九重鮮 (已結業)

今日同朋友去左黃埔行街，平時上網見到九重鮮有好多好評，就一於去試吓先！係黃埔站行過去幾分鐘就到店門口掛左好多韓服可供試穿我地6點就黎到，可以食到8點，環境好開揚同舒適，座位座位之間唔會好逼👍🏻套餐有蒸海鮮塔+任食自助吧，仲有粥底選擇㗎，加$12就可以免費任飲韓國啤酒、汽水同凍飲（竹蔗茅根/薏米水）我地點左升級版濟洲島海鮮10重塔，等海鮮蒸熟期間，仲有好惹味嘅泡菜煎餅添！海鮮好新鮮鮮甜，又唔腥自助吧食物款式都好多選擇，仲會不定時推出醬油蝦、鮑魚、韓式炸雞

難得黎開呢頭附近，梗係要去試下最近再次熱門嘅海鮮塔! 之前都有食過佢哋嘅海鮮塔 ，不過今次特別啲，佢哋多咗半自助餐形式!我哋今次呢個海鮮塔加多少少錢就可以任飲任食，食當然係講緊一啲韓式小食啦!海鮮塔嘅份量就已經固定咗，唔好以為會唔飽呀😂食完個塔仲有個半自助任食嘅韓式小食，其實真係好滿足㗎而且黃埔站一出幾分鐘就到都好方便!飽就一定緊㗎喇!如果黎開呢頭又想食下海鮮，但係budget又唔算太多嘅話，可以考慮試下呢間㗎😁

想起蒸氣鍋，不期然想起九重鮮，因為它將韓國蒸氣鍋帶來香港。最近知道九重鮮推出海鮮塔配韓式自助吧，今晚便來到了。升級版濟州島10重海鮮塔配韓式自助吧。星期一至四每位$368。星期五、六、日及公眾假期每位$398。韓式自助吧，內有韓式炒年糕、韓式泡菜、生果、及甜品。每隔一段時間，還會提供炸雞、鮑魚和蝦。飲品除了汽水，還有韓國生果啤酒，酒精濃度不算高，值得一試。食物包括：龍蝦、鮑魚、海蝦、花尾龍躉上肉、象拔蚌、大花蛤、沙白、日本元貝、蔬菜拼盤、黑椒鹽肥牛。款款食材都很新鮮，其中以花尾龍躉上肉和龍蝦，味道最為鮮甜。蔬菜拼盤，有粟米、番薯、冬菇、椰菜花。吃完海鮮再吃些蔬菜，感覺很健康。泡菜煎餅(每台一客)，煙煙靭靭，吃完會有點飽。值得一題，服務員會監察着蒸籠的使用時間，我們坐着就可以等吃，這種服務令人真舒服。

升級版濟州島十重海鮮塔 這個套餐非常豐盛原價$568 而家做緊優惠 平日食每人只需$368一位 星期五六日$398一位 另收加一服務費 真係抵食有八款海鮮 一款肉類 蔬菜拼盤 一客泡菜煎餅 嘢飲任飲 仲有韓式自助吧任食一入到去餐廳嘅正中央就擺放咗長長嘅韓式食物自助吧 有冷盤:泡菜 麻油白菜仔 涼拌大豆芽 沙律菜…… 亦有熱盤提供: 韓式年糕 魚蛋串串……仲有時令生果及自製甜品杯 數之不盡 保證吃到飽韓式泡菜 味道非常正宗 酸酸辣辣 泡菜口感爽脆 食多多都唔厭呀泡菜煎餅 熱辣辣嘅煎餅 外面煎到脆卜卜 中間帶點煙韌 包住酸酸辣辣嘅泡菜一齊食 口感非常好 飽肚又開胃第一層嘅海鮮塔包括咗 海蝦,象拔蚌及黑椒鹽肥牛海蝦有手板咁大隻 蝦頭有膏 好鮮甜 肉質彈牙黑椒鹽肥牛 簡單嘅調味已經可以帶出肉嘅鮮味 原來蒸牛肉都可以咁好味象拔蚌 肉質鮮嫩 味道極為鮮甜 一啲都唔嚡口 不需要加任何調味 清蒸最能吃出海鮮嘅新鮮度日本元貝 粒肉又大又厚 要分兩啖先可以食得曬 啖啖肉真係好滿足 旁邊仲有啲粉絲可以吸收元貝嘅精華 啖啖鮮味放入口 真係令人食指大動花甲 呢個時候好肥美 隻隻飽滿又多肉 最重要係隻隻都冇沙

