凱悅海南雞專門店 (已改名) 查看

約左朋友去左元朗食飯 上網搵到呢間海南雞飯好高評分 就過去食左個午餐🥣我緊係叫左個招牌無骨海南雞飯 揀左黃油飯😌 雞肉超級嫩滑 食到雞肉鮮味😋 個飯配左個紫菜湯 以為個湯平平無奇 點知個紫菜湯材料非常足夠 仲飲到有淡淡嘅雞肉香味 好正😄我朋友就叫左個無骨鹽水加積鴨飯 原來呢個飯都有得揀黃油飯😌我試左幾塊鴨肉 又幾好食😋我地最後仲叫多個小食香茅豬扒 豬扒整得岩岩好 肉質鬆軟👍🏻我飲餐廳招牌嘅椰汁紅豆冰 椰汁味超級濃郁 加上紅豆淋淋 食完野飲翻啖真係好正❤️

元朗教育路凱悅海南雞稍稍遠離前方千色廣場一帶但行多一步路小人D坐得舒服d,重點係食得平d何樂而不為呢？凱樂的雞我會用8個字去形容‘’嚴謹上乘用心製作‘’自設雞的養殖場由養殖飼料到 殺雞 一條龍雞每日下午傍晚就會 屠宰冰鮮形式過關凌晨時間到廚房，幾乎同新鮮雞 不遑多讓粟米做飼料，無激素飼料，所以雞都大隻，2斤7，8一隻 每一份海南雞雞飯都配雞脾配雞胸賣價並不貴， 份量多配雞飯或白飯都可以食落嫩滑有雞味，而秘製口水雞醬亦都惹味撈飯停唔到口。-餐湯是紫菜雞湯拆骨雞湯去油後才落落紫菜 用心製作飲得出無味精，純雞的鮮味-加埋板醬豆腐炸得香脆豆腐嫩滑，無得彈。-凱悅比人的印象就是家的感覺，性價比高。

星期日放假又可以去偷下懶，元朗一向多美食，今次去咗教育路搵野食，估唔到今次搵食有驚喜。行行下見你到，一間海南雞專門店，決定入去試下。牆上放滿多款美食相片。二人套餐好抵食。例湯以雞殼熬製，無加味精，加入紫菜，非常鮮甜。無骨海南雞飯海南雞份量多，雞肉嫩滑，皮下脂肪少，口感爽滑，有別於坊間雞，屬自家農場，用粟米飼養，已經去骨，方便享用。招牌醉雞皮光滑，肉質軟嫩且富彈性，散發淡淡藥材味，酒香十足。雞油飯飯粒分明，帶鹹香味，加入黃薑，香氣十足。香茅豬扒大大片而且厚身，外層香口，口感鬆軟。

同個住元朗嘅街坊食晚飯，佢帶左我黎呢間俾佢封為隱世既海南雞😂我哋叫咗個二人套餐，好豐富好抵食😊❤️招牌無骨海南雞 (半隻)雞皮爽彈脂肪適中，雞肉肉質嫩滑😋❤️枸杞豬潤瘦肉湯有四個湯可以揀其實每個都好吸引🫢但朋友話岩黎完m就叫豬膶補下血😂個湯好足料👍 味道清甜～枸杞唔澀，豬潤爽口，滿滿媽媽的味道🥰❤️香茅豬扒賣相吸引，香茅味濃郁😯食落香口，肉質淋滑，但絕對唔係落咗鬆肉粉嗰種口感🙌🏻果然非常出色！😇$168就包咗一大碗足料湯，半隻雞/鴨，一個小食，兩碗飯同兩杯嘢飲，真心抵到爛😂😂

自搬返入元朗之後，有次偶爾食到呢間海南雞，覺得水準好高，好有驚喜，之後同朋友gathering都嗌咗幾次外賣。今次週末再一次黎堂食，水準依舊高，今日去到仲見到坐滿晒人，好彩唔洗等位😝今日叫咗海南雞配黃飯同醉雞配黃飯。呢度嘅海南雞飯唔會配甜豉油，除非主動要求，因為海南雞本身已經夠晒味，唔洗點任何醬都好鹹香。而醉雞都醃得好夠酒味，就算係凍食都食得出啲雞味👍🏻呢間海南雞嘅特色係佢哋有自設嘅農場，啲雞每日新鮮運到，食粟米飼料，啲雞肉每次食都好嫩滑，永無失準，好難得個飯仲配咗無味精嘅紫菜湯，職員話係用佢地啲雞去肉後淨低既雞殼熬個湯出嚟，就算冇落味精都超有鮮味，我自己都好鍾意佢個紫菜湯👍🏻一個飯+湯都係五十幾蚊，加$5就有埋飲品，好抵食！職員仲有推介佢地自己整左個外賣平台，等偏遠啲人士叫外賣唔洗用mark up 左價錢既外賣平台，好有心架！其實呢間舖頭一啲都唔起眼，裝修又比較舊式，我諗好多後生仔都會揀啲同一條街既靚靚打卡Cafe，但我自己作為元朗國長大既居民，覺得打卡類去一次半次都OK，只係係到住都想搵長期飯堂，都係鍾意呢一類唔花巧而食物高質既小店。用心做食物嘅舖頭真係要多啲支持，不然係咁速食既社

