南江海鮮酒樓 (已結業)

今日係男朋友既生日，經過尋日既慶祝活動之後，大家都懷著一個開心既心情入嚟南丫島過一個平靜既正日生日，本身打算去大興食，見佢食評好好但可惜嚟到無開，聽街坊講佢地已經係半退休，唔接新客了！咁唯有是但搵間去試下啦！誤打誤撞之下，我地就嚟咗呢間南江！可能因為平日既關係，呢度都無乜人，有既都係老闆娘既朋友....我地今晚主打想食蟹，但又怕套餐既蟹太細隻，所以問咗老闆娘可唔可以加錢轉大隻蟹，最後加咗$150 將蟹加大，我地點咗椒鹽瀨尿蝦、避風塘炒蟹、辣酒煮花螺、豉汁蒸魚同埋燒乳鴿，D餸一碟一碟咁送嚟我地就開始累積不滿既情緒了！燒乳鴿 - 佢有兩個價錢，BB鴿 $45，大鴿 $60，我地之前去大圍都係食BB鴿，所以今次就叫咗大鴿嚟食，但點知嚟到個SIZE係等於大圍既BB鴿，皮唔夠脆，一般椒鹽瀨尿蝦 - 味道一般，有一兩隻肉梅，但尚可接受豉汁蒸魚 - 條魚蒸得好老，對於一間專門食海鮮既酒家嚟講真係唔可以接受辣酒煮花螺 - 無乜味，完全唔辣，太細碟，只得10粒好似手指頭咁大既花螺避風塘炒蟹 - 加咗 $150 都係比咗細 SIZE我，完全唔係之前佢拎出嚟嗰隻咁大，仲同我講話咩海鮮都會縮水，蒸魚都會縮咁話

以後都唔會再去呢度飲茶...野食唔係特別好, 又唔係特別平, 服務又唔係好...有人叫我再去都要諗清楚...1. 食物求求其其 - d 野食唔新鮮又唔好味2. 衛生差 - 碗筷食具有好大陣漂白水味1. 態度差 - d 阿姐十問九唔應, 有時仲俾面色你睇5. 埋單計錯數, 爭d 俾佢收貴錢

We did our little walk on Lamma, but this time starting from the South and ending up at Yung Shue Wan. We settled for a few pre-dinner drinks at a nearby bar, then mulled on the options for seafood in this part of the island. After a quick glance on Openrice, we went for Lancombe only because it was 3rd down the rank of seafood restaurants, the 1st and 2nd being closed when we walked past to check. We were a bit hesitant about the super bright fluorescent lights which someone worried might have

七月中旬‧晴朗在香港仔魚市場。「大佬，係米留了隻大蟹？」我間著三寸深的水在問。「呢隻！」外表兇悍的魚檔大佬，指著一隻至少二斤重的紅花蟹說。「嘩！好大！幾錢？」都好少可見到這樣的極品了。「邊個叫你來的？」兇悍魚檔大佬問。「xxx」我說。「唔使錢！」吓！就在這裡，多謝地方有勢力人士。一個人，一只蟹，入了南丫島。在大街上信步而行，來了這裡。也不知為何選這裡的，只是隨意選。問好了油料錢，就要了支藍妹等吃。紅花蟹是碩大無比，用的是店子最大的蒸魚碟子，拿出來時，絕對是一陣哄動。隔鄰的食客來影相，店員來問在那裡找的，絕對沒有誇張，我想也很少人會吃這樣豪華的午餐吧。蟹肉鮮甜無比，蟹鉗極大，用來吃蟹的鋼鉗也不管用，要勞煩廚房去將之敲碎。吃了整隻蟹，飽到不得了，什麼也不用再吃了。蒸蟹的油料錢是每斤三十元，不便宜。問過如用蛋白花雕蒸的，更是要收二百 ~ 我的樣子似是羊牯嗎？放下一百，去喝酒！更詳細的南丫島半天遊：http://gourmetkc.blogspot.com/2010/08/blog-post_28.html

公眾假期入到去,人山人海, 本想在書蟲吃午餐, 見到書蟲的套餐都是 $98, 但無奈太多人等位結果就選了這間, 好失敗3個人叫了二人套餐, 其實份量真是夠2人而已, 千祈唔好咁大食的, 否則唔夠, 2個人都勉強夠何況是3個人, 所以另加了一個瑤柱蛋白炒飯 $60 而二人套餐 $198 包 :但bb 鴿的皮唔脆, 一碟菜 , 一條魚是立魚 (可能蒸的時間長了少少, 因為有些魚皮已經蒸爛了)豉椒炒蜆.....好多是吉殼, 豉椒汁得個咸字無椒味我地是坐樓上望到碼頭的位, 景觀是不錯的, 相比起索罟灣那面, 很多食店都是加一茶芥全免的

