上岸料理 (已結業)

想試左好耐既日本餐廳，今日平日午餐就黎試下啦！午餐時間都冇咩人，只係坐咗三四枱，人少環境夠靜👍🏻係門口係睇唔到裡面，對食客黎講私隱度高，食得舒服。午餐有魚生飯，仲有熟食，唔食生野既朋友都有得揀！是日揀左一生一熟，咩都試下丫嘛。先有前菜👇🏻，新鮮沙律菜，海蜇青瓜，同蒸蛋。3樣都好食呀！期待住佢既主菜！先黎既係雜錦刺身定食👇🏻係魚生飯當中最貴嘅一款，一試就試最好既💪🏻朋友呢個定食叫左少飯，開頭仲以為佢無少到....鋪排得好靚好精緻，刺身夠新鮮，整體正常，不失不過。仲有碗好飲麵豉湯！跟住我呢個係燒三文魚扒定食👇🏻三文魚睇落好細舊，但其實好厚身，食落都夠！係鹽燒三文魚，魚皮燒得好香，少少少少脆口。請留意碗飯，好大碗，係超級大碗！終於知道朋友個碗飯真係少左！可惜....佢只係一碗普通白飯，我食唔到日本米既香甜同黏糯口感，有點失望😞如果係日本米我一定食得落呢碗飯。最後你可以選擇飲品或者甜品，飲品係以咖啡或柚子茶，甜品係杏仁豆腐豆腐雪糕。我地都揀左豆腐雪糕，可惜食左都唔知係係豆腐味嘅雪糕....呢間尚算高級嘅日式餐廳，午餐二人埋單三百幾蚊，正常價錢，但食物質素普通未見驚喜，食完一次唔會掛住嘅餐廳。

我本身鍾意食日本料理，所以約埋朋友到尖沙咀上岸料理試試。餐廳位於尖沙咀棉登徑。店內面積不大，大約有二十個坐位，裝修簡單，帶和風味道。餐牌上有好多特別嘅選擇。帆立貝士多啤梨沙律，沙律菜鮮嫩翠綠，士多啤梨同帆立貝配非常之夾。魴鮄魚薄切，肉質有彈性，薄薄一片，沾上酸汁，味道清爽，口感細膩。池魚刺身(原條)，入口甘香細膩，魚肉鮮嫩肥美。蔥吞拿魚腩多士，麵包脆，蔥吞拿魚腩厚厚舖滿多士。燒日本雞腎，囗感爽脆。赤雞香味燒，外皮微焦，肉質嫩滑。吉列廣島蠔，皮薄鬆化香口，加上沙律醬增加風味。明太子烏冬，烏冬嫩滑，以明太子添上香氣。

呢日放假同朋友去尖沙咀行街之後嚟咗呢度食飯朋友話之前食過幾次覺得好食所以帶我嚟食下環境好日式好靚磯煮鮑魚食材好新鮮、口感爽彈用昆布高湯煮得好入味鮮甜明太子薯仔沙律賣相精緻薯仔唔會太碎保持返d口感、同明太子嘅咸香、沙律醬嘅甜酸味好夾加埋紫菜一齊食滋味一流刺身擺盤靚、食材新鮮深海池魚爽甜配埋香蔥酸汁令人胃口大開鯛魚好鮮甜彈牙口感一流牛舌好厚身好満足、牛味濃郁口感爽嫩配埋香蒽更加滋味關東煮日本家庭風料理食完刺身沙律再食返d熱辣辣嘅嘢份外満足高湯非常清甜燒青椒仔豬肉炸串好酥脆香口！豬肉好嫩好多汁左口魚同三文魚子壽司左口魚果然要燒過先會充分發揮出陣魚油香師父燒得好平均好靚、油脂好香口三文魚子好鮮甜照燒赤雞好嫩滑多汁朋友果然冇介紹錯今餐真係食得好満足

今日同朋友又嚟左棉登徑搵野食，經過呢間小店門口既餐牌見到有熟螢光魷魚，覺得幾得意就入左去。首先有熟螢光魷魚，熟魷魚食落粉粉地，好特別，而且冇腥味。加左沙律醬同青瓜，海帶同芝麻，口感特別又清新。食日本菜點少得刺身，今次要左薄切彷彿魚伴紅蘿蔔茸酸汁。另外仲有厚切黑鯥魚，連子鯛，葉血引。四款魚都非常鮮甜，一啲腥味都冇。另外要左兩款串燒，燒雞翼同黑豚肉串。燒雞翼既皮燒到好脆，一啲油都冇。而且雞肉仍然保持到有汁。黑豚肉油份就重d，但燒過嘅脂肪食落都好香好易入口，亦成功令豬肉完全唔鞋。再要咗一份炸南瓜餅，食第一啖已經食得出用咗日本南瓜，味道超級甜，而且外層亦都炸到好脆，名乎其實嘅外脆內軟。最後要左一份熱辣辣嘅清酒煮文蛤蜆，蜆既size夠大夠飽滿，完全冇沙亦好鮮甜，而且清酒嘅味道亦唔會太搶，蓋過蜆肉既鮮味。呢度環境好舒服，因為枱數唔多，比較安靜適合傾計，下次再過嚟試吓其他食物先！

