凱悅海南雞專門店 (已改名) 查看

此店有三大名菜，海南雞 ，加積鴨及白雲豬手。 海南雞與加積鴨各有兩個選擇，就是有骨與無骨。 無骨海南雞飯皮脆肉嫩， 最主要維持有入口 嫩滑口感， 雞味十足。 另外配上 特製 蔥油 或醬油， 簡直是一級享受。套餐配有黃油飯及紫菜餐湯👍👍白雲豬手 也是皮脆肉嫩👍好味。餐廳還有其他選擇，如豬扒牛腩等。 如果唔要飯還有米線， 米粉，麵可選擇。 另外亦有提供港式飲品。店舖雖小，裝修簡單清潔。 老闆給你一個家的感覺有人情味。 此店也做大量外賣， 出產迅速企理。但係我覺得堂食嘅份量係大少少😁

之前牙媽聽街坊介紹呢間啲雞吾錯，所以夜晚諗吾到食咩，牙媽就提議食呢間。叫左海南雞飯同埋口水雞飯各一碟。海南雞塊皮好薄，雞肉幾滑，而且接近無脂肪，又去埋骨，可以啖啖肉食！佢配左啲薑蔥油同醋，但系我好少點，因為雞肉本身都有咸味，而且食到有雞味，吾系雪藏雞。口水雞吾系好辣，反而酸味重啲，個味道好岩夏天食！紫菜湯入面見到有少少雞同豬肉，應該用左以上既肉煲出黎。瓣醬豆腐炸豆腐外面脆卜卜，入面既豆腐仲好嫩滑，個醬汁幾特別，用左面豉同豆瓣醬做出黎。椰汁紅豆冰牆上面大大張紙介紹，所以叫黎試下！飲得出有椰汁味，仲要似系用椰漿沖！紅豆大大粒而且吾會好似罐頭紅豆禁甜。果然系招牌！整體都吾錯，可以再二訪或者斬料返屋企食！2人餐都好抵食！餐牌：

🐓🐔呢間專食無骨雞既店 係元朗都開左好耐啦佢自設農場 每日新鮮到港 而且價錢唔貴 大大碟雞皮同雞肉唔會分離 但又做到冇肥膏雞係好爽口 隻雞應該周地走🤣 好有運動量肉質勁有口感 不用點醬都可以掃哂成碟🍚招牌無骨海南雞飯$55口水雞勁惹味 雖然佢餐牌上有2隻辣椒 但個人認為唔算好辣 反而勁開胃d雞真係好爽口 好有質感 就算有口水辣汁 都冇影響到肉質😙招牌無骨口水雞飯$58d材料新鮮到係連伴碟個2塊青瓜, 番茄仔 都好爽口 可以食哂 可以揀白飯/油飯唔使諗! 一定係油飯但d飯完全唔會勁油膩 反而較乾身同埋有好香既薑黃味👍🏻奉送非一般例湯海量紫菜既湯 有少少肉碎 唔油 冇味精 有🫶🏻小食方面叫左個炸豆腐外脆內滑 點瓣醬好夾就重口味d 但唔點醬其實都好好食2種口感同食法瓣醬豆腐$30📍凱悅海南雞專門店📌元朗教育路130號安樂樓地舖

元朗 - 凱悅海南雞專門店 同屋企人去元朗行街，lunch肚仔餓開OpenRice 睇下有咩食，loop loop下見到呢間店舖完全0負評，一於試下係咪真係咁犀利🤣老闆好talk得，見我哋生面口介紹好多店舖特式菜畀我哋知，感覺到佢嘅用心整作🥰無骨海南雞飯（🌟89.23/100) 💲55可選白飯/黄薑飯，識食一定揀黄薑飯啦🫢仲奉送紫菜湯，一嚟到極大碟😍海南雞外皮晶凝通透，雞肉好嫩滑而且好厚肉，完全冇皮下脂肪，食埋外面層皮都罪惡感冇咁重🫢黃薑飯用咗雞油、黃薑粉和香茅整成，食落去口感粒粒分明，冇油膩感，好乾身，就連吾鍾意食飯嘅我都食曬🤤紫菜湯用雞殼同大量紫菜製成，每一啖都飲到大量紫菜，就算用雞殼熬製，面頭都唔會有油脂浮上面，飲落好清爽有清雞湯味，仲係冇添加味精，飲落都健康啲👍🏻無骨鹽水加積鴨飯（🌟86.34/100）💲55飯底都係揀黃薑飯，店主吾吝嗇咁畀大大碟，外貌普普通通，但食落有驚喜，食落咸香鮮味，冇鴨蘇臭味，因為係冇骨食落啖啖肉好正😍就連吾鍾意食鴨嘅屋企人都食晒🤤瓣醬豆腐（🌟84.98/100）💲30有八件咁多，即叫即炸，食落外脆內嫩滑，豆香味好濃郁，豆瓣醬偏重口味，沾少少已經好夠味，