好耐之前已經聽過呢個九重鮮海鮮，見過好多人食，想試好耐啦，但係黃埔入去比較麻煩。今次襯入黃埔做野順便就BOOK左黎試試！間餐廳都好近地鐵站，一上地鐵過兩條街就到。入到餐廳服務員就介紹左兩個唔同價錢既PLAN, 一個係九重海鮮塔, 一個係升級版濟洲島十重海鮮塔, 兩個都耐韓式自助吧, 價錢相差$80, 但材料都差好遠, 一場黎到當然試個貴架啦.一放左個蒸爐上黎即刻好期待, 侍應哥哥已經好用心咁介紹話去到溫度計95度就可以叫佢地, 佢地就會幫手打開. 時間大約等5-7分鐘左右. 餐廳仲有送一個泡菜煎餅俾你等既時候食未夠鐘既時候就可以去拎下野飲同埋小食有兩款自家製飲品, 分別係竹蔗茅根同薏米水, 我好喜歡呢種自家製飲品, 唔會太甜感覺健康啲. 當然佢雪櫃都有好多啤酒同埋不同既韓國飲品可以拎.沙律吧有些少許地道韓國小食, 仲有甜品等等, 我拎左韓國年榚同埋魚榚食, 味道都好正宗, 同我係韓國食過既一樣味.另外有樣特別一提既係, 佢有個鼓, 一打兩下就代表有新小食, 有炸雞呀鮑魚醬油蝦等等到左最重要既海鮮塔啦!第一層係象拔蚌加黑椒鹽肥牛加海蝦. 全部都好新鮮香甜. 象拔蚌已經預先處理好左仲切開左

好多時同朋友係紅磡打完桌球都会去果邊食埋飯之前都有两次打過去想食下距，不過可惜都係無位，今次即日訂坐都成功左即刻去睇一睇距有咩過人之處，会成日都無位先得黎到大門口所有裝飾擺設都吹住濃厚既韓風餐廳入面有沙律吧，除左沙津之外有韓式泡菜，前菜，小食，不定時有唔同風味既炸雞，醬油蝦同醬油鮑魚飲品都係自助形式，去汽水櫃度攞，啤酒汽水種類都算幾多餐廳光猛闊落，好適合一家大細，一大班良朋好友聚餐飲品係要每位加12蚊先可以任飲個海鮮塔上面有個溫度計，到95度就可以打開，食完一層到第二層所有食物質素只屬一般🙂無咩邊種覺得好好食，好新鮮當然亦講唔上難食，但係甘樣一次過成個塔黎蒸，難免会有某啲海鮮係蒸得過熟相比其他蒸氣火鍋既餐廳逐樣去蒸，依個方法除左快之外，睇唔到有咩好處埋單要成四百幾蚊一個人，性價比唔高試過就算了

