元祖沾麵專門店

營業中

休息中

拉麵我就成日食，沾麵就真係好少食。而今日經過厚福街見到呢間沾麵嘅餐廳，咁決定入去食啦😆我哋叫咗一份極上芝士蟹皇沾麵同埋一份極上廣島蠔燒汁豚肉飯share。極上芝士蟹皇沾麵上面放咗4大塊叉燒同流心蛋。而佢嘅湯好香芝士味，而d湯汁好濃稠，所以好容易就掛到上d沾麵到👍🏻店家用石鍋盛湯汁，所以一直都可以keep住d湯熱，唔會凍哂一pat咁👍🏻而湯入面仲有龍蝦肉同d膏，d膏好香滑，一d都唔乾😋另外仲有一份芝士焗蟹膏跟埋一齊。上面舖咗一層好厚嘅芝士，而下面勁多蟹膏😍撈埋芝士一齊食好好味😋😋極上廣島蠔燒汁豚肉飯嘅蠔炸得好香脆、個粉好薄，唔會食到成口麵粉。整體黎睇個蠔好大隻，好香蠔味同肥美，點埋燒汁同沙律醬超好味😍而燒汁豚肉好香燒烤味，肉質嫩。兩個餸好好下飯呀😋

星期日， 百無聊賴就想出尖沙咀逛逛街， 餓了在想吃什麼， 不自覺地走到厚福街， 於是就選了元祖沾麵，因為很久沒吃了。這家麵館印象中開了很多年，佈置裝修非常有日本小麵館的格調。有幸被安排小卡位，兩人吃麵更自在。我們分別點了極上芝士蟹皇沾麵和豚肉魚介沾麵。未幾沾麵就上桌了。拉麵的擺盤很美， 每碗麵都有四大片义燒，拌著荀絲，半只糖心蛋。另有一碗靈魂沾麵湯汁。桌上有吃麵教學， 先把檸汁灑上， 按口味添加7味粉，再把麵沾上湯汁， 美味。麵的份量真多，大飯量的也能吃飽。我偷吃了友人的芝士蟹殼， 芝士的creamy口感加上蟹膏的咸香鮮味，一絕。我我魚介沾麵湯內有兩塊厚厚的豚肉，麵汁魚鮮味足。义燒偏甜口，很肥美。不得不說他們家的沾麵性價比很高呢。

我本身好鍾意食芝士，呢間嘅芝士湯底好似好出名，好多人都推薦，所以特登黎試吓～極上芝士蟹皇沾麵湯底用石鍋上，可以有保溫作用，芝士湯超級濃，濃到好似食緊芝士火鍋咁🌟～湯入面嘅海膽份量都唔少，連我呢 d超驚腥，所以平時唔食海膽嘅人，都覺得呢度d海膽都幾鮮甜！d麵條份量都多亦夠粗，掛汁一流！個麵仲要有三舊叉燒咁多，肥瘦適中覺得唔夠飽仲有個蟹蓋添～d蟹膏好鮮甜，面頭仲有芝士

好耐無食過沾麵 見到又海膽又龍蝦又鮑魚 好矜貴咁 鋪頭唔大間 位置都有啲窄 不過 預你食個麵都合理嘅嗌咗個極上芝士海膽沾麵，一份超抵嘅午市套餐 特制八代海赤海老叉燒拉麵 同一個炸芝士年糕。先講個芝士年糕 好味 一咬啲芝士流出嚟 年糕又軟糯 有三大舊 跟住係性價比爆燈嘅海赤海老叉燒拉麵 好似至到1700咋 49only 唔好以為佢好細碗 同平時啲份量係一樣架 仲要湯係勁濃又杰身架 個麵係幼麵嚟 軟硬適中 仲好多添 而且叉燒燒得啱啱好 仲有燒汁喺面 有兩塊 仲要原隻溏心蛋 平時好多俾得半個仲要至少98蚊以上喎 喱度仲係高水準架 啲蛋黃汁流心出嚟 好好味 佢啲配料櫻花蝦同竹荀都有好多 總之成碗麵超豐富 又飽肚 如果喺我屋企附近 我實日日幫襯 抵到不得了到個海膽沾麵 哇一上枱 已經好想食 用個熱石鍋裝住個濃稠芝士汁 口水都流埋 仲喺度滾緊 個麵係粗身嘅 硬度係我好鍾意嘅硬身麵芝士汁內有大量叉燒粒同。。。海贍呀熟咗嘅海膽真係好得意 粒粒爆開咁 但當然最吸引係原板海膽上 勁鮮味 仲包埋三塊叉燒同半隻溏心蛋 成碗179蚊 都勁抵 又好味 總體而言，絕對值回票價，高質美味，性價比爆燈，一定會再幫襯 讚

