上野鐵板燒專門店 (已結業)

第一次去依間餐廳, 環境就一般, 但食物味道就好適合我, 比較濃味, 最欣賞佢個大蝦, 真係好大隻, 幾抵食, 不過d刺生就好一般, 下次唔會再叫, 其他鐵板燒都好好味. 價錢唔平, 但值得一試!

有時係旺角食lunch都會有d煩惱，食店多多，但成日都唔知食咩好。是日午餐就黎左呢間日本野試下，原因係見佢幾多選擇，而且都幾多人係入面食，相信唔會太難食掛。入到去安排我地坐梳化位，環境都ok，不過係好似暗左少少。睇睇menu午餐真係有好多選擇，十幾廿款有唔同既combination，真係任你點揀都得。最後我地要左個鰻魚炒飯，佢逢星期一會加送一客三文魚壽司。另外叫左一個套餐就有幾款食物，包括炒什菜，煎三文魚扒同薄燒牛肉跟飯，另外兩個餐都跟飲品。鰻魚炒飯炒得幾好食，首多幾夠乾爽唔會好油，而且好鬼大碟，我地兩個人食哂佢都飽飽地。另外個飯就係都幾足料，好多鰻魚所以好香，另外再有D黑椒調味，都算唔錯。至於另一個餐佢係將所有食物放埋同一碟，每樣少少咁。三文魚扒食落肉質好滑呀，而且幾香三文魚味。薄燒牛肉賣相就差左D，有點求其，而且牛肉沒有什麼味道，但也不算難吃的。最好就係有炒什菜，可以健康D中和一下D肉類~~~這裡食物也不太差，而且真的幾多選擇，價錢亦相宜，難怪唔少客人幫襯~~ 而且眼見廚師同D客都好似好熟成日傾計咁，關係不錯呢~~~

上次在新店食左雪餐$5X & 松餐覺得不錯(個薄燒牛肉好好味!)今次尼左呢間食$3X元的午餐牛肉生薑燒餐有 - 沙律- 牛肉生薑燒 : 牛肉油香很重, 美味! 仲有洋蔥tim~很惹味!- 炒什菜 : 是牛肉生薑燒的伴菜, 吃點蔬菜感覺上很健康- 飲品 : 我叫了凍檸茶, 就是一般的凍檸茶, 唔細杯, 夠飲@@朋友點了 金菇牛肉卷 和 牛柳 午餐都不錯! 三十幾蚊很抵食, 又有得睇住師傅親手整野食。雖然冇飛刀睇, 但係同朋友傾計都不錯=D一定會再尼食

Ordered the set for 3 people consisting of:Salmon saladSashimiTeppanyaki vegetablesGrilled king prawnsjapanese oystersUS tenderloindeep fried chicken with garlicfried rice with baconmiso soup with clam and mushromSalmon salad:a nice mix of finely sliced cucumber, sweetcorn, and lettuce in japanese vinaigrette.SashimiK.Teppanyaki vegetablesThis was grilled courgettes and mushrooms, Grilled king prawns:Massive prawns flavoured delicately with salt and peppar.japanese oyster:these were the best, th

五月中來過上野吃午餐，發覺質素頗高。事隔剛好半個月，我們再聯袂到來試試這裡的燒板燒晚餐。小店的環境已在早前食評論及，不作詳述，但今次我們在訂座時特意選擇向著鐵板的吧檯位置，除了享受美食之餘，還可近距離觀賞「表演」。我們一行五人入座後，便拿著菜牌左看右看，最後在店員推介下點了個四人前的合家歡套餐，價錢 $948，及後如果不夠還可另點其他食物。 豆腐沙律：以生菜、青瓜絲、粟米及蕃茄等材料製成的沙律，最後加入數件豆腐粒便成。沙律味道本身只屬一般，但加入的豆腐卻很出眾，又軟又滑，平凡中見不平凡。 活魚奶麵豉湯：名字很特別，但賣相和味道只是一般的預製麵豉湯，花巧之作吧。 雙色刺身：共有兩款，一為三文魚配八爪魚，另一款為北奇貝配鱆魚紅。雖然不是甚麼特別食材，但也很鮮甜，惟每款只有三片，有點不夠喉哩！ 老虎大蝦：虎蝦足有八吋長，一共四隻。師傅先把蝦頭切開放在旁邊以慢火燒烤，然後單憑鐵鏟及叉便剝去蝦殼及去腸，手法熟練。虎蝦切成小段，輕輕灑上鹽及黑椒調味，加入少許牛油及豉油便可上碟。虎蝦燒得香脆之餘仍很嫩滑，而且爽口彈牙，口感及味道均一流；而蝦頭隨後奉上，未及咬開，半固體狀的蝦膏已多後從殼裡溢出，

個人喜歡鐵板燒主要是因為鐵板能快速煮熟食物以保持其汁液外, 更為食物帶有一陣微微的焦香, 如果可以欣賞大廚的鐵板燒絕技, 就更加錦上添花了！是日試了三道菜式, 分別是燒鵝肝及帶子皇。　 燒鵝肝外脆內軟, 連吃二大塊也不覺油膩, 或許是鐵板把鵝肝多餘的油脂逼出的緣故吧！帶子皇異常大粒！吃下去一點也不乾身, 配上一點點黑椒, 和刺身相比別有一番風味。

