利寶閣 (已結業)

原來墨嚐已經寫到第48回，文風作出些少調整，繼續美食探索。是日搵左間唔常去既酒家，The One樓上舖，平日做婚宴居多。頭盤 - 乳豬拼盤薄切減低油膩感，香脆可口。湯 - 佛跳牆細細盎，但係鮑魚、螺頭、海參、雞絲翅、雞髀、雞腳樣樣有，堅足料！主菜 - 火腿茸奶油津白 & 炒蟹肉津白醬汁奶油味加金華火腿味濃郁，creamy！配菜 - 叉燒飯豚肉製叉燒，激厚切，油脂分佈均勻，口感絕佳！撈埋蛋黃、醬油／豬油，寫起又流哂口水！

國內貴賓客戶來港，他們比較喜歡廣東菜式，我特意喺尖沙咀shopping區附近搵咗利寶閣招待佢哋，windows seat 還可以看到維港景色優美。店長服務細心、熱情招待！還香我們推介各款美食。聽講必食推介係傳說中周星馳嘅暗然銷魂飯配原盅佛跳牆1客 $188。依個仲最好預訂添！不過好彩當晚我哋早開始食飯，店長一坐低就幫我地order留著，所以有貨。原盅佛跳牆真材實料的，鮑魚、魚翅、海參等靚材料老火湯。味道鮮甜又滋潤，最啱就係我呢啲屋企冇乜湯水嘅人。再配埋暗然銷魂飯，即係谷飼豚肉叉燒，肥瘦均勻，咬落肉質柔軟 ，美味多汁。再配埋銷魂太陽蛋，真係牛蛋汁㗎！再加啲豉油添！真係好味到飛起。另一個我真心推介嘅就係燒汁脆皮雞，半隻都已經好夠份量，望落去肥美，入口嫩滑，而且皮脆，配埋秘製燒汁更美味。中國人傳統鍾意食米飯，飄香荷葉飯 $128更加係精粹，配合埋荷葉，飯粒更加有飄香嘅效果。成餐飯都食得咁開心，裝修又靚，食埋甜品就最好圓滿啦！幸福滿溢 $78，睇相都唔覺得有咩特別，上枱就 wow 左一聲啊!分量多到震撼，價錢真係好抵食。仲要有幾款甜品滿足唔同人嘅需要。客人都覺得好滿意，就當他們是遊客吧！希望他

 尖沙咀食肆立林，之後選咗喺The One 利寶閣酒樓，地方寬敞。 枱上茶具好精美。佛跳牆配叉燒飯，迷你佛跳牆湯底鮮甜，雖然迷你但都有好多材料，鮑魚，海參，花膠，及魚翅等，而大舊义燒肥瘦適中，有肉汁，夾埋蛋汁撈埋豉油落啲飯度一齊吃好滋味。三色辣椒蒸龍躉頭腩魚肉幾鮮味，尚算嫩滑。香芒名門大蝦球名門大蝦球，蝦肉鮮甜，炸到香脆配嗰芒果汁，仲有新鮮芒果肉，這道菜送飯都好好味，是一般酒家少見的菜式。天九膠扣玉掌天九膠炆得好淋滑，鴨掌亦好淋，嗰鮑汁味道相當惹味，老幼都吃得好滋IMG:7]香芒卷鐘意吃芒果的我，叫咗嗰香芒卷，芒香肉香甜，椰絲蓉晒滿，好吸引，真的好味，值IMG:8]最後送上紅豆沙，又唔太甜。