<美美的日式料理>今日特意來到棉登徑呢間日本料理餐廳食晚飯，因為覺得呢到既感覺幾好，要分享一下！先黎有一個好特別既前菜：燒七味魚翅，燒得好香口，但又唔會太乾，愈食愈好味。黎到日式餐廳一定要食刺身啦🤤所以接住就係左口魚薄切，薄切考刀功，片片晶瑩剔透，又整齊咁排排在碟上，未食都覺得夠哂靚。夾起一片，點少少微酸嘅汁，食落口鮮味又清新。再黎安格斯牛扒，賣相好吸引急不及待夾一塊試試。五分熟剛剛好，外香內嫩，而且𥚃面還有肉汁。本身加上黑胡椒調味已經好好食，配上濃郁嘅醬汁一齊食就更加惹味。意猶未盡，再追加燒廣島蠔。第一次食串燒蠔，食之前要唧少少檸檬汁。串燒蠔比平日食連殻燒會較為乾身，亦較為香口。蠔肉新鮮飽滿，味道不錯

尖沙咀棉登徑不嬲都出名多餐廳，今次就去咗呢間日式小店，幾有驚喜。店員為我地介紹今日嘅新鮮食材，最後挑選左呢幾樣: 首先有熟螢光魷魚，熟魷魚食落粉粉地，混合沙律醬，青瓜片，海帶同芝麻，口感特別又清新。然後要左一個四款刺身嘅拼盤，四款魚都好特別唔係經常有得食。有黑鯥魚，連子鯛，葉血引，彷彿魚。全部魚都十分鮮甜，係食得出嘅新鮮！個人最喜歡彷彿魚，薄切彷彿魚配合酸汁，又爽又彈牙。然後就要左我最愛嘅清酒煮文蛤蜆，蜆肉超級鮮甜，一粒沙都冇。然後就到串燒，今次要左燒雞翼，雞皮燒到好香脆，冇晒皮下脂肪，食落一啲油膩感都冇。而家肉仍然保持都好嫩，仲有汁！最後我呢個飯桶要左份燒飯團，估唔到冇餡嘅飯團，經過燒完之後係咁好食。外層脆卜卜，有焦香但係冇𤓓味，好好食呀！而且呢度服務仲非常好，店員10分用心介紹每一種食物，上菜前同埋食完飯之後都準備左毛巾抹手，同埋一杯暖茶，好窩心。

投入工作以後，發現在職場上能遇到投契的同事也不容易，趁同事離職前，決定跟她吃一頓精緻的日本料理當作farewell。棉登徑上有幾家日式料理，但這家餐廳門面非常簡潔，甚有日式格調。而且內裡空間闊落，正正適合我們把酒談心。除了一般的menu外，餐廳還有提供一些時令食材，所謂不時不食，我們請了職員來介紹幾款菜式給我們。鮟鱇魚肝－鮟鱇魚肝的脂質豐富，風味可以媲美鵝肝。舌頭輕輕一抿，魚肝瞬間在口中化為泥狀，口感好綿密富足，而且鮮味。熟螢光魷魚－步入春季就是屬於螢光魷魚的季節，配上特調的醬料，若芽青瓜和海帶，小小一口的螢光魷魚鮮味豐滿，而且口感富有彈性，絕對要把握時機品嚐。燒七味魚翅－七味魚翅可算是居酒屋的必點之選，魚翅本身帶著一條條的紋理，外層燒得脆身，細嚼下有著爽脆彈牙的口感，跟平日的燒魚干截然不同。魴鮄魚薄切－師傅刀功了得，厚薄均稱，薄得透光。透白肉質呈淡粉紅色，鮮甜嫩滑，配上蔥花，蘿蔔蓉和醋，魚肉的鮮味分外突出。刺身拼盤－葉血引、黑鯥魚及笠子魚三款都是時令推介，均以火炙形式略略燒香，另魚油的香味大大逼出來。葉血引秋冬時分就最肥美，油香，紅肉肉質爽脆。黑鯥魚魚皮幼滑，肉質鮮甜無比，連皮微灸及

