凱薈

營業中

休息中

端午節假期，和家人外出吃晚飯，地點是尖沙嘴 The One新店：凱薈 (之前是利寶閣，我們來過吃點心放題)環境：很好！安排了靠窗的圓枱，可以看着維港由黃昏轉為夜景，絕對是加分項！食物：#普洱茶：濃而不澀，解油膩，不錯！#鮑魚海皇蒸乳酪：本餐驚喜！BB鮑魚味道濃郁而有咬勁，好吃！海鮮乳酪蒸蛋白滑嘟嘟，餸飯一流！#蒜香燒雞：皮脆肉嫩，不用點香蒜汁，已經好夠味！#蟹肉烤粉絲：太油膩(煲底有層油)！可以不點。#金沙墨魚仔：惹味小食，我們都喜歡，搶着吃！#風味雜菜煲：足料，味道不錯！但小棠菜沒有煮熟，扣分。可以再來的店。

The One嘅凱薈新張期間，點心、小食、麵飯有優惠，趁住天氣好，同媽媽去飲茶，品嚐得奬名菜，餐廳樓底夠高，落地玻璃勁開陽，遠眺維港仲可以見到小黃鴨嘅背影。潮州粉粿一籠三件，外型飽滿且晶螢剔透，口感軟糯煙煙韌韌，綿密嘅糯米粉皮包裹住花生 、 韮菜、豬肉碎、 蝦米等餡料，十分好味。羽衣甘藍素餃食材新鮮，外皮透明，見到翠綠色羽衣甘藍，令人胃口大開，餡料用羽衣甘藍切碎，加上香菇、木耳等蔬菜，口感清爽健康。香茜牛肉腸非常推薦！佢個腸粉皮勁細膩，口感軟滑很有質感，筷子夾起都唔會散開，牛肉餡豐富，牛肉嫩滑冇渣，點少少豉油更有滋味。黑糖叉燒，一碟有12件，肥瘦適中，好喜歡黑糖嘅香甜，同叉燒好夾，面頭燒到仲有少少脆口，肉質鬆軟，果然名不虛傳！金網煎鍋貼，賣相出眾，綱狀外皮煎到酥脆，內裏包著鮮嫩多汁嘅肉餡，令人一口咬落，口感十分豐富。窩燒櫻花蝦海皇飯，呢個炒飯系用砂鍋呈上，令到飯粒更乾身香糯，用料上乘，蛋香、櫻花蝦香到隔離枱都系咁望過嚟，呢個主食系必食推薦！咸水角，青蘋果外型，外皮金黃香糯，咬開有伴有醬汁嘅肉餡，咸甜適中，很香口。

新開嘅酒樓，環境光猛，海景又靚，午市仲要有8折！怪不得咁多客人羽衣甘藍素餃 ($45)皮薄多餡，好香濃嘅蒜味，羽衣甘藍有咬口而且夠多，除咗羽衣甘藍之外仲有菇粒蟹子春風蘿蔔腸 ($45)入面夠脆，蘿蔔絲又多，蟹子癡喺腸粉入面，所以唔洗驚一夾就跌出嚟高湯牛肉球 ($45)牛肉球嘅芫荽及芹味好香，入面仲有幾塊白蘿蔔鮮茄斑片湯米線 ($168)斑片、配菜及米線份量非常多，4個人食都夠順德生拆魚雲羹 ($128)魚暈好多，而且一啲都唔腥

這間位於尖沙咀的酒家，華麗的宴會廳配上閃爍燈飾充滿時代風格，窗邊能欣賞到維港一帶迷人的景緻，主打正宗及創新的傳統中菜，適合大型聚會及婚宴。晚市時段，每位茶位收取$17。設有二人、四人、六人及十二人套餐，亦可單點餐牌。金獎宮爆蝦球 - $238一隻隻肥美飽滿的炸蝦球鮮嫩彈牙，薄透的炸衣脆而不膩，均勻塗滿惹味的宮保汁，入口先甜後酸，再帶出麻辣鮮香；一件件炸皮蛋鮮滑爽口，外層更有爽滑的鮮蝦膠，旁邊還有子薑和辣椒等等。黑蒜蒸龍躉頭腩 - $238龍躉肉厚脂豐，是石斑魚中的斑王，魚腩更是最肥美肥鮮嫩的部位，膠質豐富的魚皮好爽口，咬開雪白的魚肉緊實豐富，更有金菇及粉絲吸飽精華。七味椒鹽豆腐 - $68一粒粒金黃酥脆的炸豆腐，撒滿惹味的七味粉及椒鹽，咬開雪白的豆腐充滿豆香好嫩滑。上湯金銀蛋 - $108多款新鮮翠綠的蔬菜選擇，菠菜又清又嫩，吸飽鮮味的上湯，更有咸香的鹹蛋和皮蛋增添層次。絲苗白飯 - $15