今晚同家人行完街，時間又差不多係食晚飯嘅時間，他們喜歡中餐於是望望這裡，反正就腳完全係商場內乘升降機上就可以，這裡全層都係餐廳絕對唔會出錯，而且重有落地大玻璃望主維港嘅夜景，咁啱安排了近窗旁位置，個景已經贏了！再望餐牌都有唔少嘅選擇，而且重有最喜愛嘅叉燒用谷飼豚肉做成嘅叉燒$128絕對要點啦！除此之外還有呢個雙拼選擇上湯龍蝦伊面配燒汁脆皮雞半隻$338，呢個份量就有齊海陸空嘅代表！最快就係份谷飼豚肉叉燒，真係大大份，而且燒得色澤均勻，師傅切得啱啱好，一啖一件，入口軟熟嫩滑，充滿肉汁，加上入了味嘅叉燒汁真係好味道，部份位置重有點脂肪，入口更加入味肥美！欣賞住維港之餘上湯龍蝦伊面同燒汁脆皮雞半亦一齊上枱，上湯龍蝦伊面都十分大份足料，龍蝦開邊兩半，上面沾滿了上湯，伊麵亦十分煙韌彈牙，龍蝦肉質彈牙爽口夠晒鮮味，細心嘅師傅已將蟹鉗夾開了，完全知道食客嘅需要！而燒汁脆皮雞半亦好吸引，只是望都見到外皮香脆！肉質嫩滑軟熟外皮香脆！最後店員還送上香滑嘅綠豆沙，夠晒香甜！

今晚做個孝順仔，到尖沙咀The One17樓的利寶閣請家人吃飯。餐廳不算大，但可從玻璃窗夜眺尖沙咀夜景，環境幾新淨，遠看好像有人在擺酒呢。坐下不久，侍應就問飲咩茶，就隨即送上開胃菜一小碟，辣辣地幾滋味，幾不錯。首先，我們叫了谷飼豚肉叉燒飯 配 原盅佛跳牆，由於做緊promotion，好抵食！原價$236，依家$188就吃到兩樣菜，因為太抵，所以忍不住叫咗兩盅。佛跳牆超足料的，絕無欺場。入面湯料很新鮮，十分原汁原味，除了有鮑魚，還有花膠、海蔘、瑤柱、冬菇同瘦肉等等，非常足料。谷飼豚肉叉燒飯流心太陽蛋撈飯，再加少許豉油點綴，一流！可惜叉燒只得兩舊，比較少，厚切半肥瘦叉燒肉鬆化軟腍，都算不錯。脆皮燒汁雞雞皮炸到好香脆，油脂入口即溶，雞肉好新鮮、嫩滑，好好味！

尖沙咀the one係我既夢想婚禮場地，未嫁得出不如就食個晚飯，睇睇夜景滿足住小小心願先🙈the one好多層都有唔同種類既餐廳，而今日就去中式酒樓利寶閣啦😉食中餐都有夜景睇，可惜我地遲入座，得番近門口既位置，只可以離遠望景同電視。🐖谷飼豚肉叉燒飯 配原盅佛跳牆 ($188)首先登場既係超足料佛跳牆! 番左工之後好少機會有得飲湯，呢個正好可以補下營養。入面有鮑魚，魚翅，冬菇，響螺等既食材，煲得入味👍成日都覺得飲湯見到d湯渣先係原汁原味冇扼人😂叉燒成大舊上，冇切開，可能係想俾我睇下份量幾足😂叉燒好厚，面頭少少燒焦特別香，肉質燒得啱啱好，唔會乾爭爭。仲有一塊半熟蛋，白飯撈蛋汁食真係港式享受😆🐟手打順德魚腐煲 小 ($88)魚腐口感好特別，唔係平時街邊食個d。入口好似綿花糖，好綿又食得出魚肉味。連湯都飲埋，變湯飯一齊食。🐠三色椒蒸龍躉頭腩 小 ($98)叫之前侍應提醒過我地呢碟小菜係辣既，不過估唔到都幾辣😂龍躉新鮮，肉質彈牙，辣辣地好過癮。🐚豉汁珍珠帶子蒸山泉豆腐 ($88)食太多肉要叫番碟清淡少少既中和下，呢個豆腐就最好啦。珍珠帶子鋪面，配淡淡豆腐磚好夾。🥒酸菜 ($18)酸菜既價錢稍貴，

