凱悅海南雞專門店 (已改名) 查看

在元朗教育路的餐廳多不勝數，每到吃飯時間人山人海。今次來到凱悅無骨海南雞專門店，吃飯期間認識了這間溫馨小店的老闆胡先生，他提及這間餐廳是自家生意，每碟餸都是用心製作，價錢相宜。🔺無骨海南雞飯($55)：海南雞已經去骨，每塊雞都非常厚肉而且有雞味，雞皮比較薄，雞油脂肪不多 。飯底方面選擇了黃薑飯，當中有香茅、蒜蓉、雞油，吃飯時會聞到啖啖香味！🔺白雲無骨豬手飯($50)：切成薄片的豬手的肉質腍香，而且皮彈肉嫩，更肥而不膩，另外可以點上惹味開胃的酸辣汁令豬手增添鮮味。🔺例湯：非一般例湯用雞殻熬製而成，濃郁的湯頭再加上紫菜，令配料簡單的例湯都做到鮮味濃郁。🔺瓣醬豆腐($30)：店內特色小食之一，炸嫩豆腐炸得外酥內軟，新鮮熱辣咬下去的時候層次分明，再配上特調微辣的豆瓣醬可以讓提升整道菜的風味。

禮拜六去完街玩左成日好鬼攰🙈同男友返到元朗先食晚飯，呢排好想食海南雞但好多都得外賣…鬼咁肚餓唔想買返屋企又要沖涼又要消毒完一輪先有得食，終於比我搵到呢間有得堂食😁我地叫左兩個餐同一個小食share～❤️紫菜湯店家每日用雞殼，比較唔嫩滑既雞肉同紫菜新鮮煲既，仲要隔走晒啲油完全唔油膩💯真材實料，味道清淡，重點係添無加味精！❤️招牌無骨海南雞飯 💰5️⃣5️⃣雖然只係五十幾蚊但雞既份量絕對超值😯雞皮唔會太肥既同時又有雞油香～雞肉嫩滑彈牙，配埋我好中意帶有獨特香味既黃薑飯，正！😋❤️白雲無骨豬手飯 💰5️⃣5️⃣同樣都係起晒骨😆呢個豬手配埋酸汁食都幾似燻蹄😂 夏天食夠清爽👍 啲皮充滿膠質又夠養顏🤗❤️香茅豬扒 3️⃣0️⃣煎得好香口，香茅味突出👍肉質嫩滑juicy，比起好多市面既米線店/泰國菜既香茅豬扒更為出色！👏🏻💯臨走嗰陣老闆仲好客氣咁同我哋傾咗幾句😄知道佢嘅雞係獨家來源而且用粟米🌽做飼料完全無激素，岩晒愈黎愈追求健康天然既香港人！👏🏻以後元朗又多間飯堂選擇😁

食雞學問多📚📝自問吃海南雞的次數未過百都九十八🤣，基本上幫襯東南亞餐廳都係必點系列🐔，疫情前更沖出海外食海南雞飯✈️。今次真係令我對海南雞另眼相看👀。熱情的老闆道出烹調的精髓，就是揀雞🐓。凱悅海南雞專門店自設農場，雞隻每日新鮮到港，日日送日日清。自家農場雞隻用粟米做飼料🌽，每雞隻的屠宰期都係130日🔪，所有雞隻長肉不長膏，雞味重👍。試過就知真係有幾好食😋。💎 皇牌雙拼飯 $64無骨海南雞拼無骨鹽水加積鴨配黃薑飯，紫菜湯💎 無骨口水雞飯 $58自家口水雞醬配薑飯，紫菜湯💎 蜜糖雞翼 $28雞翼烘過後塗上蜜糖人均消費💰 ： ＄ 75總結✍ ： 用心制作，選材嚴謹，一試難忘。

