元祖沾麵專門店

營業中

休息中

Fatvava揾食😋日式沾麵餐廳極上芝士蟹皇沾麵 $105麵底粗身，都ok既，粗得黎有咬口。 石鍋上既沾麵湯好夠熱，值得讚下。沾麵湯底濃到有d稠有幾粒豬肉，因為夠稠都好掛到麵，但可惜無乜芝士味，有少少海膽，但都係無海膽味。個湯有d肥膩感覺，食2啖就有d滯既感覺。無叉燒無蛋，呢個價錢又食唔到鮮味，就真係有d唔抵。豚肉魚介沾麵 $89都係粗麵底，有口感。沾麵湯底都係稠，比芝士湯稀少少，可惜都係完全無鮮味，無魚既味道，有少少太過咸。2塊薄薄既叉燒再加半隻糖心蛋，味道都正常既，但整體都係有d滯，稀d清d再有魚鮮味d就更好。。📍綠茶收$7，好似無得揀要唔要咁，一坐底已經放低茶。📍紙巾收$2，佢會問你要唔要既。

Forgettable soup and mediocre noodle make this one of the worse ramen restaurant in HK. Considering the price point can get you better tsukumen in other restaurants like Fu-unmaru, Fujiyama 55. If you really want to try this restaurant because it supports the same ideal as yours then the least you can do is show some respect to your taste buds by lowering your expectations, as this makes the massive disappointment a lot easier to swallow.

尖沙咀厚福街是條食街，元祖沾麵專門店就在其中。店面不大但座無虛席，毫無受疫情影響。海膽芝士沾麵；一整牌滿滿的海膽，鮮甜入口即化，湯底芝士味超濃，仲有海膽碎，又香又濃，有層次感，彈牙的拉麵沾上湯底，口感豐富好滿足。豚肉魚介沾面；濃濃的魚湯里面有多塊豬肉，豬肉很香又有嚼勁，面底有豚肉、笋、紫菜及溏心蛋，落足料㗎。可以講是我到止為止吃到最好的沾面，現在餐廳還有9折優惠，夠暖心的，200多買單，性價比都唔錯。值得推荐👍！

今日嚟到尖沙咀食沾麵，呢間一直都好出名，平時夜晚食都排晒長龍，今次下午茶黎食，唔使排隊。門面睇落好細嘅舖頭原來入邊都幾大，有各式各樣嘅沾麵選擇，除咗一般嘅魚介沾麵，仲有好多特色又有創意！兩個人叫咗一人一碗沾麵。極上芝士海膽沾麵，上菜時石頭燒得好熱，裏面嘅海膽忌廉湯一路滾緊，好香！另外仲會附送一版海膽，海膽配沾麵都係第一次嘗試，又真係幾有諗頭。$158唔係特別貴，但唔好以為海膽就唔靚！食落海膽鮮甜，一啲都唔腥，好食過出面其他餐廳多多聲！豚肉魚介沾麵，差唔多每間沾麵拉麵店都一定會有嘅豚肉魚介，感覺上呢度唔會好油，食到好膩，亦都唔會得個咸字。沾麵有180g，見到好多人都食唔晒，份量好似平時嘅兩碗咁！大食之人有福了！每款都有豚肉4件，燒得好香，肥瘦均勻，特別值得一讚嘅係呢度嘅荀冇咁臭易入口！

厚福街好多好野食，呢間沾麵店都幾出名。成日都見有人等位。所以都試左一次。入到去坐底環境感覺都唔錯，不過日本餐廳都幾少聽見話要收茶錢，呢度提供嚴選京都宇治抺茶 $5位，點其他飲品則可免收。元祖龍蝦沾麵 $105，石鍋滾熱辣沾麵湯，仲可以任加上湯，味道濃，有點咸，所以我都無加。食完麵後可以加木魚湯，溝淡啲飲個湯都唔錯。另外叉燒半肥瘦，麵質韌度適中。如果普通食沾麵我就未必會揀呢間，但如果想食特別口味，例如芝士，海膽，龍蝦等就可以食下無妨。

去到日本最鐘意食沾麵, 因為麵條彈牙, 醬汁又夠濃! 今次黎到厚福街呢間元祖沾麵, 餐廳好貼心準備埋紙巾同埋口罩套!叫左1個芝士海膽沾麵, 同埋1個叉燒拉麵同媽咪SHARE!係一板海膽!!見到顏色都覺得新鮮, 唔洗加豉油都好鮮甜好好味!芝士湯入面仲有海膽, 所以勁甜勁掛汁, 但又唔會好咸食到好口乾果隻!叉燒片仲係燒過, 油香十足, 呢碗沾麵媽咪讚到爆另外叉燒拉麵麵質都彈牙, 叉燒都好好食, 湯底都唔會太咸, 好味! 2碗1齊SHARE就岩岩好!