喜歡尖沙咀的The One，因為泊車方便兼且食飯有泊車優惠。今晚四人晚餐，慶祝老友牛一，隨選了 the one 的利寶閣。利寶閣裝潢華麗，自己尤其喜歡天花油畫配大型水晶吊燈，有點氣派；加上落地大窗維港海景，難怪其門如市。谷飼豚肉义燒飯今期谷飼豚肉义燒飯配原盅佛跳牆有特價優惠，只須$188，抵食之選！义燒肉質鬆軟，半肥瘦，配豉油加煎蛋送飯，開胃惹味，秒殺！啫啫唐生菜蝦乾蝦醬香氣四溢，放入唐生菜，啫啫聲四起，香爆。鹽焗海南雞鹹香之餘調味獨特，肉質尚算嫩滑，合格之作。南乳素齋煲今晚沒有點青菜，取而代之點了個齋煲，材料豐富有白菜、小棠菜、茄子、木耳、雜菌、炸腐竹、粉絲等。份量十足，南乳香濃醒胃，送飯一流！原盅佛跳牆湯水清甜，味道調得剛剛好，湯料講究，原盅上熱騰騰，風味十足。優惠價配义燒飯，抵食！雙果咕嚕肉對咕嚕肉情有獨鍾，幾乎每次去酒樓都會點。呢味雙果咕嚕肉特點在加了腰果及核桃。脆香之餘補腎補腦；咕嚕肉鬆軟彈牙，酸甜適中，甚為出色。整體來說，地方舒適，就腳方便，服務甚佳，價格合理，飯聚不二之選。

上次食完利舞臺的利寶閣之後，意猶未盡，原來尖沙咀The One都有利寶閣，於是再次encore！星期一夜晚嚟食唔使排隊， 環境比銅鑼灣新，少一點古色古香。店員服務態度尚算好，但欠缺主動，不像利舞臺利寶閣的侍應，不會幫你斟茶遞水。谷飼豚肉叉燒飯 配 原盅佛跳牆（hkd $188）原盅佛跳牆依然超足料，超豪華！除了有鮑魚、遼參、魚翅、花膠、瑤柱等矜貴食材，仲有雞腳、花菇、蹄根等等。湯底好鮮，飲完好暖胃，好滿足，而且鮮甜十足！絕對對得住呢個價錢！至於個黯然銷魂飯，叉燒今次略瘦，少一點油脂，肉質鮮嫩，口感尚算軟腍！上湯焗龍蝦伊麵 (hkd $288) 今晚食好少少，叫咗個龍蝦伊麵。龍蝦好多肉，好有份量，絕無欺場，肉質爽口彈牙，肉質潔白細嫩、唔霉，味道都好鮮。乾濕度視乎個人口味，個人鍾意茨汁收得緊一點，呢個茨汁稍為小一點，啱啱好。今次埋單嗰時免費送上甜品綠豆沙，好多沙，比起紅豆紫米露更不錯！

爸媽都係好中菜嘅人，有朋友推介利寶閣，於是帶左佢地去食呢間中菜試下，覺得還OK啦🙈1. 叉燒蛋飯（跟佛跳牆套餐＄188)🍖🍳🍚本身想只叫佛跳牆，但跟餐好似抵啲，就叫埋個叉燒蛋飯，點知幾驚喜，半肥瘦叉燒好軟腍，蜜汁味又重，為成個飯生色不少👏🏻彤樂評分：8/102. 佛跳牆（跟叉燒蛋飯套餐＄188)個湯都幾濃味，而個花膠鎖住晒啲味，係唔錯，不過其他配料就一般啲啦😅彤樂評分：7/103. 鮮忌廉香芒糕（＄30/4件）依款我都係好驚訝，芒果味未到濃，但好香😋包住嘅餡合埋好出色，推薦必食👍彤樂評分：8.5/104. 蛋黃醬脆皮石斑粒（＄58)🐟石斑魚肉夠嫩，但外皮唔夠脆，好彩有蛋黃醬點綴一下😅彤樂評分：6.5/105. 生磨杏仁蛋白（＄30)見佢係即煮，但真係煮得幾耐下，杏仁味好香，不過同我一樣怕杏仁味就真係食唔到，不過彤媽鍾意食，同埋佢比你自己加糖，可以自己決定甜品，係做得幾好😁彤樂評分：7/10

