十二味 (嘉峯匯)

營業中

休息中

餐廳裝修走中國風，空間好大而且座位闊落，坐得好舒服～今日兩個人叫咗個經典香辣鍋$256（小辣）餐廳好貼心咁提供埋少鹽、少油嘅選擇，滿足曬鐘意食辣又怕太油、太鹹嘅人👍🏻👍🏻 亁鍋有好多炸碗豆，脆卜卜好好食我哋叫咗6個配料：午餐肉-厚薄適中，夠香口又唔會太乾～每次食乾鍋都一定要叫鹵水肥腸-肥腸鹵得幾入味，洗得乾淨，件件都厚身～唔錯五花腩-好大塊，薄切～份量非常多，重油香豆皮、花菜非常之索味，又係食乾鍋一定要叫嘅！煮得啱啱好，爽口得嚟唔會硬寛粉-爽滑彈牙，索汁一流！明明好飽都仲不斷食🤣飲品方面：食辣野就想飲d甜甜地凍凍地嘅野飲，但又唔想飲啤酒/汽水～叫咗個好滋潤嘅桂花冰釀$28😌😌飲落清滋解喝，有淡淡嘅桂花味～值得一試

今次來到啟德新分店嘅十二味食酸菜魚，店舖非常近地鐵站，一出到地鐵站行5分鐘左右就到，環境闊落去到都唔使排隊等位，都幾方便。//人見人愛酸菜魚｜$258入面配料有萵筍、雞髀菇、酸菜，分量方面足夠兩個人食而且魚肉都算多，辣度叫咗小辣唔係幾食到辣，建議可以叫中辣。霸王辣子雞｜$138份量非常多，雞粒炸得非常鬆脆！麻麻香香，唔覺意食下食下就食晒，但小辣真係唔係好辣。涼拌土豆絲｜$43酸酸眉眉真係好開胃，土豆粉質地偏爽脆。紅糖糍粑｜$48必食既甜品！！！！兩個人食到尾聲其實都已經好飽，糍粑做到外脆內軟，非常軟糯好好味，即使食到咁飽，好味到可以食晒的程度。熱情果蘇打｜$28

[ 十二味 ]十二味嘅分店遍佈港九新界，今次來到啟德分店食吓，地方闊落，坐得舒適😌✿ 涼拌士豆絲🥔 $43土豆絲酸酸辣辣，而且涼拌口感爽脆，做前菜醒醒胃👍🏻✿ 霸王辣子雞 $138一上枱被驚人嘅份量嚇親🤣🤣呢個價$嚟講份量十足！辣子雞整得麻麻辣辣，酥脆麻香，愈食愈有feel🤟🏻🤟🏻✿ 人見人愛酸菜魚 $258酸菜魚魚肉滑溜，另外有雞髀菇、萵筍等配料，辣度適中🌶✿ 紅糖糍粑 $48呢個甜點有驚喜，做得皮薄脆內裡煙韌，一d都唔膩，再沾埋黑糖醬，食完辣嘢食佢啱哂🤤✿ 熱情果蘇打 $28飲品中規中矩，勝在夠哂大杯🍹🍹總結🫦正宗川菜嘅味道，而且份量不少，啱哂同朋友嚟食，大家開心share🥢🥢✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿十二味地址: 九龍城沐泰街9號嘉峯匯1樓10號舖電話: 67900755✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

十二味既大名一定聽過，係香港都算係一間好出名既川菜，好多區都有分店，而分店水準亦keep到👍🏻今次食啟德分店，舖面超大超有空間感，一大班人坐都ok而都唔會同其他人好近，好舒服😌每次去十二味都會猶豫食酸菜魚定香鍋，因為兩個都好食而兩個都大份到食唔晒😆今日似乎香鍋勝出先上涼菜，蒜泥黃瓜，份量好多，食極都食唔晒🤣蒜泥好足，有少少酸味，好醒胃👍🏻經典香辣鍋(小辣多麻)上場！💡忍唔住又哇一聲，真係超大，可能有10個碗仔都唔止，香料又係多到呢，叫左多麻啲麻多到呢😆香鍋至愛：腐皮，應該有走一走油，脆身，加埋麻辣汁，好正🤤另一至愛：四季豆，麻辣必食，細細條，吸味又掛汁，好滋味💗麻麻辣辣就要飲下凍野爽下，熱情果蘇打，好大杯，果香好濃唔太甜😌鹵水肥腸，超肥美，鍾意食大腸既要試😄花菜，即係椰菜花，腍身好吸味好正😋豬頸肉有驚喜，煎炸過本身已經好香，好夾麻辣鍋，份量又夠多，爽👍🏻食香鍋就從來唔需要擔心份量，一定食到你飽食到你夠🤗個人推介覺得蔬菜類仲惹味❣️好滿足既一餐！🎉

