十二味麻辣小當家 (已結業)

我下午4點左右行到餐廳附近，見到呢間餐廳入面都坐左一半人.....咁諗住唔洗等位，又好耐冇食過麻辣菜，就入左去幫襯                               一眼望過去，枱枱都係食麻辣香鍋。咁因為5個餸起炒，我叫左鮮蝦、魷魚、鵪鶉蛋、萵荀、薯粉結果可以稱得上色香味俱全！因為第一次食，驚會好辣，所以叫左小辣，但原來呢間餐廳即重點在於 香 ，所以食得辣既人，一定要叫辣d呀！如果唔係你地可能嫌佢唔夠"麻辣"架！順帶一提，雖然我認為佢整體味道好，但我唔suggest 魷魚同鵪鶉蛋，因為炒得唔太入味，有點點失望。但鮮蝦真係必點呀！！！大讚！又新鮮又足味！------------------------------其實我覺得5個餸起炒有d貴，因為我一個人食，唔計餸錢，仲要比鍋錢，加一，差不多要$260。不過，個份量應該係for 2人既，如果同朋友一齊share 就ok 囉。

工作過後，和一班可愛的同事選擇了到這裡共進晚餐。餐點主要分兩種煮法：湯和炒。首選吃炒，食物較入味；而湯煮的，令食物吃上來太淡，無味。辣度方面，個人偏好輕口味，也可以嘗辣，第一次吃建議先試小辣，一來麻辣是此店特色，二來辣度不至於遮蓋食物的本味。是次我們兩種煮法都試了，先說湯。選了基本的配料：牛，娃娃菜，帶子，薯粉。整體來說沒有警喜，湯底鮮甜特別，不過配料不太入味，令整碗薯粉變得平平無奇，中規中矩。麻辣炒方面，我們偏好內藏類，所以叫了豬腸，牛肚，魷魚，寬粉。特別一提是寬粉令我喜出望外，乾炒十分惹味，又有彈牙口感，強烈推介！內藏的味道吸收了麻辣味，十分夾。另外，配料切成了一口的size也是值得給讚。整體來說，口味很像雞煲，不過乾炒的味道和口感會想令人再三回味。這家店的東西太好吃了，以後會再來。最後，我們也叫了皮蛋和口水雞作小食，味道中挺，令人留下深刻印象，喜歡可以一試。麻辣鍋適合一群人食，不同的配料，滿足到我那班可愛的同事。

相約已久，終於約到兩位好耐無見朋友出黎食飯，兩位朋友都是「食辣之人」，我雖然不太好，但一於捨命陪君子，齊齊食麻辣餐! 幾經朋友介紹，最後揀左呢一間在銅鑼灣橋底附近專食麻辣既餐廳聚聚!我地大約7點左右到達餐廳，可能因為閒日，餐廳尚未滿座，我地一步入餐廳，已經聞到一陣陣麻辣香氣♨♨♨這間餐廳主要有兩款主打菜，一款是麻辣香鍋，另一款是麻辣燙🍜主要分別是一個香炒，另一個就放上高湯，兩款都有超過20種配料比客人選擇 !由於我同朋友比較喜歡香口野，所以今次就選左招牌香辣麻辣香鍋(小辣)，其實我食不到太辣所以很多時保險起見都會選小辣，但對麻辣就有份情意結，喜歡味蕾被刺激的感覺，另加一份涼拌皮蛋。等了大概10分鍾左右，麻辣香鍋就先上碟了我地個香鍋叫左6款食材，有鮮蝦卷、寬粉、魷魚、肥腸、金錢肚及豆卜等，大大碗都係大約250元左右，足夠我地3個女生食，而香味亦無被辣味蓋過，麻辣做得不錯，我同朋友開玩笑說 : 「那種麻就像爆炸糖放在舌頭每一個角落不停地跳躍」朋友們都很認同😂 真的很惹味，性價比相當高 !當中食材以寬粉最為出色，不會炒到一舊舊，又吸哂麻辣既味道，正呀!食到一半，侍應亦上埋皮蛋$32，雖然價錢