元朗美食多籮籮，除咗有大型商場之外，當然仲有大街小巷中嘅美食啦，今日又去食新嘢，依間好味又抵食嘅 "凱悅海南雞專門店"，選用優質食材，而且用心製作，所以一定要推介俾大家！店舖雖然不大，但枱與枱之間不會覺得擠迫，地方潔淨舒服😌餐牌有至抵食2人套餐、精選4人套餐、招牌無骨/有骨海南雞、海南粉，以及超值下午茶餐，很不錯呢~招牌無骨海南雞飯   $55依間海南雞每日新鮮到港，合作農場養嘅無用激素，用粟米做飼料，養足130日，比一般養嘅90日雞多咗足足40日，所以皮下脂肪少，食起嚟無咁油膩，係凱悅海南雞嘅特式，雞肉好厚，仲有少少雞髀位，啖啖肉，無骨好嫩滑，味道濃郁。配埋碗無味精嘅紫菜肉碎湯，每日新鮮熬製，用上雞殻、肉碎、紫菜熬5-6小時，用心製作，好足料嘅湯，味道清甜可口。招牌無骨系列可配白飯或黃薑飯，粒粒分明嘅黃薑飯，香氣四溢。無骨鹽水加積鴨飯    $55鴨肉一樣都係脂肪少，皮好薄，食落唔會膩，肉質好似海南雞咁鮮嫩，鴨味香濃，沾上醋汁味道更提升，再配合爽口米線同生菜一齊食，好滋味！瓣醬豆腐    $30太鬆軟嘅炸豆腐，豆味香濃，內裡唔會實實的，外脆內軟，食得出廚師用心製作，再點埋豆瓣醬，食起

元朗有幾間出名食海南雞嘅餐廳今次就去教育路嘅呢間凱悅。今日12點幾黎已經差唔多滿座😳，好似話去俾啲雞賣完就冇，要食就要早啲嚟。呢度最出名食海南雞飯同埋鹽水加積鴨飯！今晚我地兩個人一於叫哂兩個share:🔶️無骨海南雞飯配薑黃飯（$55，9.8/10）啲雞色水好靚，排得好整齊，有超多舊雞，望落好肥美，下面墊住粒粒分明嘅薑黃飯。食落口件雞超級無敵滑，仲有佢隻雞好大隻，但係唔會有好大層肥膏，食落好有雞味，雞皮仲有少少爽脆，好正！我都好欣賞佢唔係配油淋淋嗰啲雞油飯，而係粒粒好乾身嘅薑黃飯，好補身😂。特登問老闆點解啲雞咁滑咁好味，佢話來貨用堅持用靚雞，啲雞全部食粟米大，同埋比起平時啲雞養多40日所以特別大隻，同埋佢係農場每日直接攞返嚟保證新鮮！唔怪之得食落已經比一般嘅海南雞贏幾班！仲有老闆一啲都唔慳，每件海南雞都超多雞，可以話性價比100分！！！🤗🔶️無骨鹽水加積鴨飯（$55，9.5／10）加積鴨係海南四大名菜之一。呢碟加積鴨飯簡直係冇得頂！佢有成10幾塊鴨，啲鴨唔會太肥，但係食落又唔會好乾，有鴨味得嚟又好嫩！我本身好少食鴨嘅都覺得佢好食到驚為天人，同埋又係性價比超高！🔶️ 瓣醬豆腐（$30，9.2／

