利寶閣 (已結業)

西式日式放題相信大家就食得多，中式放題都係第一次，事原因為鍾意食中菜嘅朋友介紹，所以貪得意就過咗嚟試吓。呢個中式放題依家係兩個鐘，點菜亦都係好似日式放題咁寫紙仔落order。睇過Menu見到都有好多唔同嘅嘢食，我諗係海鮮、燒味、麵飯同甜品都有，啱晒鍾意一餐使好多唔同嘢食嘅人。極上佛跳牆上湯焗大虎蝦伊麵呢兩個係跟放題送嘅，每人都有一份。佛跳牆好足料，湯頭吸收晒所有材料嘅精華十分之鮮甜。虎蝦伊麵隻蝦大大隻，亦都好新鮮，鮮味十足。脆皮燒腩仔 - 皮脆肉嫩，好食過好多燒味舖，仲有得任叫，正！石岐燒乳鴿 - 肉質彈牙，食多幾隻都得！胡麻醬肉鬆山水豆腐 - 豆腐滑得嚟豆味好香，配合埋麻醬同肉鬆非常好食。椒鹽脆皮雞翼 - 外皮炸到金黃鬆脆，值得一讚嘅入邊嘅肉並冇炸到乾晒，俾個like佢👍🏻芝士蝦丸 - 蝦丸夠晒彈牙加埋釀入嘅芝士，好好味呀，好似食緊芝士龍蝦咁。薑蔥炒肉蟹 - 蟹肉夠新鮮一啲都唔霉，炒完仲食到蟹嘅鮮甜味。北京片皮鴨 工作人員直接喺出邊切俾你，鴨皮夠晒脆，鴨肉亦都好入味，由於佢係冇得落order要出去攞，所以大家記住留意啦。堂煎鐵板美國谷飼牛柳呢樣亦都係冇得落order同埋工作人員即場燒

平時西式，日式放題食得多，今次我地去食中式點心放題，價錢只係$168，小童亦享有半價優惠。點心多達50款，有蒸點、煎炸焗點、腸粉、小食、甜品、粉麵飯等等餐廳每人送上一份原隻鮑魚酥同花膠灌湯餃，大大隻灌湯餃，灌湯餃足料，花膠一大舊，湯底夠清甜每次飲茶都會必食蝦餃、燒賣、鵪春蛋燒賣、沙律蝦春卷、香煎蘿蔔糕、北海道抹茶包，由其蝦餃，皮薄餡靚，蝦肉爽口彈牙，而北海道抹茶包、有驚喜，抹茶味濃郁，餡不太甜，麵包夠軟熟 蛋白杏仁茶杏仁氣味清香，吃下不太甜

利寶閣 (尖沙咀)尖沙咀彌敦道100號The ONE 17樓環境黎講呢到無得輸 夠哂大 坐得舒服而且望住對面海 值回票價今次黎到係選擇左點心放題食物黎講 好多點心都好有水準首先一黎到每人會送一份鮑魚酥再每人送份灌湯餃而且呢到每次叫既份量係適量唔會話好大份 又試唔到其他野加上好多點心係用粒做單位所以可以食唒唔同既野食由蒸去到炸 由炒去到燉特別推薦係佢既腸粉 好滑好滑不過記住好細條 要叫多幾次呢到唯一不便就係上落 由於位置係高層 又得2部lift所以都等左好耐 呢到扣一扣分當然都要讚一讚個上菜速度 快得黎而且唔會走單 我100%上齊

都唔明白點解要比錢去食D咁難食既野。諗住中秋攪下新意思，去試下中菜任食放題，又多選擇又可以任食，開頭想book澳海城利宝閣，但full了，就book尖沙咀。入到去見到張點菜纸得1張細細的已經覺得不吸引，但中秋費事再轉場，始終有老有幼。每樣點小小試下，出面只有片皮鸭同煎牛柳取，其它都要入纸。重點㴝啦，唔用"貼錢買爛受"去形容真不知怎樣形容我很後悔當日的選擇。煎牛柳只吃都肉鬆粉味，海鮮凍同好厚生茨去煮，再加上D肉是"梅"，簡直係绝配。沒什麼可說好食，只有2，3款可以稱得上入到口。好失敗。3百幾蚊放D垃圾係個肚裏，點對得住D客呀！