上次到隔離食牛肉麵，呢間舖大好多都係十二味的，明顯高檔得多，食四川菜，乾窩及小菜，天氣仲係好熱，都係食乾鍋好。經典香辣鍋揀中辣，五花肉、雞軟骨、蓮藕、豆卜、寬粉做配料。用好多紅辣椒及祕製香料炒，香辣多少少麻，炒得好有鑊氣，勁惹味，肥美五花肉炒香至有些似腊肉，寬粉夠滑，其他都好夾。食完辣，最完美就是配了碗四川冰粉，即時解辣，冰粉非常滑，涼涼地、甜甜地。

平日到銅鑼灣都是在Sogo 或Times 附近覓食，比較小會去謝斐道一帶，恰巧陪朋友到那裡報course，經過這間【十二味麻辣小當家】，襯著人小小，就入去吃個快餐! 這裡的環境不錯，座位寬闊，裝修蠻有特色! 本身我是被這個 $138 午市餐吸引的，但同行朋友堅決自己非常肚餓，要自己吃整個，唯有分開點餐了!這個午市餐還免加一，我看中了鮮蝦香鍋和雞翼香鍋，唯有下次跟男友來再試!! 於是就各自散叫，餐牌上的選擇蠻多，而且有素食可以選。 結果我選了鹵水金錢肚、白蘿蔔、魷魚、潮洲片頭、清湯四川薯粉。鹵水金錢肚很入味，有咬口得來又不會太韌。白蘿蔔，切了薄片，所以吸了唔少湯汁，清甜入味!魷魚小隻嫩滑，肉質鮮嫩，而且很彈牙。四川薯粉是我第一次食，外表精瑩通透，吃下去有種很煙韌的感覺，而且很滑。

港漂開的正宗川菜，味道好正。最驚喜係有冰粉桂花味好香我都係第一次係香港見，推薦香鍋香料味好足！不過魚鍋味道有一點點腥建議加點姜。幾個哥仔好有禮貌，勤力嘎異鄉人加油

平日唔多食辣野🔥 麻辣就更加麻麻地有興趣 不過一班嚐辣 非辣不可既朋友講到想食 就當然要陪食喇 十二味集團之前都聽過 而今次其實就做足準備先去食 我上網睇定唔辣既自己食咩好 廢事自己冇啖好食😂😂🙆🙆一去到 我緊係嗌咗個唔辣既麻辣燙 雖然聽個名 麻辣燙 嗌唔辣好似好奇怪 會唔會食落冇味同淡而無味 食落係幾鮮味既 又唔會好單調我地仲嗌咗杯豆漿 杯豆漿飲落幾鮮甜 10蚊大大杯算係幾抵 有豆味又唔會太甜😋😋🍼麻辣燙就係聽佢講用咗新鮮豬骨湯底🐖熬製 飲落又係幾鮮味 唔會太咸 落餸就嗌咗唔少料 一大兜夠哂我地兩個人食 其他人就嗌辣野食餸就主要嗌咗娃娃菜 手切肥牛 日本鮮帶子 基圍海蝦 哩四種野食🙆🙆 佢哩度嗌法係至少五個餸 計埋個麵/粉 我地就嗌咗四川薯粉 食落幾爽口彈牙 同成個湯底都幾夾 💥🔥💥小菜方面就嗌咗個涼拌皮蛋 都幾有四川風味上面有少量辣醬🔥 撈埋好好食 份量算幾多 一人都有四 五舊可以食 都可以一試😮😶😮😶侍應態度都幾友善 見我地d碟full哂就即刻幫我地換碟 而佢入面個洗手間都幾乾淨👍😀😁

"麻辣"總會諗起四川菜，但係香港嘅川菜館食飯埋單絕對唔平，水煮牛或者水煮魚都要起碼百幾二百蚊，都算幾高消費。今次食呢間好特別，好似車仔麵咁可以點好多款餸嘅"麻辣燙"，辣度又有得揀，重點係好大碗，2個人食1碗絕對無問題呀～～～味道好啱食，叫咗小辣，辣味唔會太搶喉，而且薯粉夠味又彈牙，正呀～～川式口水雞又辣又香，但係個人認為辣味就重咗少少，不過雞肉算嫩滑，唔錯呀～～爽口豬耳 真係爽口，辣味十足，餸埋啤酒真係一流。總括嚟講幾好，銅鑼灣區價錢真係抵食，又大碗，一定要同朋友share食，咁就可以試多幾款小食。店員好有禮貌，又主動推介小食，值得贊呀～～～