📍啟德 嘉峯匯 十二味📍環境闊落，坐得都舒服，用手機自助點餐，仲有口罩套提供！👍🏻酸菜魚配粉條 $96好正宗，一般嘅花椒都係黑色，但佢係有紅同埋青嘅花椒！魚片好新鮮，有魚味。寬粉好足料，吸哂啲湯，好味。仲有窩荀片喺入面，都係好入味，大愛！套餐仲跟飯同飲品，好大份，一定夠飽！👍🏻熱情果蘇打 午餐+$8維他檸檬茶 午餐免費推介叫熱情果蘇打！超級超級大杯😍😍！食辣野一定要有凍飲解辣，份量夠大又清新👍🏻👍🏻👍🏻！👍🏻海鮮麻辣香鍋(蝦及鮮魷) $85好足料嘅配料，夠惹味👍🏻！👍🏻紅糖糍粑 $48一碟有八條，好夠食！外脆內軟🤤🤤！👍🏻川式口水雞 $73香而不辣，唔會俾辣味搶咗雞味，都幾好正🤤！

大多數時間我食酸菜魚都係晚上，因為感覺晚上特別好胃口，而且會比較想食啲味道濃少少嘅餸菜。今次係第一次下午食十二味，晏晝時間同屋企人喺附近搵嘢食，媽咪話想食酸菜魚，我又鍾意食川菜，所以今次就揀咗呢間，見到佢哋lunch set比平時晚餐仲要抵食好多。先講講環境，由於今次去呢間係位於啟德嘉峯匯，店員安排咗我哋坐卡位有好大個窗景可以望下風景，都算有一種忙裏偷閑嘅感覺。再講個食物質素，今次一共點咗三個lunch set ，分別係招牌菜十二味酸菜魚、我最愛嘅尖椒炒雞柳同埋麻辣炒田雞干鍋。午餐嘅價錢比晚上單點平好多，但係食物嘅份量一啲都唔輸蝕，完全係大大碟，熱辣辣即叫即做。必須推介大家食佢哋嘅酸菜魚，魚肉望落去好白滑，而且係十分之足料，我同屋企人share食都綽綽有餘，始終招牌菜就係好味道！之前有識開佢哋嘅尖椒雞柳，一直都keep到水準，所以今次唔多提呢一樣。但係第一次試食佢哋嘅田雞干鍋，田雞肉嘅味道比雞肉更佳有特色，而佢嘅配菜都幾多，相比起尖椒雞柳，田雞嘅味道偏再濃烈少少，個人更加鍾意食尖椒雞柳，因為雞柳冇乜骨啖啖肉，送飯好正！冰粉用來做飯後甜品，係食完酸菜魚後幾透心涼嘅甜品。另外點咗其中一杯飲

近年香港越來越多酸菜魚同川菜館，十二味係其中一個分店多嘅品牌今次去啟德幫襯左嘉峰滙分店食午餐。十二味（嘉峯匯）地址：九龍城沐泰街9號嘉峯匯1樓10號舖武龍尖椒雞鑊氣十足，川菜辣味好惹味，啲雞肉好香辣，蓮藕好爽口，但雞肉份量多少少更好川香回鍋肉辣度十足，五花腩片亦夠肥，爆炒配上蓮藕同大蔥，送飯一流基本上大品牌好少失準，川菜香辣誘人，但亦比較上火油膩，間中淺嘗一解心癮😋啟德站暫時仲未有大商場進駐，應該要等Sogo開業先會帶動人流。

朋友住在嘉峯匯附近，最近新居入伙所以去找他玩。晚飯時間到附近覓食，原來嘉峯匯1樓有十二味，之前食過覺得不錯，愛辣之人不容錯過！ 最重要是這分店很大，座位很多很寬敞，可以坐得很舒服！我見好多人都推介這裡的酸菜魚，隔離枱都有叫到，聞起來又真的挺香，而且分量好似好多。不過我今天一心要食炒得香香辣辣的小炒，酸菜魚就留下次再食啦。武隆尖椒雞辣子雞丁常常都聽到，這次轉轉新意思，點了武隆尖椒雞。愛吃麻辣的朋友一定要點這個，尖椒雞是以雞肉、青椒為主料，以小米椒為調味底料再烹飪出來的一道菜品，又麻又辣，超級給力！充滿鑊氣真的是超級香，！煎香了的雞肉吸收了麻辣汁，越食越過癮！感覺裡面的尖椒都可以用來送飯。乾煸肥腸每次吃川菜都必點的一道菜! 肥腸先泡油炸得香脆, 把裡面的肥油都逼出來了，所以吃起來一點都不油膩，加上辣椒乾爆炒，香香辣辣焦香美味，里面又特别的嫩，越嚼越香，充滿食慾的感覺，又一送飯佳品。紅糖糍粑最後以紅糖糍粑作為這一餐的ｅｎｄｉｎｇ。糍粑炸的外皮香脆，裡面感軟糯煙韌，花生粉和黄豆粉給得足夠，再配上香甜嘅紅糖漿，令人忍不住食完一條又一條 ！美滋滋芒果梳打不會很甜，解辣一流！！大大一杯與朋友一起分享