홍콩 왼롱 최고의 하이난 치킨?!😍中文向下面👇🏻오늘 일직 나가야돼서 12시에 점심을 먹으려고 했다. 인터넷에서 검색하다가 집 근처에 하이난 치킨 맛집 있대😍 식당위치를 지하철역이랑 거리좀 있다. 15분 걸어서 도착함 ☀️오늘 홍콩 31도이다ㅋ ㅋ ㅋ 다행히 도착하다가 대기 필요없이 바로 자리를 잡았다 ㅎ 냉방 짱짱❄️오늘 메뉴:하이난치킨과 오리살 덮밥: 솔직히 홍콩에서 이런 부드러운 치킨 처음이다😱❤️닭고기는 엄청 촉촉하고 고기의 지방도 딱이다🤤알고보니 점주님이 농장있어서 닭을 직접 키웠대요 😍😍김국: 김국을 닭의 뼈과 6시간이상 끓어서 엄청 시워해요!!!🤤🥰元朗家庭式經營超高質海南雞😍❤️❤️❤️今日要提早出門口，上網叫到好多人講元朗有間激滑海南雞，得自己一個諗住試下，點知真係超驚喜😱😱😱12點入座，12點15餐廳已經坐滿😂老實本身唔係好高期望，不過一上碗餐湯已經打動我🙈紫菜湯:碗湯上枱就見到碗邊有少少要好用心先睇到既黃油，飲落口即刻知正嘢，真係用雞殼煲！無味精😍雙拼飯（海南雞 + 加積鴨）海南雞食落口哇一聲，老實未食過咁滑既海南

#元朗 👩‍🍼今次係母親大人帶我去搵食, 皆因媽媽大人從小到大都很喜歡食雞, 常常發掘新店🤣! 今次到一家主打自家農養殖及屠宰的龍崗雞, 每朝直送香港, 保證新鮮咁話, 乖囡如我, 必須要陪媽媽試試!🐥店主表示雞以粟米飼養, 無激素, 皮厚但無皮下脂肪, 養130日才屠宰, 比一般雞養90日要長, 所以亦比較大隻! 🐣無骨海南雞飯 $55 ~ 雖然養的時間較長, 但肉質仍然嫩滑, 皮亦爽脆, 果然不錯啊!🌶無骨口水雞飯 $58 ~ 無理由2人都吃海南雞, 當然要試點別的! 店主推介, 口水雞! 唔太辣, 有少少麻, 味道好香, 超多蒜! 這天氣吃這個, 覺得更適合我! 🍚飯, 可要白飯或黃薑飯! 🥣送紫菜湯, 以雞殼淆製, 仲配有肉碎, 味道醇厚! 🥢瓣醬豆腐 $30 ~ 炸得香脆, 豆味香濃, 配以瓣醬食別具風味! 我另以口水雞醬及蔥油同吃, 豆腐配合度高啊! 🍹再來兩杯凍飲, 乖囡的一天! 

行開元朗又到晚飯時候，突然之間想食海南雞飯，喺教育路盡頭，近警局附近，有間嘅海南雞飯專門店一於入去試吓坐低未黎飯，先嚟咗個湯，呢個叫紫菜湯成個湯飲得出係冇味精嘅，另外仲有好濃烈嘅雞湯味，好好飲🤩聽講係用好多隻雞嘅殼黎煲嘅👍🏻估唔到雞湯同啲紫菜係咁夾，真心強烈推介大家一試呢碟無骨海南雞飯，睇賣相都知d雞就黎多過飯真係又大又多肉，食落去仲好滑，好有雞味，雞既皮下脂肪唔多，啱晒一啲鍾意食雞皮，但又唔想太多肥膏既朋友👍🏻另外嗰黃飯值得一讚👍🏻粒粒到金黃色好平均碟海南雞仲有配料點，左邊係薑蓉啦，另外一邊係酸辣汁，個酸辣汁用嚟點海南雞都係第一次嘗試，但效果出奇地好！令到個雞個口感層次更加豐富有酸、辣、同埋雞嘅鮮味👍🏻另外仲叫咗個醉雞配黃飯，個醉雞嘅酒味比較出同埋都濃烈嘅，但配落啲雞度又好夾，食出另外一個層次，鍾意飲酒嘅朋友可以試吓個醉雞都幾特別👍🏻杯椰汁紅豆冰對我來講有少少驚喜，個椰汁味好出，重點係一啲都唔太甜啱晒我口味PS:店舖內的雞係無添加無激素自家農場雞👍🏻又健康又好味😋

