凱悅軒

營業中

休息中

退休後的生活比想像中更多彩多姿，每隔一段時間又會同朋友聚下，早排就去了尖沙咀 Hyatt Regency 的凱悅軒。其實凱悅軒真係好就腳，樓下就係尖沙咀地鐵站，就算打10號風球都可以無有怕，超方便。來了多次，依然很喜歡這裡的蜜汁叉燒，簡單直接，沒過多蜜汁，邊位焦香而有嚼口，吃得痛快，尤其是加碗白飯更是美味。可能近月蠔類肥美，凱悅軒推出以蠔作主題的［蠔門盛宴］。蜜香柚子蠔以薄脆漿包裹生蠔炸得香口，外層是黃色脆漿，內裡是軟熟多汁的生蠔，再澆上一層柚子汁，清香怡人，可以的話，佐酒更一流。X.O.醬蝦乾小炒蠔其實感覺似係小炒皇，但以爽蠔作主調，加上大大隻蝦乾，伴以蒜心同芋絲，非常香口，同柚子蠔一樣，送酒好啱。沙薑乾煏鴛鴦蠔煲好特別的處理手法，以沙薑去焗生蠔同金蠔，兩者吸收了沙薑汁，變得好惹味，食之前再淋上威士忌酒，然後點火，令蠔肉多了一份酒香，兩種蠔又各自有不同質感，好正。瑤柱海皇魚湯泡飯作為澱粉質怪，個人實在好喜歡單尾，在家中都經常自製泡飯，今次瑤柱海皇魚湯泡飯湯底已經好鮮甜，仲要加埋帶子肉、菜粒、瑤柱同蝦仁，食之前灑上脆米來增添口感，比起單純的炒粉麵飯更吸引我。甜品每次都會必點酥皮流沙盞，

Throwback to quality Chinese food by 凱悅軒 (The Chinese Restaurant) at Hyatt Regency TST! Would definitely recommend if you are on the hunt for a decent Chinese restaurant👍🏻.Basically 90% of what we ordered were my favourites 🤣 Here are the most memorable and recommended items!.🥢脆皮茶香雞🐔 (Crispy smoke chicken, Jasmine tea)🥢豉汁蘆筍炒帶子 (Pan-fried scallop, asparagus, black bean sauce）🥢山椒汁野菌炒牛肋骨肉 (Stir-fried sliced prime beef short ribs, fresh green pepper sauce, assorted mushrooms) 🥢碧綠炒斑球 🐟 (Stir fry fill

10月28日, 星期六, 和暖 六大兩小, 黎點心任點任食, 食左~~~涼拌雲耳 有雲耳絲, 青瓜絲, 蘿蔔絲, 清爽怡人蜜汁叉燒  睇落偏瘦, 實情口感軟熟, 有肉香, 蜜味香甜酸齋 多數車仔麵先食到, 估唔到係酒店有得食, 都係第一次, 甜甜酸酸, 開胃燒賣  大粒飽粒, 口感實在蝦餃  都係大大粒, 漲卜卜, 好足料, 鍾意有筍尖叉燒包  傳統做法, 鬆軟, 叉燒唔硬, 蠔皇好過蜜汁野菌素粉果  偏身, 晶瑩剔透, 好多菇菌好足料帶子蛋白餃  賣相矜貴, 上面有1/4粒帶子坐房唔怕嘈親人 環境清靜  食幾個鐘無人趕  大部分點心都好好食. 

