十人十色 (已結業)

已經有一陣無去十人十色，因為之前一段時間食物質素有明顯下滑，就連小女兒那麼喜歡吃壽司亦向我說壽司好像沒有從前那麼好吃，紫菜味道怪怪亦且不脆，所以確實是因為失望而"叮"走了它一段時間。今晚我應承了女兒去吃壽司，但因懶得去其他區的心態，所以在三上、＋人十色及御家之間揀一間，終於再次到十人十色吃飯。一入門口，發覺十人十色有做優惠，令價錢看來很抵。接下來點了三文魚手卷、加州手卷和其它一些壽司、牛油炒大蜆、雜錦天婦羅、燒鯖魚、雜錦魚生飯等。我抱着沒有甚麼期望的心態吃了燒鯖魚一口，突然感到喜出望外！鯖魚皮燒得香脆，肉質鮮嫩而味道鮮美，令我有D受寵若驚!再試一下壽司及魚生飯，D魚幾新鮮，連D紫菜都換咗另一種，鬆化香脆，味道不俗。牛油炒大蜆及雜錦天婦羅亦值得一讚。埋單每人平均唔使90元，咁嘅質素真係抵到震!我覺得十人十色重新再拾做食肆的正確方向及誠意，可喜可賀！以後响堅尼地城終於又有番間平靚正的曰本料理！唔使再忍受三上極難下嚥的食物和今時今曰唔應該再有的服務態度！Yeah！

見到門外貼住周年紀念免加一再九折諗住應該好平...就去試下... 入到去見到有任食放題，要坐迴轉位98蚊任食...刺身得5種選擇...三文魚，北寄貝，八爪魚，立魚同甜蝦...十幾種壽司...有燒物、炸物、湯麵...等等...（推介蕃薯天婦羅!）好飽好飽..刺身都幾新鮮最後埋單...兩個人任食$176邊度搵...勁抵! 下次同兩老去狂食刺身!

2007年的聖誕夜，寧靜的西環和十人十色給了我們一段很美好的回憶。那晚叫的三文魚和北寄貝刺生，和那一set十件壽司，是我第一次正正經經坐在日本食店享受的第一頓。就是這個情意結，我們差不多一年後還惦念著這兒，想來試試這兒的午餐。唉。三文魚刺生，鮮和甜說不上，肥美亦欠奉，雖是厚切，但口感卻有點散。無言。魚生拼盤 (定食)，刺生質素平平，但也不是太差。我們都在想，難道這年來我們把舌頭練得那樣精嗎？ 隨定食還附有元貝面豉湯，元貝不新鮮，而面豉湯就是面豉湯，沒特別。還點了牛肉鍋定食。是一份量足，牛肉不俗的牛肉鍋。只嫌湯底甜了一點。值得欣賞的是，這裡的飯都是圓圓滿滿，軟硬適中，且份量非常足夠。午市，幾乎沒生意，倘大的店子裡侍應們表現得像被投閒置散，而我們也坐不久，因為下午那時候中央空調不會開，只有門口那看來微不足道的冷氣機。看著bar中師傅在準備活北寄貝，步出店子，置身在那條不太熱鬧的街道，驟覺「山中一日，世上千年。十人十色再不屬於我們了。

講起lee間十人十色就真係一肚氣啦!!我同屋企人試過去食佢地既午餐都覺得唔錯重無意中去洗手間個時發現原來佢地有間VIP房,環境都幾好,於是我地就走去問下個經理P先生有冇最低消費,佢話千五蚊.聽落都幾合理,於是就決定係到搞個生日會啦!!當日一行十人去食,經理話幫我地安排食物叫我地唔洗擔心,因為我地都係飲酒之人所以經理話幫我地搞d啤酒一jar jar上平d做比我地.我地食得同飲得好開心但一到埋單就嚇死人.張單一黎到一睇...多謝七千蚊!!重要冇寫明我地食左d咩,飲左幾多酒!!嘩!!係唔係當我地飲酒飲到傻左呀,我地即刻嘈晒話冇可能,叫佢check清楚先好再入黎好啦搞左一陣個經理入番黎話而家五千蚊,咁我即刻問佢咁頭先個二千蚊邊到黎既,佢話唔出話因為佢係經理所以可以幫我地減d wor,笑話!!我又唔係咩VIP又唔係你親戚有咩情況下可以咁好死減二千蚊呀??跟住我話如果係咁既話唔該你話我知你從那裡扣二千蚊出黎架?經理完全答唔出,點解?因為佢地以為我地飲左酒傻下傻下咁可以寫多d冇人知law!!真係好過份,重要張單只係寫刺身費幾多錢,咩雜費幾多錢咁架咋!!!大家如果去食記得check單同小心呀!!

