京林屋 (明宮閣) (已結業)

今日嚟到太古站隔黎商場地下嘅呢間京林屋 係食日本嘢嘅 好多港女都有喺度打卡 下午茶時間呢到唔係太多人 都幾多吉枱 用咗好多木去設計 真係好似置身京都嘅傳統餐廳咁 首先叫咗個金目鯛便當 同埋蒲燒鰻魚便當 金目鯛便當餸菜同飯都係分開上 主菜金目鯛有三塊大大塊嘅魚扒 外面俾燒汁包住 咬落去好多魚油彈出嚟 魚肉分明好新鮮呀 食落口果然成口充滿魚油香味 肉質嫩滑加上燒汁嘅甜味惹味 超好食 仲有配菜酸蘿蔔可以一解金目鯛嘅油膩 個飯撈咗日本香料去煮感覺上冇咁單調 蒲燒鰻魚飯上面有大大條鰻魚同埋蛋絲 鰻魚燒得好香好大條而且厚肉 加上濃濃鰻魚汁嘅香味好食 鰻魚超骨肉質彈牙 加錢就可以配日本嘅果茶 我哋叫咗桃味茶同埋蘋果味茶 好香而且鮮果味都好足夠 唔會喧賓奪主 嚟到今日嘅重頭戲就係用日本京都枺茶整嘅雪糕甜品啦 叫咗杯抹茶雪糕沙冰 抹茶雪糕茶味好濃而 且唔易容應該係茶嘅含量比牛奶多 沙冰抹茶味都好濃郁而且質地軟滑細利 香港限定芭菲 上面嘅係抹茶軟雪糕 軟雪糕嘅牛奶含量比較多 牛奶味亦都比較濃 反而沒咁重茶味 入口即溶 非常軟滑 加上上面有蕨餅同埋白玉 好煙韌好有傳統嘅感覺 下面仲有一層忌廉同埋士多啤梨果果

屋企人一向係日本菜嘅粉絲，今日親佢哋放假，同佢哋一齊食下日本嘢， 之前喺openrice見到好多食評推薦京林屋，今日親自嚟試下。打開menu見到甜品咁多選擇已經流曬口水，不過都係要食番正餐先， 叫咗個金目鯛魚定食， 整個套餐有鯛魚片， 用魚湯煮過嘅珍珠米飯， 同埋一碗熱辣辣嘅麵豉湯， 金目鯛魚有三片， 每片都被濃厚嘅燒魚醬汁包圍著， 肉質肥美，非常juicy， 淡淡魚油香， 撈飯真係好食。另外嘅欣賞個麵豉湯唔鹹，帶有香濃豆味， 仲加咗唔少海帶片， 食曬個飯飲埋碗湯成身即刻暖笠笠。跟住就到期待已久嘅甜品~ 甘栗抹茶紅豆白玉甜湯冬天飲呢個甜湯特別覺得溫暖， 甘香濃郁既抹茶浸住海量大大粒紅豆， 粒粒都好飽滿，最重要嘅係唔會太甜，食得出唔係普通罐頭紅豆， 夾埋又軟熟又滑嘟嘟嘅白玉一齊食更加滋味。呢間餐廳座位闊落， 店員服務態度幾良好， 上菜速度又快， 喺度同屋企人好開心咁食咗餐飯， 快樂可以好簡單。