所謂不時不食，踏人秋冬，又是「蠔」食的好季節，尖沙咀凯悅酒店中菜廳凱悅軒總廚黃皓勤師傅就細心地設計了多款以蠔為藍本的新潁菜式，是日就與朋友們前來「蠔」食一番，大家安頓好後，已急不及待看看「蠔門盛宴」餐牌，共有六款菜式，我們就從中挑了三款蠔食之前，先來個頭盤，這裡的 蜜汁叉燒 總不會令人失望，來一碟，煙韌有嚼勁，味蜜甜，胃納即時大開，蠔門盛宴也隨即開始先來 蜜香柚子蠔，是一道既清新又惹味的菜式，大廚先將生蠔輕輕一炸，然後再加上自家調配的蜜香柚子汁，既有柚子的清新芳香氣息，又有炸蠔的誘人滋味，很對辦接着是XO醬蝦乾小炒蠔，就是大家於大排檔常吃到的小炒王既「蠔」華版本，以蠔仔蝦乾炸芋絲等入饌，加入最重要既XO醬一併炒香，非常夠鑊氣，難得是蠔仔不會炒得太乾，入口也有爆汁口感，讚！侍者將 沙薑乾煏鴛鴦蠔煲 送到席前，並隨即加入威士忌再煮，令蠔帶有微微酒香，說好了是鴛鴦蠔，即金蠔和美國生蠔，加入了生薑蒜頭來爆香，金蠔甘香惹味，而生蠔則嫩滑多汁，各擅勝場「蠔，食過後，來一碟時蔬來中和一下，迎接 瑤柱海皇魚湯泡飯，用料豐富，每匙都是瑤柱絲，蝦仁亦十分爽口鮮甜，加上泡米後更添口感甜品環節，當然少不了每次

10月是個忙碌的月份, 但就算幾忙, 都要去食好西.  尖沙咀凱悅酒店中菜廳凱悅軒的菜式一向高質, 朋友得知廣州柏悅酒店黑珍珠一鑽餐廳悅景軒主廚黃遠獎師傅這兩星期到訪作為客席廚師, 約我一齊去品嚐新菜式.  今晚的菜式極具風味. 先來椒香汁花螺, 於我而言, 而太過辣, 但這辣不會在口逗留太久, 反而令人吃完一粒會想再吃的, 醬汁的惹味可以拌飯.鹽燒新疆羊排, 師傅堅持用新疆羊, 果然打造出來的菜式與平常吃到的不同, 肉質緊緻、富彈性而嫩滑, 吃時沾適量的孜然粉, 放在生菜上裹著吃, 好滋味. 平時吃羊肉, 我會先除去皮, 但羊皮弄得沒有多餘脂肪, 很讚!  蜜汁煙燻筍殼魚, 乾身而魚肉嫩滑, 不錯的佐酒菜.另一道值得大大力讚的菜式 - 湛江雞啫遼參, 雞肉好彈牙, 遼參軟滑, 而醬汁也是非常誘人, 不想浪費醬汁, 本想來碗白飯, 但接下來會有淮山麵, 我還是留肚較好啦~大閘蟹季節開鑼, 這客蟹粉拌淮山麵正合時! 蟹黃拌著爽口的淮山麵, 的確吃光是預料之內.  凱悅軒的流沙酥出名, 上層是菠蘿包的皮、中間是流沙湯圓、底層是蛋撻皮, 一口咬下, 三種滋味. 好久沒吃黑芝麻糕, 都夠軟糯

認識筆者的朋友或者會知道，我是凱悅軒的常客，不論係家庭朋友聚會，抑或是商務飯局，往往會選擇這裡。是次前來，全因得知有客席廚到訪，想去會一會佢，兼試下佢設計既菜色。今期既客席廚，係來自廣州 Park Hyatt的黃遠獎師傅，坦白說我是蠻有期待的。就在客席設計的餐單中挑了幾款，打頭陣的椒香汁花螺，肉爽而不韌，比起平常吃慣的辣酒煮花螺多一份清新感覺，皆因這份麻辣氣息，是來自花椒油打造而成的汁醬。筍殼是我喜歡的魚類之一，偶爾都會品嚐，多半是吃油浸筍殼。今次有點不一樣，筍殼雖是炸過，香脆不油之餘，師傅還將之加入了煙燻的做法，吃起來更添香氣。不特止，那帶微甜的汁醬，更令整碟餸的精彩程度，帶上一層樓。雞煲在師傅的處理下，自然變得矜貴，可以上大枱。湛江雞的肉質緊緻入味，汁醬扣人心弦，師傅還巧妙地配上遼參，令汁醬的精華一滴也不會浪費，若不是要留肚吃往後的菜色，來一碗白飯伴之，會是很好的配搭。鹽燒羊排又是精彩，師傅堅持選用新彊羊來炮製，皮脆肉嫩，有肉汁，夠香而不是羶，沾上師傅自家調配的孜然辣粉，惹味而微辣，是全晚我最欣賞的菜色。若然怕太膩的話，以生菜包形式來吃，也可以，不過我認為就咁食是最好的。在豐富的菜