今次去The ONE 的利寶閣食中式自助晚餐，去到幾旺場熱鬧都幾多人食💦，剛好是片皮鴨牛柳粒主題的放題,全部都是即叫即做,餐紙50款任點任食的中菜,及2款每位各一份的大蝦天使面及佛跳牆環境就是一個開揚的婚宴的場地,仲有海景睇,店內燈光柔和有調,座位亦寬敞舒適🆒，餐廳自助晚餐提供的食物款式很多，花多眼亂，不錯的是片皮鴨熟食和甜品都同樣出色👍.仼食自助放題,戰線極長,我1900PM入可2100PM先完畢,可以慢嘆而食.*佛跳牆足料鮑魚花膠香菇,味道香濃豐富,相信煨制時間不短有火喉😊*大蝦天使面蝦的體積絕對是幾大隻,味道很鮮甜,天使面忌廉Creamy香滑*北京片皮鴨烤鴨隻隻色澤都好靚，即烤至透嘅鴨胸皮，油香滿溢，配上餅皮熱辣辣食就最好呢*香煎牛柳粒牛柳粒很鬆軟和嫩滑，味道仲很惹味，最好叫碗飯食喇~*避風塘肉蟹避風塘香蒜辣椒粒甘香搶口，蟹肉結實甜美，鮮度稱心😍*玻璃咕嚕肉咕嚕肉外皮酥脆，內裡鮮嫩，味道酸甜可口*五香牛展牛展被炆至軟綿容易入口，咀嚼一點也不費力，五香料較重*瑤池貴妃雞雞肉酥嫩,酒香撲鼻，而且唔會好肥,不錯*甜品 楊枝甘露 榴槤布甸比較突出的是 楊枝甘露,味道帶微酸, 芒果味道清甜

大家食放題多數都係食日式放題，而今次小編就搵到呢一間主要係食中式放題嘅酒樓。小編同女朋友安排入座後馬上Order自己想食嘅嘢，首先每一個套餐都會有一隻奄仔蟹同埋一碗湯，再加個鮑魚花菇，當中仲有好多唔同種類嘅點心可以比大家選擇，小編就覺得佢哋每一款點心同菜式都烹調得相當唔錯，小編就比較喜歡乳鴿、暗然銷魂飯，同埋沙律海鮮卷，呢幾味餸都係即叫即烹調。至於甜品方便亦都有好幾款中式同西式嘅甜品比大家去選擇，小編就較為喜歡紅棗糕。

日式放題、火鍋放題大家就吃得多了，中式放題大家又試過嗎？利寶閣是一間我很久之前光顧過的餐廳，但我那次光顧的是大角咀奧海城的分店，而且是去親戚的兒子百日宴，吃得不算盡興。利寶閣在香港有數間分店，聲譽也不錯，這天決定和男朋友試試銅鑼灣的分店。一進去的感覺就是好像進入了一個婚宴的場地，感覺挺特別的😂環境只可以用高級酒樓來形容。能夠遠眺海景相信也是這裡的一大特點了，看出去的風景漂亮一點，心情也會好一點的啦。中式放題我還真是第一次吃，食物的種類也有不少，煎、炒、煮、炸等等的都有，既又新意又吸引。鮑魚花菇是贈送的，以高級酒樓來說，這裡的鮑魚大小也不算小，咬進口有口感，加上鮑魚汁更是極大的滋味！兩件冬菇都很大件，要切開才方便食用。 青瓜、蔥等材料本身就放在桌面上，那麼這裡的片皮鴨應該挺好吃的，即管點一份試試。雖說是放題，片皮鴨又不會做得很馬虎，外皮不會過於油膩，肉也不會太硬，感覺真的剛好，沾上醬汁再被皮包著超級好吃花膠響螺雞湯也是餐廳贈送的，從來沒想過贈送的湯也有那麼高的質素裡面真有不少的花膠，還有一些響螺，非常足料呢！湯的鹹度也剛好，個人很喜歡。之後吃了一份石歧燒乳鴿，雖然不知道石歧在哪裡😂不過外