今日下午在旺角有活動，所以預早少許到附近吃個午餐，由於沒有心儀食店，所以便與朋友二人走到女人街內看看，最後來到上野門口，看見食物款式眾多，而且價錢也不高，便入內一試。上野為日式鐵板燒店，位置不算太大，一邊為一排四至六人的雅座，另一邊則在鐵板燒爐前的吧檯位置。由於正值午飯時間，客人也不算少，所以我們就坐在吧檯近尾處的位置，可惜師傅只在近門口的那一邊處理鐵板燒，我們未能近距離一睹燒烤情況。食物方面，這裡除了有主打的鐵板燒外，其他的選擇還不少。而大部份客人都是點套餐，價錢則由三數十元起。我們最後點了兩個一人套餐互相分享。雪餐 - $51：　 鮮雜菜沙律：生菜片、青瓜絲、洋蔥絲、粟米粒及蕃茄仔，配上普通的千島醬，蔬菜尚算新鮮但整體不見突出。　 三文魚刺身：三文魚油花不多，但也肥美鮮甜，可惜只得三片不夠喉吧。 　 甜汁金菇牛肉卷：金菇牛肉卷燒得微焦，牛肉雖不太有牛味但卻很嫩滑，淋上燒汁及七味粉，帶點甜又有少許辣，香口得來也惹味，很好。 　 三文魚雜菜炒烏冬：烏冬彈牙但略嫌炒得不夠乾身，醬汁帶少許甜，味道也不錯，但煮熟的三文魚口感欠佳，始終是刺身較好吃。　 日式炒雜菜：炒生菜絲與芽菜，然後灑上芝麻

今晚同男友同一位同事出旺角搵野食..記得上次同男友行過女人街..見有好多餐廳都未試過..就提議去女人街行下睇下有乜食..由家樂坊果邊行返入女人街行左幾個舖位..見呢間個門面幾好..就左去..不過我地預算不大..都只係諗住叫D平價至中價野食..見D套餐都唔平..就散叫啦叫左4件三文魚壽司..2件饅魚壽司..三文魚刺身1客牛仔骨..1條秋刀魚..1碟牛肉炒飯..炸餃子同埋牛肉鍋三文魚唔多新鮮..饅魚無汁..味道一般牛仔骨我地無指明..得6成熟..味道OK..牛肉炒飯我同事話有生米..但我食唔到有..味道都OK牛肉鍋牛肉好少..烏冬份量亦唔多..唔抵食..味道一般最好食都係炸餃子同秋刀魚..餃子炸得脆..好香口但秋刀魚就熟左少少..成餐最欣賞既都係枱面上既醬汁..除左有酸汁外..仲有一種自家制既鮮洋蔥汁..鹹鹹地..有少少洋蔥既辣味..服務方面..全場好似有3個侍應..1個企門口介紹..另外2個成日走左入廚房..樓面多數只見到有1個侍應..食餐飯聽到至少5次鐵板燒個師傅叫加水..先有人走埋去為客人加水..乜唔係應該自動自覺架咩..?服務真係OK差..不過下次都無打算再去..價錢太貴

本來同朋友去食火山石烏冬，不過朋友似乎對鐵板燒有趣ｄ～所以最後都係黎左呢度～～揀左個大蝦牛柳２人ｓｅｔ，預左食唔飽陣間會去食糖水～點知，完全估錯哂（個ｓｅｔ有）先黎個普通既蟹子沙拉，湯同埋兩色刺身，呢三樣野都唔太得．．不過冇耐就黎左三文魚扒驚喜！勁厚呀～仲要一人一塊，食完都三成飽～入面個心係有小小生，外脆內軟，非常ｊｕｉｃｙ大蝦又係一人一大隻，佢係整個牛油汁，味道唔太濃，蝦十分彈牙～蝦頭ｄ膏也很多～食到呢味已經開始飽飽地～之後師傅見我地食得慢，所以佢都等我係食哂ｄ蝦先再整安格斯牛比我地～細心！安格斯牛大約７成熟左右～話明用靚牛都唔會差得去邊，所以好食也是正常的～油脂充足，食左幾塊都開始滯滯地了～略嫌炸蒜片不太足夠～之後佢用牛既脂肪用來炒雜菜有牛油既香味～不過變相也比較油～我地加左２０蚊轉海膽炒飯，可惜師傅比錯了客人所以再重新整過～建議不要轉海膽炒飯了，因為ｏ係呢度再食得哂個飯都係難事～最後個甜品係有三個ｃｈｏｏｓｅ，都是普通的甜品～還過得去吧～埋單５ｘｘ，以這樣的食材，這樣的份量，我和朋友都覺得食得過～走前他們送了兩張９折卡給我們～一定有下次！

叫左二人套餐:麵豉湯 & 沙律 - 好普通燒帶子 - 唔熱既.... 鐵板燒唔燒..... 真ridiculous.... 牛扒 - ok, 7成熟, 剛剛好燒原筒魷魚 - 咩叫原筒??? 切開哂亂咁放點叫原筒???甜品係布甸 - 都好難唔好食既一樣野...overall comment - service 差, 冇人加水, 想轉吧枱又唔比, 仲即刻放個"預約"牌係度, (見到剛入黎既人話想轉吧枱又得喎, 個預約牌即刻消失左, 果個人明明唔係預約, 係walk-in 架喎! 神奇! ) 結論 : 價錢唔算平! 野食普通, +埋service 差, 就覺得好唔抵, 唔會再去!

