六公館

營業中

休息中

LCX新開嗰邊而家好靚呀！想去下嗰邊食野睇景好耐，今日終於去咗六公館喇！六公館有條專屬電梯，一落去已經有一班人招呼我地，服務非常好！然後見到佢個靚景同靚裝修，感覺好正！下次應該來happy hour, 坐out door, 對住個海靚飲野一流！我地先叫左兩杯cocktail，賣相真係無得頂，我叫咗杯菊檸氣，朋友叫咗杯小鳳姐😂 飲落好特別！本身以為依啲都係會得個樣，點知又幾好飲喎！食物方面，頭盤叫咗個廚師推介 鮮柚子鱈場蟹腳，酸酸的，好fresh好開胃，不過蟹肉好似少咗啲，可能整得太碎。跟住來個鴛鴦蝦球，一邊係黃金蝦，用鹹蛋黃包住，另一邊就用芒果醬整！好味！層黃金好厚，味道好濃！而芒果個邊就有少少酸微微咁，好特別，不過個人嫌醫太多，有啲漏。跟住係另一個推介，龍井熏太爺雞，好食，隻雞好嫩好滑，加埋啲煙熏味，正！👍🏼😋最後叫個松茸羊肚菌海膽燴飯，個海膽好正！同啲飯好match，係好好味！不過就好濃味，要多人食share就啱啱好！雖然食到好飽，但都要食個甜品先圓滿☺我地叫咗個流沙球配冰淇淋，個賣相型到不得了！個流沙球入面係奶黃，超好味！配埋個好有芝麻味嘅雪糕，真係好正！👍🏼👍🏼呢個係必食！整體

老公生日，緊係要揀一間自己想去既餐廳慶祝啦！海港城海運果邊自從擴充左，我哋都會喺嗰度坐吓睇吓日落，下面都開咗幾間望到維港嘅餐廳，一直想搵機會試~今次趁住老公生日一早訂咗六公館嘅窗邊位，我地坐果邊比較靜，另一邊有酒吧area。 雖然我地既生日慣性食西餐，但今次想特別d食中餐，呢一間真係好想去試! 因為出面有個草地，仲成日見到有ig有人影HEXA嘅燈箱，好型咁!日抖夜晚都好靚~雖然當日不斷落雨，我地都趁停雨既時間出去影吓相，不失雅興!  先叫壺瑰荔堂煌， 係玫瑰花荔枝茶， 花香又帶荔枝清香~ 🍴鴛鴦蝦球   分別係由香芒蝦球同埋黃金蝦球。大蝦爽口彈牙，大大隻蝦2款各3隻。香芒蝦球伴以香芒汁味道清新，啱哂夏天。黃金蝦球用左咸蛋黃，咸香惹味。🍴龍眼蜜生煎金蠔外層蜜餞過，入口香甜，咬落脹卜卜既蠔身軟滑飽滿，蠔鮮甘香味濃~ 向來愛蠔既我,都好中意呢道菜 ! 🍴龍井薰太爺雞 上面既龍井茶葉係上檯時加上既~ 整體清香，雞肉都好有茶味，不過肉質唔夠嫩滑~ 🍴水牛奶龍蝦球 本身睇menu無咩idea，喺ig睇吓人地既相見個呢個，即刻點左~ 賣相靚之餘，牛奶蛋白仲好香好滑，龍蝦肉唔少，應該係原隻龍蝦用返呢道

裝潢新派雅緻，加上落地玻璃外的大草地和無敵海景，環境確實冇得彈。一行4人去飲茶，點了6個點心，加1個飯。其中有3款有餐廳signature標記，就稍為評論一下：花枝米網腸粉 - 米網不脆身，花枝不夠爽口又無鮮味，腸粉質地普通。一般中菜廳的腸粉都有3條，呢度只有兩條。雪山叉燒包 - 雪山皮太薄，叉燒肉質和醬汁皆一般貨色松茸羊肚菌海膽燴飯 - portion比一般中菜廳少一半，燴飯極濃味，完全蓋過海膽的鮮味。整體來說，想食環境的話，可以一試。想飲茶食好西的話，這裏的性價比太低，香港有大把更好的選擇。

