亞坤 (已結業)

聽聞新加坡很出名的亞坤來港開店，但每次搭車經過都有長長的人龍，唔想同人迫，一直等有時間去試。難得今日下午去尖沙咀，就諗住去亞坤度碰碰運氣。來到亞坤，餐廳有6,7成滿，奇露比加快腳步入內。入到餐廳，發現佢地的經營模式係先排隊買食物，CASHIER個WAITRESS俾個牌你，你就搵位坐低等食物。同香港很多快餐店模式很相似。餐廳附近有鐘錶行，應該係導遊帶團友購物。但應該有不少遊客在出面等，所以坐左係亞坤門口，外觀真係麻麻。講返食品，入座後，等左大約5分鐘，咖椰多士就到左。一口咬落去，唔熱既，但好脆，打開多士，見到一片牛油在中間，周邊有咖椰醬。有時一口得咖椰醬，一口得牛油。未知是否其咖椰多士的特色?一個人食哂會有點喉嚨痛的感覺。當食緊第二片多士時，奇露比ORDERED的牛肉丸河粉已到。碗內有很多芽菜、有2條白菜、6粒牛肉丸同一「PAT」河粉。PORTION就唔係好值$40。牛肉丸係普通質素，河粉比平時食開果種厚D，但食到底，D河粉係好碎既。其實食落，又唔係咁預期好食，唔知係咪因為名氣大於食品質素?如果要排隊去食，奇露比就一定唔會去。

友人剛得知新加坡過江龍來港開分店立即興奮告知, 說在新加坡旅遊時, 亞坤是每天的指定飯堂, 聽來十分吸引, 不過為了避開新鋪人潮, 還是待熱潮過減退才去, 碰巧有天經過, 只見5,6 人在等候, 又想不到其他晚餐地方, 便藉此機會一嚐新加坡的美食,  不消一會便可入座。事前已看了食評, 點了最有名的咖央多士配水煮蛋餐, 多士只是微暖, 味道ok, 但不見驚喜, 沒有再吃的衝動, 水煮蛋也是極為普通, 加了醬油, 味道也不特出, 不試也擺。另外, 還點了海南雞飯, 油飯沒有油香味, 雞肉十分鞋口, 我家附近的餐茶廰做得比她還出色, 來到這裡的確有點失望。總括而言, 食物味道普通, 不要期望太高來用餐, 但價錢尚算合理, 總可一試香港分店的味道。

要排隊的 肯定唔啱我, 話之你幾出名, 何況只係一般貨色. 時間已到9:45pm, 一入去就有位. 位置近門口, 食得超熱, 流晒汗...咖椰醬多士, 送兩隻所謂的糖心蛋, 即係生到無得再生的蛋(與Toast Box一樣), 食唔慣咁生, 只係食咗好少就放棄了. 多士OK, 即係鮮油多, 麵包都算脆, 但太乾, 接近似餅乾, 味道適中, 不太甜.咖哩雞飯, 應該稱為 咖哩"雞翼"飯, 誠意有多少? 閣下自行判斷, 但都好, 唔係"雞中翼", 味道屬椰汁咖哩, 椰汁味道香, 咖哩味少, 完全唔辣.咖哩叻沙麵, 椰汁味香濃, 寫住"辛辣的Peranakan", 有些少辣, 材料有乾身/細粒/鞋口的蝦仁, 魚片可以, 夠彈口, 半熟蛋(其實係全熟蛋).奶茶, 比港式的淡口, 有些少似家中自已沖的 (兩個LIPTON 茶包加淡奶)

之前去新加坡亞坤非常匆忙，因為新加坡太多美食了，所以只品嚐了咖央吐司，今次在香港一定要食個夠。店舖的座位夠寬大，我選了窗邊位置，陽光從窗外透入，感覺非常舒服。先介紹最有名的咖央牛油吐司$18土司烤得好酥脆可口，中間配上香甜咖椰醬，甜而不膩，另外還有一大塊鮮牛油夾在鬆脆的麵包中間，牛油稍稍融化開，口感外脆內軟，跟新加坡店完全一樣，好味。半熟蛋$18嫩滑的雞蛋口感滑溜，充分蛋香，加入濃稠的豉油和胡椒粉，令味道更特出。熱奶茶 $22入口香濃順滑，奶味濃郁，茶味不算濃郁，不過也沒有茶澀味。半熟蛋+咖央吐司+熱奶茶 = 新加坡式美味早餐，如果每天都可以食到就好了。另外也有其他食物咖哩叻沙蝦麵$42椰香味道濃郁，略嫌辣度不太夠，材料方面有蛋，魚片，蝦，豆腐卜等等，鮮蝦，不夠彈牙，幸好魚片夠爽口，瀨粉吸收了湯汁後味道不錯。海南雞飯$48海南雞飯是香港限定的，雞肉肥美但不夠嫩滑，飯雖有雞湯味但不夠雞油，飯粒又不夠分明，煮得太稔了。招牌菜果然沒有令我失望，不過其他菜色有改善的空間，而且我想試的咖央球又沒有，但整體價格便宜，為了咖央牛油吐司絕對值得一試。

