兩姊妹涼皮有限公司 (柏樹街) (已搬遷) 新店位置

鐘意食辣又鐘意食薯粉既朋友唔可以錯過依間由空姐開既重慶涼皮 -有食過北京拉皮既朋友一定好懷念凍冰冰既重慶拉皮/涼皮 超好食係香港好少有鋪頭整依款涼皮 就算有都唔係依種涼皮質地 終於搵到exchange個陣既感覺 太正-可加豆皮棍 等等重慶配料 今次簡左個涼皮 真係好好味 個辣好香 唔係一般酸辣粉味精辣 麻少少 辣椒味好重如果佢係湯麵碗咁上就好😫😫 想大碗d-絕對會Encore🌶🥳✔️Ps: 鋪頭細 外賣會較多 需要等候

天氣睇過嗰啲想食咩，地鐵經過太子站諗起涼皮！當然要去兩姐妹！🔸招牌兩姊妹涼皮滑滑溜溜，涼皮直接滑落到口入面。配上青瓜絲同芫荽，入口清新爽利🔸爽辣青瓜黑木耳青瓜厚切非常爽口，黑木耳大大塊，夠哂清爽🔸粒粒雞髀菇雞髀菇同樣係厚切！啖啖肉👍🏻🔸脆辣蓮藕丁蓮藕切到一粒粒，非常爽脆，加上脆辣伴料停唔到口！🔸夫妻肺片想要包羅萬有，就選擇夫妻肺片！金錢肚、豬耳、豬肚絲同豬利～樣樣都入味總括🔹小店不設堂食，價錢親民，用料實在，值得一試再試！

这家是主打正宗的重庆凉皮！但并不正宗！不是米皮的凉皮！是口感很顺滑的港式凉皮！面皮很透！有点类似宽大版的东北拉皮 但口感更绵更顺滑！我特别喜欢这个口感😆嗦起来超爽！有路过就会买一碗尝尝加了很多脆豌豆以及青瓜丝，特别适合夏天来一碗！太子店断断续续也一直有人流，算是香港小有名气的凉皮店了～辣度的话我觉得在香港算偏辣的 所以点餐切记不要挑战大辣这家的小菜也做得不错～店家最推荐椒麻鸡！但我觉得口水鸡更好吃的一点，酱汁调的都很不错～

早收工篤開openrice見到兩姊妹居然有新野：蒟蒻皮！眾所周知蒟蒻係0卡食物，食多多都唔怕肥，但有一定纖維量，所以成功做到唔肥又有飽肚感，絕對係減肥人士恩物！一如以往我食完兩姊妹係仲要返屋企食飯嘅，既然唔肥仲要嚐鮮價只售28大元正，諗都唔洗諗，即刻買碗試下先！openrice 預早15分鐘叫，行到過去剛好有得拎。圖中白色部份就係蒟蒻皮。同涼皮相比，蒟蒻皮口感明顯煙韌少少，但唔會話韌到咬唔開，一句講哂就係煙韌版嘅涼皮。另外，蒟蒻皮對比涼皮嚟講無咁掛汁，但亦因為咁好符合佢減肥恩物嘅設定：成碗粉最肥嘅就係啲汁！青瓜絲同豆豆等配料熱量好有限。可以話既keep到啲粉有汁，亦避免到太多粉掛汁，對得住減肥大使個朵。總括而言，蒟蒻皮比涼皮係減肥方面更勝一籌，但個人認為整體風味涼皮更佳。如果嚐鮮期後價錢相近，我自己會選擇蒟蒻皮多啲，畢竟年紀大個肚腩都跟住大，健康最緊要😅（唯一美中不足嘅係鋪頭冷氣機滴水好勁，滴到啲枱濕哂，堂食唔到。希望鋪頭快啲搞掂，比返個堂食位置大家👍）

