利寶閣 (已結業)

之前同朋友食過覺得好好食嘅利寶閣，今次帶咗屋企人一齊去食。今次去尖沙咀分店，環境非常靚，落地玻璃一望出去就對住維港，簡直係心曠神怡。 一開始有少少眼闊肚窄，打算叫好多餸，但服務員都好好，提醒我哋食飯未必食得晒，於是我哋就叫住先啦。同樣地今次都叫咗招牌嘅叉燒飯同埋佛跳牆，嬤嬤雖然年紀大，咬野唔係咬得好好，但係呢個叉燒實在又滑又林，平時食唔到叉燒嘅佢今次都食到。佛跳牆亦氹得老人家好開心，湯料十足，食到老人家笑呵呵。另外我哋仲叫咗好多唔同小菜，同上次有啲唔同，叫咗椒鹽豆腐牛柳粒芝士龍蝦等等，全部都維持一貫水準。10分滿意！

難得今天可以早收工，約同事一起到尖沙咀Shopping 跟住食埋晚飯🥣返屋企。行到THE ONE 買完化妝品後肚子餓，突然落大雨於是就近搭電梯上17 樓「利寶閣」洒樓食啦！環境又唔錯，遠望海景，使人感覺舒適😌先來一碟餐前小食，鹵水豬腳仔煮得入味，有陣陣酒香及滷水汁味，烹煮得夠淋，真的越食越滋味😋再來一個谷飼豚肉叉燒飯，叉燒夠淋肉質鮮嫩多汁。蛋黃醬汁融合叉燒感覺滑溜有趣😋佛跳牆食材豐富，有雞腳，豬肉，花膠，鮑魚，魚翅，湯夠熱火候十足！啱我喜歡食湯渣嘅人，非常鮮甜飽肚薑蔥花膠滑雞煲，侍應一打開個煲蓋🍲，香氣撲鼻👃，薑蔥味道香😋，使人食指大動，吃了一口雞來，肉質嫩滑。綠豆蓉化於糖水中非常可囗🍵，如果加入海帶味道一流，夏天吃十分清潤消暑👍

今天係外婆96歲嘅生日 確實是需要好好慶祝一番 揀咗利寶閣係因為餐廳食品不添加味精少油少鹽 能夠讓食客吃得健康餐廳環境一流 猶如置身皇宮一樣 樓底高冇焗促感 啱曬大夥兒聚餐餐具亦非常精緻美觀 優雅又不失氣派職員馬上送上餐前小食 每碟18蚊茶價每位18蚊餐牌上嘅食物繁多 鮑參翅肚至餐前小食 湯品海鮮類 一應俱全 價錢合理明火靚湯 白果腐竹煲豬肚 四至六位$128湯渣材料相當豐富 有白果腐竹 紅蘿蔔 馬蹄 瘦肉 及豬肚個湯煲出嚟係奶白色嘅 味道清甜非常夠味 完全唔飲得出係冇落味精特別優惠: 上湯龍蝦伊麵加燒汁脆皮雞半隻$388有原隻大龍蝦 啖啖肉 肉質爽口彈牙 鮮甜無比伊麵吸收曬上湯嘅汁同龍蝦嘅精華 勁好食燒汁脆皮雞 半隻意想不到燒雞可以咁好食 唔單止個皮燒到非常脆之外 雞肉仲好入味 鹹鹹地 而且非常嫩滑 依然有肉汁的最後仲食埋甜品 呢個係餐廳嘅皇牌脆麻花 入口即化開 好似食緊空氣咁 配以糖漿 味道一絕最後餐廳仲有糖水送添 綠豆沙煲得夠火喉起曬沙食咗咁多嘢 每人平均都唔使300蚊一位