尖沙咀開左新中菜餐廳，一入到去個環境勁舒服，有分室外同室內，由於太熱嘅關係我地揀左室內。佢d茶嘅味都幾特別，我地叫左玫瑰荔枝茶，非常清香，飲落好舒服。食物方面我地叫左幾款加個飯黑金蝦餃($78)賣相一流，第一次食黑色皮嘅蝦餃，仲掃左d金粉上去，不過味道就同一般蝦餃無乜分別啦！(7/10)黑蒜燒賣($62)燒賣食落無蒜味之餘仲有d酸，怪怪的，不過蝦都好大粒同彈嘅，幾足料！(5/10)竹炭流沙包($53)無乜流沙感覺，但勝在夠熱，包唔會太淋，所有野都剛剛好而且賣相一流(7/10)海膽蝦春卷($68)春卷個外皮夠脆又香口，但好弱嘅海膽味，料都可以再多d(6/10)黑豚叉燒腸粉($62)腸粉皮係厚個隻，我個人都幾中意，份量多，不過可以熱返小小(7/10)松茸羊肚菌海膽燴飯好重松茸味，海膽份量算多，食完個口都仲充滿松茸嘅香氣，飯夠creamy，食完會有d濟(8/10)

呢間餐廳想去左好耐，連家燕姐個仔都喺度 cocktail wedding party（好似係）. 間餐廳有個無敵大海景同埋戶外場地! 餐廳唔係開咗好耐，所以所有野都好似好新淨同埋好靚! 前菜我們點了「鮮柚子鱈場蟹腳」味道非常清新，青瓜加新鮮蟹腳，醬汁酸酸地，十分開胃！另外前菜也點了「法國邊豆配雞蓯菌」雖然比較細碟，但係味道也很好很清新！邊豆上面的雞蓯菌有點像木耳味道！輪到主角出場！ 我們點了餐廳的推介「48小時慢煮牛肋骨」！ 超級好味道，喜歡食牛的朋友一定喜歡！因為慢煮的關係，所以牛肉肉質非常嫩滑！可以自己另外點海鹽或者秘製醬汁😍我們點了另一個餐廳推介「黑蒜焗羊鞍」！估唔到有咁多黑蒜,真係蓋過了全條羊鞍！不只賣相很特別，味道都非常特別！本身擔心黑蒜味道好重，食完會口臭，但又冇呢個問題喎! 可能黑蒜有少少甜甜地，所以炸咗出嚟都冇口臭呢個問題！最後一點主菜是「松茸羊肚海膽燴飯」..海膽非常多，亦都非常新鮮！個飯味道好濃郁，好好味，不過有少少鹹！另外我們點了甜品三色糕點，買相超級靚，而且都整得幾好味！唔會太甜，值得一試！另外一提，店內員工&經理服務非常好！

我既生日週，當然要食好啲😆六公館大名聽左好耐！生日就黎一試裝修同平時食中菜既地方好唔同，比較似一個bar and restaurant 既裝修玫瑰荔枝茶🌹淡淡花香加果甜，十分清新解渴，飲完仲可以叫佢加水《鴛鴦蝦球》$298先講蝦既size，每一隻都有乒乓球咁大，十分新鮮，唔會太多炸粉，皮薄且脆，肉質爽彈😬講明鴛鴦咁當然係有兩種唔同既味啦，黃色果種係沙律醬，味道不錯，不過側邊果個充滿驚喜！！佢竟然係咸蛋黃味🥚黃金蝦球，非常推薦💯《松茸羊肚菌海膽燴飯》 $288呢個飯完全表現出fusion菜既精髓，用中國同日本食材煮出意大利飯既質感👍飯有淡淡松茸味，羊肚菌口感有啲似海哲，一樣係偏爽口～之前都食過加左海膽嘅飯，但係通常飯既味會蓋過海膽嘅甜，只能夠食得出海膽creamy嘅口感。但係呢個飯完全冇呢種情況！飯既味同海膽既甜味都食到，飯本身有啲煙銀口感加上海膽creamy口感，兩者配合得好好😍《龍井熏太爺雞(半隻)》$288先講雞，肉滑皮薄，黃色脂肪層唔會佔太多比例😋味道似油雞，但多左淡淡茶香，味道更具層次，同時亦冇一般油雞咁膩《蘇薑蟹肉蒸斑球》$368唔好睇佢得一舊魚好似好少咁，果舊魚十分厚肉、冇

今日去左TST 行街, 之後同朋友去左海港城間六公館 食飯~6點幾果陣, 個天仲係好光, 環境舒服, 同埋唔算好多人.一開始我地先叫壺玫瑰荔枝茶, 好香花味, 而且飲落唔會話甜, 唔錯~之後我地叫左2個餸, 1個飯~頭抽金不換生煎走地雞雞皮有D脆，雞肉嫩滑，食落香口!秋葵芥末炒牛柳粒蒜味同芥末味道好平衡， 牛柳粒又軟又嫩~ 配上有益健康既秋葵， 清新得來又惹味，口感又爽，正！ 最後再ORDER 個飯 -欖菜瑤柱菜粒炒飯，份量都真係幾多，每人食到1.5碗，炒得粒粒分明，而且又乾身，好好食！OVERALL 環境,服務都唔錯,下次會再黎 =] 