呢間野係呢度開左分店咁耐，就想試咁耐，今日終於得閒黎呢度試下佢既野食到底有幾好味。剛剛避開午市人潮，人客唔算多，走左一大半了；但正正係差不多午市既尾聲，店員竟然話鹹食得返麵類! 真係好無奈。不過又天無絕人之路，最後都話可以做多一碗飯俾我地，睇黎店家都真係用心做計落可以出到俾客人先做，咁我地當然要埋最後一份!先講鹹食，我地要左點左讚岐烏冬，抹茶蕎麥麵同鰻魚飯。每一款鹹食都跟麵豉湯同醃蘿蔔。讚岐烏冬相信大家都唔陌生，食落好彈牙，好有咬口，個湯又清清地，特別係平時好少可會加d脆米，平凡中又帶點特別。抹茶蕎麥麵既抹茶味唔算突出，個麵食落都幾清新有韌度，亦唔錯。最後一碗既鰻魚飯都俾我地食左，蛋絲好多，鰻魚切成細細粒，醬汁亦好惹味，加上日本珍珠米，口感煙韌，味道唔錯，唔怪得咁快賣哂!食完主食，點可以冇甜品! 先黎個焙茶餡蜜，配料相當多，有啫喱，白玉，紅豆，雪糕；雪焙茶味好突出，啫喱，白玉等相當有咬口，紅豆更加係好軟綿，日本出品既紅豆真係冇得輸! 口感超豐富，再加d蜜糖醬上去，真係甜蜜蜜!再來有焙茶卷蛋，都好有驚喜! 卷蛋既質感幾綿密，入面既cream亦都好幼滑，焙茶味好香濃，仲有少少朱古力味既感覺

餐廳格局簡約，已淡色嘅木作為餐廳格調。坐低咗之後嗌咗個京式鰻魚飯，抹茶忌廉鮮奶，同埋香港限定抹茶芭菲。首先講咗個京式鰻魚飯。鰻魚分量非常多，非常入味，有偏甜同濃味嘅鰻魚醬配合，肉質鮮嫩肥美，有入口即溶嘅感覺 。配合埋紫菜同埋蛋絲，口感更加好。跟餐嘅仲有麵豉湯，真係好耐都冇飲過咁標準嘅麵豉湯。麵豉湯唔會偏鹹又或味精過重，味道嘅濃度非常適中，調教得啱啱好，亦都有昆布嘅海水鮮味。除咗麵豉湯，仲有少少酸蘿蔔。酸蘿蔔爽脆，唔會因為浸得太耐所以腍咗，而且亦都能夠保持蘿蔔嘅鮮甜同清新嘅味道。 講完個飯就講下杯抹茶忌廉鮮奶喇。忌廉非常重奶味，入口厚滑，抹茶鮮奶唔會過甜，鮮奶係全脂奶，但抹茶同奶味互相平衡， 飲落去好舒服。最後當然唔少得香港限定抹茶芭菲啦抹茶芭菲分開幾層。首先係抹茶雪糕配抹茶蕨餅同白玉，下一層係紅豆，忌廉同埋士多啤梨，最底嗰層就係黑糖白玉。抹茶雪糕嘅抹茶味非常濃厚，有少許苦澀，但係唔會過份。雪糕質地非常滑，而且分量頗多。抹茶蕨餅口感煙韌，有淡淡嘅抹茶香味，唔會過甜，同抹茶雪糕一齊食增加口感。 下一層嘅紅豆偏甜，不過同酸嘅士多啤梨同鮮奶忌廉一齊食，味道非常配合，酸嘅士多啤梨同埋甜紅豆互相制

非常抹茶控嘅我去到太古見到一間叫做《京林屋》，之前食過其他分店，今次試吓呢一間新開張嘅京林屋。餐廳裝修簡約，多以木為主，而且門面非常開陽，入到去店員就安排我哋坐沙發嘅位置。餐牌上實在太多選擇，每一款都好想試吓。首先就叫咗熱食嘅抹茶蕎麥麵，麵嘅顏色係綠色，果然係用抹茶製造而成。食落去同其他麵好唔同，煙煙靭靭嘅口感非常特別。之後就開始食甜品。首先當然叫我最鍾意嘅抹茶半月布丁同埋香港限定芭菲。抹茶布丁好有質感，放上枱都彈下彈下，好得意，食落去抹茶同牛奶嘅味道剛剛好，唔會太苦，又唔會太甜。而芭菲綠茶雪糕真係非常正，食落去軟綿綿嘅口感，而且非常絲滑嘅雪糕，再加埋入面嘅小丸子同埋脆可可片一齊食，非常滿足呀。抹茶卷蛋糕食落去非常鬆軟新鮮，中間仲有抹茶味cream，再配以紅豆、小丸子同埋綠茶雪糕，好有份量啊。最後每人叫咗一杯飲品，分別係桃味焙茶同埋抹茶牛奶可以濕濕口。最後食咗咁多野都只係四百幾蚊，而且全部都係來自日本最出名嘅抹茶系列，咁高質素嘅日式甜品，我哋下次要再試過其他食物。

