勝記酒家 (已結業)

秋冬時分，懶於煮飯洗碗，畢竟凍冰冰！今晚實在唔想煮飯洗碗一腳踢咁辛苦自己，早有預謀下，一早拉咗阿爸阿媽一齊去灣仔行街買衫，順便喺勝記訂枱食飯！餐廳環境同一般酒樓無異，一圍圍圓枱為主，最特別嘅係見到好多枱嘅枱上面都開咗紅酒白酒等，真係名副其實嘅酒家！在住家感覺中飲酒盡興！香煎蓮藕餅＄98阿爸重視養生之道，成日都話蓮藕好，今日一於點歌蓮藕餅俾佢過吓口癮！呢度嘅蓮藕餅鹹香十足，有別於其他地方一塊塊蓮藕為主，呢度似係蓮藕同豬肉一齊混合而成，別有風味。銀山鎮江骨＄118銀山鎮江骨用錫紙包住，拎到枱是侍應先細心咁幫我地剪開，非常熱騰騰，平時食開鎮江骨都係骨多肉少，呢度絕對係肉多骨小，啖啖肉嘅口感令人滿足。秘製吊燒雞半隻＄148炸子雞一向係阿媽嘅最愛，當然唔少得！半隻雞嚟到嘅時候令我哋非常歡喜，分量十足！外皮香脆，雞肉又不油膩，口感非常嫩，味道本身已有點鹹，用嚟送飯啱啱好！優惠醬烤豬隻＄198難得黎到，又點少得乳豬呢！乳豬雖然只係微微暖， 但一口咬落外皮竟然非常鬆化，豬肉鮮味十足非常多汁，又嫩口。總括來講，嘢食都係大大份，非常足料有誠意，很適合一大班人一齊來，在喧嘩中食飽飲醉實是樂事， 難怪今日全院

生日正日最重要還是同家人一起慶祝，很久沒一家人出外郊遊，難得正日生日的我就到大嶼山玩了一整天差不多晚膳時間，姐姐就話一早已訂了枱為我賀壽，上了巴士就由離島帶了我來到銅鑼灣來到勝記這裡，印象中也曾來過，現在換了另一名字，但主打還是一樣即燒乳豬，而且更有其他的主打小菜蜜汁燒仔骨 $38個人十分喜愛這款，雖則是骨但其實肉的部份也蠻多，而味道也十分惹味可口家人一早預訂了即燒乳豬給我賀壽，雖只點了1/4, 但小吃多滋味，還要留肚吃其他餸菜乳豬皮很脆，而肉也嫩，而配上包皮一起食就可減掉油膩感天氣已經入秋，點了胡椒豬肚湯來補一補，胡椒味不太夠，這還是個人口味吧，而豬肚也夠軟身紅酒燴牛尾煲$108再點牛尾煲來送飯，賣相雖然普通但食落卻超級好味，汁香濃而牛尾也很軟身，跟飯也可送足一碗

和屋企人去完灣仔會展睇展覽， 便到附近搵食～😆 一家人👨‍👩‍👧‍👧最喜歡食中菜啦， 所以便找到這家由「兜記即燒乳豬專門店」改名至「勝記酒家」。😏 這裏除了家常小菜外， 還有最出名的是招牌烤乳豬， 現在還做緊新張優惠呢！ 一隻$368，半隻$198。 不過我們都不太肚餓， 所以下次大伙兒再吃吧！😏 野生泡椒鳳爪（$48） 泡椒鳳爪是小編最愛吃的中式小食， 之前在大陸買的小食裝，通常辣得很過癮， 會辣到嘴唇舌尖都熱起來。😂 鳳爪份量都算合理， 但辣度則略為遜色。🙊 川椒滑雞球（$98） 雞球用上滑雞柳去炒，肉質滑溜， 加上紅椒、京蔥一起炒，味道清新而不膩， 最微微炸得香口的辣椒葉， 味道不錯！ 椒鹽白飯魚（$78） 白飯魚大大條，厚肉有嚼勁， 值得一讚的是炸皮不厚， 蘸上椒鹽一起吃很惹味！👍🏻 濃湯海皇雜菜煲（$108） 用上上湯浸煮時蔬，好味又健康～ 海鮮、時蔬種類非常豐富， 海鮮有大蝦、帶子、鮮魷片等， 時蔬有西蘭花、菜心、大棠菜等， 再配上粉絲底， 吸晒上湯的精華，入味好吃！😋