元朗一向都多野食，呢日心血來朝想食海南雞，就去左教育路搵野食啦!呢間海南雞未試過，見都多人叫外賣就入去試一試~店仔細細，但都keep住有人流，呢度主要都係食海南雞。凱悅佢地D雞係有自家農場，養嘅龍崗雞都係食粟米大。全部都大大隻，天然無激素!海南雞可以揀有飯/粉/麵。除左單叫，仲有套餐揀。叫左2份海南雞配黃薑飯。佢D雞好大隻，但係一D都唔肥，而且本身就調左味，都唔洗再額外點汁。佢嘅肉好滑，2碟都有雞胸雞脾，份量十足。就算係雞胸位置都完全唔鞋，正呀!每份雞南雞仲有碗紫菜湯，閱餐都係五十幾蚊，仲有埋湯飲，CP值真係幾高。佢個紫菜湯無味精，仲要用雞殼熬製而成，老闆都好有心機。最後好滿足，食到好乾淨呀! 推介大家食呀!~📍凱悅海南雞專門店元朗教育路130號安樂樓地舖

🐣凱悅海南雞專門店🐣📍:元朗教育路130號安樂樓地舖⏰:11:00am-9:30pm朋友話想食海南雞😆但係又唔知邊度好食又正宗 於是我哋上網搵到呢間海南雞專門店👍🏻雖然間鋪比較細 坐嘅座位都唔算舒服 不過勝在性價比好高！店員既服務好好 一坐底就會送上一碗紫菜湯比我地 好清甜無味精 聽佢地講系用左雞殼嚟煲😆👍🏻🍚皇牌雙拼飯我叫咗無骨海南雞拼鴨肉😆真係超級抵食 除咗餸之餘仲有黃油飯👍🏻佢哋嘅海南雞嘅雞味好濃郁 雞肉好嫩滑無骨 雞皮冇咩脂肪 食落去唔會好油 真係超級推介佢哋嘅海南雞！唔使點醬汁都超級好食👍🏻鴨肉本身都好夠味 完全無骨 唔鞋之餘仲啖啖肉😍黃薑飯飯粒粒粒分明 味道好香 如果唔鍾意黃薑飯亦都可以轉白飯/米線等 🐣蜜糖雞翼佢哋既雞翼唔係用咗一般既貨色 雞翼係冇激素 用咗海南雞裏面嘅雞翼 所以食落去好滑嫩 好有雞味！再簡簡單單咁加咗啲蜜糖 令到個味道更加豐富👍🏻🐷香茅豬扒佢哋嘅豬扒一上枱熱辣辣 香茅味重 好軟嫩！🫘椰汁紅豆冰呢款清甜解渴 用左好靚好甜既紅豆 味道一流👍🏻

元朗都幾多海南雞飯，今次試左間家庭式經營嘅舖頭👍🏼👍🏼老細好好人同👦🏽👧🏻吹水😂😂真係第一次😂佢哋嘅雞係嚟自自設嘅農場，每日開舖前一晚凌晨時間送到舖頭，朝早返舖頭處理🐔🐔所以特別新鮮👍🏼🥰無骨海南雞飯&口水雞飯 $55👦🏽👧🏻第一次食到非常滿意嘅海南雞飯😍😍首先講🐔🐔先😌雞新鮮無雪味，好多時都會食到皮下嘅脂肪，但佢哋嘅雞係零，雞皮好爽，肉質好滑👍🏼👍🏼同平時嘅海南雞唔同係點薑蓉及酸汁，因為雞都好入味唔洗點汁都好味👍🏼👍🏼口水雞嘅雞同海南雞嘅雞質感一樣，口水雞汁都幾辣同好惹味，好多蒜頭辣椒👍🏼👍🏼🍚方面有得簡白飯同黃薑飯，我哋都係食黃薑飯😍🥰佢係真係用黃薑去整個飯，當中加入小量雞油令到個飯好香🤤🤤香茅豬扒 $30送上嚟嘅時候已經聞到好香嘅香茅味，豬扒非常爽口，唔會醃到啲肉豬肉唔似豬肉咁🤣每一舊豬扒都非常入味，值得一試👍🏼跟餐佢哋會送紫菜湯，完全冇味精好好飲👍🏼👍🏼由於成個家族自己做生意，佢哋非常熟悉啲雞係邊度嚟同埋點樣處理，令到我哋都食得非常放心☺️😊

