前家樂餐廳火鍋店 (已結業)

哈哈...又再黎! 不過今次假期前夕, 一早就好多人...本來仲覺得有D焗, 好在開左門吹一吹, 舒服好多!!點解今次又要再打呢..因為芝士雞煲既味道同芝士量又多左...值得一讚呀!!今次芝士多到攤凍少少可以拉絲出黎, 而且芝士火鍋愈煮愈咸既問題都少左! 雞件都仲係好新鮮好滑!!今次叫多幾個朋友黎, 試埋個烤魚, 酸菜好好味, 夾埋D湯好有雲南米線湯底既感覺!!叫左個細邊, 但都有好多肉份量唔算少!雞煲烤魚點可以唔叫配料黎打邊爐吸收返D精華架!!力撐墨魚滑既我, 當然要叫啦!!食左幾轉, 連朋友都忍唔住話咁襟食既, 食極都仲有!都算幾彈牙, 好抵食!!仲諗緊要食咩菜個陣就發現可以叫拼盤啦, 唔使只係可以食一兩款。而且佢仲有埋雪耳, 最初以為得菜同菇已經好好, 呢個都幾唔錯, 幾驚喜!雖然我唔係樣樣配料都寫晒, 但不得不提食食下聞到好香既醉雞味, 仲要唔止一次!令我好想食, 不過都要等下次, 因為食到中途門口已經有好多人等位, 我又點好意思霸住唔走呀!!

芝士雞煲好香，但煮到一半開始冇味，魚堡整體來講不差，其他方面都不錯。配料方面都很新鮮，服務都幾好，老細份人都好nice，遲d再有新野都好想去試下，最後希望快d重整芝士雞煲啦。

早排去左大角咀打邊爐，雖然唔係任食，但質素同價錢都幾好！晚飯時間唔算多人，所以坐得都幾舒服，唔會好逼。 而食物種類好多，想食的，基本上都有齊，亦有分得一份同細份咁點，人少少既我地就可以樣樣點細份然後食多幾款野。 火鍋湯底有好多款，今次點左醉雞煲。食落啲雞肉好嫰滑，而且好足料，酒香亦好濃！好好食！ 每次打邊爐都會點炸魚皮，但唔係間間都好食。好多地方既魚皮會唔脆或者食落好腥，但呢次食到既炸魚皮非常好食！好夠脆，一啲腥味都冇，而且細份既份量都好多！ 另外叫左脆肉鯇魚腩，魚肉一啲都唔腥，而且好爽脆，亦有啲甜味！食完細份唔夠，再encore左一次😆 當然，打邊爐是一定要食牛，今次叫左加拿大牛肩肉黎到，睇樣就知平時任食的肥牛唔同，靚好多、新鮮好多！食落亦完全食得出鮮牛肉既鮮味，不過牛肩肉既脂肪唔多，唔會有入口即溶既感覺，比較適合鍾意牛味多啲既人！ 呢餐邊爐我好滿意，亦bookmark左做私伙心水餐廳😬

天氣凍凍地最好食火鍋，但又吾想甘悶食一般皮蛋，番茄薯仔湯底打邊爐或者辣雞煲等，所以走咗去朋友介紹位於大角咀前家樂餐廳火鍋店的芝士雞煲。雖然店鋪環境平實，但侍應姐姐好NICE，會介紹邊啲食材新鮮啲好味啲服務態度不錯。 當然要點返過芝士雞煲啦，哩個芝士雞煲真係好正。 雞煲上舖滿芝士，熔左之後每件雞都黐滿芝士，雞肉又嫩又滑，撈埋d芝士又香又燶，鍾意食芝士o既我，真係食唔停。 食到咁上下，又可以加d清湯落個煲到打邊爐，雖然加左湯咋，但d芝士味都重好燶，配埋d新鮮o既食材，烚完d餸菜都食到陣芝士味，真係超正。 我哋點咗黑豚腩片、雙拼墨魚滑&鮮蝦滑、脆响鈴及唐山菜，仲有鯇魚卜及鮮淮山。 我最鍾意雙拼墨魚滑&鮮蝦滑，因為手打好爽口及口感彈牙，加埋芝士味好正。 啲鯇魚卜都好特別，真係吾係成日食度原來係甘爽、甜、滑，ＧＯＯＤ！！！！ 我都好ＬＩＫＥ鮮淮山，清甜可口，配埋芝士原來甘夾，大家真係要試下。