見不嬲利寶閣d嘢食唔差所以黎試下個放題....點知........等...等同等！兩個鐘頭其實都唔錯呀....但係......我只係夠時間叫到兩輪嘢食！客已經唔多......唔明點解要等咁耐....等....都算啦.....d嘢食黎錯晒......唯有食，因為唔想又等！眼見d廚師不停出出入入...咁其實係冇人做嘢定d員工唔識字..入錯單？？？！真係救命！送菜d人晦氣態度！真係貼錢買難受！亦都經歷過（圖片只供參考）呢樣嘢..哈哈哈哈..真係唔該晒！衛生程度....當然係差...筷子..湯匙..碗...杯...全部都污糟！我明....呢d酒樓當然要自己洗嘢...但都唔係樣樣嘢都洗唔乾淨架！亦都明白點解會做放題...但係做唔掂...不如算吧啦！

酒樓要檢討下招呼服務，倒如安排座位，今次給印象都差極啦希望要認真檢討及培訓下員工🥳食物方面，點心一般，個XO醬腸粉就熱騰騰上枱有點特色其他就未見特色啦！杯碟雖然精緻，但有污積要換個隻才用

放假最鍾意同屋企人飲茶，尖沙咀區有任食點心，聽聞質素都唔錯，而且利寶閣飲茶一向都水準不錯。今日同家人一齊食任食，類型乜都有。叫咗蝦腸、帶子腸粉，味道唔錯，都幾熱。炸鯪魚球，細細粒，幾香脆。炸物叫咗叉燒酥，個皮有點厚，但係都尚算香脆，入邊幾多餡。春卷好脆，入邊係有蝦，呢個幾好食。芋頭酥好似蜂巢咁，幾香脆。叫咗排骨，肥瘦適中，一人份量都幾多。仲叫咗XO醬腸粉，煎腸粉個味唔錯，細細碟。貢菜辣辣地，細細碟幾爽口。甜品仲有雪糕下邊仲有啲紅豆。

有時飲茶如果唔係好多人去就會唔叫得多，好多時嘅款式都會好少，依家酒樓有市市點心放題，真係一個幾好嘅選擇。每人會有一個灌湯餃及鮑魚酥，鮑魚都幾大隻，而且鮑魚撻香口。灌湯餃非常足料，灌湯餃大大隻，個湯幾甜。我哋仲叫咗好多唔同嘅點心，點心嘅好處就係可以叫一人份量，當然唔少得蝦餃燒賣。呢度仲有傳統嘅鵪鶉蛋燒賣。腸粉叫咗蝦腸及帶子賜，都尚算幾滑。叫咗薑醋，一碗細細碗，但係好足料，有蛋有雞有豬手，真係唔錯。馬拉糕最好係可以細細件，一個人食就最啱仲叫咗黯然叉燒飯，有蛋有叉燒，細細碗而且叉燒都幾林，幾香，夾埋個太陽蛋撈飯幾好。

西式嘅自助餐，日式放題等等，相信大家都食唔少，但係粵菜放題就應該比較少啦，今日就約咗朋友決定食呢個粵菜放題, 飽吃一頓🥳🥳呢個放題每位都會有爆膏野山時令奄仔蟹一隻🦀🦀, 煮法有清蒸，雞油花雕蒸滑或油鹽焗，可以因應自己口味去選擇, 我哋就揀咗油鹽焗啦，上枱時見到真係爆曬膏啊，油鹽焗非常惹味，好新鮮啊，另外仲有每位原隻鮑魚花菇, 花菇肉厚，鮑魚煮得入味, 同埋好大隻呀，另外每位仲有花膠響螺雞湯，絕對冇味精，足料靚湯喺任食方面，有55款名廚推介嘅小菜粉麵飯甜品，其實一次真係試唔晒呀，我哋分別食左片皮鴨，乳鴿，燒腩仔，炸蝦餃, 咸菜胡椒豬肚, 椒鹽雞翼,酸菜魚，荷葉飯等，而其中特別推薦玻璃咕嚕肉,呢個真係煮得好好, 咕嚕肉表皮鬆化而又保存到肉汁, 另一個都好喜歡嘅就係黯然銷魂叉燒煎蛋飯啦, 煎得好靚嘅荷包蛋，好味嘅叉燒，一個迷你嘅白飯，真係色香味俱全啊🥰🥰最後梗係甜品時間啦，首先係一早就叫咗杯棉花雲十勝紅豆冰邊食邊飲啦，然後我就試咗楊枝甘露, 蛋白杏仁茶，而其中特別推薦嘅就係山西棗皇糕，棗味非常香, 軟熟可口，另一個就係脆麻花十勝紅豆雪糕啦🍨🍨，紅豆喺底, 上面加咗一個雲呢拿雪糕球，然後有一個