今晩同朋友嚟到尖沙咀 The One 食中菜嘆靚景～谷飼豚肉叉燒飯(碗)原盅佛跳牆($188)聽講係鎮店之寶呢，所以點都要試一試！！內裏有好多配料，海心BB，個谷飼鮑魚BB，雞腳，花膠，魚翅，乾瑤柱等等。所有頂級料在一起，超好味！另外豚肉叉燒飯，啲叉燒勁厚切兼半肥瘦，食到停唔到口！銀紙銅盆雞 半隻($118)雞被特制醬汁用錫紙包住 令雞肉有燒過既香味和雞肉既軟滑鮑汁北菰掌煲($118)首先講吓點半碟仙個菜膽完全比鴨腳既味融晒入去隻花菇香得黎就有陣陣鴨香雙果咕嚕肉($98)古法咕嚕肉 個酸梅汁和波蘿完美結合 外脆內軟

THE ONE最近搞左個美少女戰士展覽，為了重溫兒時回憶，決定過去打卡！突然諗起：「係wo！呢度都有利寶閣，好掛住上次係銅鑼灣食的叉燒飯同原盎佛跳牆呢！」於是，我同男朋友就搭lift上17樓了。落地玻璃、水晶吊燈、無敵大海景！店內較小，但豪華有氣派的環境令我印象頗深！餐牌介紹：平有平食，貴有貴的道理，利寶閣確真比其他酒樓少少費，但他的菜式上用料相對落本，羊毛出自羊身上，呢一點可理解。相對來說，原盎佛跳牆及谷飼豚肉叉燒飯用料同樣較貴重，其實用$188的價錢，能吃上鮑魚、魚翅、花膠、貴價豚肉等，他們落足本，絕不欺場，火侯控制得宜，價錢真的合理。谷飼豚肉叉燒飯：呢邊叉燒厚身又大舊，一口食唔哂架，肥瘦適中，又香又腍，加埋蛋汁及甜鼓油撈飯(呢邊冇豬油提供，是我幾失望的！)，能夠重溫味道，正！原盎佛跳牆：出面真係好小機會食到架，無味精，湯底清甜，也有鮑魚、花菇、雞腳、魚翅等，甚有鮮味，好飲到停可了！清新又帶點麻辣的小菜！原本我想叫2set原盎佛跳牆及谷飼豚肉叉燒飯，點知男朋友極力阻止我，說想試多2個菜，少食多滋味wo，所以就聽聽話話叫多左肉絲煎兩面黃 $118：香脆，啖啖卜卜聲，好大份，其實.．．

今天整日忙過不停，連午餐也沒時間吃，放工時已筋疲力歇，身體和腦袋不斷被香口蛋白質和碳水化合物呼喚著。知道近期利寳閣供應谷飼豚肉叉燒飯，決定一試。這間為於The One的利寳閣，樓底高，每張餐枱有點距離，坐得舒適。谷飼豚肉叉燒飯 - 兩塊厚切的谷飼豚肉加嫩滑荷包蛋，配上為叉燒飯調配的醬汁，叉燒捻滑入味，瞬間掃光。原盅佛跳牆 - 湯水清甜不油膩，鮑參翅肚共冶一爐，在這個潮濕的炎夏下品嘗亦沒有違和感。湯料甚足。大澳生者唐生菜 - 蝦醬和蒜頭經煲仔內的熱力逼發出來的香氣，令人垂涎欲滴，加上蝦亁肉碎，把唐生菜弄得惹味，送飯之選。欖仁蟹肉桂花炒姚柱 - 此菜蛋炒得夠亁身，芽菜爽口，少油，適合清淡口味人士和keep fit 一族。手打順得魚腐煲 - 魚腐嫩白，配上覓菜雞脾菇，口感清新。飯後糖水是南瓜西米露。南瓜膳食纖維高，有益腸道健康。濃郁南瓜蓉配上西米，濃度與甜度皆適中。