我見雞煲名咁搞笑就訂左枱去試下喇，一入到去比我嘅感覺係有少少迫左啲，可能係星期六嘅關係所以令到有依種感覺。入到去之後發現原來都幾多煲嘅選擇，仲要有魚煲，所以就同朋友叫左一個麻辣雞煲同一個魚煲，首先個雞煲入面啲雞嘅口感方面都滑嘅，辣度方面適中唔會因為辣度過多而遮左雞本身嘅鮮味。其次就係個魚煲，份量足夠，而食落就唔覺有湦味，係處理條魚方面做得唔錯。

身邊朋友一值都講，食雞煲只會在前家樂食，最近收到風聲，前家樂的芝士雞好味致極，特意約朋友來品嚐，坐低左，同店員order左芝士雞煲(半隻)，同朋友傾傾下計，然後就上菜啦，都好有效率呀！先等煲滾，滾既中途好香芝士味，正呀~店員關心提醒：芝士雞煲關左爐，唔需要燒住食，我當然接受啦！佢地服務咁周到，初嚐一口，嘩!!!香濃芝味入口即溶，嫩滑的雞配合芝士，簡至溶化了我的心，讓我在火鍋中感受滋味，我同朋友好快食晒，之後仲叫多半隻，哈哈！我可能食上隱。然後叫左幾種火鍋配菜，小小芝士味的湯底，味道都幾特別，我好鍾意。好開心的一晚，野食好食，服務好體貼盡心盡力，感覺好warm好溫馨，支持!!加油，家的火鍋店的好獨一無二。謝謝你們的招待，下次再來品嚐。

前一日打去book左夜晚9點半但朋友班flight 早左到，又飛的返酒店，可以早一個鐘食，打去改時間阿姐話無問題，原來係奧海城2期行過去埃華街勁近，間店就喺街尾。 麻辣雞煲 Order紙揀左原隻雞煲之後有得tick埋辣&麻嘅程序同葱同芫茜嘅多小，我地tick左小辣，正常麻,走芫茜,多洋葱。上枱時用爐開火熱住，就算我男朋友遲左黎都食到熱辣辣的雞。d雞切得大小好平均，每件都超入味，雞腳仲好細心地剪走左腳個part剩腳掌，勁易食。香料好足，大量花椒八角，我地一路食一路覺得好辣好麻，但係繼續吸引我地追食的，每一啖雞都麻辣味十足，加上廚師較個濃濃湯底，一息間已經清哂d雞！每人tick左杯野飲原本以為係店自己煲的，原來係鴻福堂嘅樽裝飲品，有凍有室温，欣賞佢嘅衛生，但賣$15一枝真心貴。 辣完就叫姐姐加湯開始打邊爐啦！ 唔小心點多左好多丸，牛丸，龍蝦丸，芝心丸，蟹子丸，墨魚丸。其中最正就係芝心丸，完全塞滿粒丸嘅濃濃芝士一咬燙口地衝出黎, 食左再encore多2粒都唔多夠喉; 蟹子丸都非常爆漿，個餡係勁夠蟹子撈左好creamy嘅醬，勁推介li2款丸丫唔該。響鈴

從小開始已在大角咀居住，餐廳來來去去依舊是那幾間。但原來不知不覺大角咀開了不少令人難以忘記的餐廳，前家樂火鍋餐廳便是其中一個例子。在下雨的晚上，朋友便建議到家中附近的餐廳吃飯，因此便選擇了前家樂火鍋餐廳。這間餐廳在很早以前就一直想來一試，因為有時回家的時候經過餐廳，都會傳來很吸引人的雞煲香味，這次終於有機會嘗試得到。店面不算太大，因為我們大概七點左右來到，所以人都不算太多。一進入店後，老闆便立即安排坐位給我們，安頓好後便介紹有什麼值得嘗試，他更推薦我們試新推出的芝士雞煲，我和朋友未有試過芝士雞煲，而且對芝士亦情有獨鍾，所以便決定一嘗。我們下了雞煲的訂單後便討論一下火鍋的配料，他們的火鍋配料和其他餐廳大致上都差不多，我們便選擇了一些，例如木耳，貢丸，響鈴。我們更選擇了一個雙色手打蝦滑及墨魚滑。在等待上菜的時候，其他食客都陸續光臨，看見食客和老闆親切的問候，感覺到大角咀街坊之間的親切感。除此之外，餐廳更貼心地提供了wifi的服務，而且上他們的Fb page讚好就可以獲得一支飲品。 不一會兒，芝士雞煲便來到了我們的面前，老闆向我們介紹他們選用三種芝士和三黃雞來制作雞煲。一

