凱薈

營業中

休息中

又是一個懶洋洋的星期天。看完兩個小時的早場電影已經下午一點，開始肚餓。於是到附近看看有什麼好吃醫肚。  凱薈於尖沙咀The ONE。從地鐵站一出不用5分鐘便到，十分方便。 這裏的裝修高貴，而且寬敞，枱與枱之間有足夠距離，坐得舒服，仲可以望到海景，非常適合婚禮同宴會 。  我們一行二人叫了幾樣小菜一起分享。  蟹籽春風蘿蔔腸 (⭐⭐⭐⭐⭐) 這個蘿蔔絲酥腸味道豐富，腸粉皮煙煙靭靭，蟹子脆口，蘿蔔絲酥鬆軟香口。   羽衣甘藍素餃 (⭐⭐⭐⭐⭐) 羽衣甘藍是公認的健康食品，營養價值豐富，而且這裏是根本地農夫合作，食起來更為新鮮，嫩口。   筍尖鮮蝦餃 (⭐⭐⭐⭐⭐) 蝦餃大隻而且大牙可口，筍尖配上感覺更為層次豐富。   魚肚四寶雞扎 (⭐⭐⭐⭐⭐)四寶雞扎一份兩件，大件抵食，包括了魚肚，芋頭，火腿等等不同食材，兩個人分享剛剛好。  魚肚灌湯餃 (⭐⭐⭐⭐⭐) 這裏的灌湯餃十分抵食，於是叫了一份試試。大隻而且脹卜卜，餡料豐富。其中最愛吃魚肚，吸滿了高湯，吃起來爽口。 魚湯杞子芥蘭苗 (⭐⭐⭐⭐⭐) 另外還叫了個芥蘭苗，吃點蔬菜才健康。芥蘭新鮮，而且吃起來幼嫩，用魚湯浸烹調更吃得出芥蘭的鮮味。 

星期六去飲茶一定要預先訂枱，無訂枱基本上中午時間都無位。當日中午有一半場擺酒，高樓層望住270 度維港景，好適合做婚宴場地，賓客都可以打下卡。有羽衣甘藍水耕菜的不同點心，特別得來又支持本地水耕種植。雪山叉燒包 | $45不時有不同點心一次過出，由侍應賣。比雪山包吸引要了一份，外皮薄及鬆化，中間的叉燒餡料多但有少少鹹。蟹籽春風蘿蔔腸 | $45蘿蔔腸幾得意，蟹籽藏在腸粉內，晶凝通透的粉皮下見到橙色一粒粒，令人可以一口食到腸粉同蟹籽。魚肚灌湯餃 | $52湯中兩件魚肚吸收了湯的清甜，煮得夠腍，灌湯餃皮夠薄。筍尖鮮蝦餃 | $52蝦餃精緻，蝦肉彈牙爽口。蒜香蝦春卷 | $45已經切好的春卷方便分享，外皮脆脆內裡包著蝦粒。潮州粉果 | $40皮比較厚但饀料多，點辣椒油食。黑糖叉燒 | $168甜甜地有燶邊位，半肥瘦叉燒有嚼口又香。大約有十舊，可以一班人分享。茶位 | $17/位、外賣盒 | $4/個

約咗屋企人食飯，揀咗尖沙咀呢間酒樓。之前晏晝飲過茶，食物唔錯，環境都坐得舒服，有啲似婚宴場地。我哋今次晚飯都好滿意。黑糖叉燒 $168叉燒肥瘦適中，燒得好靚，邊邊有焦焦，黑糖甜甜，甘香甘香，肉質鬆軟，濕潤有肉汁😋金沙墨魚仔 $78炸得金黃香脆，炸粉好薄，包住裏面嘅爽滑墨魚仔，鹹蛋黃味香濃，甘香甘香，好香口嘅一個小食👍🏻姬松茸燉螺頭湯$108/位價錢有點小貴，但係真材實料，每一盅燉湯裏面都有螺頭、瑤柱、姬松茸兩隻、雞、瘦肉，燉湯好香好甜😋招牌釀焗響螺 $128/隻賣相好靚😍釀響螺嘅材料除咗有螺肉粒之外，仲有好香嘅洋蔥、薯蓉、爽爽嘅馬蹄、青豆、同埋一啲好似肉碎🤔有少少咖喱味，食落好香，唔會膩😋頭抽煎班片 $228斑片大大件，魚皮充滿骨膠原，煙靭煙靭😍魚肉爽滑，鮮味唔會腥，配上頭抽更加突顯魚鮮味。面頭一啲炸薑絲令到呢個餸菜更加香😋咖哩牛油焗大蝦呢隻蝦好巨型，超級大隻😍每隻蝦頭都充滿甘香嘅蝦膏，蝦身下面𠝹左一度，所以搣殼比較易，而且較為入味👍🏻唔好聽個名咖喱牛油就以為係好濃味，其實佢唔會遮到蝦嘅鮮味，個汁主要係上湯嘅味道加少少咖喱味提香，配搭海鮮恰到好處😋雖然隻蝦超級大隻，但係廚師火候啱啱好，