朋友從外地回港，一班人一齊出去聚一聚，去了尖沙咀區，地點方便又多款式。酒樓今期除了有套餐外，還有中式放題，十分有創意。先送上每位一份的花膠響螺雞湯、清蒸奄仔蟹及鮑魚花菇，奄仔蟹蟹膏頗多，而且甘香鮮甜，鮑魚就比較有咬口。第一輪一定要食燒味，這裏標榜以黑毛豬為材的叉燒，加上豬肉都比較貴，所以真是要食返夠本。叉燒是不錯，半肥瘦之餘又有豬肉香，而燒腩仔食了幾轉都是皮脆肉嫩。另外還有片皮鴨。連川菜的水煮牛肉及酸菜魚都有，水煮牛都幾辣，不過略欠麻味。點心有芝士百花球及脆皮炸蝦餃等，前者中間芝士餡爆水而且又彈牙，後者外皮炸得有點硬。朋友好澱粉質，點都要叫返碗干炒牛河，炒得又幾靚，河粉爽口。其他種類多不勝數。甜品都有十款，奶皇西米撻是推介之選，熱辣辣又鬆脆，奶皇香味突出。

星期日晚約左朋友， 呢餐都係期待既  因為未食過而朋友都極力推介 最後一行10個人一齊食我地幫襯既係2小時放題，會每人包一碗花膠湯， 一份鮑魚， 一隻奄仔蟹同埋其他任食既小菜等等.首先講左送既每位一款菜:1. 花膠雞湯:其實足料既味道都唔算好差，正常酒樓水準，但食得出花膠唔係靚野, 而且份量少2. 鮑魚佢似係紅燒鮑魚甘, 味道上我覺得OK. 而且係有咬口 所以鮑魚我俾高分既3. 蟹 (佢有清蒸， 雞油花雕及鹽焗)因為在不知道蟹的質素如何的情況下，我選擇了清蒸   其實味道是OK的  膏是有的而且還算多，肉味都OK  overall 我都俾80分。之後食既就係其他任食野因我唔係食左太多 只提及一下我所試過既就算:1.鮑汁鳳爪其實OK, 很''膠'' 而且味夠  有encore.2. 牛腩味道有少少酸,感覺奇怪 但so far 今日我都無肚痛就算3.流心醉蛋不流心, 很乾  不好吃4. 椒鹽雞翼呢個意外地幾好食，炸得黎唔油膩, 佢有跟到准鹽俾你一齊食其實OK架 香口而且又皮脆5.水煮牛肉 及 水煮魚 好辣， 牛肉煮到好韌，唔好食   魚肉就OK 但因為太辣  結果都食唔到好多6. 金菇牛肉

西式自助餐就食得多啦，中菜真係聞所未聞，今晚同屋企人去了尖沙咀的利寶閣，晚市以中式放題為主，每位約$300，比西式自助餐平一大截，而且每位都會送上蟹、湯及鮑魚等貴價中菜。花膠響螺雞湯花膠細細件但膠質豐富，雞湯有螺肉的鮮甜，完全無味精。花雕蒸奄仔蟹蟹肉新鮮，加上花雕蒸，有淡淡的酒香，而且蟹膏豐富。原隻鮑魚花菇鮑魚炆至腍彈，而且不算細隻，絕無欺場，花菇更是又腍又入味。北京片皮鴨鴨皮新鮮脆口，肉質鬆化，加上大葱及青瓜配料，十分美味。燒味拼盤有乳鴿、燒腩仔、叉燒等，燒腩仔皮脆肉嫩，黑毛豬叉燒燒至帶焦香肉又腍。酸菜魚魚肉嫩滑，酸辣開胃。其他炸點即叫即製。最後不少得的甜品，奶皇西米撻新鮮熱辣，奶皇香甜。