今日又去教育路覓食，去左間唔起眼既海南雞餐廳，估唔到咁高性價比！入左餐廳先知，佢地既雞係每日新鮮由拍檔農場冰鮮運到香港，賣晒就無，唔會隔夜😮😮 所以夜晚想食就要早啲order知道食材咁新鮮，但價錢只係茶記價位，成件事好抵😂🐓無骨海南雞配黃飯（$55）海南雞既份量超多！基本上雞肉鋪滿成個飯，而唔係小雞三兩件，仲要佢個飯本身都好多！每件雞都好滑，本身調味夠晒鹹香，而雞肉本身好juice，老土啲講句，真係雞有雞味（我真係食過好多無雞味既雞/得個鹹字既雞🥲）餐廳無配黑䜴油，但本身都夠晒味，其實唔需要甜豉油。反而配左酸汁，個雞好夾個酸汁，味道仲香仲醒胃。仲要明明啲雞肉咁香口，但雞皮與肉之間係無肥膏，好抵讚👍🏻🌶 無骨口水雞配黃飯（$58）男朋友叫左辣既口水雞，佢好鐘意個口水醬，話啲生熟蒜好香，唔係淨得個辣味。佢話啲雞都係好嫩滑👍🏻🍚 黃飯黃飯有陣淡淡既香味，亦唔油。🥣 紫菜湯 夏天本身好啱飲紫菜湯，估唔到個例湯都煮得好好，唔係淡某某個種，而係有肉味既紫菜湯。後來問左，原來係用返海南雞既雞骨/雞殼同埋比較鞋口既肉拎去熬湯，所以無落過味精都咁夠鮮味。🐖 香茅豬扒叫左一個豬扒小食，但其實都好大份😂個

前幾日晏晝去咗元朗一間街坊小店食午餐🥢我哋嚟咗近朗屏站嘅食街，呢間店舖細細，但午市都幾多人食，好彩我哋咁啱唔使等位🪑呢日食咗兩個🐔招牌海南雞飯: 一款普通海南雞，另一款係口水海南雞($5x-6x) 都係配黃薑飯同紫菜湯🍲 嘢飲加$5~雖然係普通小店，但食得出海南雞唔普通🤩雞肉滑，配有餐廳特製酸汁🌶提升雞嘅鮮味🫢每碟雞都有雞髀/翼同雞胸，可以食到唔同嘅部位😆啖啖肉，肉質嫩滑，雞亦都唔會好肥。平時食會走雞皮，呢間唔肥可以連雞皮都食埋🙊餐牌見到佢哋係自設農場，價錢唔貴仲可以食到新鮮雞，好抵食😮口水海南雞，風味幾特別😋佢有別於一般四川風，唔會有好多辣椒油浸住雞，反而用辣椒碎同蒜蓉炒香鋪喺上面，送飯一流🤣🤣黃薑飯比較乾身，食落唔會太油膩😊紫菜湯亦都係驚喜之作，聽講佢係用雞骨煲🤩🤩🤩成個飯都雞味十足🤪🤪🤪坐落我哋見到其他食客，食佢哋其他嘅菜式，好似香茅豬扒都好吸引🫢🫢 餐廳仲可以俾客人斬料加餸，我哋見到餐牌有鹽水加積鴨🦆無骨豬手🐷有時呀媽唔想煮飯，仲可以買翻餸翻去🤣餐廳附近有學校🏫同住宅🏠，做街坊生意居多，難得有間好食嘅餐廳🤨 雖然元朗比較入，但大家嚟呢邊都可以順便試吓。如果住遠少少仲可以叫外賣🥡