成條教育路都好多選擇，差少少就睇漏左呢間🤩 選材優質嚴謹，又用心製作嘅餐廳👍🏻 裝橫係茶記格局但唔算太迫，店員真的有禮貌又友善🥹 應該會做咗我哋嘅飯堂😂🍚招牌無骨海南雞飯$55呢間海南雞自設農場，每日新鮮到港～ 賣晒就收工㗎啦🥹 佢哋嘅雞係有獨特嘅飼養方法，坊間一般飼養90日就推出市場，但佢哋嘅農場比出面養多40日，雖然成本高左，但雞大隻啲😍比出面多左半斤好抵食〰️同埋佢哋嘅雞係食粟米大🌽 所以即便食落厚肉但一啲都唔肥🥹 仲要係無激素👍🏻食落堅係好滑！雞味同鮮味都好突出😝 最正係每一碟都分配到雞髀位呀🍗 連醬汁都特別過人，提供酸辣醋黎代替一般嘅黑豉油，帶出雞嘅鮮味😎 海南雞可以配白飯或者薑黃飯，仲附送紫菜肉碎湯同餐飲🤤 好抵！個湯絕對係非一般嘅例湯🍲 店家每日熬足5至6小時，拆骨雞殼去煲，飲落好清爽無味精仲可以解膩呀🤩無骨鹽水加積鴨飯 $55以為海南雞係主打，冇諗過呢道嘅加積鴨飯咁好食😨 食落去肉質脂肪少，皮薄肉嫩😳 鴨肉份量多，但食極都唔會膩，口感好正😍瓣醬豆腐 $30除咗招牌雞飯之外，佢哋都有唔同小食🫶🏻呢個瓣醬豆腐炸到外脆內軟，辣辣地帶蒜香味而且唔會太鹹，冇諗過豆腐同豆瓣醬可以咁夾

係以前中學附近有一間專食海南雞既店 就去下順便係附近懷緬一下😀店鋪主打每日新鮮送到香港既龍崗雞,自家雞場養殖,無激素仲要落足本用粟米做飼料 務求令到雞既質素大大提高 肉多又嫩滑!!😍😍我地今日叫左個2人套餐🍚我地選左招牌無骨海南雞🍖隻雞既份量相當多 重點係佢既皮下脂肪無好多肥膏 雞既質地都好滑 有雞味 就算兩個人每人都食到好多件!😝湯果方面我地選左冬蟲花冬瓜雜燴湯,超級驚喜!😋好少見係咁足料既湯,冬蟲花味好出,而老闆話佢地每日用雞殼淆製湯底 唔落味精 重本製作 實屬難得!😎小食我地選左板醬豆腐 炸豆腐外脆內嫩 辣醬都好惹味!正!🤗🤗🤗得知老闆經常派飯券比學校一d清貧學生以作獎勵 真係一間良心小店,值得支持!💪💪💪

凱悅海南雞專門店，喺k66車站旁邊，幾方便嚟到當然要試吓海南雞先啦半隻海南雞，份量好多，啖啖肉，而且好滑，醃得好入味，食到停唔到口！鍾意食海南雞嘅朋友一定要嚟試吓！小食揀咗瓣醬豆腐，開頭見到餐牌畫咗兩粒辣椒🌶️🌶️都有啲擔心會唔會太辣食唔到呢？老闆就話俾我哋知啲醬係喺旁邊自己點嘅，我哋就放心點了。結果又唔係好辣喎，但又幾惹味。啲豆腐炸得好香，外脆內軟，又唔會油淋淋。好好食😋二人餐有四款湯揀，我哋叫咗個蟲草花冬瓜湯，個湯入面仲有幾舊冬瓜好正。我哋連啲渣都食埋，因為太好味啦😋😋

睇Openrice評價好好，決定同媽咪嚟試吓。果然一啲都冇失望，仲好有驚喜添呀！二人套餐好抵食！$168就有咁多嘢食我哋要咗招牌無骨海南雞 份量好多呀!!!隻雞好好味😋完全唔需要再點任何醬汁已經一百分💯本身雞有雞味，鹹香味好正😋！而且仲好滑添呀！連平時好嘴刁嘅媽咪都大讚好食好滑😎聽老闆分享原來佢以前嘅Partner有自己嘅雞場，有自己養嘅雞，所以佢地啲雞係每日新鮮到港㗎！肉質好有口感，好想快啲再去食🤤新鮮即煮靚湯（4選一）我揀咗蟲草花冬瓜雜燴湯老闆話啲湯係新鮮煲 用雞殼熬幾個鐘唔怪之得咁好飲啦 老闆話冇落味精㗎 正呀!!!小食揀咗香茅豬扒醃得好好食😋海南雞就當然配黃薑飯😋夠晒夾

