上海婆婆 (黃大仙中心北館)

營業中

休息中

好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。個場都好大，樓底亦算高，所以，空間感唔錯；一淺木色系裝修，都幾雅致，加上擺咗唔少植物點綴，感覺舒服好坐。而侍應好有禮，招呼好唔錯，枱上嘅餐具都好精緻。照慣例都會影影餐牌俾大家參考，不過，本餐牌真喺好大本，成吋厚，着實有啲難影，所以，就照影咗個季節性餐牌俾大家參考，題外話，茗茶會收番$6位，另收加一服務費。魚籽煙燻蛋 $20呢款煙燻蛋喺小弟推介俾朋友試試，因為一來外間唔多地方有，二來確有特色。賣相已經好有亮點，色差嘅對比令賣相更吸引。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感。上海小籠包 $45嚟食上海嘢，點一客小龍包就大致了得解到店與店之間嘅水準差別。店員話小籠包即叫即蒸，所以，嚟到時熱氣騰騰，我哋都趁熱食先，雖然摺紋就唔算好靚好平均，但外皮搓得夠晒薄，咬開就見，肉饀鬆化唔在講，裡面仲有好多湯汁，食落又唔覺太多肥豬肉，都算得上有水準，沾上少少醋更好味。京蔥牛肉包 $48

［📍 黃大仙｜上海婆婆 ］黃大仙中心北館勁多野食，一上到去睇到上海婆婆裝修好靚，環境都好闊落，睇完個menu仲要勁多選擇，咁就不如坐低試下佢。首先叫左排骨擔擔麵，塊排骨酥炸出黎勁香口，而且大塊得黎仲要係厚切。擔擔麵夠哂花生醬味，麵既口感夠彈牙，唔會一坺嘢咁。另外叫左個上海菜必食既蒜泥白肉，肉片切得夠薄，蒜蓉嘅份量足夠，配埋秘製既甜豉油，夠蒜得黎又唔會好辣。好想食酸辣野，於是就叫左個熱辣辣既酸辣湯雲吞，雲吞有5粒，皮薄餡靚，酸辣湯都有少少辣，而且湯料都好多，酸酸辣辣幾開胃。最後叫多個琥珀合桃芥末蝦球，蝦球炸得外酥內嫩，口感鮮脆。芥末醬係會有少少辣，但配合埋合桃中和返個辣味，味道層次豐富。成個環境好寬敞同坐得好舒服，七點幾嚟到都差唔多滿，好多捧場客，上菜速度又快，食物選擇又多，員工都好有禮貌，整個用餐感覺良好。蒜泥白肉片 $78酸辣湯雲吞（5粒） $68排骨擔擔麵 $72琥珀合桃芥末蝦球 $148茗茶@1 $6

帶朋友黎黃大仙行景點，晚飯揀黎呢度食正宗上海菜。餐廳以木系為主，座位寬敞舒適，食物種類勁多選擇。七點到達，餐廳已差不多座無虛席，可見餐廳質素應該唔錯。茗茶 (每位$6)上海小籠包   $45小龍包係上海菜必點菜式。熱辣辣蒸籠上枱，小龍包皮薄，輕輕咬開，內裏勁多肉汁湧出，清甜帶肉香。再蘸上薑絲醋一齊食，非常絕配。砂鍋雲吞雞(小)   $102兩個人食，所以點左小份量，但已經十分夠食。雞肉嫰滑，雲吞大大粒，仲有金華火腿同有娃娃菜。湯底好清甜，好適合我口味。但對朋友黎講比較淡。所以餐廳都準備左一小碟豉油，可因應自己口味加入適當份量。朋友加左少少，話覺得鮮味更加提升。外婆紅燒肉   $92朋友最鍾意食紅燒肉，紅燒肉制作工序繁複， 係傳統手工菜。秘製醬汁香濃帶點甜味，粟子好入味，紅燒肉肥瘦均勻，入口即溶。見到餐牌上嘅甜品，款款都想食。最後點左2款上海菜必點甜品～。豆沙鍋餅  $58上海菜甜品之一，一份有8件，餅皮炸得金黃香脆，無多餘油份，入面薄薄一層豆沙，甜而不膩。高力豆沙 (4件)   $58另一必點甜品～ 軟綿綿嘅高力豆沙，咬落非常柔軟，餡料同樣係豆沙，不過豆沙餡料份量比豆沙窩餅少。