今晚屋企得兩個人食，懶得煮，近近地係元朗食呢間平時好多街坊幫襯嘅海南雞飯*無骨海南雞 & 鹽水加積鴨 雙拼飯 $64*海南雞飯嘅雞肉嫩滑，皮同肉之間唔會有一層厚厚嘅肥膏，呢間鋪頭無平時街外食海南雞飯咁多調味料，更加食到本身雞嘅味道。我地兩碟都有雞髀位，飯嘅份量又多，就算男仔食一碟都肯定飽晒唔怪得呢到嘅海南雞咁受街坊歡迎，老闆話海南雞要好食，最緊要係來貨好，呢間小店有固定嘅合作農場，確保雞隻不含激素，養足4個月，冰鮮即日到港。鹽水鴨平時比較少食，成日覺得好韌好難咬，今次食有啲驚喜，切薄片嘅鴨肉一啲都唔鞋，配上酸汁，幾好食黃薑飯都好好食，唔會太油，有香味得嚟又粒粒分明每個餐都奉送例湯，呢個紫菜湯原來係用雞殼熬製，無加味精，飲落好舒服😌

元朗出名多野食，今日lunch 同媽媽諗唔到食咩，行行下求其係教育路搵左間海南雞飯食，估唔到好有驚喜，一定要推薦比大家。招牌無骨海南雞飯，真係招牌菜黎，好有驚喜。佢既海南雞好滑，老板話係自家農場每日新鮮到港既雞，無加激素純天然。雞肉超嫩滑，又唔會有油膩感，雞味濃郁，配埋黃薑飯，送飯一流。另外再送紫菜湯，紫菜湯亦係冇任何味精，用既麵係農場雞既雞殼黎熬製，雖然冇落味精但都好夠味，再加左少少肉碎，好清甜好飲媽媽叫左個白雲無骨豬手飯，份量依然係好多。豬手分成一片片，一啲都唔肥膩，食落去啖啖肉既口感，好惹味。再叫多左個瓣醬豆腐，炸豆腐炸得岩岩好，個皮好脆，入面豆腐好香滑，配上瓣醬食少少辣辣地好開胃。老板態度好友善，落單唔知嗌咩仲會主動介紹菜式，睇得出好有 heart , 呢個價錢有咁既質素，真心抵食，下次會再幫襯

入到元朗，就要肚子滿滿嘗美食的日子，體育路附近看見我最愛的海南雞飯。 店舖簡單整潔，服務員勤快健談，餐牌食物種類多，令人有選擇困難……心想要食雞……文昌雞？海南雞？口水雞？樣樣都想，天陰陰就檢刺激一點吧！ 要一客口水雞配黃飯，配暖暖杏霜……原來仲送一碗例湯。對客飯湯沒有期望，就有驚喜，奶白的湯色，喝到香甜雞味，仲有一點點辛辣感，苦苦思量就向服務員問是否胡椒？（猜對了，令人感興奮） 至於口水雞的醬令人精神一振，甜甜酸酸加上濃濃蒜辣味，令人食不停，配料也如此用心製作，果然入了間好食店。雞是重點，應該更好味，雞的皮下脂肪不多，肉味濃，仲要滑，不論脾位，胸位也一樣，令人好想再order半隻回家慢慢享受。 如來走多兩步，發掘新食店如此有趣。下次再去試二人套餐先。

今次嚟到一間港式海南雞專門店 🔥係OpenRice 見到只有好評 評價好高😳師傅話呢度嘅海南雞烹調方法有別於傳統泰國新加坡 加上重有 一條龍服務(飼養雞場 屠宰 運送) 務求令到食材新鮮到達餐廳 另外飼養場會用粟米作為雞嘅食糧 並且會比普通嘅飼養時間加長大概40日 令飼養嘅雞健康又可以長多啲肉 無骨海南雞飯$55分量十足而且唔肥嘅海南雞 肉質嫩滑 🤤加上餐廳特製嘅甜酸汁開胃又惹味😈配上多種材料特製嘅黃姜飯 好食到一啖接一啖!無骨鹽水加積鴨飯$55海南四寶之一 加積鴨 食落一啲都唔羶唔肥😋啖啖肉 皮脆肉嫩🤓另外只需要加$5就可以 配上紫菜湯及熱冷飲品 紫菜湯油胡椒雞骨多小時熬製而 冇味精！😎飲完唔會口渴😜