尖沙咀新酒樓，位於The One ，坐擁維港美景，樓底極多，顯得瑰麗堂皇，好適合舉辦舉辦酒席宴會而新張期內優惠～星期一至日午市享8折，好抵食黑糖叉燒色澤鮮明油光閃閃，叉燒半肥瘦，厚身肥美，外層帶脆，肉質軟腍肉味香，加上甜甜地好惹味懷舊鮮蝦香炒銀針粉童年回憶，頭尾尖尖，中間圓形的銀針粉，入口滑嘟嘟又彈牙，加入大量芽菜蛋絲，賣相更靚羽衣甘藍素餃晶凝通透的，用上特級食物羽衣甘藍，配香菇及其他素菜，加上煙韌的餃子皮，香口又更有口感XO醬鹹水角可愛的蘋果外型，圓轆轆，脆而不油，餡料豐富

陪女朋友去尖沙咀逛街，之後一起去The One凱薈吃午餐。酒樓窗外景觀開陽，居高臨下，可遠眺維多利亞海港。內部裝修新，樓底高，座位寬敞，侍應服務殷勤。魚肚灌湯餃52元，魚肚爽口，水餃大大隻，湯味清甜。羽衣甘藍素餃45元，羽衣甘藍新鮮，味道清淡。XO醬鹹水角45元，賣相美麗，外型似蘋果，味道與一般鹹水角分別不大。蟹籽春風蘿蔔腸45元，有創意，腸粉滑，春卷鬆化，蘿蔔清甜。金網煎鍋貼45元，鍋貼味道正常。魚肚菜苗餃45元，魚肚爽菜新鮮肉美味。筍尖鮮蝦餃52元，皮軟蝦肉彈牙。潮州粉粿40元，皮透明饀料多。魚肚四寶雞扎52元，份量足，魚肚爽口，雞肉嫩，咸味適中。蟹籽燒賣皇52元，肉嫩多汁。蝶豆花椰汁糕34元，賣相吸引，口感滑，甜味適中。

凱薈Eternity開業不久對一眾準新郎及新娘而言固然多一個新選擇，位於The ONE十七樓並坐擁270度維港景緻，最多更可以筵開二十六席。裝潢華麗典雅並非一般中式酒樓可以媲美，不論早午市飲茶吃點心抑或是一嘗晚市小茶都稱心如意。砵酒桶蠔煲 ($198)煲仔桶蠔上桌時仍嗞嗞作響火候十足，蠔肉經走油略炸故外層焦香，每隻均肥美飽滿且鮮甜多汁毫不帶腥。拔絲鮮菠蘿咕嚕肉 ($168)有別於坊間大部分酒樓一樣用上罐頭菠蘿，取而代之改為新鮮菠蘿，並與咕嚕肉分開擺放相當貼心。咕嚕肉炸衣輕薄鬆脆，肉質軟嫩彈牙並富肉味，糖醋汁酸甜平衡更濃稠得足以拉絲。金獎宮爆蝦球 ($198)蝦球油炸過後再裹上醬汁稍微變韌但肉質爽滑，醬汁甜蜜當中帶微微辛辣，除此之外還伴上百花釀皮蛋及酸薑，以薄薄一層蝦膠裹住皮蛋炸成，物盡其用沾上醬汁同樣匹配。芥末脆皮德國豬手 ($138)豬皮烤得有如零食炸豬皮一樣酥脆，蘸上芥末醬微酸更能中和油膩感，與中式燒肉有異曲同工之妙，惟部分位置豬皮過於硬實而肉質稍嫌未夠嫩滑，但畢竟粵菜才是主角故其他菜式相對而言略顯失色亦無可厚非。

