六和冰室

營業中

休息中

一行三人去開觀塘工作，lunch rush hour隨意入咗呢間有唔少選擇嘅冰室。午市餐牌大約50至$70。仲有其他常餐同埋a la carte可以叫。我哋分別叫咗個酸菜魚飯餐、雞扒飯餐，同埋常餐瑞士汁雞全翼撈丁。常餐有3隻翼、櫻花蝦炒滑蛋、牛油丹麥多士（烘底），汁另上，加埋凍OT先$53，非常抵食。係丁底麵淋身咗啲，另上汁偏甜，就麵本身唔太索汁，掛汁咁食，不過都ok，好夠汁。（以下無影到相抱歉）—酸菜魚飯—魚量好足！酸度剛好湯底偏淡味不過好餸飯嘅，係個湯嘅蘿蔔本身係醃蘿蔔，有啲得意😂—港式燒汁（橙汁嗰隻）雞扒飯—雞扒好厚肉，煎得得幾靚，其餘不太特別。值得一提，喺呢一度嘅澱粉質其實都處理得麻麻哋。面就偏腍，飯都係，同埋唔係粒粒分明。不過overall性價比都係到，唔想搵位，醫吓個肚絕對ok!

明就明 唔明就黎明 食評有真有作 從來 我只睇性價比 講真 呢個年頭 走去食啲大連鎖都成$40 個早餐落樓 仲要鞋晒口咁款既配搭 塊多士仲要唔脆既行貨 食多幾餐都頂唔順呢度$34 有沙牛麵 腸仔蛋 同啡 講真 個沙牛啲牛韌左啲 但整體是average 腸蛋都係 我反而覺得個丹麥多士 同個啡係得既 雖然未話去到燒鵝級味道 啡香唔澀口 個多士可以用好食形容 只係細塊啲（有啲餐廳都係用丹麥包 但就Hae 出）邊係脆的 包亦是新鮮的 食得出 唔post 相啦 望落都係咁上下 自己來試下 🥱🥱

這晚跟親友一起吃晚飯，一共4人，每人叫了一道菜，合共4道，包括：胡椒豬肚雞煲小炒王野菌炒牛脷椒鹽鮮魷4個白飯先來的是胡椒豬肚煲，煲身很大，而且用檯中央的電爐不斷加熱，影相時已吃了部份，所以會見到湯在滾動，材料是豐富的，但湯頭太鹹，我們要不斷加水沖淡。接續是小炒王，曾經見過網友問小炒王是什麼？其實小炒王基本上是廚師發辦，他炒什麼便吃什麼，但一般來說是韮菜花或蒜芯炒乾魷魚及蝦乾，配菜會用上甘筍、花生、腰果、菜脯等，不一而足。這晚的小炒王是用韮菜花炒乾魷魚、魷魚鬚及白飯魚乾，配菜方面用了菜脯及腰果，相比前一道菜，這道菜沒那麼鹹，但由於菜脯的緣故，味道依然偏鹹。我們彼此都覺得三鄉小炒比它出色太多了！什麼是三鄉小炒？它是一道非常地道的家鄉菜，詳情上網便可以輕易查找到。再來是野菌炒牛脷，這道菜起初以為上錯，因為碟上有一半都是茄子，根本看不見所謂野菌，經確認後才知沒上錯。原來是有菌類食材，只因色深而份量相對地少，加上牛脷切粒不是切片，而茄子數量真是多得不成比例，所以才有所誤會。味道方面，一個字形容：鹹，鹹的程度是介乎前兩道菜之間。最後是三催四請，等到前三道菜幾乎吃光才出現的椒鹽鮮魷。我從來未試過如此