今次係第二次幫襯㗎啦！上次食海南雞真係好好味，老闆話係自設雞場，每日一早劏好送到，又嫩又滑，食落又真係，配埋醬汁更正。今次就試下鹽水加積鴨，個名好搞笑🤣出面未見過老闆話都係海南嘅招牌菜之一，果然冇介紹錯😋可以將鴨肉做到好嫩滑 ，仲要起曬骨，岩曬懶人食另外揀咗豆瓣醬豆腐，新鮮炸起非常鬆脆。呢個二人套餐仲包咗一碗湯，今次就試下外面好少飲到嘅枸杞豬潤湯，一上菜我都驚訝左，多料到呢抬頭望見好多枱都飲紅豆冰，咁我就整多杯埋尾啦😂係滿足既👍🏻椰汁好香+綿綿紅豆蓉🤩係童年回憶呀！

元朗教育路多野食應該好多人都知，原來開左間專食海南雞嘅餐廳，見佢個四人套餐雞豬鴨牛都有就入去試下，我地五個男仔都食到好飽。-招牌無骨海南雞(半隻)肉質非常滑，啖啖肉，無肥膏，食到好香嘅雞味。雖然係半隻，但份量都幾多，原來佢哋有自家農場，所以可以確保雞雞嘅質素，用粟米飼養足一百三十日。-涼拌海蜇拼盤(鹽水加積鴨+白雲無骨豬手)海南除左雞之外，加積鴨都好出名，隻鴨唔羶，豬手加埋個酸汁，好醒胃。-枸杞豬潤瘦肉湯湯有4款揀，揀左一個好少喺出面飲到嘅豬潤湯，個湯完全飲得出冇味精。咁又係，話明係海南雞專門店，用自家靚雞熬咪得囉。我同個師傅講話個湯冇味精，佢話係用左幾十隻雞殼a.k.a 雞骨架熬左好耐。-皇牌咖喱牛坑腩牛坑腩煮得好腍，而且係一舊一舊完整牛腩，唔係牛腩碎，加埋秘製咖喱汁，正！-上湯浸唐生菜菜好新鮮，感覺啲湯都飲得!-

好耐冇食過海南雞，今次黎到元朗教育路嘅凱悅海南雞專門店試下。-招牌無骨海南雞(半隻)雞肉非常幼嫩爽滑，就連雞胸也非常有彈性，完全沒有煮過火的乾柴感。特意問一問老闆有什麼秘訣，老闆說從選材開始已經非常講究。因為是養足130日的雞，所以比較大，肉厚而脂肪少，從而造成非常爽滑的質感。沒有任何激素，可以放心食用👍🏻順帶一提，配搭的黃姜飯也非常美味，香而不膩，飽滿而不爛，米飯粒粒分明。-涼拌海蜇拼盤(鹽水加積鴨+白雲無骨豬手)不得不提的是海蜇拼盤中的鹽水鴨，非常有驚喜。鴨肉本來會有淡淡的騷味，但是師傅烹調後清除了騷味，令鴨肉更易入口。調味恰到好處，配上店家秘制酸汁，輕盈清爽。鴨肉肉質容易撕裂，吃起來要比雞肉更加彈牙，連皮吃也不覺得油膩。-枸杞豬潤瘦肉湯由於是吃四人餐，所以點了一個枸杞豬潤瘦肉湯。老闆說湯底用了大量起骨雞殼熬製，不需要加任何味精也已經足夠鮮甜。豬潤處理得非常好，燙得剛剛好，不會過分熟。-皇牌咖喱牛坑腩咖哩牛坑腩香料十足，想要問問老闆用了什麼香料，但老闆神秘的說是自己秘制🤣咖哩跟平常吃的咖哩有點不一樣，非常特別，讓人一試難忘。牛腩非常入味，每一口都能吃到肉跟咖哩的融合。-上湯浸唐生菜