平日返工咁忙碌，放假當然要食好d好好慰勞自己！點左濟州島10重海鮮塔（配韓式自助吧）每人$398另每人加$12 飲品吧！任飲韓國啤酒！泡菜煎餅外脆內軟，非常開胃！黑椒鹽肥鮮味十足，牛肉味濃郁！象拔蚌爽甜～扇貝、蜆肉鮮甜，鮮蝦爽口彈牙。龍躉肉好滑😍😍龍蝦啖啖肉，肉汁豐富，帶海水鹹香。最後有南瓜、蕃薯。仲有香甜的鮑魚😍飲品有好多選擇韓國啤酒🍻入口香醇仲有我最鐘意飲既米漿🥰去到自助吧，食物選擇款式很多，甜品有蛋糕、糯米糍、炸香蕉等；熱食有韓式炒年糕、韓式炒粉絲、魚糕等餐廳亦會定時推韓國炸雞及醬油鮑魚、蝦等炸雞炸皮鬆化，雞肉多汁嫩滑😋😋炸雞有不少口味，包括蜜糖芥茉醬、傳統韓式醬等，個人覺得傳統口味最好食！魚糕爽滑，芡汁甜辣恰好。想健康一點的話，亦有沙律吧及韓式拌菜！餐廳仲有韓國制服可以試穿，看見不少年輕人在飯後都出去試穿及拍照！非常好玩！侍應服務迅速，殷勤地收碟～我們整餐飯也吃得非常舒適！

其實我同老公係第一次食呢種蒸海鮮！襯老公生日，我就決定帶埋老公一齊試下海鮮塔！話哂係慶祝老公生日，當然食盡佢，揀左升級版「10重海鮮塔」再+ $12 任飲！+$12 有任飲其實好抵！佢有酒精，汽水，茶類，當然唔少得有韓國飲料！ 另有自家制的特飲！重重重點係佢有菠蘿酒丫！！！ 呢個牌子的菠蘿酒勁好飲丫！！酒味唔重，勁香菠蘿味，好易入口，好岩女孩子們！係超級市場賣得勁貴！而且唔係度度都有菠蘿味買嫁！所有海鮮塔，都包埋韓式自助吧～多款韓式小食、生果、仲有炸雞，海鮮！有我喜歡的魚糕！！估唔到呢度d 炸雞都好好味，好脆口，比得上炸雞專門店！今天主角來了～～～～～～～～10重海鮮塔！！佢有個溫到計，服務生話溫度計去到80度就食得！第一層： 黑椒鹽肥牛&象拔蚌 象拔蚌勁爽口！仲好鮮甜！第二層有海蝦&日本元貝！大大粒元貝勁鮮甜！唔洗點醬汁都夠味～果然係海蝦，有返甘上下大隻！接著就是主角中的主角：龍蝦龍蝦勁多膏！而且肉質夠彈牙！再來花尾龍躉&沙白&大花蛤～龍躉好嫩滑，沙白&大花蛤都鮮甜，完全無沙！最後就是蔬菜拼盤&鮑魚～呢個海鮮塔分量好多！淨係食海鮮搭都已經夠飽！加埋自助吧的小食，我同老公都食到即時變大

爸爸投訴我成日唔番屋企食飯，掛住拍拖唔理佢😳 醋味濃😶 今晚做個乖女，帶爸爸出街撐台腳食好野。 爸爸超鍾意海鮮，早前網上見餐廳廣告片段，蒸氣海鮮鍋併任食自助吧超吸引，一於訂台黎試下。-餐廳燈光明亮配木系色調，環境寬闊，裝潢簡潔乾淨舒適。枱與枱之間冇逼狹感。蒸氣海鮮套餐有幾款，我們點了「升級版濟洲島10重海鮮塔」。在等候期間，先品嚐自助吧美食。一系列的韓式美食整齊排列著，有沙律🥗、韓式炒年糕、辣湯韓式魚糕|豆卜|鳴門卷串、雪梨汁水冷麵、泡菜蘿蔔、豆芽等等。❤️最鍾意韓式魚糕串，一邊食一邊回味上個月去韓國旅行之旅，味道正宗，甜甜辣辣幾惹味。-此外，職員會定時「敲鑼」推出特色食物如醬油蝦、鮑魚及不同口味的炸雞🍗。很愛炸雞，當晚推出三款口味，有甜辣醬、黃芥末及松露炸雞。皮脆肉嫩，食得滋味。-是時候介紹一下重頭戲，看著職員棒著海鮮塔出場，有種莫名興奮的感覺。職員指示我們當溫度計🌡️達到95度，就可以品嚐了。 醬料有數款： 指天椒辣椒、柚子豉油、韓式辣醬、黑醋汁、和風沙醬醬、胡麻醬。-第一層：海蝦及黑椒鹽肥牛➡️海蝦相當鮮甜；牛肉肥瘦均勻-第二層：蟶子皇及日本元貝。蟶子皇鮮嫩富彈力，不需薰點醬汁已能品嚐

