勝八居酒屋 (已結業)

今日同女朋友行街，女友話想食日本野，於是就喺佢行街期間搵到呢間勝八居酒屋入到去見到個格局都好靚下，好有日本味，就事不疑遲嗌野食。女朋友提我呢間居酒屋黎，緊係要試下佢啲酒先啦，於是我地就一人叫左杯梅酒同柚子酒再叫野食首先叫左個炸白蝦 ，炸得好乾身香脆，用黎送酒一流。然後食日本野見到佢有剌身緊係要試試佢啦，呢個剌身盤入面有真鯛，佢點左一層黑松露油喺面，令到佢更香更鮮甜。之後就要呢個禮，佢係連魚骨打成的，個口感好特別，係我第一次食呢種刺身，最後就係帆立貝，勁大隻，超鮮甜完全無唔會話雪到冰。食完剌身就試下佢啲熱食，我地叫左個鐵板牛舌，本身諗住普通野用黎填下肚，點知又係勁好食，最重要係佢個汁，好特別既味道，突顯到啲牛味。然後最後就係呢個燒池魚，池魚個魚味好重，師父亦都燒得好靚仔，配埋佢個醋汁就可以解返頭先食牛果種油膩，非常好。食完再同女友去Shopping，今晚真係盡興，有機會再黎試下其他野！

銅鑼灣行完街同朋友去食飯，行咗幾間餐廳都諗唔到食乜嘢，經過登龍街，見到樓下水牌，見到勝八， 我記得好耐之前食過感覺味道都不錯，於是我提議嚟呢度食鋪頭細細，同時都坐到20個人我哋先點左個前菜，海膽三文魚子豆腐豆腐係淡淡的，配上非常鮮甜嘅海膽同埋三文魚子，非常開胃再食鵝肝多士，香香的鵝肝放喺非常脆皮的多士上，鵝肝多餘嘅油分泌多士立刻吸收，令你食落去嘅時候肥膩感大大減少炸軟殼蟹，可能炸粉落得太多，唔係好食得到佢嘅肉，但係外面炸到都好鬆脆

又差不多到月尾了，新居就快入伙，一於出銅鑼灣行一行街，睇下家居，tv ,行到累累地，想找地方坐下及午餐,於是選了這食店。大部分港人，也是魚生控，包括本人也是，於是我們一行兩人也點了刺生及壽司，本店有不少午餐選擇，店員招呼很好又有禮貌。講番正題，這個餐，魚生份量十足，又有不同的魚類，有拖羅，三文魚，油甘魚，帶子等，拖羅十分肥美，沒有根又香又滑，三文魚有魚味，至於油甘魚十分爽口正，至於壽司味道同樣正，新鮮又好味

同朋友去銅鑼灣搵好野食，搵到呢間居酒屋，貪佢多選擇，有刺身、串燒同燒物。先叫刺身，叫了罕見的魴彿$188魚同油甘魚BB$74，好薄身夠清甜，可點醬汁，有微微香蔥味，同油甘魚好夾。再叫了燒赤依佐木魚$348，非常香脆，肉質唔算太實，好鮮甜，無需點醬更可保留原味。食完香口野，隨即叫了凍飲，叫了梅酒$68同巨峰梳打$38。再來兩隻燒日本真豪$148，半生熟的，尺寸長度長過支牙纖，超大隻，好creamy, 啖啖肉，要分幾啖先食得晒，真係第一次食咁大隻蠔咋。最後叫多個醫肚的鵝肝炒飯$138，面有兩塊煎香的鵝肝，還有好多蒜片。壓軸還有綠茶雪糕作甜品添！