同屋企人出去尖沙咀區飲茶，去左這間酒樓環境不錯，又可以望到維港景，最重要是新開張都一段時間，到而家一至日飲茶都有折。兩點前八折，下午茶時段有七折。折左之後都幾抵。【筍尖鮮蝦餃】蝦餃是我最喜愛的一種，四粒大大的蝦餃，半透明的餃皮又有彈性，半透明的外皮包住滿滿蝦肉，又夠爽口彈牙。【魚肚灌湯餃】灌湯餃絕對是高難度製作，又是懷舊菜的一種，高湯鮮甜美味，魚肚又夠厚身，一打開餃皮，入面的材料非常飽滿。【羽衣甘藍素餃】第一次食既羽衣甘藍素餃，它原來用上本地水耕菜來做的，口感豐富，菜味濃郁。【韭王鮮蝦腸】平時食開都是一條的，但這裡是一粒粒的，腸粉皮薄口感嫩滑，內裡的大蝦都算大隻，非常爽口，再配埋豉油同惹味的蒜香油，味道不錯，極力推介。【麻香凍豬手】（小食）花椒勁香，不算好辣，淡淡麻椒香，滿滿的骨膠原又夠彈牙，不算死實，這個味道惹味，層次更加豐富，小食的話不二之選。【魚肚四寶雞扎】嫩滑的雞腿肉，厚冬菇及魚肚，仲有粉粉的芋頭，腐皮又不會太乾。【椰香脆麻花】是一種懷舊甜品，表面加香香的椰絲，口感香脆，味道不錯，又不算太甜。【XO醬鹹水角】文字上真估不到鹹水角的外型是這樣，QQ的青蘋果做型，內裡是惹味的鹹水角

之前搵結婚場地嘅時候，有留意過呢一間。最後冇機會喺呢度擺酒，反而今晚嚟咗食個晚餐！👍🏻脆皮燒腩仔呢一碟燒腩仔真係出色，肥瘦平均，口感特別爽嫩，外皮脆身！一客12件，兩個人食真係綽綽有餘。👍🏻金獎宮爆蝦球作為餐廳嘅得獎菜，擺碟真係好靚，用子薑襯上炸過嘅蝦皮皮蛋，特別香口。蝦球爆得有火候，而且炸粉唔重，食落爽口又彈牙！小編反而想讚一讚個醬汁，有少少辣度又唔會太甜，送飯一流。👍🏻招牌葡汁焗釀響螺即點即整，要所以預返相應嘅時間。葡汁嘅味道好香好濃，裏面嘅切得粒粒碎碎，頗有口感。👍🏻上湯金銀蛋白菜仔健康主義者表示出街都要食菜，上枱份量都幾多，上湯清清甜甜，啱晒中和一餐桌的餸菜。👍🏻金沙墨魚仔呢份小食絕對係邪惡嘅首選，蛋黃嘅顆粒感好香，而且墨魚仔好有嚼頭。💡餐廳同時係一個婚宴場地，光線都幾光猛，仲有成個為維港大海景。

食得西餐多，近期鐘意食中菜，感覺健康少少無咁熱氣The one嘅凱薈，地方又大又闊落，閒日都唔少人嚟食晚飯，仲見有人睇場for結婚㖭晚市都幾多菜式揀，要咗兩餸一湯😋🥢砵酒桶蠔煲💰$198蠔煲係我酒樓必食餸菜之一，鐘意佢上枱熱辣辣，一共六粒蠔，全部大大粒，好厚肉，加咗砵酒味道又香，少少酸更開胃更惹味🥢黑椒洋蔥牛仔骨💰$158牛仔骨好多塊，咀嚼感滿滿，黑椒牛仔骨特別香，好食🤤🥣五指毛桃燉海螺湯💰$108勁好飲！超鐘意飲湯嘅我去到酒樓必飲湯😋湯品有雞腳、豬骨、海螺，足料濃味，好清甜👍🏻第一次飲有五指毛桃嘅湯水，健脾化濕，行氣化痰，舒筋活絡，飲熱湯真係好正好舒服🥣姫松茸菌燉海螺💰$108一樣有海螺，燉完嘅螺頭好有咬口，配合姫松茸菌、雞腳、豬骨等，味道濃郁，材料豐富🚩凱薈 (尖沙咀) 📍尖沙咀彌敦道100號The ONE17樓

今日同朋友到尖沙咀食飯，餐廳不需要等位就可以入座。我們叫了呠酒桶蠔煲、風味什菜煲、招牌葡汁焗釀響螺、金獎宮爆蝦球、惹味海蜇。首先上的是海蜇，爽口而芝麻香足又不會太鹹。之後是宮爆蝦球，除了蝦球外還有皮蛋，皮蛋外表是先炸過，口感酥軟。而蝦球彈牙鮮甜，再加上醬汁甜中帶點酸，味道不錯。再來是葡汁焗釀響嫘，賣相很漂亮，一度以為是真螺殼。味道方面，葡汁配上螺肉，青豆，洋蔥等清新鮮甜。接住是呠酒桶蠔煲，蠔大隻而且有蠔味，酒味香而不濃剛好帶出蠔的鮮味。最後是什菜煲，入面有菜心、白菜、菇、粉絲和蝦乾。清淡中帶淡淡的海鮮味。整體而言，味道不錯，用料十足。