隔咗一段時間 又嚟 #懲罰 啦～入到去諗咗好耐食咩好🤔最後都係又揀返同上次一樣😅😅😅#極上芝士蟹皇沾麵 $148 #芝士海膽濃湯 以石鍋上 濃湯滾著咁上枱上到枱先飲一啖芝士濃湯🤤再加返條海膽 #不得了雖然湯底好濃 但海膽更濃🤭🤭沾麵份量超多🤦🏻‍♀️其實係咪 #二人前 架😅😅而且沾麵好掛汁 食多幾啖覺得heavy🤨可以食返條筍 又或者 #蟹籽沙律 再唔係大大啖蟹籽放入口又得（🫢佢地啲蟹籽係咪唔駛錢架？！ 點解可以多成咁？！🤯）佢地呢個 #極上蟹皇 重點係個蟹蓋到😱😱面果層芝士夠哂厚 入面啲蟹膏 篤開層芝士之後 係咁擁出嚟 🤤🤤你話隔咗咁耐 又點會唔掛著呢🤭🤭=====================#黃色經濟圈 #yellowtst #yellow尖沙咀 #yellow沾麵 #yellow拉麵 #hker #hkig #hongkongfood #香港加油 #食好西😋 #互推互追互讚 #nofilter

我點嘅係元祖龍蝦沾麵$109 . 個龍蝦湯底就係非常普通龍蝦湯味 越食越淡，麵冇咬口，好似茶餐廳意粉一樣淋。賣單竟然係$125, 一望先知 杯熱茶要收$5, 坐低時周圍望都唔見有寫用收茶錢。飲都冇飲過。 仲要另收加一，服務態度差。見到咁貴confirm 咗一下之後，店員用極不耐煩態度問 8達通定現金。 用餐其間有客人因為唔夠冷氣想調到店入最入面位置用餐。之後聽到一個較高級職員斥責另一位年紀較少職員，唔好比客人自由選擇用餐位置，"呢到唔係'某某快餐餐廳' 唔係佢話想坐邊到就邊到" 聽到之後給人感覺非常唔好，又不是rush hour 唔太明白點解會咁講。總之一定唔會有下次👎👎👎👎👎👎👎👎👎👎

尖沙咀剩返嘅良心餐廳有幾多間相信大家都好清楚 🤗而呢一間就出名好食既良心沾麵佢哋有好多唔同嘅配搭而且仲可以免費加湯 加湯唔會比少份量 味道水準一樣今次我就叫咗蟹蓋櫻花蝦沾麵媽媽就嗌咗芝士海膽沾麵芝士海膽呢個稍為遜色 海膽係擺咗喺個湯入面所以都幾難搵到 🫤但係就唔影響佢本身芝士味道叉燒比足三塊連埋糖心蛋價錢合理仲可以加埋湯👍🏼我嘅蟹蓋櫻花蝦水準都唔差雖然只有一個蟹蓋 但係份量都係滿滿🫶🏽櫻花蝦嘅湯就一般 雖然夠熱 但係好似唔算太有特色相比起芝士 呢個可能冇咁濃味但水準都好足夠🫱🏾‍🫲🏽

👀四點幾個陣行街行到肚餓，見到呢間之前ig好多人都講，咁橋有位，就入去食👅極上芝士蟹皇沾麵（$148）呢個沾麵係凍凍地，好似烏冬咁煙煙韌韌，沾麵湯係濃郁嘅芝士加埋海膽嘅湯，沾麵充分沾上香濃嘅湯底，佢啲叉燒，燒過，焦香，好豐富肉感，同埋沾麵仲有個蟹蓋同蟹籽，上面有濃濃嘅芝士包除咗蟹膏，一啖芝士一啖蟹膏同撈埋蟹籽好好食😋👅豚肉魚介沾麵（$89）豚肉好好食，肥瘦適中，沾麵湯好濃郁，配搭埋沾麵，多重口感😋💰$237-HKD（2人）