之前去左黃埔食蒸海鮮(*ﾟ∀ﾟ*) 套餐仲包括了韓式既自助吧~~食到好飽~海鮮方面有龍蝦、蝦、鮑魚、龍躉、象拔蚌、花甲、沙白、元貝、椒鹽肥牛、蔬菜拼盤，都好豐富(ﾟ∀ﾟ)未食海鮮前每一台都會送一客泡菜煎餅~第一層既肥牛肉味香濃，蝦幾新鮮~第二層嘅元貝蒸得過熟，但店員見到熟得滯，即刻換左兩隻再蒸過，好貼心(`・ω・´)第三層龍蝦好鮮甜而且肉質彈牙~第四層有花甲、沙白同龍躉，龍躉肉好肥美，啖啖肉，不過覺得花甲有啲洗得唔乾淨，仲有啲沙( ×ω× ) 最後一層就有鮑魚同蔬菜.自助吧有年糕同魚糕串，搞到我都好掛住韓國啊(›´ω`‹ )，仲有啲蔬菜、冷麵同甜品等~當每一次有新食物時，店員都會敲鼓話俾全場聽，好特別，我覺得佢哋嘅炸雞好好食，都係熱辣辣啱啱炸好(・ε・)，有黑松露味同韓式辣醬味，食炸雞食到好飽~~仲有醬油鮑魚仔都可以試吓!!九重鮮 地址：紅磡黃埔天地聚寶坊(第11期)地下G26號舖.

提早慶生，今晚阿媽收早，一於帶佢食海鮮賀一賀。見到今期做梗蒸海鮮塔 x 任食自助吧，就知一定冇黎錯。我地揀左升級版濟州島10重海鮮塔，因為好少食海鮮，想豪下。海鮮多款，食到口冇停。有龍蝦、鮑魚、海蝦、龍躉、象拔蚌、大花蛤、沙白及日本元貝，仲有蔬菜拼盤、肥牛。最正係龍蝦，非常新鮮，肉質鮮甜；鮑魚都唔錯好彈牙。肥牛都唔差，加左黑椒鹽調味。海蝦好新鮮。日本元貝加左粉絲，勁鮮甜。覺得一次過蒸哂咁多海鮮，食到最尾既海鮮有點過熟。可能要調較下煎海鮮上下既位置或者蒸完上碟會好d. 好欣賞佢有個位可以著韓服，但我阿媽怕羞，唔肯著。另外仲有多款小食，好多姿多采，又豐富。

九重鮮，今日跟朋友到韓國店吃蒸海鮮，有自助沙律、小吃及甜品又有粥底，選擇很多，但由於只有朋友跟我，我們今次沒有食粥底喔。一來到便看到裝份充滿華麗的感覺，店前店員用心地介紹數個海鮮套餐，是晚來一個蒸海鮮的享受。食物之質素很高，而且價位合理接來的食物是不可不吃的：泡菜煎餅韓式泡菜煎餅～我很愛吃泡菜。常看我吃東西的人就知道我常將泡菜入菜，我最愛吃酸酸辣辣的泡菜，不管台式還是韓式，這店的泡菜當小菜直接吃，味道很棒，而加在香香煎餅上，更是添上色彩。韓國必食的街頭小食除了辣炒年糕、魚糕串外，還有煎餅。所有的都可以在這吃得到，韓式小吃的種類多元化，這次的泡菜煎餅，味道酸酸辣辣，惹味又開胃。用辣泡菜輕鬆做泡菜煎餅，這是韓國下雪的時候常吃的菜，另外有不同口味的小吃，都是美味的～韓式泡菜煎餅，材料簡單，逐塊煎餅煎成金黃色看得出用心。韓式自助很高CP值的韓式自助小吃，吃韓式炸雞翼和不同的小吃～不用去韓國也可以了，蒸海鮮塔，這個造型很好+自助吧套餐，令人快樂。自助吧三款口味炸雞任吃，今晚還可以吃鮑魚。一個價錢，兩種體驗，炸雞魚板串醬油飽魚甜品，數之不盡喔～味道很好，慢慢來，數量很多，而且可以任吃，一級賣相和味