開左幾晚ot，今晚食餐好，今晚同事就介紹我去永光嘅勝八，佢話呢度d 日菜煮法幾特別，所以今日就上嚟試下啦。入到嚟，地方唔係好大，不過都幾Cozy，有少懷舊日系feel。叫咗個特色刺身，黑松露真鯛，本身真鯛魚肉比較爽口，加埋黑松露油感覺變得好厚，好香。帶子係用上活帶子，所以睇落特別晶瑩而食落比起急凍嘅更加爽口。真蠔就比較creamy啲，不過加咗酸汁。食起上嚟就啱啱好，酸汁仲將真蠔嘅鮮味增加唔少。之後就叫咗燒飯團，飯團燒到起晒飯焦，咬落脆卜卜，仲有唔同口味，我就比較鍾意食明太子，辣辣地好野味。松葉蟹天婦羅，原條蟹腳上陣，一啖食落去脆脆嘅天婦羅加埋鮮甜嘅蟹肉，真係好滋味。而配菜我就覺得天婦羅金菇都係佳作，食落一啲都唔油。好似食緊金菇味薯條一樣。黑豚肉炒日本涼瓜，涼瓜非常甘香，(明顯廚師有特別處理)加埋豚肉雞蛋一齊煮，竟然有一種家常嘅感覺好窩心。最後就叫埋個大蜆麵豉湯，隻蜆好大隻煮到啱啱好，好滑。因為蜆好新鮮，令到濃味嘅麵豉湯加咗一份甜味。最後食埋個豆腐雪糕，估唔到豆乳味咁濃郁。大家記得食埋呢個先好走!

勝八係一間甚有日本居酒居格局的餐廳，先叫了兩款時令魚刺身，今日時令係魴鮄魚$188同油甘魚BB$74，魴鮄魚較薄身及清甜，可以唔洗點醋汁，更可食到鮮甜魚味； 另一油甘魚BB，魚味較濃同腥，建議可點鼓油同檸檬，更可帶出魚的鮮味。燒赤衣左木魚$348，賣相非常生猛，好有動感的魚，成條都好香脆，肉質唔會太散，魚肉味清甜。日本真豪$148兩隻，一上枱，嘩一聲，超巨型好大隻，成個拳頭咁大，我都係第一次見，食入口半生熟，好多汁，蠔味超濃，又鮮甜味，我冇唧到檸檬更原汁原味。再叫了鵝肝炒飯$138，特別在好多蒜片，好香又脆口。再叫了杯巨峰梳打$38,好寧靜的一餐。

朋友問：你想吃什麼？ 我答：日本料理，我至愛！所以今晚就來到勝八居酒屋啦！放工來到永光中心，第一個反應是「嘩！全座都是食肆」門口已經有日本居酒屋感覺座位寬敞舒服。好啦，開動喔！ 首先來一個前菜開開胃吧 - 漬物盛（有冰頭漬，蒜，淮山，蘿蔔）這個前菜最令我回味的是冰頭漬 跟 淮山冰頭漬是三文魚頭鼻樑軟骨位，好爽口 至於淮山，想不到可以這樣吃，好醒胃！來到刺身啦 - 赤羽太，黑鯛，生帆立貝因為我比較喜歡吃魚，所以刺身都選了兩款魚，新鮮程度「爆燈！」赤羽太刺身晶瑩剔透，切成一片片，好甜美！黑鯛加了少少辣汁，好野味！生帆立貝：OMG! 厚身得來咬兩口就融 好想 encore 喔！Oishi 黑松露蒸蛋：一揭開，濃濃的黑松露香味，蛋好好好滑！岩手縣生蠔：又大又肥美呀！燒了一燒的岩手縣生蠔，依然帶有海水味。好新鮮好肥美 又想 encore 松葉蟹腳天婦羅：好嫩口的蟹腳呀，炸得恰到好處。飲品方面就 order 了巨峰梳打 跟波子汽水，食完飲返啖，好清新呀！我跟朋友都用同一個字形容今餐「Oishi」

一直都偏好日本料理，所以今日順路去左銅鑼灣試一試新野。餐廳佔地一層，推門入去就見到裡面，居酒屋既裝修。兩個人坐四人枱，夠闊落。首先侍應幫我地落左兩杯飲品，梅子果酒同水蜜桃梳打。梅酒伴上大大粒青梅。水蜜桃梳打夠大杯。有多款既前菜。我地揀左沙律代替前菜，冷番茄～上面加左胡麻醬，番茄事先雪凍左，夠消暑。刺生拼盆：真鯛、八爪魚吸盤、魷魚、活海膽。面盆咁大，砌得靚一靚，夠晒吸睛。真鯛幾鮮，重點夠嫩；八爪魚食得多，第一次淨食吸盤，口感好脆，配上特製柚子汁，真係一粒接一粒；魷魚片都夠鮮；最後係最愛既海膽，底層有拖羅蓉，鋪上新鮮海膽再加魚子，鮮美、多層次。海膽特寫，魚子滿出黎。刺生仲有以下等等。汁煮魚翅，第一次食未曬乾既魚翅，魚翅會較粗身、質感似雞軟骨，配上日式醬汁，魚肉夠入味。和牛炒飯，飯配上和牛一齊炒，牛油令飯啖啖肉香，加上蒜片，夠乾身夠香口。最後送上豆腐雪糕，滿足既一餐。