昨天一遊南丫島, 本由榕樹灣到索罟灣, 打算在榕樹灣先吃個輕便午餐, 晚上才在索罟灣吃重點晚餐. 但同遊朋友中臨時話有事(大家心裡都知這傢伙是麻煩友)要趕5時出回港島, 唯有只在榕樹灣附近遊覽及改午餐為重點.. 整體來說, 平均每碟要百元, 份量就太少. 所以感覺頗貴. 食物:椒鹽瀬尿蝦 (~50-60元/只, 最貴) - 不錯. 每只如有手掌般大, 算幾多肉. 豉椒炒聖子- 不錯. 汁好味及多. 聖子份量少, 殼多過肉, 肉算幾爽. 酒煮螺 (13元/兩) - 一般. 湯汁多過螺好多. 螺如手指頭般大, 細了一點, 肉算幾爽. 蜜餞骨 - 不錯. 蜜汁剛好包著所有排骨. 算多肉. 這個可見廚師技術不差. 薑汁炒芥蘭 - 可以. 有薑汁味, 沒有薑渣. 飯麵粉 - 完全沒有特別. 下次可以不用試. .......等等環境衛生: 一般(以郊區來說). 環保意識差. 洗完碗碟的茶水, 本想要小盤, 但侍應叫我地倒在街邊上. 服務: 一般. 侍應主動, 舌滑, 多推介海鮮. 上菜比較慢.

今次叫左3個餸:魚香茄子煲 = very good密餞骨 = 不錯清蒸老虎仔 = 合格,但略腥來南丫島食海鮮,索古灣係首選如要在榕樹灣食,南江係一個唔錯的選擇

來到南丫島玩想食海鮮, 就選左呢間,見到menu寫明咖喱焗蟹$90, 就叫呢個,相信大家大概都估到咩事會發生,就係埋單時個蟹變左$228,個伙記明明見住我地望住個menu落order, 大大隻字寫明"咖喱焗蟹$90",佢就幫我地由例牌改左段斤計,仲要個碟花蟹一d都唔值$228 咁唔老實, 大家要幫襯呢間野都係叫個楊州炒飯算啦...

勞動節入南丫島榕樹灣一天遊，都知道食海鮮當然去索罟灣，懶惰的我看了網上資料後選擇了這間店子。侍應有禮地招呼我們坐露台海景位，先叫兩支大 beer 解下喝先。之後點了幾碟海鮮試試....1. 象拔蚌仔 (堅硬程度必須用刀叉享用。向經理投訴回覆是廚房把它和元貝一起蒸, 過了時間，已訓示他們) 我心諗 80元就這樣無左。當黑2. 大元貝 (元貝是新鮮的，味道是淡淡的，喜歡濃味的我對這么清淡的煮法不敢恭維)3. 鮑魚仔 (夠鮮味及軟硬適中，問題也是一樣，豉汁實在太希太希了)4. 蝦醬炒通菜 (菜幾新鮮，可惜成碟都係一粒粒啫喱狀的物體，看清一點原來是蝦醬未炒均，成碟菜淡而無味)5. 薑葱炒蟹 ( 顯汁好傑好傑，唔掂)呢一餐真係出師不利.....唉...罷了反正都係一次貨仔.....

雖然平日很愛四出尋找好野食, 但從來"的"唔起心肝寫食評. 為了這間黑店, 我決定要開個account.星期三平日放假, 天色有點暗, 但不想浪費假期, 就去了南丫島郊遊一下.吃了建興阿婆豆花, 不知怎的比上回去好吃很多~~~~去了看風車, 又買了小"手信"給爸媽. 晚飯想吃海鮮, 故用手機上了openrice看看. 見南江都有7個好評+沒有劣評就去一試.我們叫了:1. 鼓椒炒聖子($88): 正常, 聖子比較細隻, $88就不能要求太多.2. 南乳粉絲雜菜煲 ($55): 南乳奇少, 個汁係透明粉紅色水狀, 寡而無味.3. xo醬帶子($90): 嘩~~~~~見到時直情想喊! 超多西芹+少少帶子, 賣相味道不及一間茶餐廳, 竟然要$90, 茶餐廳仲好味都係$50幾...呢個實在求其的過份! 遺憾沒有拍下"罪証"給大家看看!4. 鼓油皇海蝦( 原本$90): 侍應哥哥話例牌係用普通蒜蓉蒸果d蝦, 如要海蝦就最好另外秤. 我地問佢咁要貴幾多, 佢話百鬆d蚊到, 比原本貴幾十嗜, 好味好多. 咁我地就應話轉海蝦. 上菜時有6隻中小型蝦, 味道都ok. 諗住d蝦唔大應該都係$120-130