呢一日同朋友一齊食下午茶，我叫咗乾炒牛河配熱檸檬茶，朋友叫咗咖喱牛腩飯配熱杏仁霜，每份都係$44。乾炒牛河，賣相唔錯，夠香夠鑊氣，可惜太鹹，生抽應該放得太多。個人認為乾炒牛河最佳配搭一定係豆板醬，可惜呢間茶記無，只能退而求其次用辣椒醬，而事實上絕大多數茶記都只提供辣椒醬而無豆板醬，辣椒醬始終差啲啲，但差咗啲乜，我又講唔出，總之係差咁啲味。檸檬茶有酸味，而且唔似得越做越差嘅兩大一美連鎖快餐店咁，啲檸檬帶有苦味，佢呢間無。試咗朋友少少嘅咖喱牛腩，味道幾香，可惜無牛筋，亦唔見有洋蔥，就連薯仔都只係薯仔碎。杏仁霜，我朋友話好一般，無乜味。呢個下午茶餐，同上次我食，甚或我介紹另外兩位朋友去食嘅水準相差好遠，當然，唔同食物難以作直接比較，某程度亦略欠公道，但若果眾多菜式中只有個別一兩個出色的話，難免會令人失望，又或者係上次印象較好，今次有所期望吧。

上星期，去銀行，辦完事情餓似狼，沿路搵食見到呢一間，裝修懷舊多空間，卡位分開4人和6人，分別座落牆邊站，幾乎坐滿了人家，中間基本上是圓形大細檯，卻是無人坐著空等閒，我亦慶幸把握到時間，一張4卡一人霸，拎住餐牌看清單。時值下午茶的時間，清單名目多嘢揀，附相餐單只影三分二，涉及我所叫嘅茶餐，另有三分一項目，寫在另一頁空間。雙併粉麵加熱飲，銀子只是三十二，麻辣水魷更合我心意，多畀三銀少意思，加上沙嗲牛肉麵，配上奶茶甜絲絲。杯茶嚟到色澤深，啡糖落去沉一沉，奶脂浮面好吸引，香濃唔苦仲掛杯，好難遇到咁高質。再嚟雙併牛肉麵，麵質爽滑夠煙韌，牛肉確有沙嗲味，麻辣水魷有驚喜，爽口彈牙無淡味，明顯醃過夠貼地，雖則食唔到麻辣嘅滋味，仲有魷魚骨段要抽離，但係我都會再嚟，全因味道啱我嘅口味。下次再同各位分享好美食，希望你哋覺得值。

今日難得經開觀塘做嘢，就去試吓上次食過嘅六和冰室，因為上次係食夜晚嘅，所以都想睇吓晏晝會有啲咩食！去到見到隔籬枱叫咗碟酸菜魚，跟住我就望一望個Menu，估唔到竟然有個酸菜魚飯，見佢賣相咁正，梗係即刻嗌返碟試吓！真係估佢唔到個酸菜魚整得咁好食，個酸度啱啱好，最正係裏面竟然有我最愛嘅萵筍！ 六和連lunch都整得好好食，希望佢哋快啲開嚟尖沙咀，咁我就可以成日食啦！🤣🤣🫶🏻嗰杯即磨咖啡都唔錯，而且食物上枱都好快，基本上等咗唔使10分鐘！

今日早餐食呢間餐蛋通配熱奶茶套餐價三十一蚊居然星期日都開而且成條街嘅茶記都開完全估佢唔到或者同鄰近麗港城有關亦或者鄰近Apm商場有關係舊工廠區依家變成商業區你估區內仲有無工廠生產成品？早餐時間去到十一點半所以我十一點過後嚟到仍可嘆早餐坐落大把位但卡位就無乜剩好彩都畀我搵到最後一個午餐肉依家大部分茶記都用咗火腿午餐肉即使超市賣嘅大部分都係火腿午餐肉依家仲有幾多間茶記仲用緊傳統嘅午餐肉？無比較就無傷害火腿午餐肉確實比午餐肉好食煎蛋係我喜歡嘅反蛋而唔係我討厭嘅太陽蛋雖然食落唔夠熱而且唔係脆邊明顯係預先煎定但無所謂啦我完全唔介意湯係雞粉湯但唔會過鹹點都好過譚仔嘅所謂清湯通粉質素合格明顯係茶記慣常做法即係用預先烚好通粉甚至可能係用交嚟嘅預先烚好嘅通粉然後加啲熱湯落去而唔係再煮下佢呢啲嘢呃唔到人食落口就知道啦奶茶我喜歡配啡糖但啡糖唔係間間茶記都會有而呢間就有提供茶色夠深但唔澀但唔夠茶香味飲完仲有啲掛杯水準算係咁咁嘅價錢而有咁嘅質素今時今日物價高漲年代絕對物有所值