今日約了一個朋友食生日飯，一年只有一次生日，當然不能待薄她。之前在棉登徑食晚飯後經過這間上岸料理時已經被其清雅簡潔的日本風格及特別的菜式所吸引，就決定帶壽星來試一試質素如何。首先餐廳的內部跟門面一樣清雅舒適，座位間的空間很足，非常適合跟朋友把酒談心。而餐廳的食物種類非常多，因此我們就要職員介紹幾款時令的菜式，我們就跟著職員的介紹來點菜。鮟鱇魚肝$78本人第一次食鮟鱇魚肝，油香重，質感化綿，令我非常驚喜。而且鮟鱇魚肝的營養價值很高，既好味又有益，出色!熟螢光魷魚$98同樣是我第一次食的料理，螢光魷魚非常爽口彈牙，配著海帶及青瓜食的口感更豐富。魴鮄魚刺身薄切$280不得不讚師傅的刀功了得，切得厚薄均稱，肉質透白帶點點淡粉紅色，可以配蘿蔔蓉及蔥花吃，魚味濃郁，非常出色。燒七味魚翅$90看似平凡，但味道令人非常回味，燒得表面香脆的魚翅內裡仍然保留到濕潤感，令到口感更加彈牙，是令人停不了口的小食。葉血引刺身$120、黑鯥魚刺身$120及笠子魚刺身$110三款刺身都有燒過魚皮及一邊的魚肉以逼出油脂，因此口感非常有層次。笠子魚及葉血引的肉質非常紮實，油香甘甜芳香，黑鯥魚則非常滑嫩香甜。三款都屬於比較

今晚慶祝朋友生日，知道佢鍾意食日本野，特地上網搵咗呢間喺尖沙咀棉登徑嘅日本料理餐廳。餐廳地方不大，但餐枱之間有足夠空間，感覺還是很寬敞舒適。簡單木材色調裝潢加上柔和燈光下，令人悠然自在。我們先以鮟鱇魚肝作前菜。鮟鱇魚是日本關東的名菜，鮟鱇魚肝更有「海底鵝肝」之稱，我們都是第一次吃呢！口感頗滑嫩，沒有鵝肝的油份那般重，香味濃郁，配上醋汁調和非常夾。安格斯牛扒份量比想像中多，牛扒香嫩有肉汁，調味香濃，配上照燒汁十分惹味！海膽牛油果反卷的配搭新鮮又吸引。吃下去口感非常creamy牛油果🥑淡淡清甜味道襯托著海膽的香濃鮮美朋友和我都非常滿意這一餐

比預約時間早到了，店員帶我們坐最入的枱，為我們端上熱茶和濕毛巾，茶是很熱，毛巾不溫不燙，如果能熱點就好。經過一番選擇後點菜，不消一會第一道小菜來了，北海道生蠔，一般日本餐廳的蠔會預先起好蠔，方便進食，酸甜的頗醒胃，接著是明太子沙津，喜歡薯仔的必點這個，伴著紫菜吃又另一種味道食物整體味道唔錯，上菜速度快，魚生壽司也很新鮮，唯燒廣島蠔略咸。小插曲，朋友在中途把外套脫下，店員馬上察覺並把冷氣開大，體貼度小貼士，地方不大，最好先致電預約book枱。

今晚難得二人世界時間，想找個地方食好少少，最好和食，在尖沙咀方便就腳得來，餐廳又會太迫人，想起了之前有同事介紹過的上岸料理，正正合乎以上條件，所以我們就去了一試。螢光魷魚(熟) - 這個螢光魷魚味道獨特，在已調好味道的醬汁中煮，酸酸甜甜的，很是開胃，非常適合作前菜。北海道生蠔 - 認識我的朋友都應該知道我是生壕控，這北海道生蠔實在沒有點錯，十分肥美，鮮味無比，而且很大件，將整件大生蠔放入口極之滿足！磯煮鮑魚 - 這磯煮鮑魚味道濃郁，糖沁甜甜的，軟腍適中。燒手羽 燒豚肉 - 想不到這裡的燒物也不錯，雞翼及豚肉還保持相信肉汁，不會燒至太乾身，而且還有着原來的肉味，不會被太重的調味蓋過。吉烈廣島蠔 - 作為生蠔控的我，當然連熟了的蠔也不會放過，這吉烈蠔非常出色，外層脆醬不厚身十分之鬆脆，而蠔肉也不老剛剛熟，所有蠔肉還是滑溜肥美，我今晚最滿意這道菜。關東煮 - 不錯的關東煮，魚角及獅子狗煮至軟腍入味，湯底也清清甜甜的，很是好喝。整體上食物出色，食材新鮮，餐廳內裡環境不錯，而地點也很方便呢。