一甫進六公館，有種令人屏息注目的感覺，因為大家不禁被維港的美景及新派中菜館的氣派所吸引。沒想到大部分的食客也如我倆一樣，預先訂座，所以等候的人潮並不少。侍應安排了一張2人的座位給我們，但桌子有點狹窄，點心不可以一口氣下單，否則桌子没可能放得下，這真的有點可惜。我們惟有先點最有名的黑金蝦餃，果真吸睛又味美，值得回味。人稱牛魔王的友人，毫不猶豫便點了和牛黑椒酥，外皮既鬆軟又帶點脆口，和牛配上黑椒，原以為黑椒會搶過和牛的鮮味，但最終互相輝映，令人印象深刻。向來視燒賣為點心之王的我，實在有點後悔點了黑蒜燒賣，雖然算不上中伏，只是味道太普通，沒有驚喜罷了。喜歡海膽的朋友，可以一試海膽蝦春卷，因為它確實會令大家食指大動，海膽的鮮味比較突出，不錯的選擇最後下單的小菜類是招牌叉燒，味甜肉香，惟肉質偏硬，只屬中規中矩。

有朋自遠方來，想搵個清靜地方敘舊，朋友想飲茶食點心，想起了六公馆沒有訂位，全場訂滿，無奈只好接受吧枱叫了黑金蝦餃👍👍竹炭流沙包👍上湯牛肉球👍黑䐁叉燒腸，麻辣金錢肚，海膽蝦春卷，份量不多，二人食剛剛好。點心精緻好味，要了壼玫瑰花茶，不錯👍強烈推薦黑金蝦餃，皮薄餡靚，超好味👍👍望住無敵海景，和朋友一邊嘆☕️，一邊品嚐美食，一邊敘舊，一大樂事！這裡服務比前有很大進步，服務態度殷切，還經常主動添水，抵讚👍

即興地試咗呢間新餐廳，估唔到所有枱都俾人訂晒，連walk in枱都無，唯一可以俾你入去食嘢就只得吧枱，真係冇諗過咁誇張，因為價錢都唔係平。試嘅都係點心，又真係幾精美嘅，味道亦不錯，閒時睇吓景，食下環境食吓氣氛都係一個不錯的選擇！黑金蝦餃實在令人有點驚喜。除咗蝦餃之外仲點左黑炭流沙包，金錢肚，海膽春卷，上湯牛肉，黑豚叉燒腸粉，兩個人去，每人各一壺茶，推介玫瑰荔枝茶，味道清新特別，都係不用＄500 ,論氣氛環境及服務算是不錯了。

假日無食早餐，早些出尖沙咀飲早茶，但isquare的阿一，南海都11：30才營業，不如來海運大廈此處，剛剛11:30入座，小長龍，讓已訂枱的顧客先入座，因沒有訂枱，只有吧枱，初初感覺怪怪地，見佢外觀：墨綠色雲石，白底藍花碟配外藍裏白磁杯，圓形金色罩枱燈照亮新鲜蘭花，對著靚靚酒吧，俾個機會佢。來時陽光普照，坐低一陣子後，就發出雷暴黄雨警告，看著大螢幕，陽光漸退，黑雲驟增，狂風暴雨來襲，海上白頭浪滾滾而來，急喘而致，步步進迫，外面樹草正挣扎求全，忽然出現靈蛇閃光，以為跟着隆隆雷聲，但仍只聽到室内人聲依然，我還好安全，静看風雲變幻。高级餐廳蒸籠好乾淨，點心賣相挺身，形狀清式有彈性，材料新鮮，有心機手工，味道不太濃，能保持材料本身味道。比較喜歡欖菜肉鬆餃，不太咸，有碎豆角，餡飽滿，皮晶盈。小籠包有汁，叉燒包叉燒肥廋均勻，粉皮不笠口；黑蒜燒賣，雖然爽口，不喜歡全是蝦；我見炒粉麵，份量少，約二人份量。奇怪1:30pm無人排隊，有個男人跟接待員爭吵：點解要老人家（持拐杖）外面等；其實餐廳裏好多枱已空空；接待員可彈性處理，俾張櫈婆婆坐，或只安排佢一個人坐住先，咁就唔會爭吵！