前幾日先至同朋友講，想搞個廣州美食之旅，今日之後又多個理由了。剛剛係凱悅軒認識了一個廣州嘅師傅，佢係來自廣州柏悦酒店悦景軒黃師傅，佢啱啱嚟咗香港凱悅酒店做客席廚師，短短幾個星期佢就帶咗幾個廣州嘅首本名菜嚟香港。雖然師傅只係留大約兩個星期，不過唔使擔心，呢個黑珍珠客席廚師推介menu會去到11月底。幾個菜式，椒香汁花螺、鹽燒新疆羊排、湛江雞啫遼參都不能錯過，全部都係廣州柏悦酒店悦景軒嘅有名菜式。最大推嘅一定係鹽燒新疆羊排，喺香港一定無聊食過咁好食嘅羊排，鹵水入味一小時後再燒，當然再睇羊排大小再調整時間，之後再燒個皮，個羊排非常之嫩，好似食緊羊腩煲咁嘅感覺，但層皮外層卻輕輕燒得好好，加少少辣辣地嘅孜然粉，成個感覺更佳。食完呢個之後，簡單一句就係燒咗嘅羊腩煲嘅羊腩，的確好想再上廣州搵師傅睇吓佢有冇其他勁野，不過如果你愛吃羊，都值得專程嚟試吓呢個菜式。湛江雞啫遼參個汁簡直係靈魂，用上好新鮮嘅雞同非常大條嘅遼參，送飯係一絕。蜜汁煙燻筍殼魚呢個又係大癲級，食落去我以為食緊燒鱔，個甜度適中，而筍殼魚比起鱔無咁厚但肉質更特別，呢個乙同羊排一樣非常之驚喜。講番前菜椒香汁花螺，都係一絕，平時喺潮州嘢食凍螺

這晚甚有食神，友人邀約，來這間位於凱悅酒店內的中菜廳吃飯，一嚐來自廣州 Park Hyatt的客席大廚黃師傅親自下廚烹調的多道拿手菜式。這晚我們沒吃套餐，而是散叫，點選了餐牌上多道「黑珍珠客席廚師推介」的精彩菜式。這次晚餐給我的最深刻的印象，是黃師傅調製各款醬汁十分到家，讓每道菜式特別顯得美味。先聲奪人的「椒香汁花螺」（$188）的椒香汁絕對是這冷盤前菜的靈魂所在，麻辣鮮香兼而有之，加上彈力十足的花螺肉和爽脆青瓜粒，讓這看似平凡的前菜變得一點都不平凡。堆得高高，好像層層疊一樣，極有立體感的「蜜汁煙燻筍殼魚」（$280），外層香脆度恰到好處，不會流於乾硬。裡面的筍殼魚肉質緊緻不鬆散，帶甜的味道十分討好，比一般的燻魚來得好吃。「湛江雞啫遼參」（$360）的茨汁有點像鮑汁，配以爽滑遼參與香滑雞件，又是一道美味的菜式，如果以之下飯，一定能吃個碗底朝天。「鹽燒新疆羊排」（$580）用的上香港不易吃到的新疆羊，羊排肥瘦勻稱，軟腍好吃，無論是否以生菜包著吃，吃時只要蘸點混和了孜然粉與辣椒粉的粉末，便猶如錦上添花，更添美味，讓我不禁吃了多件才肯罷手。「方魚炒芥蘭」（$228）的芥蘭絕對經過精心挑選，條

Dinner for 6. Not a very big space. Given a quiet corner. Here’s what we had. 陳醋海蜇頭鮑汁原條花膠筒- big but thin piece. Quite filling. Tempted to order some rice to soak up the remaining sauce but didn’t in the end.梅欖骨- chef’s signature. Steamed for 3 hours then deep-fried. Very tender indeed. Not too fatty. Loved the homemade plum sauce脆皮炸子雞- skin wasn’t crispy enough for me. 甜梅菜肉鬆蒸豆腐. Good.荷葉飯- surprisingly good. 清炒芥蘭- not generally a fan- but this was very sweet and tender; no bitterness at all. 酥皮流沙