豚肉魚介沾麵 $89魚介是用上各式的乾魚，再加上豚肉豚骨熬製出濃郁湯頭。沾湯以用石鍋分開上，可保持溫度之餘，沾麵亦不會發脹，做法貼心。由魚肉魚骨混入湯底而成，特別鮮甜，油而不肥膩。彈牙麵條掛上鮮甜濃湯，配上肥瘦均匀的叉燒及流心蛋，十分滋味。極上芝士蟹黃沾麵$148沾麵材料豐富 ，有日式叉燒、流心蛋、筍片及紫菜，佔滿整個碗。加$5升級做龍蝦沾湯，熱騰騰、香氣四溢，呷一口質感濃稠，龍蝦鮮味突出。彈牙麵條掛湯力强，配上濃郁的龍蝦湯，味道醇厚，十分香濃。湯中還有大量爽甜龍蝦肉，特別滋味。湯底油潤，叉燒肉質軟腍，表面輕輕火炙過，適合食肉獸，沾上龍蝦湯精華，更吸引。拮開滑溜流心蛋，再吃一口彈牙沾麵，每口豐富！芝士釀蟹蓋（跟配飛魚子加$10）口感像浜燒，脆香的芝士下，包滿蟹肉、黃金蟹膏，用匙子盛一口蟹黃，濃郁鮮味，把蟹肉混合卜卜脆的飛魚子，十分邪惡。

出名食龍蝦沾麵同芝士海膽沾麵的「元祖沾麵專門店」，每次經過都見到好多人等位，今次亦唔例外，等左半個鐘先有位。極上芝士海膽豚肉飯 (附送輕量版海膽一板)醬汁豐富左豚肉、米飯的味道，豚肉大大塊無臊味，米飯口感煙靭，熱鍋上可以令芝士保持軟熟，仲做到拉絲，食落亦唔覺漏。最抵係額外會有一板海膽附送，海膽鮮甜香濃，連埋洋蔥、芝士、豚肉一口食超級滿足。點左豚肉魚介沾麵但忘記影相🥺濃厚豚骨叉燒拉麵，豚骨湯頭濃郁鮮甜，配料豐富，有溏心蛋、櫻花蝦、筍片、木耳、洋蔥絲。

呢度出名食芝士海膽沾麵，我地叫左佢同埋石鍋芝士鰻魚飯，海膽沾麵有時會因為來貨價貴左而要加錢，大家記得問清楚。佢有一板海膽，沾麵，仲有芝士湯！真係好正好邪惡，真係好rich 好creamy, 原來芝士同海膽都可以咁match!! 石鍋鰻魚飯亦都好正，啖啖芝士味芝士，燒鰻魚亦一流溏心蛋亦好出色，蛋黃半熟、蛋白嫩滑最後個芝士湯加埋d 目魚湯咁飲as a perfect ending，真係好滿足！鍾意食芝士既朋友記得唔好錯過

我叫左個芝士沾麵，男朋友叫左魚介沾麵，兩樣都係垃圾，先黎左我個芝士沾麵，個湯好熱，同埋想等埋男朋友個麵先一齊食，點知5分鐘都冇，個湯無啦啦爆左，d湯洗哂出黎，個侍應即刻過黎幫我搬走個湯同埋摸台，跟著同佢講：「你要搞下佢先得架，係咪冇搞到呀？」成個語氣好似怪緊我咁，真係好嬲，但費時同佢嘈，快d食完走。到魚介沾麵，同芝士沾麵一樣，鹹到不得了，個湯好快凍左，叫侍應整返熱，佢又態度懶散，整左15分鐘，再催，先熱好。再講價錢，拉麵不嬲都貴，但呢間野既質素，性價比極低，仲有個綠茶，我地一坐底就俾左兩杯，原來要收錢又唔講，最後埋單仲要只收現金，我地仲要食食下，枱底有細曱甴係到爬，呢間野真係離譜。