打字打累了, 只介紹我覺得很好味的! 椒鹽鮮魷 : \ 豉椒聖子 : 好味,又爽又彈牙! 蒜蓉粉絲蒜蒸扇貝4隻 : 好鮮甜啊又大隻,岩岩好熟唔似得西貢果d咁難食 very good) 楊州炒飯 : \ 腐乳通茶 : \$340埋單唔貴wor, 而且冇樣野係難食或者好唔抵的

重陽節遠足南丫島。從索罟灣走到榕樹灣已經是下午3點多。之前在亞婆豆腐花那里先吃了碗豆腐花，所以并不肚餓。看了網友的評價，就選了這家作為午餐（下午茶？）的地方。看了招牌，二話不說就進來了。下午3點鐘，人客已經不多，所以可以坐在臨海的一桌。看著大海吃飯，感覺相當不錯。點的菜除了圖示的還有一盤蝦醬炒通菜。都不錯，Good! 補充，這店的招呼不錯，很殷勤！

跟女友決定中秋假後要去食海鮮，所以今日中午入左去榕樹灣。經友人介紹 + 以前同朋友來南丫島行完山時已光顧過這店，感覺不錯。假期過後的中午，無咩人客，店員的服務態度比較散慢，但都算不過不失。店員一開始都推介龍蝦、石班等等貴價海鮮，但我地不係想食呢d。我們沒有點貴價的海鮮來吃，但店員都沒有黑面，不過係我地睇緊菜牌時，個伙計掛住係度睇電視，要我地問佢野至再推介下豉油雞。我地今日吃了...1. 炒蟶子(例牌$88)：惹味好吃，蟶子size都可以，份量適中，好味道！2. 椒鹽鮮魷($60)：我的至愛。炸都夠香脆，有蒜鹽加洋蔥伴碟，味道不錯。3. 蒜榕白菜仔($38)：味道ok啦。4. 楊洲炒飯($40)：味道ok啦。埋單$258，都可以啦，因為食物都幾好食，店員態度還可以。出菜速度都好快。同時間有外國人來光顧，見佢地都有叫炒蟶子，炒蟹，炒飯，飲白酒啤酒…。我地一致認為，下次再來榕樹灣吃海鮮的話，我們都會選這店。

上星期６同幾個朋友去食晚飯,海鮮多款但價錢貴,叫咗碟蝦得幾隻又貴又不太新鮮,啲伙記又不停推介食啲貴價海鮮,最尾都係叫咗幾道小菜,味道一般但比較細碟.啤酒亦較貴.不太抵食

很想吃海鮮，所以跟男友便即興來南丫島吃海鮮。之前跟男友來南丫島時已光顧過這店，覺得水準不錯。今次再來，本打算試另一間的，但又不知那間才好吃又抵吃，行來行去，我們還是決定再次光顧這店。店員的服務態度仍舊很好。店員當然希望我們會叫...龍蝦、鮑魚或象拔蚌等等的東西，但我跟男友都不太想吃這些。我們沒有點貴價的海鮮來吃，但店員都沒有黑面，態度仍舊很好，值得一讚。我和男友這天吃了...1. 炒蜆：惹味好吃，蜆沒有我上次來吃的大隻，不過味道仍是不錯。2. 蒜蓉粉絲蒸扇貝($20一隻)：我們叫了半打。好好味，蒜香很吸引，扇貝新鮮又大隻，我跟男友吃得津津有味，爭住食。是日最讚的食物。3. 椒鹽鮮魷：我本人覺得一般，但男友喜歡吃。我覺得炸得不夠香脆，但味道是不錯的。4. 沙拉豬扒：因為沒有什麼肉食，所以叫了一碟肉。好味道，豬扒夠入味，略嫌沙律醬少了一點，所以較像京都骨的味道。5. 椒絲腐乳通菜：味道ok啦，略嫌腐乳味不夠，也炒得太油了一點。很男友吃得很飽，本來想叫多個豉汁炒聖子，但太飽吃不下了。今晚埋單$343，都可以啦，因為食物都幾好食，店員態度也很好，唔覺得會被人騙或斬得一頸血。吃了一個鐘，侍應給我