見到有人食素，諗番起自己都好耐冇食過~今日難得經過呢間<三德素食館>，一於買番盒齋尼食下!$30一盒有十款...包括素雞、素叉燒、素鴨、素豆腐、酸齋、咖哩齋。。。仲有D忘了 不過每款少少咁，盒野份量都唔少..都幾抵~一打開滿滿的，令人未食先開心!每款都各有不同，樣樣都好食!我最愛係素雞同咖哩齋...真係好好味 下次會再買尼食!

朋友說想聽一聽投資技巧,於是我就係三德素食館預備左一個2小時既課程比佢地,順手清一清腸胃都係O個句,出來食素,其實感覺同食肉一樣,睇我叫呢類野就知霸氣.所以我都建議大家食多點素叫左千島醬既骨,乾扁四季豆,星洲炒米,翅,併盤和類似冬蔭公的物體每一樣都十分有水準,其中千島醬骨特別好食,外脆內軟,醬汁酸甜惹味!同肉有7成似喔星洲炒米炒得香口入味,有蝦有肉,但唔夠辛辣!乾扁四季豆直頭無得頂啦,豆吸收了咸咸的假肉末味道,既有豆的甜中和,同出面酒樓的非常接近!真假難分翅就係南瓜翅,十分甘甜,以這個最唔似有肉.當除左素翅仲有竹笙增加口感以呢個質素,絕對比起食之前的功德林高.係環境唔夠人地靚.朋友們聽完我亂UP,希望有得著!食過咁多次都係三德好

今日唔想食肉, 決定食齋...樓下外賣店大排長龍買齋鹵味, 樓上6點左右已經有唔少食客, 諗一諗, 係喎, 今日係農曆十五...齋鹵味拼盤--甜酸齋不甜酸, 咖哩齋不咖哩, 其他都淡淡地...椰汁香芋南瓜煲--明明係椰汁底, 點解會冬菇味?!! 原來入面好多冬菇, 有點被騙的感覺... 芋頭不是太粉, 南瓜不是太甜... 整體還吃得下...太極鴛鴦炒飯--d飯應該冇炒過... 蕃茄汁還可以... 白汁就... 齋蝦外表都幾似, 食落竟然彈牙, 味道似獅子狗卷, 即係冇味...味道很清淡, 不過咁先似食齋, 好怕果d煮到同牛肉一樣味嘅齋牛...份量都好足, 食剩嘅飯同芋頭填滿咗一個飯盒~係北角區都冇咩選擇, 可能以後都會再o黎~

十 元 便 有 一 碟 齊 全 的 齋 滷 味 （ 外 賣 ） ， 包 括 有 酸 齋 、 咖 喱 齋 、 豉 油 齋 、 齋 鴨 腎 、 齋 叉 燒 、 素 鵝 等 。三 德 本 身 是 間 素 食 店 ， 附 設 的 外 賣 部 設 於 樓 下 的 樓 梯 底 間 ， 才 幾 十 呎 地 方 ， 卻 堆 滿 了 各 式 的 素 點 ： 齋 滷 味 、 豆 沙 卷 、 腐 皮 卷 、 牡 丹 酥 、 紅 包 、 芋 角 、 春 卷 、 擂 沙 湯 圓 … … 多 達 三 四 十 種 。最 受 歡 迎 的 是 齋 滷 味 ， 最 大 賣 點 是 新 鮮 。 坊 間 很 多 齋 點 都 是 交 貨 來 的 ， 三 德 的 卻 是 每 天 即 做 即 賣 。 齋 滷 味 還 是 分 早 午 晚 三 個 時 段 推 出 ， 免 得 擱 久 了 ， 齋 的 顏 色 和 味 道 都 有 變 。調 味 更 是 出 色 ， 酸 齋 酸 甜 適 中 令 人 開 胃 ； 咖 喱 齋 香 濃 帶 微 辣 ； 豉 油 齋 香 氣 十 足 。 不 是 師 傅 蒙 佛 恩 寵 天 生 有 巧 手 ， 而 是 因

