八寶清湯腩

營業中

休息中

第一次食叫左碗蘿蔔清湯牛腩麵 (55蚊都唔算平), 但係佢一送上黎我就覺得肯定值呢個價仲有賺添。佢碗牛腩麵有幾個特點: 第一，蘿蔔好入味好濃郁、本身冇渣又夠林所以好好食；第二，蘿蔔好味係因為佢個湯底好好飲，注意有啲偏藥膳湯風格，不喜慎入（但我好鍾意），湯唔油👍🏻 第三，麵夠彈夠咬勁；最後就係牛既部分要特別稱讚： 牛整體肉質好夠煮都夠腍夠新鮮好肉味（肉雖然腍但係唔散，肉既紋理分明），廚師好細心咁將牛腩切成幾部分，由零脂肪到半肥瘦，重點係佢仲有一塊淨肥膏嫁！！🤯🤯🤯🤯🤯🤯所以一碗滿足哂所有願望，份量好多好足料，睇得出係用心之作黎！👍🏻👍🏻題外話，野飲冇咩特別可以是但叫（凍好立克正正常常，skip~）😹😹😹絕對推薦！

無意中知道有一間食牛腩嘅餐廳由紅磡搬左去天后，都知道八寶既湯底有別於其他餐廳，係用中湯材烹煮。兩個share 一碗清湯蘿蔔牛寶幼麵，可以一次過試晒坑腩，爽腩同崩沙腩湯底有濃郁嘅藥材味，小小甘口，同平時牛腩湯底好唔同，但係又好夾啲牛腩當一碗有齊3種牛腩時，真係唔係好識分到邊種打邊種牛腩😂3種牛腩既分量符合到過百元既價錢。透明部分既骨膠好有咬口，白色既脂肪連肉好有牛味，又唔太淋又唔會太硬🐯認為最出色既唔係主角牛腩，而係第二主角幼麵。仲叫多左一碗淨幼麵，🐯話啲麵好爽口食落係脆架，師傅煮麵手勢好好，煮到唔會有鹼水味👍🏻夏天唔係蘿蔔當造季節，但係依到既蘿蔔係清甜無無渣，又爽口👍🏻

地膽朋友介紹說不妨吃清湯牛腩麵。.專登選擇午餐時間之後到埗，店面企理、樓底又高係幾舒服.反正平日好少到這區，點了個有齊三種牛腩的，就一口氣試晒佢。.碗麵上檯，份量幾足。.事不宜遲，飲一啖湯頭，一飲，藥材？嗯嗯嗯，那就是「藥材牛湯牛腩」，不同外面那種「白滷水湯牛腩」，外面好多清湯腩其實落左唔少滷水料而且偏咸（成本這回事你懂的）。這間用藥材煮牛湯心思放了在減低膩感，要讚一下。.今時今日，香港牛骨成本太貴，好難做到清湯腩，做得到要維皮貴到嚇人。所以基本上，沒有幾多會用大量牛骨牛肉去做湯頭的麵食如清湯腩和越南牛河。食過越南當地牛河就明白。要好多牛骨跟肉先可以煮出那種甜味。.這個加了藥材同香料的湯頭確實令碗麵和牛腩沒有太膩感覺，唯一要注意，湯一旦唔夠熱了，藥材既苦味會突顯出來。都係果句好嘢趁熱食。.佐料的蘿蔔夠䭃身、無起渣、也有甜味。.三種牛腩分別都煮得唔錯，少少肥香口夠軟身無起渣也入味配埋湯頭唔錯。質素唔錯，要吹毛求疵的話我自己偏好寧願件數少尐同無咁一口一件也希望牛腩件也要大件一點就可以更食得出唔同既牛腩位置既特色同師傅手藝。.朋友呢個介紹唔錯，無中伏。

初次寫食評😂純粹分享......已經有頗長時間 會每隔一段日子掛住天后嘅華x清湯腩 要去幫襯😅 不過實在越來越感覺麻麻 最重要嘅湯底变得淡已無味 當然還比旁邊嘅x利清湯腩好些.....喺失望失落之餘 發現天后還有其他選擇😊 此間算是新開清湯腩店 (翻查資料此店原先係紅磡很長時間 現搬到天后) 就盡管試一試。 進入店內就聞到一陣當歸味.....頗有驚喜 應該湯底唔差😁 店內乾淨 靚仔過以上兩間舊店 始終新開😅 座位舒服👍 睇過menu....主打當然係清湯腩 有飯有麵 價錢貴少少 不過最緊要好味。選擇了蘿蔔清湯腩牛筋米 碗粉size較大 (因為食華x1碗係唔夠飽😅) 一見湯底顏色 就知不負所託 味道濃郁有少許當歸味 Like👍 蘿白牛腩都不錯 不過原來牛筋先係亮点 好味😄😄 而且係可以食得飽😂 雖然貴D 但👍👍 **因為唔慣相機食先 所以食完先諗起想寫評語😅 請見諒