又會突然間又凍返！唔駛諗，即刻去滾！ 麻辣雞煲試得多，今次試下食芝士雞煲，真的别有一番風味!一打開鍋蓋，陣陣濃郁嘅芝士味已撲進鼻，雞肉嫩滑新鮮，加上面層嘅芝士，整個口感完全不同一般嘅雞煲!食完雞加上上湯再打邊爐! 手切肥牛，吾同一般嘅急凍肥牛，咬落有口感，牛味濃郁，肥瘦適中，是打邊爐不二之選! 廣島生蠔:size雖然冇桶蠔咁大，但一啲都吾細，淥完又吾會縮細好多，有蠔味，吾腥!價錢比桶實惠，值得一試!餐單上還有很多選擇，有辣有吾辣，丰儉由人!

朋友介紹，必試的鷄煲店!原先想試麻辣雞煲，但見有新岀品，所以改試芝士雞煲!煲蓋一打開，就聞到陣陣的芝士香味，一口咬下去雞肉嫰滑無比，吾"鞋"，加上芝士香味，老闆真冇介紹錯手切肥牛:牛肉不會太肥，咬落口有口感，有牛肉味，新鮮牛肉真的不同雪的感覺，牛味濃郁得多!廣島蠔，新鮮肥美，可比美桶蠔，吾腥，有蠔味，但價錢實惠很多!仲有很多菜式選擇!每人二百幾，價錢合理!

住大角咀附近見呢間雞煲星期六日排曬隊，而且個名又幾搞鬼，就吸引左我同同朋友去試試佢！ 平日晚上比較靜，唔使等位就入坐。老闆問我地係唔係第一次黎，介紹我地食新推出嘅芝士雞煲，我呢個芝士迷緊係贊成啦！老闆仲話入面用左四種芝士，而且佢地嘅雞係選用三黃雞，開頭我都唔知就有咩咁特別 等待芝士溶化...等食中... 開餐啦 嘩～見到呢個拉絲畫面真係口水都流埋啦，雞肉好嫩滑，不但係雞肶同雞翼，就連我平時唔太鐘意食嘅雞胸肉都好滑！而且都好有雞味，同芝士配搭起黎味道好夾，係除左麻辣雞煲嘅另一推介。 由於我地咩菜都想食小小就叫左個大拼盆，冇諗過會咁大份。正好雞煲食到差唔多加水，就放d栗米,羅白,蓮藕,蕃茄落去煲番個湯底 另外我地都嗌左d丸類同其他火鍋配料，特別推介墨魚滑同蝦滑，好彈牙又食到粒粒墨魚同蝦，份量都好多因為我地兩個女仔都唔係好食得曬，應該夠幾個人食。唯一美中不足應該只係芝士食到後面會唔夠多，變左普通打邊爐，滿足唔到我呢個芝士迷，如果多番d芝士就真係完美啦 另外，見到隔離幾枱都食緊烤魚火鍋食到津津有味，成功吸引到我心思思想食，已經同老板講下次叫多幾個fd黎試埋佢。順