男朋友同我都好鐘意食中菜，如果要食中菜，我地一係會去大排檔，一係就會去茶餐廳。剛好有朋友講起尖沙嘴利寶閣晚飯其實幾抵食，所以就決定同男朋友一齊去食啦！係The One 搭電梯上去，一開門就見到大大個招牌寫住利寶閣，放眼望落去係華麗嘅裝潢，高高掛住D水晶燈，天花上有壁畫，望出窗見到維他利亞港。呢度平時做開婚宴，真心唔係無道理。餐廳經理安排坐先到嘅客人坐窗口位，呢個簡單嘅舉動非常貼心，一來覺得備受照顧，二來亦都有時間俾我慢慢欣賞由高空眺望維港嘅美。原盅佛跳牆 併 谷飼豚肉叉燒飯 ($188) ，一開個盅蓋，熱氣騰騰上揚，湯味亦都隨之而飄散開來，用湯匙一撈，非常足料，用新鮮雞腳、魚翅、花膠、海參等嘅材料去熬湯，呢個湯集各樣食材嘅精華所在，飲起黎好鮮甜，同濃稠，男朋友非常愛湯，佢毫不猶豫咁飲哂D湯就知好飲。谷飼豚肉叉燒飯 ，見到有叉燒飯賣本身就打左個突，心諗高檔嘅酒樓，點解會有呢樣野，原來呢個餐廳係用左谷飼豚肉去自製呢個叉燒飯 ，男朋友話上環果間好食D，但我覺得呢度嘅叉燒又嫩滑，而且肥瘦均勻，非常Juicy，配埋甜鼓油同隻半生熟蛋係拌飯，好好食！大澳唐生菜($88)，我係個極易便秘嘅人，所以餐

因為尖沙咀很方便放工去，加上氣氛環境不錯，可以看到維港風景，所以這是間十分得體的餐廳和朋友聚舊。這餐廳衞生不錯，可是不知是不是因為閒日去食，樓面只有很少侍應。點餐後過了頗長時間才上菜。雖然如此，因為沒有很多客，不會趕着要你食完就走，慢慢閒聊嘆茶食飯其實沒什麼不好。這個佛跳牆一位份量還算足料，有鮑魚花膠等等矜貴食材，可以一試。叉燒煎蛋飯是一個Set跟佛跳牆，雖然我沒有吃到黯然流淚，但叉燒和煎蛋都吃得出用材不差。叉燒很有蜜味，比平常吃的更濃味，更好食。因為是正宗中菜，所以想試試片皮鴨。結果出乎意料地好吃，片皮鴨每塊都啖啖肉，十分滋味。份量也很多，故十分推薦這道菜。我每次包2塊鴨最後都有剩。這個蝦球一定要熱食才好味，甜甜酸酸很開胃，旁邊那塊米餅也好新鮮，脆卜卜，最後要搶着食。這個津白雖然味道不錯，奶味重，質感厚身，十分惹味，不過就嫌份量太小，不夠喉。結論，片皮鴨真的很出色，如果晚餐想吃這道菜，建議可以去這間。

今日和家人飯聚 揀咗位於尖沙咀the one 17樓嘅利寶閣開餐多麼漂亮的環境 抬頭滿是水晶吊燈 大大嘅落地玻璃 睇住出面城市夜景用餐確實一大樂事另外 餐桌用具精緻優雅 非常大體 猶如置身皇宮一樣職員馬上送上餐前小食 涼拌馬鈴薯 沙葛及雲耳 帶有點甜醋味 非常開胃片皮鴨一隻$298，24 片 職員先呈上原隻鴨 給我相機食先隻鴨勁大隻 目測外皮非常脆卜卜 烤至金黃色的 未食已經流曬口水畀我影完相之後 職員就拎到旁邊片鴨 乾淨衛生有帶手套職員工架十足 手起刀落 每片都切得非常均勻 有皮又有肉潤餅熱辣辣 趁熱食 口感非常軟熟潤餅非常透薄 放上鴨片，醬汁，青瓜，蔥段即可一啖放入口 真係超滿足， 值得稱讚潤餅非常薄 所以食落口唔會一團粉醬汁及鴨片 味道互相輝映 配合青瓜及蔥段一齊食 可去除油膩感覺 反而多一份清新效果另一推介嘅係呢度嘅叉燒穀飼豚肉叉燒 例牌$128色澤不錯 旁邊有燶邊效果 入口更為香口利寶閣嘅叉燒果然厲害 感受到吃厚切大嚿叉燒那種歡愉 叉燒肉林又不失彈牙爽口 旁邊嘅叉燒醬汁味道帶點甜 反而咁樣越食越開胃 片皮鴨和豚肉叉燒 是本人極力推介的 滿分