不經不覺來到第八個年頭，以往週年紀念日通常都會吃西餐，但款式來來去去都是那幾款，今年就選了日式料理。眼見上岸料理的正評甚多，那就選這間慶祝週年紀念吧！魴佛魚薄切$288起初上菜時，只看到中間的配料，完全不在意魴佛魚的存在，心想: 只是普通海帶、菊花、蔥花，有何特別? 但仔細看看，原來魴佛魚是白色呈透明狀，放在花花的碟上，所以並不顯眼。魴佛魚本身沒有甚麼特出的味道，但加上蔥花、菊花及沾上醋後就成為開胃小菜。螢光魷魚$98節日限定小食，不是普通的醬油漬，而是以青瓜、海帶混合酸汁的前菜，酸酸的味覺帶點爽爽的口感。磯煮鮑魚$188店員建議要先吃蘿蔔洗一洗口腔才能嚐到鮑魚的鮮味。果然鮑魚一進口，味道鮮甜，有點像糖心鮑魚，質地煮得夠腍身，容易咀嚼。燒豚肉串 $78/件肉汁豐盈，感覺沒甚調味，是豚肉本身的味覺，加點檸汁，更顯滋味。吉列蠔$90我本身不喜歡吃蠔，但眼見吉列蠔外型香脆，那就一試吧！果真外層鬆脆，內層軟腍，沒有鮮蠔那種腥味。店內坐位不多，但今晚所見，食客多以二人為主，氣氛溫馨，正好是我倆靜靜地享受二人世界的時間。

中國元宵佳節，沒有情人的時候，就只能自己找樂子，棉登徑這邊很近商場，到花店買完花後就去正正經經填肚子。喜愛上岸的清靜，地方不大，環境沒有吵鬧喧嘩聲，讓人很放鬆自在的享受這個晚上。深海池魚薄切288是小妹的大愛，賣相好，碟又靚，用魚肉蘿蔔蓉蔥花卷著再一併點醬油是最佳食法，帶咬口的口感，汁清新帶酸，開胃。明太子薯蓉沙律70用紫菜包著食用，明太子的咸鮮，令薯蓉滋味大提升🥔味濃，蔥花增香辣呢！燒豚肉串30賣相要好，難得豚肉做得那麼鬆軟，灑少許🍋汁份外解膩。汁燒牛小排60瘦中帶肥，牛肉味好重，切得很厚，要費點牙力慢慢咀嚼，沾芥辣籽立省油膩感。清酒煮文蛤95有大蔥和酒香，肥美又入味。稻庭烏冬98它加入海帶和很簡單的蔥花，配料平凡但有咬口。面幼扁身，富面香，清湯作結。食後感：食物新鮮，予人印象很深刻，尖沙咀區的👍🏻日本餐廳🥰

👏🏻剛去完小旅程🏖2月新年把利是🧧錢吃頓高檔次的和風料理👍🏻當是2019年好開始😆在附近等待⌛️突然意識到涼風徐徐，天色漸冷，等人食風食得避無可避。率先有芝蔴裙邊及脆青瓜🥒打響頭炮，濃淡剛好，細緻優雅。新鮮刺身是由日本直送的🇯🇵黑鮭魚火灸後特別帶那種香魚味😎葉血引魚肉油香，肉脆無得彈。金目鯛灸後，爽直的內涵表露無遺，沒有失望。海膽白身魚卷的海膽甜到無法言語表達，外面魚有得意的清脆。一直下來，感覺芝士年糕當中燒是最好，涵心是熔岩的芝心，太吸引美味。又點了一份鹽燒銀杏，帶有少少甘香，外面用牙齒撕開，真是小可愛。好嫩好嫩口的海膽松葉蟹蒸蛋，辣手的溫度，放入口卻剛好，海膽豐富吸睛，雞蛋滑得要命，松葉蟹鮮味十足(⁎⁍̴̛ᴗ⁍̴̛⁎)

今日想同朋友去居酒屋型地方食日本野，幾經挑選，去左尖沙咀、上岸料理度訂位。坐底就先上一個沙律開下胃，明太子薯蓉沙律。佢食法同一般沙律唔同，唔係直接食，而係用紫菜捲起，再一口氣放入口中，又脆又滋味。火炙壽司五件，有三文魚、吞拿魚等，擺法別緻，肉好厚，而且比飯長，份量十足。另外仲叫左一碟刺身，有黑鮭魚、葉血引、深海池魚、池魚。同火炙壽司一冷一熱，變換口感，但都非常新鮮，令味蕾有好高享受！燒蠔，大大隻，燒完都冇縮水，咬落有新鮮海水味。另一個小食係吉列南瓜薯餅，薯仔質感濃厚，南瓜帶有甜味，炸得剛剛好，食得好過癮，意猶未盡。今次上岸料理果然冇令人失望，性價比高，食物又唔錯，而家尖沙咀好少有咁好價格架啦，推介比大家！