親愛的小情人近日家事繁瑣，心情稍有不暢。幸福的家得來不易，特別在生活逼人的這裏。有見及此，是日相戀相聚日來了一個四人世界，把兩老拉了出來一起聚餐，順道賀壽。家有好好的老，確是如有一寶。既然是寶，聚餐最重要是合兩老口味，畢竟在那倆瞼上的笑容才最重要。中餐中餐，很多中菜都嚐過了......讓我很懊腦，幸好兩老非常有見地，說灣仔有聞名的乳豬想試，馬上向OPENRICE 大師搜索一番，找來勝記酒家，一起興高彩烈地前進!按人頭計小食。橋頭清脆爽甜，香紛撲鼻，味道不錯。老火湯 (2-3 人用): $128 老火湯非常鮮甜，亦很足料，喝得出是自家用心無添加味精烹調。一鍋二至三人用份量足夠我哋分，而且菜渣非常入味，一湯兩味！燒乳豬 (半隻): 乳豬半隻非常壯觀雄偉，大大個豬頭讓我們開懷大笑，乳豬皮很鬆化肉軟，如果乳豬能夠更熱就完美喇！炸子雞 (半隻): 炸子雞外皮很趣，雞油香味甚濃，份量足，令我哋吃得津津有味，非常滿意！啫啫唐生菜: 唐生菜新鮮，熱騰騰的，非常暖心。干燒伊面：非常足料，啱晒一家大細一齊食，不油膩，係美味嘅。最後埋單，雖有小小插曲發生 (老火湯 (2-3 人用) 餐牌上標價$78，但埋單

對食方面嘅接受程度都頗高，泰日韓印上海、川菜等我都鐘意食，朋友約食飯，我地都係好隨意，但一定要我揀一款的話，我都係最鐘意食中式小炒，可能由於自己唔係成日有住家飯食啦，所以有時冇約人，週末我地兩口子都會出去炒下小菜。週六下午冇啲野做，過左海，晚上又要睇演唱會，所以我地就早少少食飯。大約六點鐘喺灣仔呢頭，決定上黎勝記，諗住炒兩個小菜食下本來以為咁早應該未有太多人，你都咪話，呢個時間都已經陸續有唔少人入座。呢度出左名有啲燒鵝、乳豬等嘅燒味，但我地只有兩個人就唔打算食喇，叫半隻怕太多，所以我地都係點番啲傳統小炒。基本上呢度嘅小炒熱辣辣，即時製起，都唔會差得去邊，而且幾有穫氣，用料都唔差。辣子雞煲（半隻）：揀左半隻，原煲上，一打開香噴噴，店員幫我地炒左兩下就食得。呢度落手都幾重架，辣度頗高，神經馬上跳動，好開胃。雞肉切成細粒，好惹味粟米魚肚羹：預期之中嘅味道，有啲地方會煮得好稀，一係就太鹹。呢度做得剛剛好，稠身但唔會似鼻涕。兩個人每人都飲到三碗有多燒汁牛仔柳：一向都鐘意食中式牛柳，但最近唔知係咪年紀大左，對於太甜酸嘅野興趣不大，所以點左份燒汁煮。牛柳稔身，又香口，切成條狀，唔會太大塊，方便食用，

在灣仔勝記食燒乳豬出哂名，估佢唔到食海鮮都唔曳！仲要整得好食添~唔怪得晚市咁旺啦！！花尾𧄌魚兩味~ 首先到場係花尾魚塊炒西蘭花, 魚肉連魚皮一齊上碟, 啖啖肉之餘, 仲好有肉質, 感覺扎實, 不油不膩, 只係清炒以感覚好鮮味。第二味係金蒜蒸頭腩, 頭腩配搭薑、蒜、蔥一齊蒸, 令頭腩格外入味, 邊肉及魚皮好有厚厚嘅膠質感, 相當弹牙, 真係知味鮮甜。鹽香鮑魚(4隻), 今次我第一次食鮑魚這款食法！椒鹽左既鮑魚好惹味香口！內層還保持鮑魚感有既彈牙口感！總之這味餸真係食過番尋味！酒家仲好窩心, 最後送上甜品, 真的要給佢1個like!這個是綠豆薏米糖水，很香又唔太甜！一粒粒咁好有咬口！