朋友之前介紹話呢間既海南雞好好食🤤因為佢真係講左好多次😂 所以今晚同友人收左工去左試下，順便支持一下小店。我地嗌左個2人餐 $168套餐包括有半隻雞/鴨，小食一份，一款湯，2杯野飲，CP值好高我覺得。既然叫得自己做海南雞專門店，我緊係要試下佢嘅海南雞啦！半隻雞份量都幾多，骨頭去得夠乾淨，最點--雞肉嫰滑一d都唔鞋，又唔會淋pat pat仲保持到肉既彈性，同埋真係有雞味ga wo👍 。配埋我至愛既黃薑飯，雞油包裹住每粒飯粒，香氣撲鼻，鬆軟可口。小食我地簡左脆皮豆腐，老闆極力推介，又真係好唔錯wo，豆腐外脆內軟，配埋豆瓣醬真係一流。仲有不得不讚下佢個湯，我地嗌左蟲草花冬瓜雜燴湯，勁好飲！我自問對味精過敏，食太重味精我會頭暈個種，佢個湯係真係無味精，老闆話佢地個湯底係用雞殼淆出黎，純雞湯，除左幾粒鹽無落其他調味料，唔怪之得咁甜。留意返佢有少量豬雜係入面，豬雜洗得乾淨無豬騷味，但唔敢食豬內臟嘅朋友可以簡其他湯試下。見佢寫住自設農場，忍唔住同老闆八下，老闆話佢地既雞係每日劏好再冰鮮運落黎，所以夠晒新鮮。同埋養夠130日先屠宰，所以雞會大隻d，厚肉d，但又唔會好多肥膏。最重要係佢地係無激素雞，叫我

未食過要試，一句講晒平靚正，試過我都話要反轉頭 首選馳名海南雞肉嫩有雞味， 加配特製醬汁冇得頂，有D唔同一般海南雞醬汁特別香一定要試。 鋪頭乾淨企理 款式唔係太多，但本人覺得貴精不貴多 試過個鴨都非常之正有特色，下次要試多幾樣，感覺非常好，抵食，抵讚

啲鷄真係好滑，我其實好少食鴨嘅 但食過呢間之後就覺得好好食 每次入到元朗都會去食同外賣，亦都試過點佢個外賣apps由元朗送到岀九龍都一樣依然咁好食 好滑 介紹比朋友都個個讚

我已經食過無數咁多次，真係好好食，每介紹一個朋友食都得到認同，從來冇比朋友鬧過中伏既，最重要水準真係Keep得住，價錢：又超值。佢地既雞同鴨完全無得輸，如果我自己一個人去食就慘，選擇困難症既我唔知要雞定鴨好。雞鴨唔洗講招牌一定掂，推介既仲有咖哩牛腩，香而濃，濃而不膩，送飯不得了！小食方面本人至愛炸豆腐外脆內滑，配埋佢地既豆瓣醬一流。仲有蜜糖雞球都係我非佛，諗起都流口水，最後一定一定要叫既就係椰汁紅豆冰真係唔飲同無去無分別。另外佢地仲有外賣到會，我屋企有party都係靠佢地，朋友一定大讚