今晚同來港的婆婆餞行，一家人去食晚飯，同長輩食飯當然揀食中菜夠穩陣。呢間中菜廳有維港景色，座位寬敞舒適，靚到係適合做婚宴場地，而且食物質素佳，決定再次來享用晚餐。黑糖叉燒叉燒燒得好靚，表面色澤油潤亮麗，肥瘦相間，肉質鬆化，醬汁比例恰到好處，而且帶有黑糖嘅香甜。金沙墨魚仔呢個小食係水準之作。熱辣辣， 香噴噴，未食都知充滿鹹蛋黃的甘香。一放入口，鹹蛋黃金沙脆皮入口即溶，鹹香鹹香，內裏墨魚仔爽口。姬松茸燉螺頭湯呢個燉湯落足料，真材實料。材料包括響螺頭，姬松茸，瑤柱，雞腳，雞髀肉，瘦肉。個湯夠熱清澈，味道清甜濃郁。啲雞腳燉到好腍，姬松茸好香，螺頭好甜。咖哩牛油焗大蝦賣相極吸引，超巨型嘅大蝦上面鋪滿着金黃色的醬汁及蔥花。大蝦嘅殼已𠝹開了一刀，剝殼時方便，大蝦蝦頭多膏，肉質爽滑，沒有因其巨形而肉韌，蘸上特製醬汁食鮮味非常。醬汁以牛油加上雞湯及淡淡的咖哩調製，沒掩蓋蝦肉的鮮甜，而提昇味道。招牌釀焗響螺打卡一流，氣派十足。釀焗響螺餡料豐富，有新鮮青豆，響螺肉，洋蔥，爽口馬蹄等，口感極佳，以葡汁焗製，惹味可口。頭抽煎班片(4位）新鮮嘅班片煎得香脆，魚皮厚，Q 彈的，骨膠原滿滿，魚肉扎實爽口。食班片時蘸上

尖沙咀The ONE 食肆選擇多，今日想食中餐菜，於是到17樓的「凱薈」用膳。樓佔全層，面積頗大，高高的天花，而且高居臨下，落地大窗，更可以遠眺中環景色，甚具皇者氣派。內部裝修高雅，設有漂亮佈置的舞台，又有花環拱門，是豪華婚宴的理想場地。枱面上放了推廣羽衣甘藍的菜式，由本地有機水耕農場提供，當然要支持一下本土農業啦！「黑糖叉燒」，份量非常多，叉燒肉肥瘦適中，腍軟爽口兼有肉味，調味也恰到好處，黑糖甜蜜蜜的，非常可口。「夫妻肺片」，川辣味牛栢葉、牛肚等，腍軟中帶爽口，微辣惹味。「羽衣甘藍叉燒腸」，用有營蔬菜加入點心中，只用羽衣甘藍的嫩葉，口感不錯。這裏的叉燒特別好，叉燒腸粉也不例外。「芝士煙肉帶子酥」，酥皮芝士撻，有芝士的香味，煙肉的肉味，帶子的鮮味，共冶一爐。西式點心，中式味道。「黑椒牛柳酥」，由香脆的酥皮包住片片牛肉，肉味豐富，集香、脆、軟多重口感。「魚湯雲耳浸勝瓜」，鮮嫩青翠的勝瓜，浸泡在鮮甜的魚湯裏，完全入味，加上爽口的雲耳，令口感更豐富。「窩燒櫻花蝦海皇炒飯」，熱焫焫，香噴噴原煲上枱，有蝦，有雞蛋，帶點飯焦香，份外吸引。這裏的菜式有水準，環境又夠堂皇，性價比絕對不差。