云云厚福街黃店中的一間黃店，以沾麵而言是比出面一般的高了一個價位，不過這是物有所值！因為它麵的配料也和出面的與其別不同嘛。我和朋友們點了一個元祖龍蝦沾麵及兩個極上蟹皇沾麵，其中一個加了芝士海膽(+$10)。我覺得兩款沾麵的濃湯湯底應該是一樣的，香濃惹味，但龍蝦那個明顯有一股龍蝦本身的鮮甜味，驚喜😋兩個都好好味！風味不同，所以要看看你本身的喜好。另外，我倒是覺得不用加10蚊加配芝士海膽，因為濃湯再加芝士後並沒有特別出眾，而海膽沉在湯的底，一般沾麵時沾不上來。然後，蟹皇那個蟹也非常真材實料。不過就咁食也的確有點鹹，所以切記和麵撈埋一齊食啊。當然，那個麵本身也真不錯，扁身很索汁，口感煙韌好味道。非常滿足的一餐！

面質偏硬身，感覺由雪櫃拿出來放置室溫一段時間就上枱，沒有任何川燙。其次，龍蝦湯底偏淡味，沒有調味作用。最後，上菜時間緩慢，等待接近半小時才上菜。以這種質素，付1百多元是不划算，相對選擇其他拉面店更好。

成日經過呢間拉麵鋪都見到大排長龍，今日唔趕時間就終於試到佢最出名既極上芝士海膽沾麵啦！依碗係$158，食完就會知道其實都好抵食一上枱果陣以為只係海膽沾麵醬汁，原來佢仲有一大板海膽俾埋你一齊食，一冷一熱俾到兩種完全唔同既感受你另外，果日同朋友仲嗌左個濃厚豚骨叉燒拉麵，佢個湯底唔係大家所想果種超濃郁帶點油膩，而係比較清新不油膩又有豬骨味。十分啱我自己兩個麵睇落好似細細碗，但因為沾麵係芝士，而且啲麵都幾多，兩個人都食唔哂！鋪頭咁多人排隊真係有佢嘅原因，睇下佢啲食物質素同埋鋪頭嘅文宣就知道了！最好嘅地方係佢會每人送一包佢自己嘅紙巾比我地，好貼心喔！☺️

鍾意食沾麵嘅你嚟到尖沙咀 唔使問都知要懲罰邊間喇掛😏上次泥食魚介湯已經好想回頭，今次加碼叫咗元祖終極龍蝦沾面😍($155，再加大280g麵底＋$15) 。湯底超濃郁，濃到撈面咁樣，一dip落去拉上泥，啲湯汁跟埋一齊上，掛湯力驚人！湯底啖啖都充滿住龍蝦味，入面又有少量豬肉同龍蝦肉。沾麵上面配料好多，有叉燒、荀、紫菜、蔥和味蛋，流心味蛋熟咗少少，味道咸左啲。我自己中意食彈牙既質地， 所以我覺得個麵林左少少🤔，可能你地會中意。下次要再試埋其他湯底先得😁。

/元祖沾麵專門店🇭🇰💛/#sa尖沙咀篇 #sa良心小店篇➖➖➖<厚福街小店街•多種特色沾麵💛>▪️▪️▪️係尖沙咀厚福街入面 有各式各樣嘅小店💛今次lunch 就去左食沾麵😋 bookmark 左好耐終於有機會💕💕佢哋有多種沾麵同小食 總有一種係岩食而且有幾款湯仲可以添飲！店員都好貼心 會送口罩套同紙巾～➖➖➖1️⃣極上芝士蟹黃沾麵 $149 另外可以再加飛魚籽就加$10 有幾款湯底可以揀: 赤海老、龍蝦、芝士海膽湯今次就要左龍蝦湯 湯底較為稠身、少咸幾有鮮味 有半肥瘦厚切叉燒條同龍蝦肉 仲有海膽碎 幾足料沾麵都算彈牙 幾鍾意佢嘅口感❤️❤️點埋湯食好入味💛不過近冷氣位 幾快凍蟹膏同芝士幾有咸香😋 連埋松葉蟹一齊食有少少咸 可撈埋沾麵食而碗麵本身都有包其他配料最鍾意薄切豚肉 有燒過 幾香口➖➖➖分數: 7.8/10 ➖➖➖2️⃣豚肉魚介沾麵 $89 大致上同蟹肉嘅配料差不多只係少左樣餸同湯底唔同左 味道有少少似平日嘅木魚湯入面配料一樣 只不過呢款湯底粉感較重所以一定要搞勻先飲➖➖➖分數: 7/10 ➖➖➖📍元祖沾麵專門店