八寶清湯腩以前舖頭就喺紅磡，之後搬左去天后，但仍然無阻我地過去搵食，因為佢地嘅獨特湯底真係好少見！平時我地都係叫清湯蘿蔔牛腩麵，所以一於叫一碗！首先當然要講下湯底，有別於其他一般嘅清湯腩店，用牛肉去煲，佢地仲加入左藥材，所以飲落鮮甜而帶有藥材嘅香味，非常獨特，食麵時同時養生呢。材料方面，牛腩非常嫩，用筷子都夾得散，亦好重牛味。蘿蔔就鮮甜多汁。麵方面彈牙又唔會太淋，整體配搭完美。另外我地想試下牛腩撈麵，牛腩撈麵份量上比較多，而味道上其實同清湯牛腩麵分別唔大，可以跟個人喜好選擇，同埋我地仲叫左碟通菜。通菜新鮮爽脆，可見舖頭所用嘅食材好新鮮。重點推介湯底，必試！

2月4號星期一年三十晚，公司放早。近幾年都鍾意揀年三十的下午黃昏時段去維園行花市、買年花，雖然在維園買年花價錢貴一點，但可順道襯熱鬧，而下午人流又未到達高峰時段，實在理想不過；尤其對於年紀尚小的女兒來說，年宵攤檔所販賣的公仔、汽球、風車、以及年花，確實相當吸引。入維園前先去天后嘆下午茶，隨意就撞了入去「八寶清湯腩」。小店本來在紅磡，結業後過海搬到來天后，大概也只有一年左右。雖然並非老店，也並非人所皆知的長龍清湯腩名店，但門口張貼了不少雜誌專訪，甚至登上了日本旅遊雜誌，似乎有一定的實力；餐牌最後幾頁甚至是老闆兼廚師與一眾名星的合照 ⋯⋯ 莫非小店的清湯腩真的有過人之處？以港式粉麵店來說，枱櫈佈置出乎意料地寛敞；裝修也有別於一般傳統粥粉麵店，但並非走高級路線，而且太過簡陋、又缺少粥粉麵店的特色，整體感覺有點怪怪的。餐廳門口左右兩邊分別是「坑腩」及「用心做好每碗麵」的照片。問了老闆，表明採用本地新鮮牛坑腩，所以價錢偏貴，最平的牛腩麵也要 $55，如果指明要坑腩、爽腩或者崩沙腩，甚至要 $85，直逼本地清湯牛腩名店！由於餐牌封面用了大大個心形麵餅，除了表達「用心」兩個字，亦以為麵條特別優質，甚

我常在天后吃清湯腩，必定去屹立多年的大利和華姐！最近朋友介紹下，為食的我再忙也抽空去試試八寶清湯腩！一入店看看菜牌，四至五款牛腩可選，即向男店員(可能是老板）請教，我選了蘿蔔牛爽腩清湯米粉多蔥！看看菜牌上的價格是在高檔水平，所以更期待！等了一會兒，一碗份量十足的牛爽腩米終於出場！蘿蔔是又林又甜的，牛爽腩大大件卻十分林香，好味！牛腩還付著煙靱的筋膜，正！湯好像是當歸底有少許甘味，像喝肉骨茶，米粉也十分爽脆，全碗分量十足！正！雖然價格稍高，但物有所值，必定會再來！

清湯腩食得多， 用藥單做清湯就真係未試過。來一碗出名的爽腩河，well.., 不是 waow一聲那種，但都有d咬囗， 成碗河得四件，$78. 哎。。ok，再試買牛筋麵， 中規中距。我在什麼配味都冇落的情況下， 將成碗湯飲清。 藥膳味很重，有特色。舖頭什麼空調也不開， 食完碗麵成身出汗， 尤如去完汗蒸幕，非常養生。

今日午餐想吃牛腩面，聽講附近開了一間八寶清湯腩，專門做牛腩面的店，店面好樸素，不是好大，一進去就聞到好香的牛腩味，我點了一碗清湯牛腩，牛腩超級大塊，一份都有好多塊，湯底看著不是好濃，飲一口才感受到濃郁的湯底，好鮮，泡飯食，覺得可以食幾碗飯，朋友點的面都好有韌性，是實在的反復揉捏過的面，最適合來食lunch啦，一人一份剛剛好。