青蛙每次於週末的中午時分途經《亞坤》,都會見到長長的人龍在門外排隊等食。眾所周知《亞坤》乃是新加坡的著名食店,今次進駐我土開分店, 定必要一試過江龍的威力!!上星期日, 青蛙與豬大人決心提早出門,11:30AM來到《亞坤》仍有數張空檯。取了餐紙就坐定定, 慢慢選擇我倆的早午餐 ^^當選好食物, 在豬大人排隊下單時,青蛙抬頭一望, 原來店內已經坐滿,而且還有食客已在門外等候了...不消5分鐘的時間, 過江龍果然號召力強喔~當豬大人下了單, 收銀員就會奉上一個號碼牌,數分鐘後, 自然就會有店員送上食物~最先來的就是它們的招牌咖咉牛油多士。看似剛烘好的多士, 原來是完全不熱的....再揭開多士看看, 一半牛油、一半咖咉醬,老實說, 青蛙覺得賣相認真一般~但味道如何呢? 好吃! 真的好吃!少少甜的咖咉醬、加牛油的香, 再配上脆脆的多士,整件事是叫青蛙不要『以貌取...食物』呢 ^^再來就是微暖的咖咉球。入口時, 咖咉球的外圍是脆中帶硬,內裡鬆軟, 但咖咉味欠奉,有感像在吃雞蛋糕。較甜、多吃比較膩......主食1: 新加坡咖哩雞麵 (青蛙獨享)青蛙本身都怕咖哩會有很重的椰油味,幸而丁點都沒有!

呢間鋪個經營方式好怪，你要排隊落單先，係排隊期間有人同你落單，由於收銀奇慢 （眼見唔熟運作，排隊俾錢用十五分鐘），D人排到出門口，跟著會俾個Num.牌你，再有人送黎。由於要排隊俾錢，排到出門口，d人就以為排隊入餐廳，其實裏面大把位。簡單講自己搵位，排隊買野。叫左份咖央牛油多士，好好味，脆脆地。 招牌蛋，比溫泉蛋更生，落醬油食唔錯。拉沙蝦面，d面好似賴粉咁，味道可以再濃d。熱奶茶好香，不是港式的味濃，不錯。凍現洋少啡味，麻麻地。食物環境幾好，員工服務要改善。（一個澳洲牛奶伙記，可以頂哂所有樓面）

品嘗過星加坡嘅亞坤，感覺唔錯又好味。今次經過尖沙咀就試試香港呢間。我食嘅係Set A: Kaya Butter Toast咖椰牛油吐司套餐（$39)。呢個套餐包括馳名嘅吐司+2隻糖心蛋+1杯熱咖啡或茶，但我就改左配咖啡沙冰(+$6)。友人就叫左杯熱鴛鴦($22)。食物味道方面就一般。飲品就無需自己加糖加奶。同大家樂、美心一樣，顧客要排隊點餐付錢，員工根據牌號送餐。我同友人等左半小時，全餐都仲未到齊。首先，等左十五分鐘，佢出左個吐司比我，但個吐司凍哂，糖心蛋仲都未到。十分鐘後，糖心蛋到，但杯飲品都未到，仲要等多五分鐘。一個原本係簡快嘅下午茶，浪費左好多時間等待，整整半個鐘d野食飲品先到齊。而員工就只係圍住個出餐位，企係度，甚少清理客人檯上餐具。我會去大家樂、美心、茶餐廳食佢地既下午茶餐都唔會再光顧香港亞坤，非常失望。我認為係餐廳管理方面有好大嘅進步空間。

咖啡 ($22): 聽說咖啡豆是用自家種植上品咖啡豆沖調。這款咖啡是加入了煉奶，而不是加糖。咖啡味道偏苦。鴛鴦 ($22): 鴛鴦同是加入了煉奶，味道帶甜，較咖啡可口。咖央牛油多士($18): 聽說是找本地廠房訂造麵包，較為厚身，加入了焦糖調味烤烘。多士薄脆可口，簡單塗上牛油及新加坡運來的咖央醬。多士充滿咖央醬椰香與班蘭香味，味道甜美。咖哩喇沙蝦麵 ($42): 湯底沒有遷就港人口味，味道帶點辣度，非常惹味。麵也爽口滑溜，不過味道總括跟其他餐廳的喇沙沒大分局。咖哩雞飯 ($48):咖哩不辣，味道普通。內裡有薯仔同雞翼，雞肉嫩滑程度算中規中矩。

一望餐牌已知此阿坤不同彼阿坤。居然有飯有麵仲有沙律。好好的吐司專門店變了星洲茶餐廳，結果南洋咖啡冲得不倫不類，kaya toast 又硬又搽到唔平均，一口牛油但下一口就只有乾爭爭嘅包！唉！大失所望！service and cleanliness have big room for improvement! I've waited for 30 mins for a piece of toast! No organization and no one tell you where to wait for your order! Disaster!