Yesterday, my daughter was begging me for Japanese food but my maid had prepared the dinner, so i went to 十人十色 to buy some sushi and handroll for her. Noramlly, I would go to the one nearby (3 up) but i was lazy to walk, so i bought it from there. My daughter is a sushi / handroll lover but she refused to eat the rice of both sushi and handroll due to its too strong vingar taste. To be honest, the quality of fishes are pretty good, but the rice should be kept in a better quality to become a pe

禮拜夜晚八點去到，六成入座率，冇雜誌講到咁誇坐底叫左蒸蛋同炸豆付先，ok呀，個蛋幾好味，唔同一般的淡茂茂跟住叫左壽司，一般o既就唔提o勒，講d重點的 - 珍寶帶子壽司，抵食又好味，拍得住"一壽司"o個碟，好過晒x両多多聲三文魚腩壽司，呢個又係抵食，好肥好好味牛油果軟殼蟹卷，d牛油果怪怪地和牛壽司，女朋友推介，佢話好好味另外叫左個炸雞軟骨，$20一大碟，係好抵，不過實在太太太油膩，希望下次再食佢會有改善裝修都算新淨、靚靚地，價錢都算平(睇過menu，一個定食都係四十零蚊)，環境同食物質素好過旺角o個d鋪頭多多聲

不外乎都係 2 個原因, 一係抵食夾大件; 二當然係好好味 : 5: 50 踩場 , 我同大舊係第一個客, 自動波埋位, 今日唔由香港仔行到西環尾, 真係好 “支力:” , 唔好唸啦就要個菊 ($148) 2 人前 後加 : 火灸三文魚壽司 ($15) 火灸曼魚壽司 ($15):= 曼魚比三文魚好食, 不提吧燒雪魚皮 不是真魚皮, 副成品, 只是再加焗而已三文魚剌身5 片: 小片厚切, 味淡, 不鮮甜 什錦魚生沙律: 二色魚生, 約4,5 小薄片, 頗清新, 自己不好, 比大舊食 3份2 什錦天婦羅 : 好油膩, 芥末燒秋都魚 : 無芥末味, 但見到有綠色, 到底係咩黎,有色無味既 ? 魚燒得幾香, 不過好多骨, 怕 ~ 日式雞肉窩: 雞蛋同雞肉好match , 個湯都好鮮甜, 但味精重手左小小三文魚炒飯 : 水準之作, 小小既珍珠米, 炒到粒粒分明, 略帶光澤, 只係味淡左小小, 成餐最好味呢個, 不過食前已經7成飽, 但又點會難到我呢個飯人, 點都食左半碟 雪米滋: 維記出品 其實以 $148 黎講真係超抵, 仲要全日無加一到底三上係以咩取勝呢 ? 結局下回分解待續 …

一行四人，第一次試呢間，都唔知有d乜野好食，所以選擇叫2個2人set ($148 & $168)，可以乜野都試下。詳細邊樣食物係跟邊個SET就唔係好記得，不過就食過:1) 三文魚刺身 + 三色刺身 (甜蝦,三文魚, ??魚(唔記得?!) 各2件) ; 三文魚 都几新鮮, 几鮮甜。2) 沙律 (上面有吞拿魚+三文魚)3) 燒鱈魚片; 好似薯片咁薄, 几得意, 都几好味4) 天婦羅X 2客 ; 蝦同什菜都係大大件5) 介辣醬燒秋刀魚; 本身我唔鐘意食秋刀魚, 但係佢又整得几好味喎, 介辣一D都唔辣, 只係好有香味, 加埋檸檬汁, 好夾。6) 三文魚手卷X27) 牛肉鍋 & 雞扒鍋 ; 普通8) 三文魚茶漬飯X2 ; 清清地, 但係我想不是人人啱既口味。9) 三文魚炒飯一碟 ; 普通, 但一D都唔似 "和X" 既細細碟 (話哂都係2人SET既其中一道菜喎)。10) 甜品-雪米滋X4呢間o既味道同服務都好過隔離間"三X"，"三X"係會平少少，但我下次都會選擇來十人十色。味道：3.5分啦 環境：地方大, 西環黎講, 呢度係豪裝啦, 今次坐個卡位, 可以坐6人, 而且椅背勁高, 似p

三個人去食晚餐. 叫了三客三文魚刺身. $25/4片. 非常非常厚切. 又好新鮮. 口感好好壽司叫左三文魚. 燒三文魚. 海膽. 幔魚. 芝士飛魚子等等.樣樣都唔錯. 不過海膽軍艦略為唔抵食. $40/2件. 唔算好多海膽.仲要左小食:八爪魚仔. 串燒. ok的.食到超級超級飽. 每人不過$125. 又坐得舒服. 又唔使等位. 好滿意. P.S.惟一美中不足係廻轉枱無水喉自己沖茶. 要等佢加茶.