平時揸開車聽收音機 成日都聽到某電台介紹呢個利寶閣嘅穀飼豚肉叉燒飯 講到幾咁好食 一於今日就食你晚是提供 谷飼豚肉叉燒飯配原盅彿跳牆 原價 $256， 現在優惠價$188叉燒蛋飯雖然看似平平無奇 但係確實非常出色 而且美味 絕不馬虎先說說太陽蛋 太陽蛋煎到有燶邊 外脆內滑蛋黃味香 撈埋落啲飯度一齊食 勁juicy叉燒有兩大舊 以非常厚切嘅方式呈現 食落啖啖肉 越咬越多汁 肉質彈彈的配合餐廳秘製叉燒醬汁 醬汁比較濃厚 味道是帶有甜味的佛跳牆湯底非常清 但味道卻非常濃郁 絕不油膩 鮮甜無比材料包括鮑魚，遼參，魚翅，花膠，瑤柱，花菇…… 材料名貴 絕不欺場千葉豆腐$118手工菜食刀工 讚嘆廚師嘅刀功為何如此利害 豆腐切得厚薄均勻 片片豆腐完整無缺脆皮香芒蝦頭$148鮮蝦製作 蝦肉非常爽脆 有鮮味配合鮮芒果製作而成嘅醬汁 酸酸甜甜 非常開胃 是一道夏日的菜式伴碟嘅脆皮勁鬆化 入口就即刻化開 味道鹹鹹地 估唔到又幾好食喎提供埋泊車優惠畀大家參考 嚟呢度食飯簡單方便 搭𨋢直上17樓就到 又有拍車優惠無論係環境同食物仲有服務質素都係一流 值得一試 呢度嘅叉燒真係好得

朋友升職加薪，當然要賀一賀，我自己也想去美戰pop up store看看有甚麼買，我一次都沒去過，太多人了，據說晚間人流較少，所以晚飯選擇約朋友去the one。不過我想買的環保袋，鏡都售罄，如果想買心頭好的話應該要下午來排隊。重回正題，來利寶閣一定要嚐嚐原盅佛跳牆，因為真的很足料，湯裡一撈便發現鮑魚，魚翅，海參，花膠等海味，可不是誇張，佛跳牆既有雞肉的鮮甜，也有海味的回甘，相信花了漫長時間熬煮才有這味美，一下子就被我們分刮完。花膠雞湯經常吃，不過薑蔥花膠滑雞煲倒是第一次品嚐。薑蔥花膠滑雞煲不是蓋的，香氣逼人，濃厚的薑蔥味帶出雞肉香，光看色澤也知道好吃。花膠厚重的膠質又彈牙，雞肉滑嫩無比，我和朋友死都不願意停筷呢。谷飼豚肉叉燒飯拌上鹹甜鹹甜的醬汁，半熟的蛋黃蛋白，讓叉燒變得更加好吃入味。叉燒厚度方面極為豐厚，朋友超級滿意叉燒的口感。配上粒粒分明的白飯，甘甜爽脆的菜心，谷飼豚肉叉燒滋味極了。在我吃過多家酒樓的叉燒飯中，利寶閣的叉燒飯我覺得值得推薦大家吃。超久沒吃過豚肉煎藕餅，今晚一定要吃上一碟滿足口癮。以細嫩的豚肉混搭蓮藕粒所煎出來的藕餅，當然鮮甜美味，不失香脆中帶些彈牙嚼感。再沾上醋汁