去過香港的阿坤就會唔想去星加坡的那間。出品慢，味道差，冇冷氣，又多蚊蠅飛來飛去，價錢又唔平，叻沙冇芽菜魚片透明的，還有，服務態度也是一般。總之好差不值流著大汗排隊吧！

星期五下午5 點幾到, 入座率大約得3-4 成滿但因為大多都係大sofa, 肥啲都sip 唔入座位中間多士可能係疊住放得面頭兩件係脆的, 牛油仲有少少凍但下底兩件牛油溶左, 包有啲軟蛋好味, 好滑加少少胡椒粉會錦上添花咖啡......唔識講成個set $39, 可作入門選擇

同行：一行2人環境：一般，新店乾淨，但因已走客人枱耐耐都未收搶妥當，扣分食品：可一不可再，喇沙辣過辣搶去雞味，淨食到辣味，咖椰球要趕快熱食，一攤就好UN，咖椰芝士吐司同咖椰球要趕快熱食，芝士吐司無芝士味。唯有玫瑰漿沙冰加紅豆不錯。服務：上菜等咗10-20分鐘先到，待應服務OK，有禮貎。門口有指示堂食隊及外賣隊，不錯不錯。

As I was in the area I decided to try the famous Kaya toast.It was a late afternoon which is why the place was not busy.Anyway, ordered the Kaya balls and the Kaya French toast and the items arrived quite quickly.When I tried to take photos, I was gutted that the camera was busted which is why there are no photos.The receipt was taken at home when I fixed it.I made the mistake of ordering French Kaya toast because it was not the one I wanted and it was too sweet, the kaya paste was too starchy a

四月去完新加玻食左當地的亞坤，個咖咉多真係一食難忘，要專登第二日再食多次。 番到嚟香港，五月份已經見到係尖沙咀話coming soon, 真係超期待。開張左個幾星期，每日番工或放工經過都見排晒長龍。 今日終於有時間去食。佢比起新加玻多左好多product, 有叻沙，鹵麵, 蒸飽，特式飲品等等。 我當然要試番咖咉多，同埋叫左個馬來西亞鹵麵試下。見佢送到嚟嘅咖咉多，已經一睇就知無新加玻的好食。 佢層牛油同咖咉醬都好薄，人地新加玻果D係厚到咇晒出嚟。 同埋多士又唔夠脆又唔熱，又貴過新加玻好多，所有希望都幻滅。 仲諗住香港都可以食到亞坤......馬來西亞鹵麵都還可以，個汁幾好味，有麻醬味，少少辣椒，甜甜辣辣，是不錯的但都係個句，我好掛住新加玻亞坤咖咉多

一段日子之前來吃的一頓。那時剛開業不久，6:30 開始排隊，也足足排了差不多四十五分鐘才入座。而重點是，透過玻璃窗，我們又親眼目睹店入面有很多空桌，客人離座的速度也比入座的速度快，店家也許是人手不足，但既然開業了兩三星期，眼見如此景況，老闆也可以考慮請多個人吧？？好啦，排到臨近入座的時候，門口負責安排座位的侍應，給我派了亞坤的傳單，上面列著好多款食物，和友人選好，就剛好有座位。好啦，安頓好，再排隊買野食。然後我終於明白，為甚麼買野食條龍都好似排街症：傳單上面有一半的東西，都沒有在賣！一人來的還好，兩三個人來，大家選這選那，然後這款沒賣那款賣完，即係又要排買野的那位由頭諗過食咩⋯我想暈。我也沒例外，想點咖央球卻是賣完，想點另一款甜點也是沒貨。還好侍應也酌情的給我補單，假若要由頭排過的話我應該會放棄⋯付款後領著號碼牌到自己桌，侍應便會按著號碼送餐。這份咖央多上的速度倒是很快，不用五分鐘，大概是新鮮烘起，多士薄而香脆，咖央的香氣散發出來還算不錯，不過也像好多人所說，牛油味沒啥，而且咖央的分量也可以再多一點。叻沙，椰奶的味道相當香濃，配料較少，但油麵灼得剛好，跟叻沙湯底也很配合，比起 toas