已有一段時間沒有到此用膳，週日晚再去，整體上覺得尚算不錯。除了最主要的--- 食物外，服務態度亦重要，呢度大部分侍應都做得到，反而幾位相信係股東則成晚繃緊著臉，笑容欠奉。附近開有多間日式食肆，競爭在所難免，但若果能夠給予顧客們有種悠閒、舒服的感覺，佢哋食都食得開心啲，有得比較，才有機會再回頭。套餐改為梅蘭菊竹四款，刺身亦分為雲雨露等級別，但價錢、內容和之前吃到的大同小異。點了一份「菊」，主要對那尾鹽燒秋刀魚仍念念不忘，今次仍燒得不錯，重冇以前咁鹹。三文魚標榜來自挪威，厚切剌身保持肥美豐腴的口感，好正! 三文魚炒飯有點驚喜，飯粒夠乾身，配合菜粒來炒幾香口，最快吃光。雞扒窩的雞扒幾入味，伴的蛋花卻老咗啲，湯底過甜，試了一羹就收工。後加的金菇和牛定食，肥牛配合洋葱炒得幾惹味，但得好少汁，淨食還可以，用佢來送飯就差啲，不過只收$33 咁平算係咁上吓。原本打算點一客六件嘅牛油果軟殼蟹卷，諗住個名差唔多點了另一款皇帝蟹柳鮮芒果卷。之後才發覺睇漏了個「柳」字，由皇帝蟹變成蟹柳! 唔係唔好食，只不過較鍾情軟殼蟹啫。點的幾款壽司就似乎差啲，火炙只是面層略變色，入口連丁點暖的感覺也沒有，仍是凍冰冰，咁為乜

過去幾個月試過多款一人套餐.以這樣低的價錢(HK$30多至HK$60左右)來說,水準已算不俗,間中甚至有驚喜,且份量亦絕無偷工減料.午巿更免去加一.環境不錯,餐具設計甚佳,地方亦頗為清潔.服務方面尚算可以,但很不滿意那位帶黑邊眼鏡的女服務員長期不斷咳嗽和抹鼻也不載口罩或請假,實在不能接受這樣低的衛生意識.

23/3/2008 晚朋友幫我手做功課做左成個下午~請佢食番餐好...點知我+朋友+細佬叫左一個豬軟骨拉麵($38),牛肉(60),手卷($20)+十人十色壽司(10件)($98)豬軟骨拉麵~豬軟骨好鞋好鹹,個湯都係鹹左d~唔好食牛肉~最正常的一味~牛肉都算多~普通貨手卷~我叫左軟殼蟹,朋友叫左吉列炸蝦,兩款都唔錯,個餡大大件,紫菜都幾脆十人十色壽司~食到我好想喊~真係好難食呀~10件中最好食都係鮑魚仔軍艦~唔對個牌仲以為自己食緊螺肉軍艦...其他的一係好普通,一係就好難食~細佬食左一件鮮赤貝壽司~食落口好有廁所味,我食左件深綠色的軍艦~就百感交集...好難食呀~懶係有特色,刺身又唔係好新鮮,而且又好乾,我唔明點解有兩本雜誌話十人十色壽司新鮮,豐富好食~完全相反服務又唔係好好~唔叫都唔加茶,乾淨又唔係呢間6:00pm後要收加一服務費埋單$274~~~我請...

尋晚同男友&好友三個人到十人十色開飯，唔知係咪假期前關係，比平時多人好多，行到入去企一陣先有待應叫我地出返去門口登記等位...入到去被安排坐卡位，卡位算好寬闊坐得好舒服。我地叫三文魚剌身、壽司、介辣醬燒秋刀魚、介辣醬蟹子沙律、牛油果軟殼蟹卷、鹽燒牛舌等。三文魚剌身- 一般新鮮。壽司- 就真係麻麻，飯一夾就散。介辣醬燒秋刀魚- 秋刀魚夾住企辣和寧檬汁香味，好開胃。牛油果軟殼蟹卷- 個樣都唔錯，但係味道就好一般有待改進。介辣醬蟹子沙律- 幾有創意，冇咁悶，有介辣香但唔辣，幾得意。鹽燒牛舌- 我唔食牛肉，但係男友話超正，好有口感。可能係太多人關係，待應十叫九唔應，叫又唔記得，有一個連雪糕係咪都好似唔知咁....有待改善。埋單每人百二蚊，算好經濟。會再去睇有冇改善。

有朋友係附近新居入伙,拜訪途中經過呢間鋪.決定醫一醫個肚先.我隨意咁點左一個「雞扖餐\定食」,,隨餐\附送一個小食和麵豉湯.本來我都沒有期望,但猜吾到佢\個雞扖做得吾錯,幾香口,小食系炸茄子,亦都幾野味.至於配那個湯份量就太少.好細碗.整體來講都吾錯.下次再探朋友時一定再去幫襯.......

我住在兩者(三上,十人十)附近, 間中光顧. 其實, 我們要明白到一分錢一分貨, 便不會太在意, 兩間食店價錢差不多都算便宜,各行其是. 食物不過不失便算了, 有時候, 我們去一些名店,得到一些跟這兩間食店差不多水準的食物和對待, 付出多,收穫少,一般都無佢乎. 無法啦,食嘢,都係講彩數的, 就算日日食好嘢,質數都會有出入. 現今社會經濟, 想要食好嘢, 價錢又要有驚喜, 真是難上加難. 在此,祝大家飲龢食德,身體健康.