朋友介紹，第一次黎呢間勝八居酒屋食晚餐。我覺得環境同食物都相當不俗。環境唔錯，有大電視。同朋友傾偈一流。侍應服務態度都好好。讚前菜叫左個漬物盛。入面有三文魚頭， 蒜， 淮山， 蘿蔔。酸酸甜甜相當開胃。其中三文魚頭同淮山都超水準。刺身叫左赤羽太，黑鯛，生帆立貝。非常新鲜。黑鯛加入調味，帶少辣和少酸，好味生帆立貝就好大粒，爽口，好鮮甜。好耐無飲過波子汽水，懷緬下黑松露蒸蛋。滿滿既黑松露，加上香滑蒸蛋。味道非常夾，蛋蒸得剛好。蛋入面仲有蝦同雞肉。燒蠔。侍應介紹呢個係岩手縣既蠔，輕輕燒過。食落海水味較重，好彈牙。松葉蟹腳天婦羅。天婦羅炸得又脆又香。松葉蟹腳又甜又多肉。總括黎講，食物全部都好高質素。下次會再黎。

約咗同學食飯，喺銅鑼灣食日本野見到呢間餐廳喺網上嘅評價都不錯，於是就去咗呢間餐廳食飯餐廳喺登龍街一所商業大廈中，上到去餐廳門口已經充滿日本餐廳嘅氣氛同特色先來一碟吞拿魚茸卷，吞拿魚份量10分充足，而且飯團嘅份量都十分大跟住就叫咗個刺身，平時食三文魚刺身食得多都會厭，見到餐牌上有多款刺身，我地就叫左一款平時唔係成日食到嘅魴鮄魚，魚肉係白色的，之前點上餐廳附送的秘製醬汁，酸酸甜甜好開胃，而且刺身肉質鮮嫩甜美我哋之後仲叫咗個鵝肝多士，多士被烘到非常脆身，而且我個味道突出又不會感覺肥膩

又到咗同太太周圍哨嘅時間，今日就落咁登龍街搵啲未食過嘅日本料理。見到永光下面大大隻水牌寫住"勝八居酒屋"見咁大個牌就決定上去睇吓咩料子上到去門口嘅佈置好有去咗日本嘅感覺。去到邊都好我都會叫個刺身，試下食材係咪新鮮! 首先係黑松露真鯛，平時食刺身都唔多鍾意加額外嘅調味料。不過呢一個黑松露真的真係有驚喜，黑松露油嘅甘加埋爽身嘅真鯛，原來係咁夾。另外就係日本真蠔， size都有手掌咁大，另外再加埋師傅自家製酸汁，將鮮味提升!最重要一定要介紹嘅帶子刺身! 呢間舖頭竟然用真正嘅活帶子!帶子呈透明，食落爽口到，比雪藏貨鮮甜好多~must食!味黑松露蝦多士，食落感覺好厚身，但係完全冇濟嘅感覺。黑松露香味濃郁加埋碎上刺身蝦沙律醬食。又係一定要食!四式飯團， 有梅，明太子，原味。 燒到個飯團外面卜卜脆。飯焦香加埋濃味餡料一齊食松葉蟹天婦羅，見到都開心，大大條蟹肉一次過啪晒入口大滿足，炸粉鬆脆。夏天又點可以唔食下涼瓜~涼瓜炒豚肉，一啲都唔苦加埋洋蔥嘅甜，好味道!肥嘟嘟嘅大沙白，加埋麵豉湯鮮甜到爆!最後食埋個豆腐雪糕，雪糕好啲似雪芭。豆味濃濃，不錯