兩姊妹涼皮有限公司💛招牌兩姊妹涼皮(BB辣) $29+多多青瓜絲 +$6+木耳 +$7人均消費: $21 (2人)-涼皮額外加咗青瓜絲同木耳👻本身都有爆脆豌豆 芫荽 蔥同花生碎 佢俾咗好多汁 足夠拎去撈🤤但佢啲汁感覺上唔夠凍個涼皮都比較大片 有個厚度 都有啲咬口 唔會話太淋 都夠晒晶瑩剔透同平時坊間食嘅唔同 都幾好味😋BB辣 係我接受到嘅辣度🌶️少少辣 少少麻痹嗰種麻辣 跟住再甜甜地但可惜嘅係 嗰汁冇酸味 唔夠酸🥺佢啲花生係 花生碎🥜嗰啲青瓜絲都俾得豪爽 份量多 都幾新鮮🥒偏幼絲 唔會食到話好青味 木耳都算大塊 份量都多 同個汁都幾夾😝雖然冇得坐🪑但佢側邊有個位 可以企喺度食同埋記住食完之後 要執返好啲垃圾👻·以上評價 同🐱一齊寫所以帶返頭盔先👷🏽 -19/5/2023 ate下次食 我會記得走芫荽㗎喇佢勁多芫荽🥺-有興趣嘅朋友仔 可以試吓👇🏽兩姊妹涼皮有限公司 (太子)💛太子柏樹街15號地舖· 好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od太子覓食之旅 #od食掃街 #od食四川嘢·希望大家身體健康 開心快樂💛

📌太子涼皮良心外賣店🥡💛講左好耐終於的起心肝出黎食佢地嘅涼皮啦🤣而家天氣咁熱 有咩驅使我同朋友一齊30幾度企係街度食涼皮😂真係大癲🫨🍴招牌兩姊妹涼皮走辣加豬耳加勁多青瓜絲是的 我食唔到辣🥲食唔到佢地signature嘅川辣不過就算唔辣我都覺得好好食 啲青瓜絲好多 啱啱好索曬啲汁 同埋佢地嘅豬耳勁大塊😂我自己覺得如果切返條狀會正啲～🍴招牌兩姊妹涼皮小辣加豬脷加爆荽山朋友話佢地嘅辣好惹味好正 調味唔錯唔會過鹹啲芫荽多到嚇親我地😂😂😂🍴涼拌牛柏葉 BB辣佢地嘅牛柏葉都新鮮爽口 呢個就正常發揮～我個人覺得夏天食涼皮真係好正好爽😆幾鍾意佢地涼皮質地唔會過厚而且幾好咬口🙌🏻希望佢哋可以好快喺太子開到餐廳好想攤住冷氣食 應該仲爽🤩！🍽️ 食物：🌕🌕🌕🌑🌑🥂 飲品：🌕🌕🌕🌑🌑👩🏻‍🍳 環境：🌕🌕🌕🌘🌑💯CP值：🌕🌕🌑🌑🌑✅回頭率：🌕🌑🌑🌑🌑💰人均大約$40-60（視乎加餸份量）Overall: ⭐️⭐️⭐️ (out of ⭐️⭐️⭐️⭐️⭐️)📍 兩姊妹涼皮有限公司 地址：太子柏樹街15號地舖

有次平日7點前去到發現涼皮同涼麵都已經賣晒😭 但又唔想空手而回，都叫咗重慶小麵同黑糖五彩冰粉試下，之後搵咗一日去屯門分店又摸門釘，經過兩次mission fail，終於上星期有日6點去到太子店就買到了！大部分都有唔同辣度選擇﹕走辣、BB辣、微辣、小辣、中辣同香香大辣，初試咗BB辣先下次再試微/小辣都應該無問題😛•🥢 招牌兩姊妹涼皮(BB辣) $29涼皮比想像中闊同厚，但因為佢好彈同好滑，食落都唔會有負擔，而且好濕潤，即使我買完搭埋車返屯門隔咗成個鐘都唔會吸晒啲汁/乾晒~ 涼皮面鋪咗芫茜、蔥、青瓜絲、涼皮、花生碎、豌豆同芝麻，加上招牌涼皮係凍食，食落超級清爽開胃！呢個絕對會上癮！•🥢 重慶小麵(BB辣) $30 重慶小麵係熱食，BB辣係好少好少辣，反而花生味重啲啲，但又唔係擔擔麵嘅味道，同樣有唔少配料﹕雜醬、芫茜、蔥、花生碎、豌豆、芝麻，不過呢款唔太適合隔太耐食，唔係個麵會吸晒啲汁同好腍，真係要盡快食！•🥢 黑糖五彩冰粉 $25未食過冰粉，專登叫嚟試下😛 冰粉係跟個碗形容凝固，有啲似原舊啫喱，好軟好滑，唔使點咬，配咗黑糖、花生、芝麻、青提乾，青提乾嘅甜味超級出！呢個配搭都幾新奇，有啲細個