今晚屋企沒有煮飯，所以一家人決定在家附近餐廳食晚餐! 行下行下，在下雨黑暗中見到一間很多人在門口排隊的餐廳，所以決定一試「凱悅海南雞專門店」。我們叫左一個精選四套餐。招牌無骨海南雞(半隻）：海南雞雞肉已去骨，而皮下脂肪很少，加上肉質嫩滑鮮美，食落並不肥膩，雞皮食落又爽又彈口，所以我連皮都食，口感很享受。涼拌海蜇拼盤：有鹽水加積鴨及白雲無骨豬手。鴨肉雖然切得很薄，但食落的肉汁飽滿，很滋味。時菜鯇魚豆腐湯：這個湯看起來很簡單，但絕無味精，加上鯇魚肉質鮮甜，配上豆腐，這樣煲出來的湯更香更濃，健康又美味。皇牌咖喱牛坑腩：我們一家都喜歡吃咖哩，配上咬落鬆軟的牛坑腩，很好吃，特別送飯簡直一流！總括來說，這店老闆態度很有禮貌，用料十分嚴謹，一家人用心製作經營，即使吃短短一餐飯也很有家的溫暖。

落雨濕濕，行過教育路見到好多人企係凱悅海南雞，原來係排隊買外賣！見咁大雨緊係入去堂食避下雨先！一坐低緊係食招牌菜式，無骨海南雞！海南雞色水好靚、成隻雞皮下脂肪勁少！雞肉嫩滑，咬落去鮮味濃！超好食，配上黃薑飯一流！問下老闆先知，雞隻係由龍崗既農場直送，自家無激素養活，所以超級新鮮嫩滑，CP值超高！時菜鯇魚豆腐湯店家煲湯好有心機！店家用雞殼慢熬、配上鯇魚、豆腐等住家材料，鮮魚配上雞殼，顯得湯品味道更鮮甜！暖暖又窩心♥️♥️海蜇、鹽水鴨拼盤店家份量很多！海蜇彈牙爽口QQ，鹽水鴨入味，不會過硬，這兩款冷盤猶如開胃菜、越食越開胃，食不停！咖喱牛坑腩牛腩新鮮製作、保留牛腩獨有的口感，配上店家的咖哩，不會太辣，味道很均衡，適合一家大細一齊食！上湯浸唐生菜這個配搭很好，所有很好濃味的菜式配上蔬菜，中和作用，令到蔬菜也自然帶有鮮甜的味道！總結一下，店家的菜式用料上乘有質素，以依個價錢超級抵食，重點更在於其質素，既健康又美味，CP值極高！

之前睇食在元朗group見有人推介凱悅，位於教育路近圖書館那邊的末端，家庭式經營小店，午餐時間頗受街坊學生歡迎，有日我去開圖書館就行左去試，的確唔錯！店員話合作農場養的雞無用激素，以粟米為飼料，養足130日，比平時一般養90日的雞多足足40日，所以大隻得黎唔肥，皮下脂肪少，食落唔油膩，每日冰鮮到港確保新鮮。🐤招牌無骨系列無骨海南雞飯（$55）$55有埋紫菜雞湯，抵食過yoho果頭好多，最like係每碟雞都有少少雞髀位，平均分配，而且全無骨！份量多，雞堅係滑同入味，不油不膩。呢度唔提供黑豉油果d，只有薑蔥，我就覺得隻雞本身夠味，的確唔需要點醬。🦆 無骨鹽水加積鴨飯（$55）Wow, 隻鴨滑到似雞，無騷味！好味。🥣 送嘅紫菜湯要讚一下，都幾好飲，係用雞殼和雞肉碎熬製，無味精，仲撇埋油tim!午餐可配白飯/黃薑飯，如配米線/河粉/米粉仲有雞湯底添。🐤蜜糖雞翼（$35）同朋友交換了一些雞鴨自製雙併，哈哈整體來說，選材優質，製作用心，價格平民，街坊之選～值得回頭～～PS. 每日的雞賣完即止，8點零就sold out.

本身見人話好食，特登過嚟食午市多人無乜人手可以體諒，啊姐（扎馬尾）送餐搞錯左，叫米粉變左河粉，但肯定無講錯，因為啊姐落單好慢，我哋見佢吾熟電子野，我哋一行人都講得特別慢。然後嚟錯，個餐應該係隔離枱，但啊姐無話換，不停叫我吾梗要食啦！我話錯左wo？啊姐只係不停叫我食！我心諗都算啦，點知望望下，我應該係叫左醉雞米粉，但嚟左個吾知乜嘢既河粉。最後啊姐死死地氣換，重要話番我哋吾同佢講！我哋不滿話番佢，重話我哋使唔使咁惡！我錯哂啦好未！嘩，咩叫惡人先告狀我而家見識到啦！真係未試咁既態度，真係比錢買難受，唔該見到既話改善下啦，錯又吾認，一句吾好意思都無，重要話番個客轉頭！真係痴晒線