經常會喺黃大仙轉車，順路去黃大仙中心 食晚飯，好多餐廳選擇，其中人氣鼎盛，經常滿座的 上海婆婆，是我最愛之一。餐廳環境舒服，座位寬敞，價錢合理，性價比好高！蔥爆牛仔肉賣相吸引，除咗牛仔肉之外，呢個菜式勁多蔥作配料，開學要食多啲蔥，夠聰明！牛仔肉煮得好入味，質素好高質，見到牛肉有色澤，新鮮牛味香濃。椰菜回鍋肉椰菜回鍋肉唔係每一間上海菜館都整得好食，呢間 上海婆婆 就俾我哋遇到，值得encore，真正肥瘦均勻，每一塊回鍋肉厚薄均勻，肉質鮮嫩軟腍，好食嘅仲有索滿汁的椰菜，少少辣非常惹味！黃金炒飯好欣賞佢哋嘅黃金炒飯，炒到金黃色，粒粒乾身飽滿，配料非常豐富。排骨擔擔麵去上海店，一直都好鍾意食擔擔麵，炸排骨跟擔擔麵分上，金黃色的排骨，仍然保持鬆脆，肉嫩多汁。擔擔面食得出濃厚的花生醬味，麵嘅份量都幾多，麵條粗幼適中，配搭湯底真係好好食，完全滿足，好抵食！一口小饅頭一上枱就聞到好香，炸得外皮酥脆，內裏軟熟，沾上煉奶，童年時候的回憶，甜甜地特別開胃。

在黃大仙北館！上海婆婆開到來啦，平日下午人頭湧湧。在地鐵站一進商場就到了，所以挺容易找得到。中西混合的風格環境舒適，下午時間有下午茶套餐，性價比不錯的🙈。-川渝小籠包｜上海小籠包 HKD$45小籠包一份4個，以這個價錢不算貴欵。熱辣辣的味道挺香，吃的時候要小心點，爆汁的湯汁一湧而出。外皮薄而軟滑，肉質鮮嫰挺有嚼感。川渝既麻辣口味，這個味道不算太辣，較原味的味道欵。-四川擔擔麵 HKD$60這個是下午茶餐，另有豆漿附送。擔擔麵味道吸引，裡有肉肉挺入味，麵質口感適中。小吃有幾款選擇的，點了京蔥牛肉包，是有2大個的，外脆內軟的口感，包質鬆軟牛肉香滑。-ー口小饅頭 HKD$28｜高力豆沙 HKD$58包點也有數款選擇，點了兩款顏色有對比的包點。小饅頭金黃色的賣相，外脆內軟的質感，配煉乳吃絕了！高力豆沙是雪白色的賣相，包質鬆軟裡藏香甜豆沙，甜而不膩的味道。-酒釀丸子 HKD$38｜黑糖冰粉 HKD$28這裡有數款甜品選擇，點了兩個來試試看，味道也感覺可以的。酒釀丸子味道較香，軟糯的丸子份量多，味道香甜酒味不會太重。黑糖冰粉裡有芋圓和蜜豆，色彩繽紛的賣相很吸引，味道甜甜的口感豐富。-

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯最近去到黃大仙睇緊食咩好，發現有間上海菜都幾抵食，我哋叫咗歡聚四人餐，四個人688連埋茶錢，啲嘢都好多，而且仲有甜品江南三小拼（水晶肴肉、三喜烤麩、小排骨）三款都係上海菜之中特色前菜上海小籠包（4件）上海菜有點少得小籠包一咬好多肉汁砂鍋雲吞雞（鍋）有成半隻雞入邊嘅白菜好腍好入味湯汁充滿濃郁雞味，雲吞亦都好大粒松子大黃魚覺得依家係香港食松子魚好多時候都係比較細條同埋貴而且都比較少地方有得食佢哋幾個大黃魚都真係分量好大好多肉四個人食都好足夠椰菜回鍋肉反而幾有驚喜，炒得好有鑊氣少少辣又惹味高力豆沙（4件）最後食埋呢個甜品就好滿足啦如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯上海婆婆 (黃大仙中心北館) (黃大仙)黃大仙龍翔道136號黃大仙中心北館地下低層LG05號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

對於此次用餐體驗，有些地方想提出一些想法。 希望貴餐廳能更加重視顧客的感受，提升整體服務品質。 舒適的用餐環境對顧客來說非常重要，良好的座位安排能讓顧客更放鬆自在。 相信透過一些調整，貴餐廳能提供更優質的服務。 期待下次能有更美好的用餐經驗。