兩姊妹memu之食評繼續掃。上回講到涼麵有幾好味，今回回歸基本，講返呢間鋪嘅招牌涼皮（29蚊）。涼皮我自己就食過N咁多次，食得辣嘅我次次都係食中辣，貪佢辣得嚟唔嗆喉，又過到鋪麻辣癮。質素方面基本無乜太大分別，唔會話一時好好食一時好差，算非常穩定，涼皮彈牙辣度穩定。唯二要留心嘅，就係雖然辣得過癮，但涼皮十分掛汁，記得帶水/買嘢飲，同埋記得帶紙巾，因為多數辣到口水鼻涕一齊嚟😂一碗涼皮基本配備有：一大堆唔知幾多條嘅青瓜絲，對女士嚟講夠一餐，男士作為下午餐嘅涼皮份量，脆口嘅豌豆，花生碎，少量芫茜，最後係涼皮嘅靈魂 - 辣而不太油嘅辣汁！沾滿辣汁嘅涼皮同爽脆嘅青瓜絲拌住幾粒豆豆一齊食，愈食愈開胃，不消兩嘢就食完，大食一族硬係會覺得有啲意尤未盡，好似踢到一半就完場咁。除左加底之外，如果想揀飽肚之選嘅話，敬請期待下次介紹嘅薯粉。

由三年前食兩姊妹食到而家，基本上成個meau都食勻，一直都覺得味道不錯，質素穩定，價錢相宜，作為飯前小食甚至女士想食少少當一餐絕對不錯。但近日見到某啲人無的放矢，乞衣到數有幾多條青瓜絲，拎city super嘅沙律呢啲唔相關嘅嘢去比，仲惡意抹黑話要特登寫多幾個食評刻意寫衰兩姊妹。你有你反對我有我中意，今日一於寫下我最中意食嘅重慶涼面。兩姊妹嘅涼皮基本上好快就賣哂，所以好多時去到就得返涼麵。本身淨係食開涼皮嘅我決定一試，頓時覺得多左個選擇。涼皮 VS 涼麵涼皮就滑捋捋啲，索哂辣汁好惹味，但食完可能就唔係咁飽肚，硬係覺得意尤未盡，飲多幾啖湯都係未夠喉。涼麵就相對硬身，未必咁掛汁，但相對飽肚啲。再加上涼麵係同青瓜絲同芫荽一齊上，一淋一爽嘅口感真係愈食愈開胃。食完之後仲有碗底嘅漏網之魚豆豆可以連香辣湯汁撈埋上嚟食，脆口非常，29蚊嘅價錢完滿地解決一餐。

最近去左太子的兩姊妹涼皮，試下佢四川野係咪真係咁好味先！去到都見到幾多人排隊，加上落完單都要等10-20分鐘先有得拎。不過好處是，店舖係轉角位都提供左幾個企位，放便人拎完即食！極品擔擔撈麵 ($30) + 雞絲 ($10) 雖然佢以涼皮為招來，但我反而想試下佢其他麵食，所以點了極品擔擔撈麵。因為係撈麵的關係，所以佢味道都幾濃下，當中麻味最出，其次先係辣味，之後是花生味。麵是熱的，即叫即煮，所以麵條都分明，唔會癡埋一齊。另外加了雞絲，本身以為係無味的細絲款，但原來係有醃過，加上佢接受雞條多於雞絲，味道是好味，亦值得加配的！兩姊妹涼皮 ($29) + 金錢肚 ($13) 第二碗就是招牌的兩姊妹涼皮，涼皮比平時食開的滑！調味亦相當大陸味，有麻有辣咁平衡等幾好！不過，如果兩揀一的話，我會選擇擔擔撈麵！以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分兩姊妹涼皮有限公司 (柏樹街)    網址: https://s.openrice.com/QrbS0At8900~uKZISBA地址: 太子柏樹街15號地舖

到位於太子的兩姊妹涼皮有限公司分店用餐，享受了一頓美味的川菜與招牌涼皮。這家餐廳以提供正宗的川菜和獨特的涼皮聞名於該區。走進餐廳，我被溫馨的環境所吸引。裝潢風格充滿著古色古香，木質家具和溫暖的燈光營造出舒適的用餐氛圍。點菜時，我毫不猶豫地選擇了招牌涼皮，聽說這是他們最受歡迎的菜品之一。不久後，一碟色澤誘人的涼皮端上了桌子。這涼皮用上了新鮮的麵皮，搭配豐富的配料，口感爽脆清爽。它以獨特的醬汁調味，讓我嘗到了濃郁的川味，辣而不過分。每一口都讓我回味無窮，令人欲罷不能。除了招牌涼皮，我還品嚐了餐廳的其他川菜。他們的川菜菜單十分豐富，有麻婆豆腐、水煮魚和口水雞等傳統川菜。每一道菜都經過精心烹調，味道鮮美，風味獨特。麻婆豆腐的麻辣味道和豆腐的軟滑口感完美結合，水煮魚則以鮮嫩多汁的魚肉和辣椒的刺激味道讓人食指大動。最令我驚艷的是口水雞，雞肉鮮嫩多汁，搭配麻辣的調味汁，吃起來真是讓人垂涎欲滴。