我已經中過一次伏 求下大家唔好助長呢啲飲食界xx 呢間係我一生人入面食過最難食嘅餐廳 請我都唔會再食 另外最近新開咗間係奧海城嘅《高橋沾麵製作所》同呢間係同一個老闆 所以我又再一次中伏 兩間同一水平咁難食

餐廳：元祖沾麵專門店地區：尖沙咀地址：尖沙咀厚福街5-6號多富閣地下5號舖日期：9/7/2022時間：19:52人數：2人 等位： 0mins 價錢： ＄399之前行過見到啲食物相幾吸引，收工諗唔到食咩就去試下🤔。我哋分別嗌左極上芝士海膽沾麵「原板海膽」（$179）、極上廣島蠔沾麵（$149）同額外加石燒芝士飯（$29），我哋冇嗌野飲但原來俾我哋嘅茶要收10蚊😅，加一後$404，post ig story 會送20張5蚊，即場可減5蚊，實際俾$399。🌟極上芝士海膽沾麵原板海膽🌟用粗身麵條，容易掛湯，不過食落唔夠彈牙而且對我地黎講硬身左少少🙊 餐廳好好選用石鍋所以由頭到尾都保持湯底既熱度👍 品嘗到熱辣辣又濃厚芝士海膽既湯底🤩多咗嘅芝士海膽湯底我哋仲撈埋些少芝士飯一齊食，雙倍芝士更美味🤤可惜海膽唔夠creamy，不過呢個價錢食到海膽都算係咁🙈🌟極上廣島蠔沾麵🌟廣島蠔係新鮮炸嘅，但炸衣偏厚少少🙊同芝士海膽湯底比較下我哋就覺得魚介湯底相對普通左啲🙊叉燒同糖心蛋都唔錯幾好食👍整體不過不失🙊，不過食過另外一間既沾麵，無論濃度、味道、麵質都更好。但個人覺得佢哋嘅芝士海膽沾麵係值得一試嘅👍👍👍

今天和朋友到海港城探暴龍，再到尖沙咀美食街－厚福街看看有甚麼好吃的，最後我們選擇了元祖沾麵！👉🏻極上芝士蟹皇沾麵 $148芝士焗蟹膏、蟹子沙律、海鮮芝士沾麵湯、豚肉、白色麵條，場面非常豐富！石頭鍋裝著熱辣辣的芝士湯，表面鋪上兩片海膽！令人驚喜的是，芝士湯內還有海膽和龍蝦肉，真是鮮味十足！麵湯濃濃的，一夾會掛麵條上，若你是芝士控，十分推介這個！👉🏻豚肉魚介沾麵 $89豚肉、魚介沾麵湯、白色麵條，魚介是指由魚乾和其他海鮮熬煮出來的湯，隱約聞到堅魚和木魚的香味！豚肉肥都均勻，薄薄一片片鋪在麵條上！麵條十分彈牙，配上濃郁的魚介沾麵湯，非常可口！

吾知什麼時候開始興起了魚介風。上次別間吃了魚介拉麵，今次再試一試豚肉魚介沾拉麵🍜。豚肉魚介沾拉麵 $89.00分別上麵底和極濃魚介湯底。上面有四塊肥大豚肉。半隻流心蛋，每個沾醬都有一個熱辣辣的石鍋溫暖住，唔怕食到最後會凍哂。極上芝士蟹皇沾麵$148.00係海膽呀⋯仲要係好多粒大大粒個種🥹這個時節都能夠品嘗到大大口的海膽，好興奮😆。蟹殼🦀️原隻上，極濃厚下啲芝士裏面滿滿海膽濃汁。唔怕食到最後只有麵沾醬不夠的狀態。有需要可以叫店員加湯，完全免費。上網見到極多人排長龍，好在今次在不三二四的時間拜訪才可避開人潮時間😆❤️。