好耐無食鐵板燒，今次經過是到呢間都好似唔錯又帶起我們的食欲，所以就這間啦鐵板活龍虾套餐(二人前) $588首先齋睇價錢好似OK，但我們落單後店員就話要加$50，因為話今日D龍虾大隻D喎其實食物都幾多，大至都幾新鮮，龍虾當然都是活生生劏啦不過，隻龍虾加了$50都不見得特別大吖仲有個龍虾頭，佢會建議你煮粥或做湯，但都加每位$20，茶、醬又每位$5。總之都最後加多支啤酒埋單要差不多$800。龍虾好吃。鵝肝好吃。龍利柳都不錯。有甜品、但冇飲品。

2月11日（星期四）晚，終於到了考試的日子了，感覺上好像終於等到行刑的日子，可以得到解脫了！是次考試比上次更沒心機去溫書，又申請不到假期溫習，在準備不足的情況下去應考，不敢抱有太大期望。不過上天好像要跟我開玩笑，考試題目竟然和貼士幾乎一樣，大部份的問題我也是有溫習過的，可惜我卻祇懂回答部份題目，其餘不是想不起，就是祇記得標題。好不容易捱到差不多兩個鐘，不得不宣布放棄，提早離開試場。離開試場後當然第一時間致電女友，幸好女友早在附近等候我，會合後就行去旺角吃晚飯。上次行過這店因沒有bar檯位所以沒入內，今趟剛好bar檯有位就在這兒吃晚飯罷！店子其實不大，幾乎滿座亦祇有兩位師傅負責烹調食物，我們商量過後，決定點牛油金菇菜（＄38）、鐵板鮮鰻魚（$150）、安格斯肉眼扒（$148）和雞肉雜菜炒麵（$48）。牛油金菇菜其實沒有甚麼難度，祇是女友想吃而已；鐵板鮮鰻魚也就是冰鮮鰻魚，形狀有點像去頭去尾的“油炸鬼”，用鐵板煎煮魚類並不容易，所見經常見師傅用幾隻碟壓著“鮮鰻”放任在鐵板上，煎到適當時候就起鰻魚皮繼續煎，魚肉就切件上碟，幸好魚肉還有些鮮味，肉質結實且不是太多骨，不過被煎得近乎似炸魚皮的鰻魚

上年朋友介紹我去食....跟住今年生日飯就帶第二個朋友仔去食...依然有水準...好味道...次次去都有帶子...因為真係好味道...仲有就係老虎蝦...勁正....墨魚筒都好得...最後仲有甜品...布丁好味...

昨晚和朋友相約在旺角食晚飯,朋友提議想食鐵板燒,途經這間店舖門外,侍應姐姐推介老虎大蝦,由於本人是蝦癡,於是決定入去試試,我們點了一個大蝦套餐再加一隻聖子皇沙律:個沙律汁酸酸地,好開胃刺身:幾新鮮老虎大蝦:好大隻,好鮮味,d肉又好爽好彈牙聖子皇:好鮮甜炒雜菜:份量十足還有甜品我選擇了雞蛋布甸,好香好滑今餐我倆食到摟住個肚走,下次去一定要book bar枱坐,因為d師傅煮野嗰陣好似花式表演,更加有氣氛

O係MK 唔知食咩好, 行行下"立"到LI 間野個MENU 個特價晚餐好似好抵好吸引, 就入去啦...入到去, waitress A 問我地坐吧檯定普通檯, 我地話冇所謂, 佢就問吧檯好唔好, 我話是但啦...坐低之後, 就有個類似木既menu, 我見冇我出面睇既野, 我問waitress A 係咪有其他MENU, 佢話冇, 咁我地之前睇戲食左好多爆谷見唔餓, 就叫左個1人餐2個人share 食......... 過左陣, 見遲過我地少少入黎既情侶問完waitress B 之後就有多份橙色既menu, 之後佢地坐返普通檯, 咁我地就問waitress B, 佢話因為對情侶o係出面睇完就問返佢地睇既野, 所以俾佢地睇, 我諗諗下唔係喎, 跟住就問waitress C, 我話我地都係睇出面睇到個特價晚餐既menu , 點解之前我地問就話得個木既MENU, 冇其他MENU, 佢話坐吧檯係冇得揀特價晚餐, 我地叫個餐淨係可以坐鐵板燒檯, 我話我地一入黎, 你地冇人同我講過坐吧檯係唔叫得特價晚餐, 亦冇俾到其他MENU我睇,我而家叫左都冇得揀啦, waitress C話唔好意思, 隔左陣佢就同我