有谷友介紹過凱悅海南雞，是日順路就黎試下佢，位置在教育路盡頭，近元朗警處個邊。兩點黎到都滿座，嘩，平日喎，咁真係好受歡迎呀。叫左一碟海南雞飯同一碟鹽水鴨飯，收到order店員即刻入左去斬雞，聽講話係自設農場嘅冰鮮靚雞黎喎，好期待呀。飯未ready就飲住湯先啦，用雞殼煲嘅紫菜湯，鮮甜無味精，勁好飲，叫飯餐就有得送啦，抵！飲完湯飯就到了，賣相幾正。朋友要左無骨海南雞飯，飯可以揀白飯或黃薑飯，仲可以轉米線/河粉/米粉添。海南雞嘅份量一啲都唔細，去左骨雞肉都仲好厚身，非常嫩滑，雞皮下亦不肥膩，高水準之作。自己就點左無骨鹽水加積鴨飯，飯底揀左白飯。同樣鴨肉很多呢，賣相雖然平凡，但食落有驚喜，鴨肉鮮味有咬口，鹹鹹鮮鮮非常好食，個人覺得鴨更吸引，坊間少有好食嘅鹽水鴨嘛。另外餐飲要左凍檸茶，朋友要左椰汁紅豆冰。檸茶茶底幾香，檸檬無苦，幾好飲呀。朋友杯紅豆冰好好飲，勁香椰汁味，紅豆煲得軟腍又不過甜，勁正～雞鴨都係高水準之作，好味又抵食，有下次！

在元朗食飯，跟朋友常去教育路搵食，但只局限於千色店至大坑渠一段，經街坊朋友介紹下知道只要行前多一個街口就有一間好好食嘅海南雞飯，仲話一定要試，今日去開運動場果邊，一於就試一試佢！ 紫菜湯自家製無味精紫菜湯，加入了肉粒，隔走曬d油，一點也不肥膩而且感覺清新。 瓣醬豆腐 $30店主推介！我食過之後都覺得一定要推介，必點小食！豆腐炸至金黃極為香脆，但內𕚃的豆腐仍然可以保持嫰滑，剛剛炸起就送上桌，熱辣辣香噴噴。感覺就好似食緊唔臭嘅臭豆腐一樣，可以食到外脆內軟的口感但又唔臭！點了豆瓣醬一起吃更為這個豆腐增加美味口感，我不斷食不斷食，完全停唔到手，真心正！ 皇牌咖哩牛腩飯 $55以牛坑腩及牛肋條做主角的咖哩牛腩，牛坑腩同牛肋條都係牛比較好吃的部位，肉味香濃而且易咬口。叫得皇牌當然有佢個人之處，咖哩汁是餐廳秘製，少少辣但既香又濃，同平常茶餐廳食到的咖哩汁完全不同，非常特別。牛腩同咖哩融合在一起，送飯一流！ 招牌無骨海南雞飯 $55 去骨海南雞，份量多，雞肉非常軟唔會煮得過火而令肉質變韌，雞肉肉厚而脂肪少，雞皮滑嫩，入口感覺是非常嫰滑，完全食得出師傳的心機。另有兩種醬料配搭：薑蓉、酸甜汁，兩種味道都好

元朗隱世高質海南雞！無骨海南雞飯 $55招牌嘅海南雞當然要試一試，起晒骨啖啖肉真係最啱食肉獸，仲要份量比想像中更大份，海南雞好鮮嫩有肉地，脂肪均勻口感一流，一啲都唔重味精再配上黃薑飯真係一流！無過鹽水加積鴨飯 $55另一驚喜係鴨肉一啲燥味都冇，肉質夠咬口唔會出晒油，加埋小小酸汁入口更有一番風味，每一個都會配黃薑飯、送紫菜湯，再值得一讚當然係紫菜湯，本身湯底已經濃郁夠味，唔似成日飲到嘅味精湯，清甜又配上紫菜味道更加有住家感覺！口水雞醬拍青瓜 $25不得不提個汁超好味，首先青瓜新鮮爽口已經滿分，個口水雞醬簡直係錦上添花，完全係配咩材料都好配合，令你每件青瓜都想點滿個醬，我仲用嚟撈埋飯真係再加飯都可以！🫘紅豆冰🥤柚子蜜凱悅海南雞專門店 (元朗)元朗教育路130號安樂樓地舖

今日又食雞，朋友推介咗一間海南雞專門店俾我，近教育路尾，元朗警署後面。呢間打正旗號賣自家農場雞，每日新鮮運到港。叫咗無骨海南雞飯同無骨口水雞飯試吓佢，油飯雞香味夠，雞肉滑又唔會好肥，口水雞係酸辣而且帶花生香味，每個飯跟一碗紫菜雞湯。仲叫個瓣醬豆腐(炸豆腐)，豆腐有彈性仲好水嫩。八卦問吓呢啲係乜嘢雞種，居然係三黃雞!? 店主胡生好熱情，講咗好多野我知。原來佢哋D雞係特別用粟米飼養所以唔會好多肥膏，無激素養足130日嘅自家農場雞，每日凌晨三點就會運到店內。每日11:00就有健康無激素靚雞供應👍🏻