⭐尖沙咀"人氣沾麵店" 💛 #HomeKongFood 冇幾耐之前同家姐 @pinkpinkyoga 去咗食💛《元祖沾麵專門店》好多人排隊啊，咁有人氣，入去試下先😋！ 我地叫左個🍜黑蒜豚肉叉燒拉麵 $88🦀極上芝士蟹皇沾麵 $148 🍜黑蒜豚肉叉燒拉麵拉麵湯底黑蒜味濃郁，拉麵唔太淋，煙韌度適中，配上濃郁嘅湯底，拉麵好入味啊！裡會有幾件叉燒和流心蛋，叉燒肉質好嫰滑，軟腍多汁，口感一流！ 🦀極上芝士蟹皇沾麵芝士海膽汁熱辣辣，好香啊！聞到已經刺激緊味蕾！沾麵口感豐富,煙煙靭靭, 沾上超濃郁芝士，好正呀！入面仲有好豐富嘅海膽！😍果然份量十足！而蟹蓋上面嘅芝士，裡面徹底地填滿蟹膏，好足料！芝士控千其唔好錯過!@gansohk地址：尖沙咀厚福街5-6號多富閣地下5號舖 #尖沙咀 #尖沙咀美食 #元祖 #元祖沾麵專門店 #元祖沾麵 #foodporn #ramenlover #ramennoodles #hkfoodieblogger #香港美食 #美食推介 #尖沙咀美食 #厚福街 #拉麵 #拉麵控 #沾麵 #hkfoodblogger #hkfoodblogger #hkfoodie

元祖沾麵呢間拉麵位於尖沙咀好熱鬧亦好多美食嘅地方-厚福街！佢個門口較細，不過好多張貼拉麵嘅圖片所以一望都會見到呢間舖頭，以為門口細裏面都會好細點知裏面係一個好大嘅地方！我嗰日5:00去食好彩唔使排隊大店員同我講晏多少少就好多人排隊啦！極上芝士蟹皇沾麵（$148）呢個沾麵好邪惡，濃郁嘅芝士加埋海膽嘅湯粗身嘅麵條掛汁一流充分沾上香濃嘅湯底個湯放出嚟俾我嘅時候係好熱好滾！鍾意食沾麵嘅朋友就知道啲湯嘅重要性係一定要熱㗎！特別想講吓佢啲叉燒！我未食過一間拉麵係咁多叉燒咁好食咁豐富咁惹味🥺🥺仲要完全唔hea🥹個沾麵仲有個蟹蓋下一個上面有濃濃嘅芝士包除咗蟹膏一啖芝士一啖蟹膏好好食 🤣我個朋友擇咗黑蒜豚肉叉燒拉麵（$88)我試咗個湯，黑蒜味好重，真係真材實料！同埋個叉燒一樣好豐富好多我個朋友都食唔晒要俾埋我食呀！總括而言，就算排隊我都會食，因為係一間好有誠意嘅拉麵！

元祖沾麵香港真係好多拉麵選擇，港島新界要食都有排揀有排食啊！今次我就喺尖沙咀揀咗呢一間呢間附近好多食肆雲集亦好多美食嘅地方，最緊要係搭車嘅朋友仔都好方便去到！！厚福街！開頭搵呢間舖頭嘅時候有啲迷惘，因為佢個門口比其他分店較細，不過好彩門口張貼咗好多關於拉麵嘅相，所以細心啲嘅人都可以搵到嘅，平時我朋友同我講過左1800就會好多人排隊，搞到我都驚驚地早啲去食🤣🤣好彩唔使排隊乍！今次我揀左！黑蒜豚肉叉燒拉麵（$88)好多地方食拉麵我都會試呢一個最基本嘅口味，因為我覺得咁樣先食到個精粹，呢一間舖頭冇令我失望，黑蒜味好重，好真係真材實料，每食一啖拉麵飲一啖湯好滿足😊😊同埋真係要讚既既既係叉燒一樣份量好充足！日本拉麵超過五至六塊叉燒🥹好正啊！！！而我朋友叫左！極上芝士蟹皇沾麵（$148）個湯好正係好熱好滾！！我都忍唔住偷食咗幾啖！下次有機會我一定淨係嗌呢個獨佔晒成個沾麵🤣🤣沾麵仲有蟹蓋上面有濃濃嘅芝士包除咗蟹膏一口芝士一口蟹膏好好食 最後，排隊我都會食🤣因為係一間好好味又有誠意既舖頭！