垃圾酒樓，態度惡劣一個問題，個個同事答既嘢都唔同，仲要發爛渣惡過人，仲要推卸責任，打電話又cut線，仲要明明係佢哋問題，仲好意思大大聲，仲要夾埋仲經理係到玩嘢，直頭不知所謂

約咗重要人物飲茶，揀咗位於The One 凱薈 , 每次去The one 𨋢高層食店，都覺得呢座building 設計超失敗，大堂電梯上不到高層，又要在某層轉乘只有－部的升降機，超級麻煩。我同自己講以後吾再book 這坐大廈的高層食店。幸好「凱薈」比返好印象我，大堂夠寬躺，我哋坐得好舒服。成餐食左不少點心，其中脆皮腸粉最得讚，腸粉皮薄又嫩，炸両也脆卜卜，好味。其他的蒸點心，包括有叉燒包、叉燒腸，菠菜餃、紅菜頭餃山竹牛肉、蒸餃、蝦餃等各點心水準正常，特別的是用上湯浸的山竹牛肉，入口軟滑如綿，點小小醋提味更正！廚部有杞子浸芥蘭；椒鹽炸豆腐前者油份非常少，芥蘭嫩綠冇渣炸豆腐預期地香口，惹味。這間酒樓無論食物、服務、價錢也不俗，五舊水三個人食飯得得飽吾介意咁轉接先上到去絕對可以一試。

朋友飯聚首選要地點方便，今日就揀咗係「The One」17樓嘅凱薈，除咗方便仲有靚景添！我哋四位女士，只係食餸唔食飯，廢事為咗食餐飯又要努力去減磅！😜😜🥢花彫乳鴿（壹隻）-好入味，如果乳鴿可以再腍一點就更好！🥢金牌燒腩仔(小食）- 燒腩仔皮脆肉嫩，真的不錯！👍👍🥢姬松茸燉螺頭湯 - 湯料好豐富，熱辣辣，好鮮甜🥢招牌宫爆大蝦球（例) - 蝦球炸得金黃酥脆，蝦肉彈牙爽口，周邊嘅皮蛋也好好味，千祈唔好以為只是用來作伴菜！☺️☺️🥢有米薑蔥桶蠔（例）- 啲蠔超級大隻！🥢生煎排骨（例) - 有別一般的做法，將排骨同菠蘿分開，菠蘿係用新鮮菠蘿，咕嚕肉炸得剛剛好，肉不會變「嚡熠熠」。🥢啫啫唐生菜瞻（例）- 侍應在我們面前將差不多煮好的唐生菜放入窩中再炒，更加有「鑊」氣！唯一美中不足之處是無糖水送，感覺未夠完滿！

今晚約咗三五知己，中秋聚一聚，順便傾吓下次去旅行嘅計劃。叫咗個晚餐，四個人唔洗一千蚊。黑糖叉燒叉燒肉質鮮嫩多汁，完美融合咗黑糖嘅香甜同獨特嘅風味，令人回味無窮。金沙墨魚仔墨魚仔經過炸製後，表面金黃嘅麵包糠，酥脆可口。但入面仍然保持著嫩滑嘅口感，而且嘗到淡淡嘅海鮮風味。姬松茸燉螺頭湯姬松茸燉螺頭湯口感濃稠。姬松茸嘅濃郁香氣同螺頭嘅鮮味突出。絕對係冬天暖胃養身嘅好選擇。咖哩生油焗大蝦大蝦鮮嫩多汁，咖哩醬汁微辣可口。由於大蝦以生油焗嘅方式烹製，令大蝦保持咗原汁原味嘅口感，同時又吸收咗咖哩同洋蔥調配出嚟嘅香氣，啖啖肉十分滋味。招牌釀焗響螺以大響螺造型器皿載入嘅響螺，釀上鮮嫩嘅肉餡同洋蔥，焗至金黃酥脆。肉餡肉汁豐富，響螺口感帶鮮甜，令人難忘。頭抽煎班片新鮮嘅班片沾上特製嘅醬汁，然後以高溫煎炸，令班片嘅外層酥脆，內部保持鮮嫩嘅口感。頭抽醬汁鹹香味配合炒香嘅四季豆，加上出色嘅鑊氣，非常出色。淮山鑽石浸羽衣甘藍羽衣甘藍爽脆可口，搭配淮山清優嘅獨特香氣，簡單卻美味。加入咗蕃茄粒，更清爽同有營養，滋味又健康。餐廳位處尖沙咀The One 高層，飽覽香港維港景色。