於日本京都宇治擁有二百多年歷史的抹茶老字號，是經典抹茶生品及焙茶的始創者，京林屋是第一家海外茶屋，   於銅鑼灣開設第一間店舖時人龍是延綿不斷的，後來太古城和尖沙咀相繼開設分店，不用再等那麼久呢!自從太古城分店開業後，因離家不遠，一直心癢癢想試一試，今天與兩老本想於太古城閒逛和午餐，經過這裡，看見剛巧平日午飯的人龍已退，便提議於這裡用餐，他們見我想試，當然亦無異議。主打抹茶食品，亦有焙茶食品，確實以甜食為主，鹹點的選擇不多，這亦令兩老有點大失預算，我也有點抱歉，好像沒有太多適合他們口味的食物。雖然如此，主食部份亦有數款定食，烏冬和麵可選。原本想點和食料理和鰻魚飯，可惜店員告知所有定食和飯類已沽清，只有麵類，更失望；正當我們點餐時，店員又告知還可製作一碗鰻魚飯，令我們有失而復得的感覺! 哈! 因此到最後點了鰻魚飯，一碗讚岐烏冬和抹茶蕎麥麵；另外又點了三款甜品和飲品。先介紹鹹食部份，每一款都配有一碗麵豉湯和醃蘿蔔，本身都不太愛麵豉湯，因覺得太鹹了；頗喜歡它的醃蘿蔔，清甜爽口，十分開胃! 讚岐烏冬($68)相信大家也吃過不少，質素是有一定保證的。配料有兩塊炸魚片，紫菜，最特別是有一些脆米，甚

作為抹茶控，又豈可錯過京林屋，所以相約港島區朋友到太古分店飯聚可能店舖位於商場外的關係所以比較清靜，其實只在太古城東隅酒店斜對面，相當方便。店內的簡約和風設計令人有置身日本的感覺!主菜我們點了京式鰻魚飯及金目鯛魚定食， 2款定食均配上開胃的醃蘿蔔及麵豉湯。鰻魚非常肥美而且爽口彈牙，份量亦不少 沒有骨的金目鯛魚，配上獨特的焙茶飯， 最岩不喜歡挑魚骨的人。餐飲我點了熱的桃味焙茶一倒出來對面的朋友也聞到很香的桃味，入口桃味及茶味平衡得剛好，店員連同一壺熱水並簡單解釋沖下一杯的方法。朋友點了焙茶牛奶忌廉，奶味十分香濃又不失茶香。最後來到重點，這個香港限定芭菲材料非常豐富！軟滑香濃的抹茶軟雪糕，丸子，蕨餅， 蒟蒻， 抹茶cream， 脆米等等，一次過滿足晒n 個願望 因為天氣轉涼，朋友想吃熱的甜點，所以叫這個抹茶紅豆年糕，紅豆茸配上比平時更濃的抹茶湯恰到好處！