之前同婆婆一齊去咗黃大仙依間「上海婆婆」食晚飯，依度嘅出品唔錯，所以我婆婆都幾好胃口，食得好滿足。*此餐廳收取加一服務費。半隻燻香樟茶鴨（單點$148），鴨皮部分做得幾出色，上皮水上得好，令到鴨皮口感做到脆皮效果，食落透薄不油、乾爽、薄脆，鴨肉肉質嫩滑，食落充滿樟樹葉、茶葉、陳皮、肉桂味道，味道鹹香，而且食落帶有煙燻香味，略嫌鴨身出肉量不多、肉質瘦削，蒸荷葉餅口感軟熟，配以樟茶鴨、甜麵醬食用，味道更佳。婆婆粗炒（單點$88），上海粗麵口感煙韌，食落帶有雞湯、醬油味道，配料包括有豬肉絲、冬菇、椰菜、小白菜，味道正宗。川北麻辣粉皮（單點58），表面鋪有青瓜絲，口感爽脆，粉皮口感爽滑，容易掛汁，食落香、麻、辣兼備。炸銀絲卷（單點$32），即叫即炸，口感香脆內鬆軟，食落充滿麵粉味道，配以煉奶食用，味道香甜。綠茶芋泥餅（單點$28），外圍表面鋪滿芝麻，食落好香口，綠茶餅口感酥脆，茶味清香，芋泥份量多，味道清甜。茗茶（兩人$12），茶味濃香。

近期鍾意咗食中菜，我就去咗有好多分店嘅「上海婆婆」。我去嘅係黃大仙分店，木質系嘅裝飾內部環境都好寬敞。歡聚四人餐 $688江南三小拼分別有水晶肴肉、三喜烤麩和小排骨，一次過睇晒三款。我自己都係最鍾意水晶肴肉，口感好似啫喱一樣，入口即溶。砂鍋雲吞雞熱辣辣嘅砂鍋可以保存住雞肉嘅溫度，鍋真係有一隻好大嘅雞，分量十足。松子大黃魚魚肉一塊塊炸到豎起，淋上酸甜嘅醬汁調味。魚肉做到外脆內軟，酸酸甜甜好開胃。椰菜回鍋肉我覺得係最夠鑊氣嘅一道菜，椰菜口感爽口配搭鹹香嘅回鍋肉餸飯真係一流。高力豆沙最後當然唔少得甜品，甜甜哋紅豆餡真係食完都唔會覺得膩。上海婆婆 (黃大仙中心北館) (黃大仙)黃大仙龍翔道136號黃大仙中心北館地下低層LG05號舖

屋企人好鍾意食上海菜，一於帶佢哋嚟上海婆婆食晚餐🫶🏻 今次叫咗幾款菜式都好高質，下次一定會再嚟😆醬燒肉末茄子🍆口感豐富，茄子吸收了醬汁的精華，肉末的鮮香與醬汁的濃郁完美結合，每一口都充滿滋味，十分適合配搭白飯食！珍珠冬菇扒棠菜🍄‍🟫🥬 第一次食珍珠冬菇🤩 非常迷你口感一流！與棠菜的清脆形成了完美對比，搭配醬汁很不錯，係健康又美味的素菜選擇👍上海小籠包🌟 招牌必食！小籠包湯汁豐富，皮薄餡多，入口湯汁四溢，肉餡鮮嫩，搭配醋和姜絲，整個味道更加升華～婆婆粗炒🍜好惹味😍 麵條真係特別粗又彈牙，搭配各種時令蔬菜及香菇，加上調味炒得香氣四溢，味道有驚喜😋婆婆擔擔麵🍜🥜 湯底香辣惹味🔥 麵條滑順，搭配濃郁的花生醬和微辣的醬汁，配上肉碎，簡單又好味～

位旅黃大仙一間上海菜（上海婆婆），以大眾化價錢香港，今日嚟到黃大仙分店，三餸一湯價錢都係$402，點咗砂鍋雲吞雞，香濃雞湯加埋雲吞，大大粒菜肉雲吞非常足料，冬天飲上熱騰騰的湯，非常暖胃。酸甜排骨，入面有洋蔥菠蘿，菠蘿非常多汁鮮甜，半肥瘦排骨，外脆內軟，配搭白飯非常開胃。黃金四季豆，本身有味嘅四季豆，加左鹹蛋黃反沙口感，香氣十足。麻辣口水雞又麻又辣，煮得非常非常軟滑，麻辣醬汁加上芝麻非常香口，香辣口味好適合濃味的人。

天氣涼涼地，想食D暖笠笠嘅菜，甘啱經過食上海野，就諗起雲吞雞煲。甘就入去試吓啦。砂鍋雲吞雞煲：一煲過有菜有肉又有湯，雞件嫩滑，湯頭鮮甜，雲吞粒粒都好飽滿。最緊要上枱仲熱辣辣🥰麻辣口水雞：口水雞味道層次豐富，集鮮鹹麻辣香於一體。雞肉皮Q肉嫩，醬汁中佐料豐富又麻又辣，一上桌就令人食指大動。菠蘿黑醋排骨：黑醋的香氣均勻的融入排骨肉中，鹹香並且帶有微酸甜 嘅口感瞬間打開胃口，與菠蘿的清甜相互交織，色澤 棗紅油亮嘅外表讓人忍不住吃上幾口！真係好適合喜歡酸甜口感與豐富味道嘅人。黃金四季豆：鹹蛋的鹹香鮮味，搭配甜甜脆脆的四季豆，提出蔬菜本身嘅輕甜味，簡直係白飯殺手🤭