餐廳樓頂好高，環境舒服。除左有出名既牛腩，仲有其他款麵食，咖哩飯。叫左紫菜四寶米粉($50)，牛腩幼麵($50)，炸魚皮($20)。炸魚皮跟一碗湯，估唔到碗湯好好飲，有陣藥材味。炸魚皮用袋入住，送上枱個陣就打開膠袋。所以魚皮仍然脆卜卜，而且份量都唔少。有人專登外賣炸魚皮添。幼麵麵身爽，而且牛腩仍係件狀，唔係碎牛腩。有dd牛腩連住牛脂肪，香濃牛味。配有幾件大蘿蔔，吸哂湯汁。而個湯底就充滿牛味。同炸魚皮湯底唔一樣。紫菜四寶湯底又係另一款，尼款清甜得黎，有陣紫菜味，飲完唔口渴。配料有魚片，魚皮餃，墨魚丸，豬肉丸，貢丸，仲有幾件大蘿蔔。味道ok，要食既話建議叫牛配料。整體，環境優勝，最大特點乾淨，靜靜地食唔趕人走。所以，俾多少少錢，有好食物好環境，都值得。

聽朋友介紹天后有一間小小隱世但好好食嘅牛腩粉，當然要去試吓啦😊 原來間鋪頭就係 texas burger 對面，入到去，已經聞到一陣陣好香嘅牛腩湯底，鋪頭係新裝修，唔使同人迫，感覺舒服。 識食嘅話一定係食崩沙腩河($78)，D 崩沙腩肉味濃，最重要係炆得好淋，連埋少少肥肥地方一齊食，大滿足！湯底出色，蘿蔔都好清甜，值得推薦大家！朋友就食三寶 ($98) 崩沙腩，坑腩，爽腩。都係崩沙腩最好食， 第二係坑腩。雖然感覺唔算平，但物超所值，最難得係服務員態度有禮，難得一遇嘅餐廳！

小編呢排想食得清淡啲，所以外出覓食都盡量揾啲湯麵類嘅😜今次就喺天后發現咗呢間牛腩麵小店~-🔸清湯蘿蔔牛腩麵個湯底非常清，有淡淡藥材味！！！食得出係用心作品，完全唔係味精湯~😍 牛腩肉質非常淋身，唔會un! 食得出係慢煮嘅效果~另外唔好睇少蘿蔔嘅存在！所有湯汁精髓都俾蘿蔔吸收曬，好淋好入味😭 小編能夠淨食一碗蘿蔔呢😃🔸總結: 如果去開天后又鍾意食湯麵嘅朋友可以去試下！有誠意嘅小店~見到好多人都係專情嚟食牛腩嘅，係值得一試嘅~😜

昨晚行過見到間舖新新地 ，走入去試下。叫咗咖哩牛腩飯， 黎到真係大失所望，果碗根本就唔係牛腩，係撈咗咖哩汁嘅湯渣， 食落啲肉好柴皮，好似煲完湯嘅瘦肉咁，全部一絲絲， 跟住同個店員講， 佢話可能比咗啲瘦嘅牛腩我， 轉頭補番幾嚿畀我， 點知轉頭黎到又係果D野，唉！冇食就埋單走人。嬲到我連相都唔記得影， 早知去大家樂冇好過， 最憎呢啲又貴又呃人 嘅食店。

依間野牛腩好食入味. 我叫咗爽腩飯而我老婆叫咗坑腩米粉。我覺得牛腩份量夠，切得都ok厚。爽腩有啲筋膜帶住，唔會太肥坑腩滑啲，幼細d，都不會太肥湯底重藥材味，覺得冇味精，食完唔會口渴價錢係有少少貴嘅，但真材實料，值得推介👍

久聞天后電氣道有間藥材味勁濃的牛腩麵店。今日特地落去試探虛實。陣陣藥膳味道傳到出店外，店內燈火通明，乾淨整潔，樓底很高，整體環境跟餐牌上食物的價格互相呼應，走中檔路線。坐下來吃麵，感覺像在餐廳用膳。我選了清湯蘿蔔爽腩米粉和炸魚皮，炸魚片非常鬆脆，配上一小碗濃湯，非常不錯。爽腩米粉賣相美觀，份量有點大，湯頭藥材味濃郁，牛腩份量適中，大件肉厚，咬下去沒有黏牙，鮮味無比，碗內附上3大件蘿蔔，清甜無渣，加上切得細碎的蔥花，整碗米粉味道非常之好！唯一可挑剔的，就只有室內的溫度。實在有點低，加上我食得慢，湯米很快就涼了下來...$78的清湯蘿蔔爽腩米，絕對物有所值！讚