天氣開始熱，想食啲涼浸浸、開胃惹味嘅嘢，涼皮係不二之選。今次試下4月頭新推出嘅蒟蒻皮，質地一樣爽滑，蒟蒻皮碳水化合物低好多，食完無罪惡感。蒟蒻皮價錢比一般皮貴少少，$36，一般皮就$29。因為唔食得辣，叫咗微辣，唔食得辣嘅我覺得ok, 下次可以試小辣。配料本身有芫荽，青瓜，另加錢$10 叫咗雞絲。撈涼皮嘅汁都好好味，食完忍唔住飲咗兩啖。份量方面不多不少，啱啱好，如果仲未夠飽的話，就可以食埋冰粉，十分滿足。

呢間超出名，但duckduck一直都無試過近排重米豬蓮上榜添點知不外如是🥲 🐥 兩姊妹涼皮有限公司 🐥 <兩姊妹招牌涼皮+雞絲>不得不讚佢既涼皮幾好食 好滑👍🏻但唔夠酸唔夠辣 (p.s我地揀小辣)個汁好水🥲可能咁搞到唔夠濃味到喉唔到肺🥲而雞絲就正正常常啦💰$29+10 <黑糖五彩冰粉>有花生，芝麻，杞子，提子乾好多黑糖 太甜🥲芝麻唔夠多 亦唔夠香💰$25 .__. .__. .__.🐥🐥🐥.__. .__. .__. 總結：個人覺得無啲人講到咁好食 可能失準🥲 環境：/5服務態度：🐥🐥🐥🐥/5食物質素：🐥🐥🐥🐣/5 性價比：🐥🐥🐥🐣/5 回頭率：🐥🐥🐥🐣/5

有次星期六去開荔枝角諗住食兩姊妹涼皮🧊🧊，點知佢冇開😭原來呢間分店星期六日係唔開的🤪開放時間對打工仔唔太友好 哦( ￣▽￣)σ)但由於本人真係太好奇呢間既涼皮同其他有咩唔同於是擇左日搵左另一間分店食(/≧▽≦)/~┴┴ ☺食涼皮之前已經食左lunch，所以兩個人share左一碗招牌涼皮一放入口，即刻感受到佢塊涼皮好冰凍同其他鋪頭食既溫度唔同⚖😯而且佢個質地食落好有質感同平時食開既唔同感覺到佢果然係特制出黎(平時食開既有d似煙un版腸粉)另外，佢個汁有d似"gip"汁夾埋一齊好清爽😜總括黎講，好岩夏天食ヾ(@^▽^@)ノ

今日同狗狗去太子睇醫生，經過見到好多人排隊，上開飯查下，講到涼皮好好食，於是睇完醫生就去買。當時630pm 未到，前面有兩個人，第一個女人買完之後就話所有涼皮已經買哂，我前邊個男人乜都冇買即刻走左。我話哂乜都未試過，食評吹到咁好乜都搵啲試下。最後面色就得番涼麵加木耳加青瓜，再加個青瓜沙律。一共盛謂70大元!有圖有真相，涼面加配菜青瓜$7有約15條瓜絲，$7木耳有7片。即5豪子1條絲，$1/1片木耳。溫室青瓜都唔洗咁貴啦，乜嘢木耳咁巴閉？？？？唔怪知得個青瓜沙律要$22，city super 價位，如果七蚊有15條瓜絲，哩個沙律應該平左俾我，$7x3先$21有45條絲，芫茜免費送，可能我反而要講句多謝, 😫😫😫😖😖😖名過附實，我去百佳買一包芫茜，一個青瓜，唔洗也一蚊之餘仲係呢度加10倍。講番個麵，味道正常普通，豉油醋汁味道，收$30。隔離30蚊有兩送飯一菜一肉。唯一ok嘅地方喺用環保餐盒，做生意一定要賺錢，但都唔係呢間野都咁浪費。