去過北角呢間素茶樓飲下午茶無數次，但係呢次係第一次影相分享~杯鐵觀音有水準~我地叫左蘿蔔酥，天津狗不理，素蝦角，石榴餃(點心$13)，五豆粽($25)同粟米粥($9)。佢地d炒粉麵好抵好大碟($3X)，但係今次無要到~點心一貫的好食，但係稍為油左少少，最鍾意蘿蔔酥，隻綜都非常好，但係塊假肉有d多此一舉~不過真係貴左好多，以前食咁上下碟數嘅點心加碟炒粉麵都係一百蚊多d，而家唔叫炒野都要$11X~

母親大人和師奶們飲下午茶，順道打包幾款素點心回家。已吃過東西的我只試了其中兩款：香茜素蝦蒸粉果、千絲蘿蔔酥。前者的外皮不算薄，但口感煙韌。餡料份量頗多，香茜和蝦味均不夠突出，水準平平。千絲蘿蔔酥均屬重量版，外層酥皮很厚，吃落很香口。內裏的蘿蔔絲十分澎湃，清甜沒有苦澀味。百物騰貴，母親大人投訴這店的價錢越來越貴，相信要過一排才會幫襯了。

罪過罪過,本來上星期5 農曆十五,媽媽定時齋期,孝順既我當然去陪媽媽食齋,但不孝既我竟然今日先記起寫食評.....實在罪過~~!6:45同媽媽係店外會合,上到去已經好多人,但又未至於爆滿. 我們被安排了後面的位置 近佛像. 店內裝修算是得體. 佛教氣息很重. 但呢d都係其次, 主要目的來係食素 當然要睇下好唔好食.2人叫了齋鹵味 (甜酸齋不夠,但幾好食 但齋鴨腎好辣), 羅漢齋炒麵 (麵邊+底脆身好好味,但媽媽唔太鍾意脆身-.-"), 還有XO醬炒蘿蔔糕 (超惹味,邊身帶點脆口..但好辣....) . 最後就是鰻魚卷(不太清楚起名原因,但感覺不到與鰻魚帶點什麼關係,口感也是帶點怪)其實以個人光顧過的齋鋪來講,食物比上不足,但比下有餘, 但有點唏噓的是,齋鋪為了增加吸引力,經常性將齋菜名改為葷菜名.. 其實食齋就食齋,食齋就是冇肉...何必要自欺欺人呢!!~~

最近經常想吃素菜, 搜尋一下, 決定到北角三德試下. 由於午餐時間已過, 用餐時已經是下午茶時間.用餐環境比我想像的好, 乾淨.由於好肚餓, 加上送的鹵水花生味道不錯^^ 所以很多點心都有興趣嘗試, 點左好多野...首先叫左個豉油皇炒麵, 都不錯, 起碼不會很多油仲有煎蘿蔔糕...呢個我就不是太滿意, 因為好油....而且是冷的...有紅蘿蔔絲, 同埋冬菇絲...應該是羅漢齋腸粉. 薄薄的粉皮包住高麗菜絲, 冬菇絲同埋紅蘿蔔絲.幾好吃, 清清地. 其實還叫了好幾樣, 但是都掛住食, 忘記拍照了....例如: 三鮮素餃-----普通, 都系類似紅蘿蔔絲, 高麗菜絲...蝦餃-----不錯....有蘆筍在裡面, 清清地鮮竹卷----ok, 但好油...齋牛肉丸(忘記名字了...)----吃下去似真的牛肉丸, 但係應該落左好多味精....如果想要清清腸胃, 不想要做食肉獸, 在附近的話, 是可以一試, 但我就不會在試了. 老實講, 其實味道總體黎講普通啦, 而且服務態度都不是太好, 可能是做街坊生意比較多.下午茶時間人不多, 都是一些老人家. 見到好幾檯都叫幾份下午茶特價炒粉麵飯外賣, 下午