中午觀塘成業街地下、見到有位入去坐，叫左個餐、有牛扒通粉， 多士同奄列，送餐算快，牛扒是分碟上，本來是幾好的。再黎個火腿奄列，頭2啖切開都可以，見到蛋幾滑，成啖放入口，牙齒咬到碎聲，原來是蛋殼！睇個外表正常，連雞蛋殼都有，絕對冇下次！通粉個湯好似史雲生雞湯味，食落去感覺似有油既味. 已經放棄成碗無食。

經過兩次觀塘都係食佢，第一次食穩陣d就叫焗魚柳飯，落單後先發覺好多圍枱都叫酸菜魚，好彩我個焗飯都係出色。第二次再嚟當然叫酸菜魚啦～果然真係好好味，酸度剛好，金黃色湯底，魚滑又夠份量，如果下次再嚟觀塘，我都係會入嚟食。

啱啱今日真係做咗好多嘢都好，又整咗三個風扇燈 ，用發泡膠板修飾埲牆壁，搬咗一個櫃入去細房，兩條影樓背景布的配件，裝咗跳舞室的射燈，裝咗鞋架。拉線出去整咗一個向外照明的燈。真係好辛苦，啲兄弟一齊幫我，為咗圍爐佢哋請佢地食飯🩷今次有個兄弟唔舒服，個口痛，牙齦發炎。之前食完打邊爐，諗住佢幾鍾意打邊爐，所以想請佢打邊爐，點知佢話唔可以打邊爐，又唔可以食熱氣嘢，就唔去之前嗰間打邊爐啦。所以我哋今次就嚟六和冰室，食啲唔熱氣嘅嘢啦。滑蛋蝦仁炒蛋，正常發揮啦，蝦仁都算新鮮，唔係好交嗰啲，但都炒得好滑。排骨冇食過，但係見啲兄弟完全清晒，就知道好味。另外叫咗粟米魚肚羹，我覺得可以見多少少，略嫌有少少稀。梅菜扣肉好惹味，但個人鍾意肥啲，呢一個係半肥瘦嘅。未餸都幾好食喎，就係娃娃菜炒花枝，花枝又點爽脆，也不會好煙韌。容易入口。娃娃菜也很新鮮，很甜，有層次感爽脆。蝦仁也有蝦味。而我覺得出街食飯，食晚餐呢度都好抵食，我哋一共六個人，都只係535買單，每個人都有飲一杯可樂。

晚餐好味食咗一個招牌菜招牌吊燒骨前幾次已經見到有人食，賣相非常之好 腰果有蜜糖黐住，肉好有味，BBQ蜜糖味。但係食得多會漏。第二個菜就叫咗，煎峰黃花魚配白飯，魚皮卜卜趣，肉汁柔嫩又滑，用咗美極豉油，❤️不錯。😋