今晚，同舊同事聚舊，大家都話想食依到出名的乳豬，所以道就一早訂定位來試。勝記即燒乳豬（$188）：聽講依到的乳豬每日都係師父自己係這裡燒製，所以非常新鮮。乳豬入口非常脆，豬皮不但香脆，而且非常薄身，唔會太厚，所以食落都唔會太肥，加試用上幼豬，所以燒出來更加嫩滑，肉質又有層次，加上乳豬醬汁，包埋包皮來吃，真係十分惹味。椒鹽鮮魷（$118）：用上新鮮原隻魷魚斬件來炸，不但炸得金黃鬆脆，而且炸粉很薄，唔會太厚身，令到魷魚味食落更濃，加上椒鹽味十分濃烈，真係有一食再食之口感。蜆介鯪魚球（$78）：用上新鮮鯪魚肉打造而成，所以食落有著新鮮鯪魚肉的味道，加上蜆介醬，兩者加埋更加令到鯪魚肉更突顯。最後，這裡係一個聚會的好地方，不但可以飲酒，而且又食到出色的食物。

年輕一輩既我地, 很少會主動去食中菜, 但自從同屋企人去過勝記食晚飯, 食過呢間既乳豬, 就開始對中菜冇咁抗拒。今晚仲相約同事, 帶佢地食好西tim~!平日7點左右, 酒樓內已坐滿8成客人, 大多都是一家大細約埋一齊食dinner。鄰座的食客更同呢度既待應有講有笑, 似乎大多都是熟客食過返尋味。我地order左款小菜同埋唔少得既乳豬食....【乾隆醉雞】HK$58係呢度食左幾次醉雞, 好食當然要encorn, 但似乎今次水準有點下降。雖然酒味同樣香醇, 但一向凍食既醉雞, 今次竟然是暖暖的...食落有d怪~【椒鹽豆腐粒】HK$48外皮炸至鬆脆, 內裡的豆腐滑得入口即溶, 表面加左少少椒鹽吊味~【勝記即燒乳豬】HK$150 (例牌)黎到以乳豬出名既勝記, 就算人少少都要order個例牌黎食。乳豬皮跟乳豬肉已被預先分離, 而且乳豬皮層下沒有肥油層連帶, 入口時乳豬皮仲脆卜卜, 帶碳燒香, 肉質juicy~ 還配上粉餅皮夾住食, 減少飽滯感。 【黑椒金菇肥牛煲】HK$88肥牛煲熱辣辣上檯, 一開蓋, 香氣四溢, 肥牛份量不少, 仲有大量既金菇同埋炒絲, 因為加左黑椒, 味道辣辣地, 好惹味。

這天來到灣仔一間十分傳統的酒樓，我們吃了一些點心，還點了半隻燒乳豬。餐具上的鯉魚非常精緻，餐具十分乾淨，而且全部都是完好無缺的。到酒家最不喜歡見到崩一角的餐具，因為我總是覺得用心經營的餐廳必定會為客人提供清潔、整齊的餐具。乳豬皮脆肉嫩，而且不會太肥膩。其實半隻乳豬的分量不是太多，3個人分享，每人才四件左右。這個份量使人滿足，又不會太滯。另一道值得品嚐的餸菜是乾隆醉雞，雞肉嫩滑，帶酒香，連配菜的杞子都是粒粒飽滿。接下來的是平常飲茶常見的點心。蜜味叉燒腸粉，腸粉細嫩，味道不是有太大的驚喜。蝦餃蒸的時間控制得好，外皮不會黐牙或黐筷子。蝦餃外形飽滿，餡料彈牙，而且味美！如此出色的蝦餃愈來愈罕見！👍🏻👍🏻瑤柱竹笙款灌湯餃不過不失，湯很清甜，但餃子味道正常，不算太特別。奶皇水晶包，味道很不錯。它的透明外皮比平日的水晶包外皮薄，因此奶皇餡料會比較多。最後亦是最不能錯過的是懷舊馬拉糕！它不只是外形懷舊，它的味道跟兒時品嚐過的味道一模一樣！口感鬆軟，味道香甜，而且沒有丁點發粉的苦澀味。懷舊馬拉糕太美味了！！！我在這裡品嚐過的全部食物 味道都很好，最教人難忘的是馬拉糕，乳豬及蝦餃！日後我定會再來品嚐這些傳