今次放工之後同班同事去左銅鑼灣揾食，本人系超超超中意食辣，所以揀左間食川辣既店鋪，叫做十二味麻辣小當家。之前都有聽過十二味貴陽牛肉粉，但一都直都冇試到，最後反而黎到佢隔離既分店。叫野食前侍應端上一杯杯既玄米茶，飲落去口中散發住淡淡既米味，好香，忍吾住叫佢添左幾次嘻嘻因為同事吾系好食得辣既關系，所以我地叫左個經典香辣鍋底小辣既麻辣香鍋，佢張菜單有好多選擇，同平時去打邊爐既叫法差吾多，想食咩就TICK咩，個分別打邊爐要自己淥，而呢個就整好哂一次個一個大碗上哂，今次我地揀左豬大腸、寛粉、豆卜、墨丸、牛肉、魷魚同埋金錢肚。侍應上菜既時候已經聞到陣陣既麻香味，好正！見到佢用左好多吾同既香料、乾辣椒等等，食左陣條俐已經痺痺地。所有餸都好入味，牛肉好滑，啲豆卜吸哂成個香鍋既精華，魷魚系店主推介之一，食落都好爽口，而且個卥水豬大腸都好焾。個人覺得寛粉系必叫，好彈牙，味道又夠。不過因為個鍋既味道好濃郁，食哂成鍋會有少少咸。另外仲叫左個小食涼拌皮蛋，皮蛋上淋左啲醬汁，下次會再返黎試下佢個麻辣燙，好似睇落幾好食。

早前陪朋友到辦護照，正正就在灣仔入境事務處，完成後覺得有肚餓，便去到附近的小店揾野食，朋友想吃米線，近近地就腳就選了這間了。朋友叫左米線、牛肉、雲吞、黑木耳、秀珍菇。我樣樣都試左D，特別好食，我覺得係牛肉，感覺用左生粉醃了好一段時間，所以好冧身，唔會太un，味道亦見出色。第二樣係雲吞，可謂皮薄餡靚，裡面好夠味，唔會太濟，唔錯。四川薯粉是比較特別，因而我點了四川薯粉(滷水肥腸、黑木耳、羊肉、鴨胸) 同樣都係4樣餸。半透明的薯粉爽口，易咬，質地唔會似象根。黑木耳有點像雲耳，口感滑滑的。滷水肥腸並唔重滷水味，肥美多汁，佳品。羊肉還可以，唔算太滑，so味就一定有dd，但唔多。鴨胸即使浸左湯，但是原味依然保留！！！員工服務態度唔錯，美好的一餐。

朋友知道我喜歡吃辣，便帶我到十二味麻辣小當家吃辣，果然不負眾望，水準真的很好！ 經典香辣鍋（$37）是店內的招牌，差不多每枱也點一客，選好辣度後，可按個人喜好加入喜愛的配料。 分別選了鹵水豬手（$38） 鹵水肥腸（$38） 四季豆（$18） 豆皮（$28） 薯粉（$18） 香辣鍋把所點的材料炒成一鍋，再加入香辣香料，香香辣辣，辣香味滲入配料當中，非常惹味！ 夫妻肺片（$58） 夫妻肺片不會很辣，肺片爽口，麻香味道很香！ 山城風味辣子雞（$138）賣相非常吸睛，辣子雞炸得乾身脆口，香辣味道滲入其中，麻香味濃，岩曬重口味的我。 蔥花蛋炒飯（$48） 炒飯炒得乾爽，粒粒有嚼口，配合欖菜、惹花和蛋，簡單的配料已做得非常美味！    