間舖個英文名就叫 The Chinese Restaurant，夠晒開宗明義啦，同埋地點十分就腳。室內環境開揚光猛，座位闊落坐得舒服，但係因為鄰近隔離既 chin chin 吧所以有少少嘈 (一陣陣嘅歌聲十分之歡樂滿東華）。前菜要咗陳醋海蜇頭同椒鹽茄子，椒鹽茄子外酥內嫩而且唔油，好食。海蜇就不過不失幾爽口嘅燒腩仔外皮十分鬆脆，依點唔錯，咬落脆卜卜但味道略鹹瑤柱蛋白炒飯夠乾身唔油，簡單但鮮香味美甜品大愛佢哋自家鮮磨蛋白杏仁茶，香滑滋潤養顏🫶🏻當日人手好似不太足夠，但啲staff 都依然好nice，值得讚許悄悄話：如果要揀一樣係凱悅入面嘅中餐，沙田18整體會比較 impressive

有幾所酒店的中菜廳，我經常會光臨，凱悅軒係其中之一。無他既，價錢合理，賣相唔需要雕龍雕鳳，簡單得體加上味道尚佳就好了。得知佢推出左夏日餐單，多數菜式以水果入饌，於我而言是幾吸引，所以，我又在席上了。呢度既環境我已介紹過好多遍，不再長氣，單刀直入睇下嘢食。打頭陣的果醋雪瓜皮伴魷魚仔，酸香帶點點辣勁，好醒胃，哈密瓜既皮係爽脆清新，與魷魚仔共存，沒半點違和感。再來是虎蝦球。五星級酒店所採用之虎蝦，自然是大大隻的靚貨，結合沙律汁醬，就是小時侯食沙律明蝦球的味道。墊蝦球的底座，是哈密瓜來的，清甜多汁，不要浪費。哈密瓜鮮鮑魚螺頭燉雞湯，唔使問都知超足料，湯頭甜到一個點，細食既我也罕有地喝得一滴不剩。腰果海鮮盞，感覺就有如在吃精緻版本的小炒王，加入哈密瓜，增添夏日氣息。上個月才來嚐過勝瓜魚湯浸東星斑，吃起非常滿意，因此見到有變奏版本，毫不猶豫地點上。新版本係花膠爵士湯星斑粒泡飯，湯頭與上次的魚湯半分秋色，星斑亦保持一貫水準，這個泡飯，一致唱好。最後也來個菜，菜甫炒芥蘭，岩喜歡香口嘢既我。甜點的奶凍糕，既有燕窩鋪面添加氣派，原來也是有哈密瓜成份，清爽！

上次到訪已經係年幾前，今次復常後經Openrice訂位同朋友嚟，已可享有八五折。 原來個$368午市點心任食仍然在，即時唔使考慮就要佢。 最終差唔多食齊點心單上的食物，仲飲咗三大碗例湯。 服務員的態度又非常好。 到埋單時先知用指定信用卡就額外有八八折，真係抵食到爆。 邊個話香港冇平靚正嘢食！

生果係我每日必食嘅嘢！尤其係爽甜嘅哈密瓜更加係，所以就食咗呢場哈密瓜特色菜嘅晚餐喇！今次呢餐係喺尖沙咀凱悅酒店入面嘅凱悅軒食，老婆大人最鍾意嚟呢度食飯不過食夜晚我都係第一次。第一味係果醋雪瓜皮伴魷魚仔，煙韌彈牙嘅魷魚仔都幾夠鮮味，個雪瓜皮又爽又脆加埋啲果醋食落好鬼開胃正啊喂。跟住飲番碗熱辣辣嘅靚湯先！呢個係哈密瓜鮮鮑魚螺頭燉雞湯，入面有螺頭、鮮鮑魚、三黃雞、沙參、玉竹同埋哈密瓜，大碗到要同老婆大人兩份分。個湯好清澈飲落好鮮嘅味仲有陣陣哈密瓜香味，重要嘅係一啲都唔油仲好*豬*潤添。跟住呢味餸係哈密瓜沙汁虎蝦球，勁大隻嘅虎蝦真係爽彈到不得了！出面包住咗一層用哈密瓜汁整成嘅沙律醬，墊喺底嗰件哈密瓜都好好食千祈唔好放過佢！呢個味道大人同細路都一定會好鍾意。跟住呢個就勁喇用咗刮空嘅半個哈密瓜做碟做咗呢個哈密瓜腰果海鮮盞，入面有帶子、海蝦、哈密瓜波波、蜜豆同埋香脆嘅腰果，呢個可以話係高級版嘅小炒王。鮮味嘅帶子同海蝦仲有香甜嘅哈密瓜食落去味道好鬼清新，師傅仲加咗腰果入去令到成個餸口感更加正斗。食到呢度係時候整碟菜俾老婆大人，佢最鍾意食芥蘭菜一於叫呢個方魚炒芥蘭俾佢嘆，芥蘭炒得爽脆好有菜香加埋啲惹味嘅