每個月都會搵啲時間同阿媽食飯，廢是佢咋我型話我成日出街食飯又唔會陪佢。同得阿媽食飯，中菜係走唔甩，今晚就試下尖沙咀間利寶閣啦！眼見個個都點咗個叉燒飯加佛跳牆（$188），似乎真係幾抵食！佛跳牆好快就到，原盎勁豐富，一飲落口，甘香味濃，係真材實料燉架呢！成排翅係入面遼參！好林好滑鮑魚，肉厚味甜！叉燒飯係厚砌兩份，大大舊放入口好滿足！隻蛋仲係流心我地仲散叫咗啲小菜送飯！茶王燻鴨胸，煙燻味濃，鴨肉夠嫩唔痴牙～炸芝士蝦球，酥香脆口，蝦肉彈牙，味道似去飲宴既炸蟹炠，芝士係流心薑蔥花膠滑雞煲，呢個好惹味，花膠炆到好淋，雞汁味入晒啲花膠，好正雞好入味多肉，抵食！

The One利寶閣，真係附近值得推介嘅一個中餐館。晚餐時段，可能內地遊客及香港人唔多人選擇中餐館，令到地方非常闊落，而且位於17樓，可以睇晒成個尖沙咀以及海旁。但中華料理，又怎會輸給西餐館及外國料理？如此海景，配合中華料理實在係優雅享受。谷飼肉叉燒飯（$128）叉燒飯真係香港人嘅浪漫💕利寶閣餐廳選用的谷飼肉叉燒半肥瘦， 脆卜卜叉燒，脂肪均勻融入左豬肉入面，因此肉汁淋嫩。蜜汁佈滿左叉燒上面，色澤很好👍🏼另外加荷包蛋，下面香噴噴白飯。😋我諗無論游客定係香港人都會鍾意原盅菜膽雞燉翅（$168）去到中餐館，又點會少得飲靚湯？其實識得食，可以試吓雞湯燉翅，又唔係貴。一盅魚翅雞湯、雞湯味道濃郁，翅爽口彈牙。Well, 如果想食好啲，餐牌仲有其他高鮑翅選擇😋桂花蟹肉炒瑤柱（$128）雞蛋、芽菜、瑤柱、蟹肉、香蔥，用火喉將以抄到乾身就會好似桂花咁。香噴噴，拌飯、拌炒飯一流☺️XO醬帶子炒飯香港酒樓炒飯，出名夠炒鑊氣，去到利寶閣當然唔好放過😍炒出嚟㗎返到香噴噴，一粒一粒分明，配返上面嘅蟹肉炒瑤柱就啱啱好🤟🏻其實另外有一個蘋果拔絲好正，不過賣晒lu~🤣下次再食

有朋友食完利寶閣之後強烈推介男朋友食，於是乎今日收工之後，我地就去左尖沙咀間利寶閣食晚飯。我地叫左谷飼豚肉叉燒飯配原盅佛跳牆（$188）谷飼豚肉叉燒係半肥瘦而且厚切，肉味香濃！佛跳牆好足料，有鮑魚、遼參、魚翅、花膠同瑤柱等等嘅食材，火候十足燉到濃而不膩，正！豐衣足食莧菜（$88）本身係想叫翡翠苗但賣曬，莧菜煮得入味，唔錯。紫蘇三蔥和牛粒（$158）炒得香口嘅和牛粒食落一d都唔韌。蛋黃醬脆皮石斑粒（$58）外脆內軟棉棉，蛋黃醬亦突顯出石斑嘅鮮味~呢到雖然唔大，但勝在staff夠親切有禮，我同男朋友都想再黎！