當日與男友前來太古看電影，看完後就來到這家京林屋吃午餐我點了一個鰻魚飯定食 $98鰻魚飯份量看似很小，但吃起來發現很多，因為它是堆疊而放，假若平舖可以舖滿飯面！鰻魚頗為肥美，口感軟腍中帶點彈牙，可惜有少量細骨。培茶朝薰隨茶會附有品嘗焙茶的說明抹茶牛奶 $46稍微覺得牛奶的比重太高，奪去了抹茶的甘香，但好處是奶香濃郁，質感幼滑，在這個寒冷的季節飲用溫熱的抹茶牛奶是一大享受呢～男朋友點的是金目鯛定食 $88鯛魚十分肥美，魚脂香十足，素來甚少吃魚的男朋友也忍不住把它吃清光！特製林屋抹茶餡蜜 $98這份甜品的內容相當豐富，有抹茶雪糕、抹茶蕨餅和紅豆蓉等等作為抹茶控的我十分滿意這份甜品雪糕茶味濃郁而且十分軟滑；抹茶啫喱和蕨餅都有着很好的回甘味，而蕨餅更是口感一流；黑糖漿和紅豆蓉巧妙地中和了抹茶的澀味，整體味道上取得了很好的平衡吃過上一個甜品後意猶未盡，決定再叫一個甘栗甜湯 $68食用前先搞匀，軟綿的紅豆和溫熱的抹茶湯是絕配呢！吃完整個人暖暖的，幸福感滿滿

想食抹茶甜品,第一時間諗起去京林屋,因為近排成日見到朋友去食,話呢度d抹茶甜品好出色,而且最近仲新出咗d定食set,今日一於黎試下@@叫咗距個新ge林屋和食料理($88)精緻擺盤,令人眼前一亮,定食有個湯,有個紫菜飯,仲有幾道菜.主菜系靖魚,微微烤過,魚塊味道濃郁,送飯唔錯,仲有個章魚沙律,上面有d蟹子,幾清新,另外仲有個蛋餅,同一d小魚仔,一粒元貝同芝士魚蛋.芝士魚蛋好好味,幾中意.甜品叫咗抹茶芝士蛋糕($88)有一球抹茶雪糕,同抹茶味ge芝士蛋糕,抹茶雪糕好香抹茶味,雪糕好滑,奶味都濃郁,好正,而個芝士蛋糕稍微有dd硬,但好香ge芝士味,反而抹茶味唔會話好濃,但咁都令到距同個芝士味都幾平衡.特製林屋抹茶餡蜜有抹茶奶凍,抹茶闕餅,小丸子,抹茶雪糕,再系上面淋上紅豆醬,好豐富ge一客甜品,仲可以淋上黑糖漿,特別喜歡距個抹茶闕餅,好滑,口感好好,而且抹茶味都好濃郁,另外個小丸子都系,整得好煙un彈牙,同個紅豆醬一齊食好唔錯.飲品叫了抹茶冰沙雪糕呢個天氣飲呢杯冰沙真係好爽,冰沙系牛奶加抹茶味,奶香味會濃郁d,口感好滑,再加一球抹茶雪糕系上面系極度邪惡!!正!!京林屋ge抹茶甜品總系會令人滿

茶的文化，源遠流長，抹茶不僅是健康茶飲，更是日本甜點中最受歡迎的口味之一，作為抹茶控，當然要到訪京都宇治的抹茶老字號 - 京林屋，今次來到太古城分店。店面面積寬敞，簡約淡雅的原木系裝潢，格調和諧，散發濃濃和風禪意。雖然是主打抹茶甜品，不過也有鹹食提供，晚餐就可鹹甜美點一take 過。京式鰻魚飯 $98日式料理向來賣相精緻，這裡也不例如，鰻魚飯就已包括一客味噌湯，醃製酸蘿蔔，以京都料理手法把鰹魚熬成湯茨汁淋在鰻魚面上。鰻魚淋上鹹香帶甜的醬汁，外皮燒得焦脆香口，傳來陣陣炭燒香氣，肉質嫩滑，沒甚麼細骨，油香四溢，鋪滿了鬆軟滑嫩蛋絲，幾乎看不到底下的焙茶飯。金目鯛魚定食 $88金目鯛魚定食同樣配上味噌湯和醃製酸蘿蔔，份量很足。金目鯛魚肉質細嫩肥美，魚脂與肉比例均衡，口感爽滑，沾上略帶甜味的日式醬汁，帶出金目鯛魚的獨有鮮味。以茶代水，燉煮成焙茶飯，珍珠米帶黏而鬆軟，而且加入焙茶後，飯粒亦較平時的白飯濕潤，不過茶香就偏淡，不太吃得出茶味。特製林屋抹茶餡蜜 $98一份餡蜜已包括白玉、寒天、抹茶啫喱、秘製抹茶蕨餅及抹茶雪糕，份量比想像中更足料，是一份能令抹茶控感到極致滿足的甜點。翠綠的抹茶雪糕質感軟滑