炎炎夏日戀吃的車媽媽胃口怎也失去多少！以清甜多汁的哈密瓜及優質海鮮來入饌相信可以抵禦這悶熱的夏季，所以我便約上好友們吃了一場濃情*密*意又消暑的中菜。為了品嚐這頓濃情*密*意的美饌我又再次來到Hyatt Regency Hong Kong, Tsim Sha Tsui的凱悅軒，好好享受由主廚黃師傅精心炮製的哈密瓜海鮮特色菜。打頭陣的涼菜是果醋雪瓜皮伴魷魚仔＄168，用上了爽口的哈密瓜皮來炮製配襯彈牙的魷魚仔，伴以清新香甜的哈密瓜汁果醋吃下酸酸甜甜又鮮味超開胃。吃過冷盤後侍應送上哈密瓜鮮鮑魚螺頭燉雞湯＄328/位，份量十足的燉湯我跟車爸爸分享一碗剛剛好。湯頭內有螺頭、鮮鮑魚、三黃雞、沙參、玉竹及哈密瓜等材料，呷一口湯香甜中帶上幽幽的果香滋味好好喝耶。緊接著上檯的是哈密瓜沙汁虎蝦球＄388，大虎蝦炸至金黃香口再裹上一層哈密瓜汁沙律醬，大虎蝦吃下超級爽彈味道鮮味甜美口感異常滿足。繼續有西瓜盅的姊妹版本哈密瓜腰果海鮮盞＄468，以哈密瓜作盛器收藏著炒香的帶子、海蝦、哈密瓜球、蜜豆及腰果等！香脆鮮爽共冶一瓜非常豐盛的一道菜式。最愛這兒的方魚炒芥蘭＄228每條也是揀手的菜遠，炒至爽度恰好菜香味濃配

哈密瓜清甜多汁，不論是直接食用或用來烹調入饌都好美味﹗ 凱悅軒最近推出夏日菜單–夏日哈密瓜‧海鮮特色菜﹐以哈密瓜搭配優質海鮮，炮製出果香馥郁的粵式美饌。先來酸辣開胃菜式，果醋雪瓜皮伴魷魚仔HK$168，瓜皮爽脆清甜，同時吸滿果醋的甜酸味，加上新鮮辣椒與鮮嫩魷魚仔，好醒胃。 哈密瓜沙汁虎蝦球HK$388，先將爽彈的大虎蝦炸至金黃香脆，之後掛上微濃稠的哈密瓜沙律醬，放在哈密瓜環上，味道清甜又可口。 這個哈密瓜鮮鮑魚螺頭燉雞湯 (位) $328 不得了，材料非常豐富，還加入了沙參、海竹等燉4小時，清潤又滋陰養顏的燉湯，匯聚各食材鮮甜味道，湯頭清徹而濃郁，鮮鮑魚鮮美細嫩，螺頭細膩柔軟，哈密瓜也沒有煲至溶掉，實在美味﹗ 哈密瓜腰果海鮮盞 $468，挖空哈密瓜盛載著蜜豆、厚肉加拿大帶子、爽口大蝦、菇菌、腰果及哈密瓜球等，以秘製哈密瓜汁炒一下，清甜又惹味。 花膠爵士湯星斑粒泡飯 HK$418，以哈密瓜、螺頭、瑤柱、雞肉等熬煮數小時，再加上軟腍花膠及鮮甜星斑粒，非常足料，吃前才加上脆米享用，每口都是濃香又鮮甜的泡飯。  甜品有燕窩哈密瓜奶凍糕 HK$128/4件，以哈密瓜汁和果肉製成凍糕底，接著是一層