同泰國朋友去咗The One的中菜廳食晚餐，可以睇到維港夜景，樓底又高，食物亦好高質，泰國朋友十分滿意！金獎宮爆蝦球-蝦球爆得好香口，蝦肉新鮮彈牙，夾埋微辣嘅醬汁，開胃-份量好多，有六大隻-配菜係蝦餅釀皮蛋，仲有子薑，令味道更昇華呠酒桶蠔煲-桶蠔非常肥美新鮮，蠔味十足，每隻都大大隻-加埋爆香左嘅洋蔥，洋蔥獨有的甜味釋放，吸埋蠔汁，秒清！黑糖叉燒-燒得好軟好入味，半肥瘦好嫩滑-蜜汁甜度剛好，第一次食黑糖的叉燒，冇咁死甜，欣賞！啫啫蝦乾芥蘭-店員上枱先放已半熟的芥蘭同蝦乾係煲度炒，完全唔會過燶，恰到好處-芥蘭翠綠爽口，啫啫蝦乾帶嚟微微嘅鹹香味，非常開胃

星期六同亞媽去尖沙咀行街，同事介紹the One嘅凱薈，有得奬名菜，梗係要繼續我嘅 #同亞媽飲茶系列 ！餐牌主打巧手小菜，傳統中式小炒、廚師推介，燉湯🥣等，選擇都幾多。餐廳座位濶落舒適，落地大玻璃可遠望維多利亞港景色，樓底極高、裝潢高雅好夠氣派！🍤金獎宮爆蝦球  $198擺盤精緻嘅金獎宮爆蝦球，滿滿皮蛋子薑、墨西哥辣椒等作擺設；大大粒蝦球先炸後拌，炸得香脆可口，醬汁酸酸甜甜十分開胃，蝦肉口感爽彈。炸皮蛋以蝦滑作皮，口感扎實鮮味十足！香而不膩！推介！🐚招牌葡汁焗釀響螺  $128/隻呢度得醬名菜之一，係平時飲宴先有得食嘅招牌葡汁焗釀響螺，可愛響螺上釀左滿滿嘅焗釀餡料，包括有螺肉、磨菇、洋蔥、肉碎及青豆等；葡汁十分惹味！口感豐富！🍗豉油雞 $140/半隻 賣相極吸引嘅豉油雞，半隻望落都好大碟！雞肉肉質鮮嫩，肥瘦均勻，雞皮爽口彈牙，味道同生熟都適中，配豉油一齊食更滋味！凱薈地址📍： 尖沙咀彌敦道100號The ONE 17樓

「凱薈」酒家位於尖沙咀The one 17/F，其佈置瑰麗堂皇，樓底高，整體感覺開揚舒服，枱同月台之間空間咁感十足，適合一家大細，家庭聚會，公司宴客嘅好場地。而系呢度食飯仲有小暖爐暖住個茶壺，唔怕茶涼。金獎宮爆蝦球 $198系呢度嘅招牌菜之一，擺盤外型賣相吸引，四邊伴有皮蛋酸薑，仲有紅噹噹的乾紅圓椒。顏色鮮豔，皮蛋外面又配上蝦膠炸粉，大蝦球除左炸得很香口外，仲有甜酸汁伴食，特別開胃。值得一試。秋葵燒汁一口牛 $168唔肥膩，口感又有少少軟熟，秋葵又炒得香。桂花銀芽花絲膠$168份量十足，配菜有蛋花，芽菜等，花絲膠數量絕不欺場。幼細，有口感，伴飯食一流。上湯金銀蛋 $98總結:食物足料好味，地點交通方便，又可以睇度維港夜景，糸聚會，宴會好地方。

呀女生日中午帶左來the one 飲茶，環境好舒服！對住海景又夠光猛，樓底高空間感十足，坐位係舞台前呀女勁開心跑來跑去仲係到跳舞玩得不亦樂乎😂.蟹籽燒賣皇 $48竹炭椰蓉包 $42蒜香蝦春卷 $42×0醬鹹水角 $42魚肚菜苗餃 $42瑤柱珍珠雞 $42醬香蒸鳳爪 $35潮州粉粿 $35蠔皇叉燒包 $42韭王鮮蝦腸 $48黑椒牛柳酥 $42.成枱點心😍全部都滿高質大家都讚好食😋呀女最愛叉燒包搶住食左兩件，我反而鐘意竹炭椰蓉包滿特別，包軟熟入面椰蓉甜絲絲滿不錯👍🏻燒賣大大粒蝦肉彈牙呀女食左兩粒🫣腸粉口感滑身，春卷脆卜卜靚靚擺盤，鹹水角蘋果造型打卡一流，牛柳酥皮酥脆牛油香入面係黑椒牛超正，餃皮做得出色薄身煙靭又足料.地點方便環境好正，價錢又合理，最緊要阿女食得好開心🥰.