今日決定拋底相公, 同我的Best Friend 去食飯去也. 今日同由細玩到大的男性朋友去食, 當然來個男人的浪漫 – 來涮下涮下.這間在大角咀的火鍋店, 平時我來時都係打下邊爐, 今次我就叫個麻辣雞煲 (HKD138 半隻雞) 來食下先.個雞煲滾啦~好香的麻辣味, 熱騰騰, 最適合現在這種凍的天氣.雞嫩滑新鮮, 加上麻辣的後勁, 一路食一路出汗, 雖然好辣, 但非常香滑可口食雞煲同時, 當然要來個手切肥牛(HKD158)先叫做打邊爐嘛再叫其他食物如餃子, 粟米, 豆腐, 丸類等…食完雞煲D雞, 叫店員加湯後就開始涮牛肉先, 肥牛切得厚薄適中, 而味道頗鮮, 不過牛肉味不算強.好明顯我地就倒入所有配料來吃…wakakaka, 整體D 配料味道都不錯..我們還叫了這個紅薯粉來吃, 入口非常彈牙爽口, 還帶有點點紅薯的味道, 就算我已經食得飽飽但也忍不住同我朋友食哂~一邊吹口, 一邊打邊邊, 真的爽呀~

天氣涼涼地食煲就岩曬啦！！！店內採用三黃雞 的芝士雞煲 半隻（$158）食落肉質比較嫩滑，芝士味道剛剛好，食完唔會感到飽飽濟濟。吃完雞煲後，便加湯打邊爐。配料推介芝士竹輪（$48），咬開後芝士流曬出泥，好味到停唔到口😋豬頸肉（$48）肉質鮮嫩，味道不錯！丸類方面，可以半份/一份，我們吃不到太多，點半份已經足夠。小份：白魚蛋（$25）彈牙好吃小份：墨魚丸（$30）墨魚鮮味突出另外我們都點了很多蔬菜，可以點選半份/一份。我們兩個人，點半份可以試更多不同的食物嘛！小份：豆卜、蘿白、蓮藕片、油麥菜（$20）蔬菜類也很新鮮，吸收了湯底精華後更加入味。飲品方面，我們點了竹庶茅根（$15）和柑桔檸檬（$17），解渴一流！

冬天最岩食火鍋於是黎左前家樂。呢到有好多種煲簡，又雞又魚又蟹咁；之前有friend食過，大讚啲雞煲正，所以今日點左個小辣既雞煲等左陣之後一打開個煲蓋，超級香！！！小辣已經好辣下，但陣辣味配隻雞岩岩好；啲雞啖啖肉，又滑又香。食完啲雞就叫店員加湯，開始打邊爐~呢到都幾多配料簡，唔食得牛既人(我)都可以有好多選擇。個人最鍾意個"黑豚腩片"，好正…要肥有肥要瘦有瘦；初頭仲驚唔岩食叫住碟細既先，後尾要加多碟黎嘆！另外響鈴同蟹籽丸等等都好值得推介！如果怕熱氣可以叫返多啲菜黎食下，又係好多款簡或者要支竹蔗茅根or要罐加多寶都ok總括黎講，係間值得一試既火鍋店(試完可能會上癮)

已不是第一次來這前家樂前數次來吃過雞煲、魚鍋得知它研製了芝士雞煲，便決定來試試新意！說是新意，其實也不近來芝士風氣盛行，坊間已有不少芝士食物我也算是一個芝士愛好者，什麼芝士撻、芝士包通通都試過了就算是芝士火鍋、雞煲，亦試過好幾間各人口味不同，我不可以說這是最好吃的芝士雞煲，但卻是最合我心意的！一個雞煲，三種層次雞煲送上來，待它滾了滾甫開鍋蓋，便看見厚厚的芝士鋪在雞件上沒把它撈勻，隨即夾起一件雞是滿口濃濃芝士的感覺過了一會，芝士和雞融和在一起沒有了剛才滿滿的口感而是從雞件中，吃得到芝士的香味這種味道叫入味要一讚的是，即使雞煲煮了很久，雞還是滑滑的，完全不老吃到最後，本來已不多的湯底已經乾塘以我過往吃芝士煲的經驗應該過不了多久就會傳出陣陣燶味...但當我們吃到連芝士都變焦時，竟然沒有那燶味反而飄來了陣陣的烤芝士味香得我直想把鍋底的芝士焦都挖出來吃我們還沒把雞吃完，但眼見芝士已見底欲請服務員姐姐加湯姐姐拿著湯壺，準備加湯之際，看了看桌上的雞煲雞還沒有吃完，她提醒我們可以先把火關掉，吃掉雞件，這樣會比較好吃！吃完雞煲，和前數次一樣，沒有那種很渴很渴的感覺，這亦是我一來再來的原因前家樂有著對品質