上海地道名菜-小籠包黃大仙必食上海菜，滬菜（另稱上海菜）由前菜到甜品🍧， 完美大鮑魚大蝦粉絲煲🍤🦐這道粉絲煲真係令人垂涎欲滴！大鮑魚鮮嫩多汁，加上大蝦的鮮味，整體口感十分豐富。粉絲吸收了鮑魚和蝦的鮮香，滑溜可口😋😋上海小籠包小籠包的皮薄餡多，咬開一口就有豐富的湯汁流出，肉餡鮮美，帶有淡淡的薑味。搭配醋和薑絲，味道更加出色。👍🏻 上海大雲吞（6隻）🥟🥟🥟雲吞皮薄，內餡勁juice，湯底清淡卻不失風味。每一口都是幸福的滋味，特別適合搭配一些香菜和辣油，增添層次感。one bite小饅頭小饅頭鬆軟可口，外酥內嫩。用來沾湯或者直接吃都好，特別適合作為開胃小食happy飯後甜品🍨飯後的甜品really nice！黑糖冰粉搭配芋圓和蜜豆，甜而不膩💛

今日去到黄大仙，一出地鐵站便到黄大仙北館，館內有不少食店。見就腳便來到這上海菜館吃晚飯。這店落單可用QR code, 餐牌清楚，落單十分方便。琥珀合桃芥末蝦球 （$148）大大隻的蝦球，外面香脆而肉質彈牙爽口。加上芥末和沙律醬的混合，令蝦球的味道更加豐富。再灑上一些黑芝麻為點綴，黑白色的配搭，賣相吸引。而合桃加上甜甜的蜜糖和白芝麻，口感香脆，健康美味。珍珠冬菇扒棠菜 （$75）細細粒的珍珠冬菇拌着大大棵的棠菜，形成很大的對比。烹調火候、時間合適，棠菜翠綠鮮嫩，也不會過淋。排骨擔擔麵 （$72）香濃的擔擔麵湯底充滿麻醬與花生的香味，幼滑的上海麵被湯底的香味所滲透。加上一塊外皮香口的豬扒為拌，滿足了我對肉的渴求。濃湯嫩雞煨麵 （$62）這湯底很清甜，雞肉切成一粒粒，看似豆腐一般，放便進食，而且肉質嫩滑。雞肉的份量也不少呢。（需加一服務費、茶芥每位$6）

冠冕堂皇之《上海婆婆 》平時成日食西餐、日本嘢，今日試下新野，同媽咪去咗放工附近嘅地方，位於黃大仙北館地下嘅上海婆婆，嘗試下上海美食。蟹粉小籠包：餐廳招牌小籠包，熱辣辣香噴噴，皮薄肉汁多，鮮味蟹肉味道融為一體🤤。陳年花雕醉雞(例)：上海菜當中傳統同經典嘅冷盤，陣陣酒香同嫩滑雞肉係不錯配撘，值得一讚，鐘意飲酒嘅媽咪每食一啖雞就用一配羹酒黎食🤣，話會越食越上頭🤭。松子素菜叉子：比較驚喜一道菜😊，見到menu有呢一味菜嘅圖片非常吸精👍🏻，此菜裏面有切成好細塊嘅甘筍、芹菜、粉絲、木耳、紅蘿蔔等等，相當健康嘅食材。蟹粉撈麵：最期待嘅蟹粉撈麵， 新鮮嘅蟹肉配合香濃嘅蟹粉，味道甘香，外觀金光燦爛嘅賣相令我同媽媽嘅視線亦都瞬間被吸引🙈，另外餐廳亦好貼心，畀咗一碗雞湯我哋，避免因為唔受得太濃烈同黏黏立立嘅口感而對此道菜失去興趣👍🏻。鮮豆漿：豆香味足，甜度亦適中，絲滑嘅口感，好適合今餐食得咁豐富🙈，可以中和返😂。總結：店員非常有禮貌，出餐亦好快。順帶一提，餐廳嘅位置正正就係2023年9月初，五百年一預嘅水浸位置🙈，不過唔知叫唔叫好彩，當年水浸後餐廳進行咗翻新，而家餐廳環境更加冠冕堂皇，坐位亦感覺上亦變得更