有朋自遠方來想食中菜，粵菜酒樓最有香港風情，於是我們揀了 The One 新開的凱薈，不過當日有人包場，我們坐唔到海景位，但環境光猛舒適，最緊要食物有特色又美味，價錢相當合理，四個人分享六款食物及每人一個湯，花費每位二百幾。點了兩份小吃，花彫乳鴿很有酒香，肉又嫩，細細隻原來都可以切開好多件分享。金牌燒腩仔的皮脆卜卜，肉質又鬆軟，口感超正。每人一個姬松茸燉螺頭湯，非常滋潤，味道清甜，大大粒姬松茸及響螺都好好食。有米薑蔥桶蠔很特別，脆米成功提升口感，對比軟熟的桶蠔，薑蔥炒的蠔已經煮到很熟，唔食生蠔的人都唔需要擔心。咕嚕肉做得好，炸得脆，熱辣辣，炸漿唔太厚，菠蘿亦好新鮮。金奬宫爆大蝦球肉厚酸甜，炸皮蛋很特別。啫啫唐生菜炒得香。上菜都幾快，雖然忙於包場的客，都有人間中過來看看招呼，值得再來。

夜晚同家人係尖沙咀想食中菜，嚟到尖沙咀The ONE 樓上都有好多唔同嘅酒樓，揀咗呢間位於17樓嘅中菜餐廳，一出lift已經見到十分高貴嘅裝修，上面掛滿唔同嘅吊燈，仲有個好多好靚花裝飾嘅舞台，座位舒適加上落地大玻璃，仲可以望到海景，非常適合婚禮同宴會👍🏼黑椒洋葱牛仔骨-用砂鍋上嘅牛仔骨，上到嚟仲「炸炸」聲-好香黑椒同洋葱味，牛仔骨帶少少粉紅色至7成熟，入口非常淋嫩金獎宮爆蝦球-特色菜擺盤好有心意，外面係用薑砌成花，蝦肉配上皮蛋，中間係大大粒嘅蝦球配上蒜片同辣椒-口感豐富，食法非常多，蝦球炸粉唔會好厚，肉質爽彈拔絲鮮菠蘿咕嚕肉-菠蘿同咕嚕肉分開，可以根據個人口味自由配搭-咕嚕肉表面有糖漿，可以做到拉絲嘅效果，食落啖啖肉又唔會好甜，送飯一流鮮茄鮮淮山浸羽衣甘藍-用上本地農場，新鮮種植嘅羽衣甘藍，清淡而爽口清甜紅豆沙-煲到起晒沙，仲加入咗西米粒

好耐冇食中菜，之前bookmark咗凱薈，去開尖沙咀，今晚就一家人去食個晚餐。黑糖叉燒叉燒半肥瘦，肉質鮮嫩多汁，非常入味。肥瘦相間的部分讓口感更加豐富，而且黑糖的甜味與叉燒的鹹香完美結合，令人回味無窮。金沙墨魚仔外層炸得香脆，鹹蛋黃的金黃色彩非常誘人。咬一口，墨魚仔的鮮嫩與鹹蛋黃的奶香完美融合，帶來了獨特的口感和風味。姬松茸燉螺頭湯好足料，湯通透清澈，一點也不油膩。湯中的螺頭肉質鮮嫩，搭配蘑菇的香氣，每一口都讓人心生暖意。這道湯不僅滋補，而且味道鮮美。咖哩生油焗大蝦大蝦新鮮爽口，咖哩的風味濃郁，但並不過於辣，恰到好處。招牌釀焗響螺螺肉與青豆、洋蔥的搭配完美，每一口都充滿了螺肉的鮮甜和蔬菜的清爽。葡汁的味道更是讓這道菜增添了一絲豐富的口感。頭抽煎班片班片煎得金黃酥脆，魚肉鮮嫩多汁，每一口都充滿了海鮮的鮮香。淮山鑽石浸羽衣甘藍健康之選，羽衣甘藍的綠色帶來了一絲清新，搭配淮山的滑嫩，讓人感到滿足。食完仲有紅豆沙送，難忘的一餐。個場都幾大，臨走前影下個場先