係香港想食到正宗嘅川菜，🌶都唔係咁容易。今次dinner time，😍終於試咗心心思嘅毛血旺！佢係將🦆鴨血、午餐肉、🐷豬皮等等放入水中煮熟，之後再加入爆炒後，加入花椒、辣椒、🥢麻椒等香料，❤鴨血會越煮越嫩，食落味道更鮮。放入口中，🥰四味俱全，麻、辣、鮮、香，湯汁濃而且味足，更加麻辣鮮香。🤓佢哋嘅涼拌土豆絲都好爽口。🥔清脆嘅口感，再加上少少醋撈過之後嘅酸，非常之開胃。#川菜 #毛血旺 #土豆絲

————————————————————————十二味 (嘉峯匯)地址：九龍城沐泰街9號嘉峯匯1樓10號舖(啟德站出步行7分鐘～）（另有尖沙咀/旺角/大圍/荃灣/中環/土瓜灣/將軍澳/北角/觀塘/黃大仙/大坑/屯門/銅鑼灣/西環/青衣/元朗/大角咀/香港仔/筲箕灣/沙田分店～）啟德美食又多一間，十二味主打新派川菜，遍佈港九新界的分店當然是因為平靚正！酸菜魚和干鍋是主打菜，新鮮鯽魚和原串花椒的酸菜魚和自由選菜的干鍋很是過癮，最近推出新菜品鮮椒烤魚和泡椒烤魚🐟一試便愛上😍😍🟠推薦食物 Recommended 🔹清新鮮椒烤魚🔥🐟（$288）：足料鮮椒，湯頭濃香，越煲越入味，完全不會覺得油膩，烤過的魚外脆內軟，加上寬粉（+$28）更是一絕，適合2-3個人進食🔸紅糖糍粑($48):😍大推薦，必點，外皮酥脆內裡軟糯，加上豆粉和紅糖漿很是完美！🔹幺妹兒冰粉🧊($28)：解辣必備的四川傳統小食，冰粉晶瑩剔透，淡淡桂花香入口順滑🥰🟡不推薦食物 Not Recommended 🔹無 No🟠員工 Waiters十二味姐姐s團體好nice好熱情🟡環境 Environment 去過幾間分店，啟德分店空間感十足，

移民了英國的朋友趁聖誕假期回港，當然要吃飯聚聚。西餐她在英國應該吃厭了，就帶她吃川菜吧，反正她也喜歡吃辣。燒椒皮蛋和涼拌土豆絲涼菜叫了皮蛋和土豆絲，她說在英國較難吃到皮蛋，所以一定要點；薯仔控的我當然點土豆絲，涼菜份量頗大碟呢酸菜魚伴粉條份量也非常慷慨，除了魚片亦有非常多配了如菇、萵筍等，豐富了整體的口感和層次；我們叫了小辣，所以湯不會太辣，但非常麻，很過癮口水雞口水雞也是我自己的必食item，百吃不厭。這裡的口水雞賣相很不錯，我們點了小辣也頗惹味，送飯一流。桂花冰釀覺得它的名字很漂亮，所以點了試試。入口是甜的，有陣淡淡的像米酒的味道，但酒味不濃亦不苦，挺易入口。幺妹兒冰粉這個是桂花味的啫喱，不會太甜，吃這個涼涼的甜品很舒服。坐在窗邊的卡位可以望到獅子山，就這樣跟朋友聊聊她在英國的新生活新工作，感覺有點複雜：既替她開心又有點不捨和失落。人大了，情感當然不會像小朋友般簡單，就像這間店的名字——「十二味」一樣

