二宜樓 (已結業)

1點鐘去到...一圍已經差唔多坐滿.幸好各位已留了鹽水雞及扣肉1.鹽水雞ok啦的雞都幾嫩, 扣肉冇乜係大陸吃果的肉汁...普通左...食唔返地道果種感覺2.南瓜芋頭都可以南瓜夠甜...食落唔覺加糖水.3,蟹肉伊麵唔得...唔知係咪俾各位食家食左好多蟹肉...我以為係齋麵添)最大問題係冇味.4.另外失望係蒜香炸豆腐...完全係一舊冇蒜味既炸豆腐.5.菠菜魚腐差可以但冇乜菠菜味, 豆腐普通啦唔算太鞋.6.魷魚....ok啦7.有個點心唔記得係咩....牛油果話的皮唔熟...但係我食哂落肚佢先講...Z_Z 後尾方中sir 話同佢打茄輪..................係大家食剩果一半舊點心拼返埋..... XD8.酒釀油麥菜有的菘籽幾好既...苦左的.9.有一碟好似係葫蘆瓜(好似係叫呢個名)煮魚肉都可以既但唔係太突出.總括ok 咁但係唔係咁impress.

今日約埋幾個Openrice的食家在這裡食Lunch, 我遲了數分鐘才到達，而方中sir及MM已準時就座了。在等待其他的食家趕來之際，我們便先order了一個六人套餐和數碟點心。菜都幾快上臺，牛油果還在途中時，我們其餘的六個人已先行「食住等」了。套餐包括:i)客家鹽水雞半隻—不見得特別好味，嫌它可以再整鹹d，雞的鮮味亦唔夠，屬一般貨色。ii)芋沙煮南瓜—將芋頭磨碎再混合南瓜，未食前的賣相都幾好，但食落就好像溜了一點，如果作為主菜就未必合適，見在座幾位食家都是食了幾口便算，最後還有剩下來呢，可知真的是不太討好。iii)梅菜扣肉—扣肉都算肥瘦適中，不算太瘦而沒有做成揩口難食，但唔知有什麼原因，這碟裡面落了一粒粒的薯仔，連客家人牛油果都覺得唔明，大家都覺得冇此須要吧。iv)蟹肉燴伊麵—沒有味道的一味，不要講蟹肉有否，連個芡汁都沒有味道，太淡喇吧。我明明見到有我最鍾意的芽菜在伊麵上，但食落口又唔覺食到o播，真係冇乜味道。由於每碟的份量不算多，當牛油果來到時，臺面上的第一輪菜已清得七七八八。要再由牛油果親自發板加多幾碟客家小菜才能滿足到大家的胃口。再來的是：v) 酒釀油麥菜—據牛油果所講，因炒菜

中午匆匆趕來吃飯﹐一出電梯發覺周圍都係人﹐原來同一層重有另一家酒樓﹐繞了半圈都見唔到人﹐唯有致電求救。先上來的幾個菜都非常合胃口﹐梅菜扣肉冇黏住好多梅菜和油﹐感覺清清地﹐鹽水雞如普通白切雞﹐味道適中﹐較特別的是南瓜芋頭﹐甜甜地﹐可以用來送飯﹔惟獨個蟹肉伊麵味道太淡。座上有兩個都唔識﹐但o的菜色實在吸引﹐無暇談天﹐之後牛油果又趕到﹐原來佢係「嚇家人」﹐馬上成為眾「齒」之的﹐基於佢對客家菜的熟識又為我地叫了幾個特色小菜﹐如蒜唔知咪豆腐﹐幾脆和新鮮﹐但酒釀油麥菜味道過苦﹐菠菜魚腐買相討好但味道普通。另外亦叫了幾個點心同個唔知咪菜﹐唉﹐大家唔好見怪﹐詳情看其他食家的食評喇﹗﹗

星期日的晚上, 原本想去泉章居, 惜訂唔到位, 後見這裏評語不錯, 又訂到位, 當然唔再唸啦!!一行八人前前後後點左九個菜:湯翅x 4盅: 做特價, 份量夠, 有唔少的小排翅, 干貝, 瘦肉, $28/盅好抵包芥豬軟骨(小食): 有幾件類似西施骨的軟骨(與平時的不同), 另有芥菜及木耳, 賣相有點似咸菜豬肚, 味道咸咸的, 不錯, 軟骨雖有細骨但亦可接受, 但就食完都唸唔到"包"係指....?二宜小炒皇: 有"九"菜, 腰果, 螺肉及蝦乾, 此菜宜送酒.椒鹽海蝦: 一般農家荀乾腩肉: 都係一般, 有好多芽菜, 腩肉不多鮮茄麻婆豆付: 原以為會酸酸辣辣, 點知只有蕃茄味(好彩我好蕃茄), 不過豆付就好滑, 呢味菜小朋友都幾0岩.蝦羔炒什菌: 好惹味, "送"飯一流南乳齋煲: 呢個係後加, 亦係聽到隔離檯話好先點的, 唔油膩, 唔杰, 清清地幾好.鹽焗雞半隻: 幾好, 雞肉唔鞋亦入味好戲在後頭, 飯後有甜品送, 個侍應話可能已剩下不多(0個陣差唔多九點九左右啦), 但都盡量幫我地"畢", 起初唸住都係紅綠頭之類, 都無乜所謂啦, 但原來今晚送"紅棗茶", 同平時的唔同, 唔係只係幾粒紅棗加