今晚又同老公撐台腳,佢話book左間好野同我食粵菜! 話叫我著靚d喎古古怪怪咁叫我係尖沙咀5支旗杆下等,唔知食咩呢?呵…見到佢之後,佢一路帶我行去海港城,之後轉入海運,再向郵輪果面方向行,究竟食d咩? 行到最篤篤既位,再落一層電梯,老公終於話到啦! 原來佢帶我去食"六公館", 仲要book左向窗邊既台,飽覽整個維港既景色! 果晚仲要好好天,夜景好靚, 六公館裝修似私人會所咁,concept似舊式上海公館,但食新派越菜！今餐全程老公發板,我一於等食! 聽到佢好似叫左好多野咁,聽落好多都未食過咁!前菜 - 香煎鵝肝配冰糖燴梨好特別,鵝肝唔係第一次食,但以往多數都係鐵板燒咁食,但今次係前菜食法,未試過!最特別係個冰糖燴梨,擺到好似朵花咁,夾兩片連鵝肝一齊食,真係好正! 鵝肝外脆內軟,入口即溶,好有鵝肝嘅香味,而且入口回甘,好好味! 配上燴梨正好中和左d肥膩感,好味!海鮮 - 鴛鴦蝦球食完前菜之後繼續有驚喜,老公點左鴛鴦蝦球,佢話係呢度嘅招牌菜!原來鴛鴦即係兩隻味,原味係黃金蝦球既做法,鹹蛋味非常香,每粒炸到金黃色,賣相好靚! 至於另一種係芒果汁做法,每粒都好均勻咁沾滿芒果汁,酸酸甜甜好醒胃

新開餐廳六公館，之前見到介紹對住維多利亞海景，所以去試下chill下～但今次去outdoor無開，所以變左坐室內，坐室內都ok，因今年天氣怪怪，五月份已經開始熱，所以坐返入面有冷氣好d，如果唔係坐唔耐會頂唔順。職員服務好好，食物好精絰，presentation完全要相機食先。首先叫左個湯，杏汁花膠川貝菜膽白肺湯，$118，真材實料，好飲好味足料，推介！！燒腩仔，$168，皮脆，啖啖肉～香煎中式澳洲和牛柳，$298，酸甜，開胃。㰓菜瑤柱菜粒炒飯，$158，炒得香口，乾身一粒粒，唔油。最後，陳皮燉雪梨，好正，好潤！！

大半年前行街行過海港城見到碼頭這邊新開了好幾間餐廳已很想試一下，但一直未有機會，終於生日前的weekend由阿妹提出來這間六公館試一試，當然舉腳贊成啦😋😋不過打來訂枱時被要求午餐時段要選11:30或13:00、即用餐時間只有90分鐘。不過冇法啦，人家打開門做生意的，租金咁貴襯星期六做多幾枱都可以理解的⋯😂餐廳位於海港城LCX再入好多的碼頭那邊，要留意往G/F有另一條電梯是入碼頭等上船，如果要去六公館就要行到最入那條就是了。行到商場最盡就會見到有一條餐廳的「專屬」電梯先不說食物，餐廳的位置加上裝修真的冇得彈，望哂成個中上西環加埋西九龍，無敵地平線大海景！而且雖說是中菜點心，但無論室內還是室外都有bar，啱哂帶外國人來食！👯‍♀️🕺🏼最靚是餐廳對出有個花園，客人可以出外拍照👍🏼👍🏼注意︰如果有雷暴警告時就不能出外剛巧到達餐廳時雷暴警告未生效，趕得及拍一兩張海景照。我另外兩個朋友遲一點到的時候餐廳已經要關閉花園了，冇緣🤦🏼‍♀️🤦🏻‍♂️冇得影相就唯有食野啦，難得佢中午有點心，所以我地想食點心為主，再叫多一個粉麵類點心都有頗多選擇 - 黑金♠️蝦餃好似好爆咁，想唔叫都唔得😂🤓先來個雪山叉燒包，上桌時

見到家燕媽媽娶新抱都黎呢度搞party，有個無敵大海景，所以呢一個就黎潮聖一下。餐廳位於海運大廈最入最入的位置，仲要搭返電梯落去，即使做了功課我都最初行錯路落左去碼頭出境果度。一入餐廳，環境係超級靚嘅，光猛闊落，裝修新穎，連餐具都帶點講究。雖然是吃中菜但成個感覺都帶點西化，應該請客、招待外國人一個唔錯嘅選擇。我地叫了兩個打卡之選的點心，黑金蝦餃同黑金流沙包。可惜，真係非常普通。蝦餃皮可以講話厚。流沙包嘅流沙程度都係普通。反而另一個我冇影相嘅雞肉菜苗餃就唔錯，出面未見過呢個配搭，雞肉醃得濃味。另外叫了一個魚湯泡飯（全名唔記得），相比起出面宣傳版果張魚湯泡飯嘅相差好遠，魚肉全部好碎，飯係非常地少...一個人都未必夠食...仲有叫了一個揚州炒米型意粉，呢個就似樣𠵉。其實味道完全係揚州炒飯，但用米意粉，口感有少少唔同，好咬口。總括而言，我覺得我今次選嘅食物真係好普通，只係食環境。