今天朋友突然想吃素菜，不想去金膳，又剛好白鳳丸吃完，得去華豐購買，就不如來三德試試。裝修不錯，器具都不會破破爛爛的，冷氣溫度不會太冷太熱。一坐下來就點了一個齋滷味，份量不算多，吃起來很乾口，像是不知掛了多久似的。再來是粟米粥，混有些許黑木耳，為綿糯的白粥帶來一絲爽脆，不過吃起來的感覺是，看起來是粟米粥，為什麼充看起來，那是因為我吃不到粟米的甜。接著來的是西芹百合猴頭菇，此道菜必推，那猴頭菇吃起來很香，香得竟像吃肉，雖明知菇拉過油那很胖，還是忍不住一口接一口，百合不會過老，吃到那份甜美，西芹也不會有根，吃完碟底也不會很油，整碟都是水準之作。因為陳意齋的扎蹄，所以一直有興趣試試別的，此店也有，樓下外賣價$8/條，樓上堂食價$43！份量約2條左右。吃了一塊之後是......完全後悔！很乾，乾到我要跟店員要一碗鴨腎汁伴吃，吃起來不覺豆香，除了乾，還是乾！乾到我懷疑那扎蹄是3年前的！幾經辛苦，朋友清掉大半碟，埋單$231，茶錢$12，酸菜$6，除了那猴頭菇，沒有東西可以吸引我再來。吃素，我還是覺得東方小祗園最好。

想不到雜誌會推介這裡的齋鹵味。以前行過偶然都會買件蘿蔔糕之類，印象不深，但既然未吃過齋鹵味又即管買盒回去以證虛實。不知是否雜誌介紹的影響還是平時都是那麼多人，傍晚的外賣部居然有條三四人的小人龍，而真是人人都買齋鹵味的。齋鹵味 $25 一盒，有十款（見圖），阿姐密密手執好，一分鐘不到做到手了。滿滿的一盒之中，餐牌左邊幾款濕齋水準不俗：雜誌推介的酸齋酸甜味平衡，沒有不少酸齋一味得刺鼻喇喉的醋酸味；咖哩齋都幾香，而素鴨腎和素叉燒都軟硬適中，不會咬到牙都崩。畢竟濕齋都比較油膩，個人還是喜歡吃乾身一點的如素雞和扎蹄等都做得不錯，但素鴨就太乾了一點。有一次又來買另外兩種雜誌介紹的東西當早餐：擂沙湯圓 ($3.5) 不算太多「沙」，糯米糰大大的，芝麻餡不算多；芒果紅豆糯米糍 ($3) 我還以為有芒果做餡，怎知是黃色的外皮有丁點（人工）的芒果味而已，裡面還是一般的紅豆餡，我就不特別喜歡了。還是齋鹵味值得推介。

媽咪成日去聽經, 搞到佢成日都話唔好殺生, 我家嘅男人打死都唔食素, 所以次次只有我同媽咪嚟食!今次介紹三德, 佢D齋真係好好食, 成日都好多人等位, 我每次都11:30就去到, 咁就可以唔使等!佢午市有得叫點心或者套餐, 我就鍾意叫套餐多D, 為咗碗黃金素翅 (即係南瓜湯素翅), 南瓜湯好甜呀! 五柳仙班, 炸得好鬆脆, 配埋酸甜汁, 一流! 怡香茄子豆腐, 夠咸香味!仲有, 佢有熱豆漿, 值得一試, 簡直好似飲緊腐竹糖水一樣, 正!!!

100919 星期日，爸、媽經常星期天都會乘巴士遊車河，事關長者星期天搭巴士，無論遠近都係兩蚊雞；今天也不例外，他們乘巴士到北角飲早茶，跟著到三德素食館買盒什錦齋回來，作為午餐的餸，20蚊、大大盒，足夠三人吃。什錦齋內其實有8種不同味道的齋，雖然買回來已混埋一起，但個別的齋還是有著自己特有的味道，好像橙色的甜酸齋，甜甜酸酸好醒胃，黃色的咖喱齋，微辣中帶點椰香，而齋豆腐和鮮腐竹都有豆香，一個滑滑的非一般豆腐，一個就雖經煎炸過但不油膩，而其他的齋飽魚、齋叉燒和齋雞粒（微辣），雖嚐不到各自獨有的味道，但口感十足，至於蠔油齋（或許我誤會了），沒有蠔油味，但它吸收了其他齋的味道，也是不容錯過。整碟什錦齋沒有杰噠噠的醬料伴著，鹹淡適中，餸飯一流，怪不得媽媽說，她買齋的時候有不少人排隊等著買啦。溫馨提示：間中食餐齋，健康指數又夠high，唔駛餐餐魚、肉同行咁鬼dry啦。

今日去呢間三德素食館，我對素食有好大嘅改觀！剛踏門口，同我以眼中嘅素食館唔同。好多人，仲好似喺酒樓添!我最鐘意咿道嘅嘢就係清而不淡，好味而不油。詳細嘅嘢，自已去食la！