放假做乖女同媽咪兩個人去嘆茶，上次喺度食過晚飯覺得環境好舒適，所以就帶埋媽咪一齊黎喇！中午嘅環境又係另一種感覺，呢度中午時嘅落地大玻璃有充足嘅陽光照射，感覺好開揚，加上座位寬闊，可以好舒適咁嘆下茶。 午市唔算好多人，想靜靜地嘆茶呢度非常適合呢！ 午市有套餐啦，散叫都有炒粉麵飯同埋點心，價錢合理...另外有啲特價點心添，幾抵食... 上次晚市食過谷飼豚肉叉燒飯，食過返尋味丫！ 今次lunch都要食番佢！lunch嘅餐就配老火湯，價錢都相對相宜。$68就有一飯一湯大大舊豚肉叉燒，上枱已經好吸睛！媽咪平時唔好食叉燒都話呢度嘅叉燒非常好食，好嫩又甘香！老火湯係蓮藕湯，個湯好濃，夠溶，好足料！韮王原隻鮮蝦腸 腸粉晶瑩剔透，每件都夾住一隻非常大嘅鮮蝦！ 蝦肉爽口彈牙，大大隻，啖啖肉！！鮮蝦香芒沙律卷 上枱熱辣辣，外皮好鬆脆，冇乜油，唔會好肥膩。配芒果沙律一齊食醒神開胃！北菇棉花雞 雞肉嫩滑，魚肚入曬味，正！鮮蝦拾菜春卷春卷炸得好脆口，又係冇乜油，值得讚 最後送甜品，係紅豆沙。熱辣辣，紅豆煮得好淋好溶，果皮味好香。呢度嘅點心全部都即叫即整，上台時熱辣辣，好新鮮！

陳生話想食呢間既中菜，於是一早book左枱，點知當日佢要ot，而我又一早出左尖咀，所以唯有自己黎獨食。甘岩被安排坐在窗口位，望住尖沙咀夜景食飯。由於本人有選擇困難症，見到甘多菜式，簡左好耐，最後廢事煩就簡左個set ，叉燒飯配原盅佛跳牆。餐到，隻蛋好正，撈埋個飯，令到d飯好滑！叉燒兩舊，非常厚切，啖啖肉！而且非常juicy! 原盅佛跳牆，十分足料！有鮑魚，魚翅，花膠，海參，花茹，雞！煲出黎的湯十分清甜(趁陳生五係度，自己補一補，哈)

是日好友聚餐，揀係尖沙咀食中菜，可以舒舒服服咁邊食邊傾，慢慢坐唔會比人趕，地點就腳，食到夜一夜都唔怕無車反。呢度最特別就係有個正正子無敵海景，同埋呢個套餐，一碗叉燒飯配原盅佛跳牆，$188set又唔貴，4個人叫兩份share再加幾款小菜就岩岩好。谷飼豚肉叉燒飯太陽蛋蓋住下面既叉燒份量都不少，叉燒夠林身，唔肥，香口，重點係旁邊碟醬，甜甜地好好味，用黎撈飯基本上可以唔洗餸都食到兩碗飯原盅佛跳牆勁足料既佛跳牆，食到材料既鮮味，無味精，無特別既調味，已經好好食，料多，兩人share一盅都好足夠。朋友鐘意食魚，叫左份大海沙巴金尾斑二食。順德焗斑頭腩魚肉爽滑，啖啖肉，簡單用蔥做配料，清清地帶出魚鮮味。翡翠斑球兩碟加埋都好多魚，加上都好大件同肉厚，比較飽肚，呢碟用爽甜既翠玉瓜炒，口味更清新。鹽焗海南雞第一次食鹽焗海南雞，咸咸香香既口味，幾惹味。食到最後侍應送上一人一碗綠豆沙，夠濃又夠沙完滿！餐具精美。環境舒服。

母親大人有時都會想去酒樓食個晚市，因為佢地細個既時候，酒樓仲係好高級既存在，餸菜對比起西餐既又更岩佢地口味今日母親大人黎接我收工，所以就試左間新野 利寶閣係THE ONE上層，晚飯時間都好多人，好彩2個人先有位，人多一定一定要訂枱，超旺場咁岩見有個推廣 ”穀飼豚肉叉燒配原盅佛跳牆” 只係$168咁大個女都未食過佛跳牆，見有優惠梗係要試下佛跳牆熱度絕對充夠，仲係要灘一灘先飲得 (飲湯一定要夠熱先好飲!!!)先飲頭啖湯，味道好濃厚，有真材實料既感覺，唔只係得個香氣係到飄浮，味道都好實在入面仲好足料，有鮑魚、花參、魚翅、花膠等，真係夠哂名貴同滋潤穀飼豚肉叉燒叉燒肉質好軟滑，估佢唔到咁好食而且係一大舊上，可以好滿足咁咬落去，試出叉燒肉質係幾咁順滑 再來有 “花膠京蔥炆雞煲”，又有花膠呀係! 女人當然要對自己好D，間唔中就有補下，呢到仲要有2個女人添花膠分量真心多，而且質素幾好，夠彈牙同完整。雞煲惹味之餘無過咸，可以食到最後，雞件入味又無雪味，整體幾抵食梅菜扣肉兒時很喜歡的一道菜~但呢到既梅菜不太咸，是走咸香中的香路線，比傳統的更健康而扣肉都好入味，豬肉分層分明，必要部位入口則溶，NICE！