好耐冇同家姐一齊出街，佢話想食日本野，我就即刻上OpenRice search下附近有啲乜嘢就比我搵到呢間餐廳我哋每個人都叫咗一個set lunch 家姐就樣樣都嘗試所以叫咗個勝八便當🍱Wow真係乜都有鵝肝飯鵝肝入口即溶，配上脆脆的炸蒜片非常好味蟹膏蟹肉三文魚子同滑脫脫嘅豆腐好夾呀！三文魚刺身好厚，啖啖都係肉牡丹蝦鮮甜炸雞有三件，雞肉嫩滑多汁，可惜有少少太油，但我好鍾意！點蛋黃醬更美味！燒鯖魚不過不失另外我就叫咗個刺身套餐！好豐富呀😝❤️❤️❤️❤️當中最為難忘嘅係拖羅，真正嘅入口即溶，油脂豐富到令人感覺幸福另外油甘魚同埋劍魚腩以及帶子質素都好高！正啊呢餐飯我同家姐都好滿意，以後又多一個好選擇啦

近期食開日本菜，真的停不了。所以今日 約咗朋友又去食居酒屋！ 勝八居酒屋位於登龍街永光行中心，位置十分便利。間餐廳嘅環境都幾闊落， 座位都幾舒服， 氣氛不錯！凍蕃茄， 個蕃茄好多汁，加埋啲沙律醬同啲菜，好新鮮， 開開個胃先！刺身拼盤， 有八爪魚刺身， 日式嘅八爪魚刺身都比較少食，而今次 比較特別嘅係，可以食到墨魚咀 個墨魚咀好爽口，加埋啲醬料好正！ 真鯛， 啖啖鮮味的魚肉！活海膽， 原隻海膽配上少量三文魚子！ 又鮮又美味，呢個最抵讚汁煮魚翅， 聽個名都好特別 所以膽粗粗試下。 啲魚翅係原條未曬乾煮㗎，加上蘿蔔同秋葵，仲有菇。 肉質唔錯味道幾好！和牛炒飯， 和牛配上少少火腿，再加上蔥花炒得好香梅酒和水蜜桃梳打日式雪糕

今日特登選擇去日本餐廳食晚餐，因為有兩個朋友將會去英國工作一年，而且咁岩佢哋又最鍾意食日本野，所以選左銅鑼灣嘅一間日本餐廳，我哋一入到去店員好親切咁介紹我哋嘅座位喺邊度，之後就介紹今晚有乜嘢推介好食首先千前菜有勝八沙律，沙律非常開胃好適合餐前進食，之後嚟咗個海鮮拼盤有竹籤故麻鯖同撚係叼三種都係不同區別嘅海鮮食得出係非常新鮮，味道好好食之後就到蒜蓉炒牛說舌，某些咬起上嚟好彈牙非常入味吵得，之後小食有炸天婦羅天婦羅炸得恰到好處入口即溶，之後有個鵝肝炒飯非常夠鑊氣同埋好足料之後有個蒸魚非常好食類似關東煮，嘅材料同埋湯底去烹調而成嘅以每一道菜店員都好細心為我地解說有什麼材料好值得表揚之後最尾甜品有綠茶雪糕真係錦上添花。下次一定會再試

突然想食壽司 行行下經過登龍街 發現勝八居酒屋 抱住一試的心態勝八沙律沙律好大碟 沙律菜夠新鮮 蕃茄好甜最愛係豆腐 餐前食小小 好開胃吞拿魚橫隔膜壽司一食落去係個口到慢慢溶左基本上唔洗點鼓油都好好食柚子胡椒拖羅拖羅好肥美 呢款壽司味道好特別 之前未食過呢個味 出奇地同拖羅好夾BB油金魚壽司 同普通油金魚的分別係肉質好嫩比一般油金魚好食 呢個係必點 食落去真係知肉質係唔同左右魚邊壽司 $40/pcs好鮮 左口魚係我最愛的魚生真係忍唔住要再叫多舊食真鯛壽司 $40/pcs魚生新鮮 食落去feel 到鮮甜味點少少鼓油調下味 個鮮味會仲出帶子壽司 $35/pcs好大粒帶子 肥美 鮮甜食得出呢間居酒屋食材好新鮮海膽壽司.$60/pcs平時自己唔太鐘意食海膽 但朋友話呢個海膽壽司係佢食過排頭3位蟹肉蟹膏壽司 $68/pcs鐘意食蟹的我試左呢件蟹肉壽司好足料 食到啖啖肉蜆肉味增湯 $40最後飲埋個湯做結尾 好滿足