話說小妹鐵鐵實實係一個甜品控，甜品同正餐之間，小妹往往都會揀甜品😂🙈今晚男人就帶小妹去食正餐+甜品---京林屋！一直以黎，小妹都以為京林屋只有甜品同綠茶，但原來仲有飯同麵食架！！好！！！介紹是日晚餐先💪🏻 小妹點左客凍嘅抹茶蕎麥麵配抹茶沙冰雪糕！抹茶沙冰雪糕賣相超吸引，大大個雪糕球，綠茶味雪糕，茶味香而且滑👍🏻配沙冰無得輸👍🏻小妹一個人成杯KO晒🤣🤣🤣凍抹茶蕎麥麵，蕎麥麵份量岩岩好，雖然抹茶蕎麥麵只有淡淡的抹茶味，不過凍食黎講，反而岩岩好，清清地！重點要點評的一定係醃蘿白，口感脆、爽口，微酸！👍🏻男人就叫左林屋和食料理配熱玄米茶🍵侍應放低茶之後，就介紹飲茶方法！茶set，有埋小漏斗俾客人計時沖茶♥️男人杯玄米味，茶味香濃，飲落就有少少米香甜！一個茶包大約可以沖到4杯左右👍🏻林屋和食料理賣相超得😻，分別有四款料理:章魚蛋沙律(四款之中，小妹覺得哩款最好味，章魚好彈牙，同蛋沙律好夾！)另外仲有錆魚，魚乾仔、漬物、帶子、豆腐同芝士魚蛋！ 望落樣樣料理都小小咁，但食落其實好多！🤣 送飯食一流👍🏻大大碗飯！食飽就嘆甜品😌😌小妹叫左抹茶卷蛋糕set，配玫瑰蘋果煎茶！玫瑰蘋果煎茶，聞落好香蘋果味，玫瑰

鄰近太古地鉄站京式鰻魚飯鰻魚肥美但帶腥味 飯係珍珠米 似普通鼓油撈飯 一般抹茶蕎麥麵有冷熱可選我揀冷麵 麵夠彈牙 但抹茶味欠奉 配有松茸 好淡 適合喜歡清淡或吃素人士咸食一般 推薦甜食香港限定芭菲抹茶雪糕香滑 抹茶味濃 內有多層口感 啫喱 草莓 紅豆等等 兩人共享都夠飽抹茶芝士蛋糕配有抹茶雪糕及紅豆 一樣好味 但蛋糕略嫌太實 唔夠滑 抹茶牛奶 奶味較濃平均消費二百多