聽朋友講有間酒樓有叉燒飯加佛跳牆唔錯，我第一時間就湧出星爺食神既回憶，二話不說就約朋友去試下係咩一回事。第二日放工同幾個朋友一齊去食，一坐底我已經決定要食谷飼豚肉叉燒飯配原盅佛跳牆，其他就交比朋友決定。過咗陣，我個黯然銷魂飯同超級無敵海景佛跳牆就到咗，叉燒飯大大件，咬落去夠彈牙好滿足，而佛跳牆就好足料，有鮑魚海參等，整體味道醇，去開既話可以試下依個組合。然後係蒜片和牛粒，和牛粒淋身牛味重但油份不足，配蒜片好夾。之後係明太子賽螃蟹，蟹肉十足蛋白亦好滑，平時好少食，但感覺唔錯。再黎既係啫啫遼參雞煲，雞肉好滑遼參爽中帶腍，蔥入哂味好好食。到肉絲煎兩面黃，湯汁另上可以保持麵質香脆，我自己比較鐘意唔落湯汁就咁食。最後係脆皮香芒蝦球，蝦球爽口，配個汁甜甜地淡淡芒果味亦幾夾蝦肉。食到尾叫咗個蘋果拔絲，糖絲外型華麗，蘋果表面好脆，果肉爽口香甜，係個唔錯既結尾。總結，依餐飯可以食到電影既感覺，整體感覺良好。

同家姐傾計講開利寶閣有個豚肉叉燒飯配佛跳牆套餐，好好味又扺食，今日撞正去尖沙咀行街，就同媽咪去試下有幾好食😌一開電梯門，即刻望到好靚海景，樓底高，裝修華麗，枱與枱比較有d空間，所以坐得好舒服。餐具都好別緻，整齊乾淨。服務員很有禮貌及細心，會介紹餐牌上的食物給我們小食好開胃，小小辣辣地，麻油味濃主角出場，叉燒好入味甜甜地，咬落去軟綿綿好多汁，與別不同，配飯一流，必食之選😋😋😋佛跳牆配料甚多，有鮑魚,花膠,雞腳,排骨,螺肉...非常鮮甜，鮑魚彈牙爽口，媽咪超愛，滋補養顏一流香芒蝦球，炸得脆卜卜，蝦肉彈牙好味，配搭鮮芒果醬，酸酸甜甜，好fresh，yummy!

今日同朋友一齊去到The One商場行街買衫同護膚品，行到七點左右大家都有啲肚餓見到商場9樓以上都有好多食肆，就選擇咗利寶閣酒樓食晚飯。下次媽咪生日，食呢個餐都幾好，套餐內既菜式都可以自選，不錯👍🏻一上到去，見到牆上貼着好多優惠套餐，服務員特別介紹呢款谷飼豚肉叉燒飯配原盅佛跳牆。地方很大，內裏還有VIP房望出窗外，呢個海景，不得了👀豚肉厚切，半肥瘦，油脂分佈均勻，肉質鮮嫩，口感嫩滑，蛋黃半生熟，撈埋豉油同飯，簡直美味😋😋😋佛跳牆超足料，材料矜貴，湯底好鮮甜，好夠味，呢個價錢絕對抵食👍👍👍龍蝦伊面清清淡淡好鮮甜，肉質爽口，伊麵吸入上湯，好好味😋賽螃蟹🦀内面有蟹肉、帶子，入囗蛋白好滑，帶子鮮甜，混埋一齊食，絕配👍👍👍