香港貴為美食天堂，要去到各國美食已不是難事，近年更流行fusion 菜，於一家餐廳吃到不同國家的菜式更能滿足不同客人的需要。但說到傳統長輩們的至愛，依舊是中菜，至少，我家兩老必然是! 今晚，便帶他們來到這間懷舊的酒家吃久違了的粵菜。前身是兜記，以即烤乳豬聞名，現改名為勝記，依然保留招牌菜。酒家空間雖未至於很大，但環境令人坐得舒適，佈置格調古雅簡樸，連餐具亦滿有懷舊風，店員的年紀較長，深信能令長輩們更富有親切感，難怪當晚真的有不少老人家來捧場，看似都是熟客，與店員頗為熟絡呢!看看餐牌，有非常多款式選擇，小菜，海鮮，煲仔飯，炒粉麵飯應有盡有；午市亦有套餐和點心可供選擇，完全是為長輩們而設的，保證他們能吃得飽飽的。最後我們三人點了三款菜，要從這麼多款挑選三款真不容易呢!乳豬是照牌菜，當然亦要點一客! 先來個半隻懷舊醬烤豬($198)! 完全是看著店方即燒的呢! 一上桌便聞到烤的香氣，份量真的不少呢! 乳豬切成長條形狀，有別於一般切得細細塊的，吃起上來更是啖啖滋味! 外皮是十分的香脆，中間是一層厚厚的油脂，夾著薄薄的肉，油脂豐富了口感味道，肉則平衡了油膩，點上乳豬醬，甜甜的味道，很不錯! 難怪

大食妹今晚心情非常好，所以打算大食一餐，所以就去灣仔一間舊式酒樓食番碗魚翅。紅燒雞絲翅（$188）：識食魚翅一定係叫紅燒雞燒翅，因為個湯底就係最考師父的功力，食落不但魚翅甚多，而且湯的味道非常濃香，加上冇落味精，更能突顯雞絲翅的原味，加上魚翅非常粗針，食落非常有咬口，實在係太好食。銀杏鮮腐竹時蔬（$78）：用上腐竹整的湯底，所以令到時蔬都吸晒腐竹的味道，再加上用上魚湯，所以會有魚味，令到更為入味。蛋白薑米蒜香米飯（$188）：用上花蟹折件再放上黃薑米蒸，所以令到飯都吸收晒蟹的鮮味，加上黃薑味，令到米更加入味，絕對係要一試的蒸飯。今次，我俾4個大食指數，依到不但有古式茶樓味道，而且菜式又有水準，實在係要一來之選。

相約朋友到銅鑼灣食飯，朋友喺外國返嚟，話好耐冇飲過中國茶， 唔洗諗一於同佢搵間酒樓試一試， 今次揀呢間唔係啲咩特別大型嘅連鎖酒樓， 貪佢人唔算好多，座位舒服，可以同朋友傾耐啲慢慢回味人生。先黎懷舊燒豬， 兩個人就叫咗半隻，其實可能會比較多，不過飲下茶，傾下偈，就啱啱好，豬皮夠曬脆， 最重要唔算太肥。勝記蝦餃王， 其實都係普通蝦餃， 不過佢比一般蝦餃嘅蝦脆啲， 咬落口感又好啲，皮又唔算好厚。蚧子蒸燒賣， 平時食嘅度係蟹子燒賣，估唔到， 喺度都有驚喜，肉感十足。鴛鴦臘腸卷， 又一懷舊菜，最可惜嘅就係 一人得一嚿，食唔曬兩種唔同嘅臘腸。懷舊馬拉糕， 發得夠曬高， 懷舊嘅味道返曬嚟。期待下次朋友再回來，一齊再吃好東西。