岩岩喺銅鑼灣做完facial，老公出黎接我食lunch! 呢排天氣熱到飛起，冇乜胃口食野，老公提議不如去食辣野！最後去咗呢間十二味麻辣小當家！一入到餐廳已經聞到好香嘅麻辣味，見到周圍枱嘅人食得津津有味攪到我哋都好期待！餐廳主打食麻辣燙同埋麻辣乾鍋！麻辣燙價錢比麻辣乾鍋平，職員話因為麻辣燙嘅份量比較少，兩種食法所配搭嘅配料都有少少唔同！因為天氣太熱，我地最後揀左麻辣乾鍋，貪佢冇湯冇咁熱！麻辣乾鍋可以選擇微辣、小辣、中辣或者大辣！老公唔係好食得辣所以我哋揀咗小辣！每個鍋最少要揀5樣配料，配料嘅選擇好多有肉類海鮮蔬菜粉麵等等，我哋最後揀咗肥牛、貢丸、雞翼、豆皮、窩筍、金菇同埋寬粉！一上枱！嘩！份量比想像中多！仲有好香嘅麻辣味！鍋入面有大量芫茜、辣椒（唔同size)、蔥、花生、芝麻，同埋一啲我唔識嘅香料！老公讚佢嘅麻辣味同香港其他餐廳嘅好唔同，反而同喺台灣食嘅麻辣味好似，麻得黎唔太辣，香得黎又唔太咸！比起食麻辣火鍋，呢個麻辣乾鍋冇左面頭嗰層油，反而冇咁肥膩！我地點嘅配料同個麻辣好夾，肥牛貢丸正常冇乜特別、雞翼食得出係醃過、好細心咁切成單骨方便食！豆皮有少少似上海菜嘅「百頁」，食落鞋鞋地味道不錯

原來打算黎呢度食下佢地既麻辣，因為佢地係以麻辣聞名既，不過朋友話佢唔太吃得辣，就試下叫佢地既走辣睇下咩味道。原以為係以火鍋整個煲上，原來貼心的餐廳係幫我地一併煮好一次過遞上。我地叫左薯粉呀，不過唔係重慶味，係清湯底黎既，我食得出係豬骨製湯底黎，不過豬骨味唔算好濃，合晒我鍾意清淡既朋友。我欣賞佢地既薯粉，薯粉本身夠精瑩通透，食落又夠滑口，雪雪聲咁食好鬼滑呀，而口感就好軟諗諗。牛柏葉係薄身細細舊，能夠將豬骨味容易索入去之餘，仲唔會難消化，令本身質地較難消化既食物切薄係夠貼心。仲有芋絲同埋肥牛，芋絲就夠入味，肥牛味道加埋豬骨湯味令整個肉味更加豐富呀。

叫左兩碗有d後悔因為勁大碗😱😱😱一碗辣一碗吾辣辣果碗，睇落已經好辣,d粉坐係到都聞到好辣ge味，食落其實係麻先ge,條利痺左，食多幾啖先覺得真係辣💦d餸可以自己選擇，辣果碗就叫左海膽丸，芝士腸， 龍蝦丸，豬腸，芝士丸冇流心果d丸佢會cut開一半，方便食個豬大腸吾肥，又好食，洗得乾淨😝個粉叫左薯粉，d粉彈得黎又入味😍吾辣果碗就叫左公仔面，羊肉，帶子，白菜，另外2個吾記得係咩😂😂😂菜幾新鮮，吾會係爛菜，帶子我覺得放左係吾辣果到好d，因為可以食得到鮮甜味👍餸菜款式都幾多選擇

平時我都幾喜歡食酸辣粉之類，早排聽朋友講呢度啲麻辣燙好鬼惹味，所以特意來食。呢度都有分麻辣燙(即湯粉)及麻辣香鍋(即乾炒)，看過後都係湯粉比較合口味。先選了麻辣燙的小辣，份量是平常的一倍，不算辣，下次選中辣會好點。四川薯粉煙煙韌韌；酥肉外有點像魚蛋，好彈牙，必食。新彊羊肉有咬口同騷味重。鮮腐竹切得大小適中。彈牙牛筋份量都好多，大大舊但炆得幾軟腍，惹味。