連日假期多咗時間出去食午餐，發現呢間餐廳午市時間都有酸菜魚套餐，一人一份，幾個朋友可以食勻種菜式😍酸菜魚配粉條 + 白飯 + 可樂 $101雖然係一人套餐，但係份量唔少！鮮滑魚肉配上麻香酸嘅湯底，送飯一流～ 雞翼麻辣香鍋 + 白飯 + 升級柚子茶 $64除咗有雞翼，香鍋入面仲有薯條、蓮藕片、炸黃豆～ 乾撈嘅方法更加突顯食材嘅香味！除咗雞翼，仲有好多唔同食材可以加入香鍋入面！大盤花菜 + 白飯 + 檸檬茶 $54朋友們都一致認同呢碟餸最有驚喜！雜菜炒得非常香口，加埋少少鹹肉嘅香味，令人食唔停！紅糖糍粑 $48糍粑新鮮整起，外層香脆，入面煙韌香糯，點埋紅糖漿甜甜地，要bookmark下次要encore 🥰🥰🥰

📌十二味十二味一直係最愛川菜餐廳頭3位，主打嘅酸菜魚真心正，午市套餐都好抵食，$68已經食到酸菜魚、飯同飲品，仲有其他小菜都好吸引，食到捧住個肚走🤭✴️川香回鍋肉挑戰大辣嘅回鍋肉，辣度十足好好味🥹五花腩片肥瘦相間，爆炒之後食落唔會油膩蓮藕同大蔥都炒到入晒味，送飯一流🫶🏽✴️干煸四季豆點咗中辣，炒得夠味又有鑊氣，四季豆嫩綠無渣，配上肉末、乾辣椒，加上少少酒香，味道有層次🌶️✴️蔥油拌麵 麵條油潤，撈勻香蔥同醬油，係幾惹味，滿滿一碟可以同朋友開心share✴️ㄠ妹兒冰粉川菜必點嘅甜品，晶瑩剔透冰冰涼涼，清新又解辣✴️桂花冰釀帶陣陣淡雅桂花香 ，甜度適中酒味唔會太重，好易入口，非常適合配搭麻辣菜，甜甜地可以中和一吓辣味🥰另外見佢地嘅特飲都有好多選擇，有酸梅湯、柚子茶等等，大大杯啱晒怕辣嘅朋友😆餐廳仲有推出自家辣椒油，愛辣嘅朋友可以買返枝，屋企都享受到十二味嘅滋味🥰

今日 lunch 同屋企人去咗鄰近啟德站嘅十二味食四川菜，去嘉峯匯都好近，餐廳好大好闊落，仲有好大嘅落地玻璃，所以好光猛，仲可以望到對面嘅獅子山添！坐底咗就用 QR code 落單，每人有一小碟嘅前菜，裏面有辣椒肉碎豆角同青瓜，辣辣地都幾開胃。Lunch set 叫咗酸菜魚配粉條套餐 & 腰果宮保雞丁套餐，餐飲我就叫咗慾望酸梅 & 桂花冰釀，小食叫咗個涼拌土豆絲，甜品就叫咗紅糖糍粑。小食涼拌土豆絲好爽脆，味道酸酸辣辣好開胃，可以挑選唔同辣度。雖然係午市套餐，但係份量都大碟！酸菜魚除咗可以揀辣度外，仲可以揀少油！酸菜魚嘅魚肉好滑，份條又好彈牙！裏面仲有酸菜同埋菇，今次叫咗中辣啱啱好，又麻又辣好正！上面中灑咗啲菊花嘅花瓣點綴，賣相都唔錯！套餐仲跟咗碗白飯，如果唔食到咁多可以揀少飯。另一個套餐腰果宮保雞丁又係好好味！落單嘅時候可以揀少鹽少油，雖然碟餸好多乾辣椒，但真係一啲都唔辣，但有辣椒嘅香味，啲汁甜甜地，腰果又脆，夾埋好 match！杯慾望酸梅一上枱嚇親我！勁大隻玻璃杯！裏面仲加咗一片檸檬吊下味，食完辣嘢飲返杯酸梅湯又係好夾。杯桂花冰釀甜甜地，好香桂花味，配埋個小酒瓶同小杯特別有風味。紅糖

啟德附近嘅餐廳好少，最近見到‘十二味’ 開左，涼涼地想食辣野，兩個人去食晚飯，平日夜晚無咩人，環境好大，好舒適，而且乾淨，侍應安排左我地坐窗邊沙發位置。兩個人點左一個熱鍋香辣鍋，選左五樣料，包括：寛粉，墨魚丸，魚蛋，魚腐同蓮藕。魚腐好好味，有少少甜。全部料都好香口，大大份，估計有炸過嚟再炒香，相當惹味。另外，我地仲點左酸辣炒土豆絲，份量好足👍🏻👍🏻👍🏻飲品點左杯百香果梳打，味道唔錯，夠兩個人飲😀😀總括會再去食