正值秋涼冬至，原本諗住打邊爐，但竟然有人提出一個令人口呆既建議 - 食中菜!?通常出街都係食D屋企好少食到既野，今次既提議真係有點驚喜，又的確好少食中菜，一於試下!全能既openrice搵野食好幫得手，黎到最近既勝記!傳統中式酒樓，冇富臨百樂門既金碧輝煌，有點舊味道。見佢仲有自家製既燒豬，一定要點黎試下!傳統酒樓都有蕎頭同炸花生做前菜小食，估唔到呢間仲有做好多酒樓依家都唔會放蕎頭!，酸甜爽口，好味道!!菜式非常多，真係做傳統野，平至粥粉麵飯，貴至鮑魚官燕魚翅，都係中式油樓必做既菜式而酒樓既海鮮類都唔少，但可惜冇人食海鮮，如果唔係都真係點返條龍躉食下!中國人，應該喜歡三餸一湯白飯任裝吧!部長話今日係花生眉豆煲豬骨，老火湯一定要整返一碗!飲得出唔係味道湯黎，肉都煲到散哂，d味出哂黎香甜肉味濃又唔口渴，真係夠哂足料!中式牛柳，簡簡單單，洋蔥加黑椒汁!牛柳切成比較粗身既一條條，煮起上黎冇咁易老，又夠時間令佢入味入口香軟又不失牛肉既韌性，正四季豆!煮得幾好，走油走得夠，但出黎夠腍夠軟唔會又硬又唔夠熟應該低溫油吧?菜脯蠔仔煎蛋仲俾左支胡椒粉，夠得都係有少少腥可以落，冇咁腥!菜脯煎肉食得多，用黎煎蛋

外國朋友難得來到香港，當然要帶她去吃中國菜了。是夜我們帶她來到灣仔的勝記酒家，點了幾款菜式讓她試試看。必點的當然是餐廳的招牌-燒乳豬了。當時餐廳有優惠，半隻醬烤乳豬只需$198，實在划算！而且味道果然十分好，乳豬烤得很香脆，皮脆肉嫩，而且肥瘦適中。點上惹味的燒烤醬很開胃，外國朋友也大讚！第二款是店員推介的陳皮煎魚腸。第一次吃魚腸，本來還以爲可能會很腥，怎知卻一點也不腥，和鷄蛋，加入陳皮，葱末，胡椒粉一起煎，味道很豐富，有點像煎蠔餅，但比起蠔餅反而不太油膩，有驚喜！金瑤琵琶豆腐。一個個豆腐弄得像琵琶一樣，而且豆腐混入了一些鯪魚肉，還有帶子，味道更加鮮甜。銀山鎮江骨。和一般鎮江骨的造型不太一樣，反而有點像咕嚕肉的弄法。不過肉質也算嫩，而且味道酸甜，很開胃好吃。蛋白薑米蒜香蟹飯。分量很驚人，感覺很足料。米飯上放著一隻隻蟹肉，而且還有蟹膏呢。蟹肉的精華完全滲透進下面的米飯當中，米飯裏盡是蟹肉的鮮甜味道和薑汁的香氣。最後，吃完飯之後，餐廳還送上了是日甜品-桂花糕。清新香甜的桂花糕為這餐畫上了完美的句點。整體來説，這裏的食物質素也很好，菜式款式多，而且最重要的是服務態度也很好，店員很熱心。

星期五晚同媽媽去灣仔買野，媽媽話想食粵菜 就見到附近有間勝記 刀幾出名；我地就入去試下喇！金牌炸子雞 半隻 ：雖然只系order左半隻炸子雞，但份量刀吾少！炸子雞外表香脆，同時絕不油膩　食落口感嫩滑　一啲刀吾鞋身　食落帶有一點點咸味　吾洗點其他配料已足夠！中意食炸子雞不防一試！！豉油皇鮮鵝腸：鵝腸同樣大大碟；價錢公道。鵝腸口感帶有點兒爽口　但有少量鵝腸沾左少少肥膏，需以手動將佢除去，會更為健康！乾炒牛河：河粉一樣大碟　廚師炒得夠鍋氣　所以食落好野味；另外，牛肉好嫩吾會好難咬開！食用時加上辣醬更可口！！！個人十分推薦大家食用。乾隆醉雞：醉雞吸入左好濃郁既酒香味，所以食落口中既雞滲出不少酒；雞更加之滑身。紫米露 (甜品)：飯後仲送上紫米露，味道甜甜暖暖；超好食！為飯後畫上完美句號。