看畢電影後決定在觀塘區晚飯，親戚來六和冰室食過幾次雞煲，這次便跟他一起來試試。今次一行8人，可以吃多點東西，除了雞煲之外，也點了條烤魚！由於同行有小朋友，既然點了香辣味烤魚，雞煲就選不辣的清香椰雞煲。招牌烤魚提供香辣味/酸菜味/冬陰公味，我們點BB辣程度的香辣味烤魚，另外兩款口味沒辣度可選。$278的海鱸魚及$388的沙巴龍躉兩款魚，我們點選前者。海鱸魚的魚皮烤得香脆，魚肉結實滑溜不鬆散，沒什麼細骨，容易食用。BB辣不至於完全沒有辣味，對不太吃到辣的人是入門之選。烤魚用料充足，配菜有萵筍、蓮藕、薯仔、芽菜、豆卜和豆皮，還有一大碗的薯粉另上！足夠飽肚！！清香椰雞煲，點了一隻的份量 ($218)，雞件份量十足，童叟無欺！椰子湯底加入紅棗杞子，感覺養生，帶微微椰香，惟不算十分清甜。雞件灼至剛熟，啖啖肉又嫩滑易咬。額外追加了一堆火鍋配料，有日本黑豚肉 ($76)、穀飼肥牛(小) ($90）、蟹柳、午餐肉、牛柏菜、炸響鈴、蝦球 ($72) 及唐生菜。穀飼肥牛的賣相一般，可入口充滿牛香，幾好食，帶來一點反差感。黑豚肉賣相不錯，油花均勻，肉質軟嫩。蝦球不太抵食，一來份量不多，二來見到是蝦仁，已不太講

🐟🥣🥢惹味烤魚小炒☑️ 招牌烤魚(海鱸魚）蒜香金沙味 🐟- $278呢個味係吾辣嘅，如果想食辣可以叫冬陰功或者香辣味。烤魚上枱已經十分震撼，上面鋪滿大量炸蒜，蒜味香濃，個湯亦都好好味，有淡淡的鹹蛋黃味，撈埋一齊真係好邪惡。烤魚本身已經炸過，皮脆肉嫩，鱸魚唔算多骨。配料有大量芫荽、芽菜及豆皮，亦有少量蘿蔔片、蓮藕片、萵筍及豆卜，本身亦都跟咗一碗薯粉，絕對足料夠飽。唔想浪費湯底嘅仲可以加錢叫配料打埋邊爐。☑️蝦醬通菜炒牛肉 🥬-$78炒通菜好大碟，都keep到翠綠，調味恰到好處，唔會過鹹，鮮牛片份量都唔少，而且好入味，好味😋☑️燒汁茄子肥牛煲配白飯 🍆-$78呢個係晚市套餐嚟，所以會有埋一碗白飯同熱飲。茄子用油泡過好香口，茄子肉好淋好入味，肥牛份量超級多，多過茄子，同樣入味，配燒汁撈飯一流。

原本想食的那間茶餐廳竟然休長假期，只好在附近找另一間。所以算是誤打誤撞下來到六和冰室 公眾假期也有午餐和常餐可以點，看起來都很吸引。🥣 常餐B ($45) - 沙嗲牛肉通粉 + 奄列牛油丹麥多士。沙嗲的顏色看起來讓人有錯覺以為會好辣，但實際是微辛而已，相對之下是花生味較濃，還吃到花生粒。通粉幾彈牙，牛肉也是很軟嫩的那種；奄列都算滑，多士夠酥脆。🐷精選午餐A - 南乳花生枝竹豬手飯 ($52)是因為工業區的關係嗎？份量都很佛心耶！絕對能吃飽。豬手都幾腍、汁都夠多，調味剛剛好。🍛這裡的咖喱系列都很不錯耶！茶記的咖喱就是甜得來帶微辛。咖喱吉列豬扒飯 ($63) & 咖喱牛脷飯 ($63)豬扒好大一塊！炸得非常酥脆，肉不算厚身，但夠軟嫩。牛脷都給得幾多塊，相對前者給的咖喱汁也是偏多一點。以上都奉送例湯或者熱飯，凍飲和特飲則需要加錢。

27/2 食完，再encore ，今日再幫襯已經加哂價，每樣加左$5，性價比低左，希望唔係每個月加一次價laMenu Menu 招牌香芒沙拉骨晚餐set$83（有白飯+飲品）味道可以，d肉都算軟，但𥚃面d果肉唔似芒果Encore 雞軟骨$83川辣毛血旺$138好夠辣，鴨血好食，如果底有埋薯粉就正大蠔仔粥$118薯仔牛仔粒 $88，牛肉唔夠淋，薯仔好食啫啫滑雞煲，雞嫰惹味另外仲有一個啫啫通菜煲係用泰國幼身通菜，非常好食