九重鮮韓式海鮮塔去開黃埔打保齡順便過埋隔離試吓食海鮮塔，本身以為海鮮塔真係剩係得海鮮但係其實都仲有好多其他熟食，所以真係好適合一家大細一齊食。餐廳環境衛生，入邊十分闊落，中間就有幾張枱合併而成嘅一個熟食嘅自助吧，其中比較特別嘅係佢會有韓國好出名嘅魚肉串，每隔一段時間佢都會有人出嚟打鼓通知各位食客有新一輪嘅嘢食。而當日我地叫咗一個九重海鮮塔。首先係海鮮塔你之前有一個韓式泡菜煎餅，辣辣地嘅泡菜加埋香脆嘅煎餅，十分適合作為餐前小食。黑椒鹽肥牛+海蝦因為太肚餓所以冇影相😓，不過海蝦好新鮮肥牛亦都相當入味。聖子聖子鮮甜得來有咬口，比起平時食嘅聖子冇咁油膩。白蜆+多寶魚白蜆新鮮冇沙，多寶魚好鮮嫩，值得推薦。鮑魚+蔬菜拼盤鮑魚爽滑彈牙，蔬菜因為同上面幾層一齊清蒸嘅關係，其他海鮮嘅精華滲埋落去啲蔬菜入邊。沙巴肉蟹蟹鉗幾多肉，亦都食到鮮甜嘅蟹膏，總括來講呢個價錢食到咁多樣嘢都算唔錯。

身邊朋友一個二個都上緊樓，今日又同其中一個慶祝抽中居屋。為咗俾佢彌補我心靈上嘅損失所以佢萬歲，哈哈。近近地放工黎咗黃埔，聽朋友介紹有家食蒸氣鍋嘅質素幾唔錯。店鋪位置都幾僻要由商場外邊先行到過去，門口有幾款韓服同道具俾食客等位時相打卡，消磨時間。入到去座住唔多，但間隔幾闊落。因為係半自助形式，所以中間有個長枱擺滿各款沙律／熱食及甜品。加十零蚊就有檸檬薏米水，竹蔗茅根水，兩個都清爽又解渴。蒸鍋共有五層，各有兩款材料，侍應搬上枱後就會計時，鬧鐘一響就食得。象拔蚌好爽口鮮甜，而肥牛腍身油香豐富，每人有兩件份量都唔少。大大粒帶子又甜又彈牙，貝殼上蒸完嘅湯汁更加係鮮味非常。海蝦生猛，肉質彈牙有幾隻仲好多蝦膏呢！正啊。龍蝦都好大隻新鮮，雖然平時唔鐘意剝殼但美食當前，真係動手食咗先講。最後兩層係龍躉／花蛤／鮑魚及蔬菜，龍躉魚肉厚身軟滑，尤其魚皮位好重膠質。花蛤同鮑魚都好彈牙鮮味。開鍋時發現有隻花蛤唔開口，店員即時換過兩隻俾我地，抵讚。餐廳定時會響起鈴聲推出幾款限定食物如和風炸雞／凍蝦／味煮鮑魚等，每人限取一件。所以一聽到聲大家都會立即排隊。炸雞嗰晚食咗兩款：甜辣醬及牛油風味，因為係即炸即出嘅關係，所以