之前有朋友結婚時係呢間酒樓擺酒，個時已經覺得食物好食，而且又睇到海景，所以印象唔錯。前排同屋企人去開the ONE，就同佢地試下！員工服務態度同飲宴時一樣好，就再睇下野食係唔係都一樣好食先😎首先揀左金獎宮爆蝦球，擺盤已經好吸引我地！中間係炸蝦，外脆內彈牙👍，旁邊有炸蝦可夾埋皮蛋，新奇既配搭，但一齊食落又唔奇怪咼😳另外，我地點左個蟹肉烤粉絲，我有時晚餐唔想食飯同麵，就揀粉絲既菜式😛佢用左砂鍋上，保暖好啲，粉絲炒至乾身再配上蟹肉撈均。我地重點左2隻深海大海蝦，每隻約3兩好大隻，可以選擇牛油咖哩煎或美極煎。我地每款做法一隻，食落蝦肉非常鮮甜彈牙，兩樣整法都好香口😋食中菜通常都會點一個菜，我地今次揀左鮮茄鮮淮山浸羽衣甘藍。羽衣甘藍本身就少餐廳有，而且menu講明係本地水耕菜，就更想支持本地菜！用左鮮茄一齊煮，所以唔會太淡，帶啲酸甜味。再加上淮山，口感爽口，豐富左😋

大雨過後，今天中午和家人去了飲茶。酒樓位於尖沙咀The One 高層，可以望到維港景色，適合婚禮和不同的宴會。蝦餃🍤蝦餃配筍尖，爽口彈牙，皮薄餡靚。菜苗餃🥟紫色的菜苗餃，上面更有瑤柱，賣相和味道都吸引。叉燒腸餐廳有由本地農夫本地種植的羽衣甘藍🥬系列，點了個羽衣甘藍叉燒腸，腸粉香滑，羽衣甘藍鮮爽。錦鹵雲吞 🥟香脆橙黃的炸雲吞，配上酸酸甜甜，而且材料十足的八珍錦鹵，很開胃。雲耳勝瓜 爽口的雲耳，配上清爽的勝瓜，加上上湯，健康之選。奶皇包 熱辣辣鬆軟的麵包，配香滑而不膩的奶皇，很正。帶子酥 🥧香脆的酥皮配上香濃芝士🧀️和香口煙肉🥓，中西合璧，味道很夾。

今天約了友人在尖沙咀先飲茶後逛街。友人推薦這位於 The One 的凱薈，因爲午市點心、小食和粉麵飯都有8折優惠，頗為吸引。用二維碼點過菜後，我們便欣賞一下這裏的裝修陳設；發現這個擁有180度高空維港景色的場地，樓底既高，裝潢又典雅，絕對是舉辦飲宴的好塲地。不消一會兒，閒談間，食物已陸續遞上。～八珍錦鹵雲吞 （大廚推介）這久違了的懷舊美食是我的至愛。大大片的雲吞炸得香脆、鬆化又可口；八珍汁材料豐富，有蝦肉、叉燒、雞肉、洋蔥和青椒等，酸甜醒胃。吃的時候，將汁料淋在雲吞皮上，味道和口感同樣討人，層次豐富，滋味無窮。～羽衣甘藍叉燒腸（特點）現今都市人工作繁忙，理應多從飲食著手，吸收一些健康有益的食物以加強體質和抵抗力。這店現時特別推介此類有益的食品，推出營養特別豐富的羽衣甘藍為主的食品，讓顧客食得更健康。我們也因此特選了兩款相關的點心一探究竟。首先，作為傳統的皮薄叉燒腸粉加入了羽衣甘藍後，入口另有一番風味：甜美的叉燒加上清新的蔬菜既有營養又有豐富的口感，頗爲吸引。～羽衣甘藍素餃 （大點）這蒸餃亦是用上本地農夫種植的水耕羽衣甘藍和菇菌作餡料，每一顆都包得脹卜卜的，個人覺得一顆一口能夠提供最大的