呢日放假約左朋友係太古睇戲，不過要1550先有場，所以我地就決定搵個地方坐低食下野傾下計先我地兩個都只係去過銅鑼灣店既京林屋，咁岩黎到太古呢邊，我地都一致決定去試下太古店既質素係點先店内地方位置比銅纙灣店細些少，但同樣以木材為主要既裝修材料，偏向日和風系！依家踏入12月仲放置不少聖誕擺設，都幾有氣氛架雖然黎得呢度就係必食甜品既，但因為我地兩個未食午餐，所以食甜品之前都想食啲咸野打個底先我地決定要一份“京式鰻魚飯”HKd$98+10% share黎食左先再order甜品慢慢嘆我仲跟餐加左HKd$20+10%要左熱既“葡萄煎茶”，溫熱既煎茶清澈和暖，帶有自然既葡萄芳香，係微凍既天氣下飲完好舒服京式鰻魚飯當中既漬物前菜同味增湯既味道都唔錯架而鰻魚飯既都有一定水準，香軟既焙茶飯被肥美彈牙既鰻魚粒覆蓋，旁邊更圍著蛋絲同紫菜混合而吃的味道固然不錯，但這次鰻魚卻比較多骨，否則評價更高之後我就order左每次都必食既“香港限定芭菲”HKd$98+10%呢個香港限定既芭菲有齊香濃既抹茶軟雪糕、脆米、白玉、紅豆、寒天、抹茶啫喱、幼滑忌廉、抹茶蕨餅同原粒草莓，層次極為豐富一次過可以食均囇咁多種口味同配搭，岩

在太古城住的朋友揾定位跟我食飯，說是食麵和甜品，叫我坐的士在East Hotel落車然後過馬路便是。原來我之前在銅鑼灣已幫襯過這店！晚上約7:30來到，人不多，我們每人先點了一個熱的麵食。讚岐烏冬，很滑，而日式魚蛋片也很彈牙，不是只得麵粉那種，連配菜的酸蘿蔔也很好味。朋友點了抹茶蕎麥麵，是因為她覺得來到抹茶專門店一定要點和抺茶有關的食品！綠色的麵，幾得意，她説很正宗。飲品方面，我點了培茶沙冰雪糕，為了久違了沙冰（沒有了便利店後對思樂冰的懷念），培茶的雪糕有點似奶茶味雪糕，淡淡的茶味，很清新。因為此店做甜品最出色，我們明明飽都要點甜品！我點了培茶芭菲！因為覺得培茶味的雪糕實在好味，要encore! 配了茶味的啫喱和牛奶味雪糕，推介！而朋友堅持繼續點抺茶有關的甜品，叫了香港限定芭菲：賣相一流！抹茶雪糕加了白玉、卜卜脆米、抺茶味的糯米糕等，中層還有紅豆蓉等。也許大部份人都是來這裡吃甜品，我們初來到時並不多人，但坐到約8:30後就開始出現要等位的人，相信是因爲客人大都在其他地方食完飯才來這裡食甜品！

去太古城買完聖誕禮物，想起太古有我喜歡的京林屋，是時候港女一下，吃我最愛的抹茶！我上一次是在希慎分店吃的，為了那個抹茶冷麵！太古城分店好像是開了不久，光猛的燈光，都是淺色木枱凳，帶京都風！原來現在多都一些定食！我們點了京式鰻魚飯和林屋和食料理！除了主食，定食還會有漬物和味噌湯！一上枱見到鰻魚飯熱烘烘的，飯上面有好多蛋絲，因為是京式的關係，鰻魚不是原條那種，是切了一件件小小的！醬汁甜甜的，鰻魚軟滑，又香又好吃！朋友的林屋和食料理也不錯，賣相很精緻，有鯖魚、魚乾仔、魚餅、帆立貝和魷魚沙律！配飯吃很不錯呢！甜品時間！當然不少得我很喜歡的抹茶蕨餅！很重抹茶味，吃之前我會淋上綠茶粉和黑糖漿！特別喜歡煙煙韌韌的口感！吃多2件都不感覺罪惡！再來是香港限定芭菲，非常多層次的一個甜品，有好重綠茶味的綠茶雪糕，有丸子、抹茶蕨餅，下面還有啫喱，脆米，忌廉，草莓等等，好滿足呢！吃了冰冷的甜點，再喝口茶就perfect！桃味焙茶正合我心意，貼心的給客人送上沙漏，準備計好焗茶時間！甘甘地又有桃香，好喝！