於中秋節翌日假期到二宜樓午膳。室內環境佈局整潔優雅，特別是於假期午市仍不用排長龍，設有傳統圓檯及卡位，不論是家庭大聚會或是三五知己嘆茶聊天亦覺合適！食物方面，由於此間是客家店舖，點心及小菜均有其特色風味：梅菜扣肉飽、客家蘿蔔板、香酥魚柳卷、各式咸甜茶果‧‧‧味道不俗之餘，價錢亦非常大眾化，就如是日在下叫了五、六樣點心再加炒飯&窩麵，埋單都不過二百餘！﹝注意結帳價格若少於二百元則不接受信用卡﹞服務態度亦值得一讚，各服務員包括傳菜嬸嬸都非常有禮，且能即時跟進閣下的任何指示！唯獨是店內洗手間地面濕滑，給人不太清潔的感覺！~

一行四人叫了以下:粿子六件-煙鞣好咬口豬骨燉生魚雞脚湯---绝無味精, 非常鲜甜炒時疏菌子--不过不失南乳炆屈鸭--鸭味不夠南寕鹽水雞--非常入味南瓜芋頭排骨--水準之作珊瑚影白玉---賣相甚佳, 不容錯過!!!清炒筧菜---清香鲜甜煑黑芝麻酒埋單$580 = @$145/head

昨晚一行十人八時半相約二宜樓, 一時客家菜式, 朋友到齊之後, 睇左一輪菜牌同套餐紙, 叫左一個"二宜友客宴"十二套餐, 其中包括:1.生焗東江游水蝦, 游水蝦幾新鮮, 不過肉質有d硬身左d.2.家豬燉濃湯, 湯味真係好濃~3.二宜小炒皇, 用料好足, 但太多油.4.淮香腐皮卷, 一般唔突出,5.珊瑚影白玉, 豆腐十分香滑6.秘製蕃茄骨, 蕃茄汁香甜, 不過肉質比較刃7.欖豉蒸邊魚, 欖豉味道好濃, 邊魚肉唔錯不過好多骨, 食既時候要小心.8.興寧盬水雞, 雞肉好滑而且入味, 唔錯.9.客家香飯, 炒得好香, 但太多油唔討好~10.合時糖水, 一個不知名既糖水, 外觀有d似綠豆沙, 其中有紅棗, 雪茸, 豆類等等, 幾潤但有dd過甜~十二人套餐其實幾大碟頭, 但我地十個人食完之後, 竟意猶未盡再叫三個小菜:梅菜扣肉:扣肉十分淋炸豬大腸:炸得唔錯, 幾香口玉子豆腐: 豆腐類表現得唔錯, 同樣香滑~食物整體上有水準, 服務方面比較生手, 而且上菜太快, 單叫一個十二人套餐, 約莫十分鐘左緊, 已上了八個菜, 時間太緊湊, 速度配合得唔好, 有點追追趕趕o既感覺, 送菜上得走, 同樣凍得快,

噙晚同屋企人黎呢度食晚飯, 環境不錯, 裝修風格類似"潮樓", 都係裝修靚, 食物平民化那種, 我地5個人叫左5樣餸:1. 黃酒煮雞半隻(酒味好香,o的湯有蛋花好甜,雞幾滑)2. 酒釀炒油麥菜(幾特別,估唔到用酒釀都可以炒菜, 令到o的油麥菜好甜)3. 南瓜芋頭排骨(o的芋頭係炸過先煮, 但仍好好脆,排骨夠諗, 個汁可以撈飯)4. 咸酸菜煮腩肉(腩肉一o的都唔覺得肥, 幾爽)5. 南于齋煲(呢個冇乜特別, 麻麻)甜品係送o既花生糊, 一般貨式!總括黎講, 呢度坐得幾舒服, o的餸幾大碟, 要起碼4個人以上黎先試到多o的野, 同埋幾抵食!

在香港，客家菜不算主流，所以選擇不多。早前發現灣仔新開了一間客家酒樓，名字都幾別致：二宜樓。由於新開張，這裡全日都免茶芥，價錢亦很相宜，一般小菜的價錢都在50元以下。不過這裡的蕃薯飯及粥都不及格，完全沒有蕃薯味，基本上是飯還飯、粥還粥，恐怕是分開煮好才放在一起上菜？當晚叫了要在四個小時或之前預訂的招牌鹽焗雞，算是較貴的菜色，要149元一隻。鹽焗雞味道不錯，應是焗好再煎過的，外皮少少脆，有雞味而且不太鹹，不過用的不是淮鹽，要扣少少分。此外叫了蘿蔔粿、南瓜炆排骨、芽菜炒肚絲和酒釀炒油麥菜。蘿蔔粿外皮夠軟糯，內餡的蘿蔔絲亦很好味，口感不俗；南瓜炆排骨的汁很好味，非常送飯；芽菜炒肚絲只是普通，若多一點麻油味會好好多；酒釀炒油麥菜的味道不錯，油麥菜仍很爽脆，帶有酒釀的甜味，幾得意。由於友人怕肥，未能叫客家名菜梅菜扣肉，下次有機會一定會試。整體而言，這裡的裝修算不錯，侍應及部長的態度亦很好，只是某幾位侍應對菜式毫無認識，未能解答某些菜式是甚麼。餐後有甜品送，是杏仁糊，味道可以，不似是粉開的。埋單每位才65 大元，相當抵食！

座位設計舒適.流沙包超好味.免加一免茶芥, 灣仔區算係又平又正!