南記粉麵 (渣華道)

營業中

休息中

本來啲蔥係呢度都唔夠呢張相的一半， 好好聲聲叫阿姐加蔥， 佢就話已經好多，然後，拒絕我的要求。 問多幾次先至死死氣地加，加完後就用家鄉话同廚房啲人講嘢類似投訴我。 當時餐廳都冇其他order， 又唔係忙到乜，使唔使對客咁串。講真，今次飲食體驗真是非常之差，直逼當年砲台山地鐵站隔離大x樂，去用餐不識他們家鄉话就服務極差。 本人去喎唔少次南記餐廳食包括呢一間，今次是第二次少蔥，最少個次是廚房沒有蔥。 下次可能需要學習他們方言，才可以有正常的飲食體驗。

🥢今天揀左南記嘅麻酸混合湯底，真係滿足晒我想要麻又要酸嘅味蕾！先講講呢個湯底，香辣得嚟唔過火，濃郁嘅湯汁飲落去後嗰種酸辣過後，舌頭上面果種麻麻地嘅感覺簡直是妙不可言！再嚟講個春卷，外皮香脆得嚟唔油膩，每咬一口都有魚肉嘅鮮味湧出來，加入湯裡面吃，喺滾熱嘅湯水浸泡下面更顯得意想不到嘅解乏。至於墨魚丸，我自己叫咗加辣，啖啖墨魚肉真材實料，彈牙又入味，同春卷真係夠曬撈檔。貢丸呢部分，我同同事交換咗幾粒，佢哋每粒都保持著彈性同鮮甜，啖啖肉感，完美搭配我嘅米線。傳統嘅港式味道原來可以咁有層次同震撼。🍜揾食唔使煩，嚟南記一碗好湯底米線，加埋喜歡嘅配菜，實惠之餘又得到個滿足感。真係，幾好食，我下次還會再嚟！🌶️

月尾要去食平野，南記一向都係我嘅飛佛，佢嘅酸辣湯底真係好食到不得了，我叫咗招牌春卷魚蛋米粉酸辣湯底，份量已經大碗，酸菜又多，辣度剛剛好，招牌春卷好冧身好好食，品質保持水準，佢嘅魚蛋唔係成日有，有時因為休魚期會冇得供應，難得有梗係要食魚蛋啦好快成碗比我KO咗總括嚟講，$43碗雙併酸辣米粉，我覺得已經好高汁，不能要求太多，真心抵食夾大件，係窮人恩物吖每次都話想食佢嘅辣腩肉同埋牛腩，下個月一定要再食過吖

今日叫左兩個set，一個系牛腩春卷米線蕃茄湯底配生菜豆漿，味道可以，另一碗系腩肉春卷河粉酸辣湯底配生菜，都幾好，今日唔係太多人，都坐得舒服，成$6x一碗比較貴，春卷冇以前咁好食

今日去北角碼頭打算釣魚。結果，36度乜嘢都冇我朋友仲中暑咁滯，咁就算啦，打算食啲嘢返屋企算。然後去到街市旁邊嘅呢間南記粉麵，36度冷氣都唔開，然後個收銀姐姐態度差到貼地，問多兩句好似攞佢條命咁樣，個個客人入到佢間鋪頭好似焗桑拿噉樣連隔籬個彬彬姐姐都忍不住喺度鬧呢度仲熱過菲律賓。（冇講笑嘎👏真係個個客都係度鬧佢啲冷氣仲衰過焗桑拿👏）講完態度同埋環境啦。講下啲食物啦。酸辣粉，唔酸唔辣得個甜。啲酸菜仲多過啲粉。芽菜得兩三條。唯一食得下就係佢買返嚟嘅魚蛋同埋豬扒，叫咗個河粉，河粉就一嚿嚿入邊仲未熟嘅，一個咁嘅粉收我55蚊會唔會太誇張，早知去隔籬茶記歎牛腩粉好過，食完返到屋企屙到而家打咗呢篇食評。建議大家千祈唔好嚟呢間垃圾餐廳食嘢。除非你想36度焗桑拿中暑送醫院或者食完佢啲粉就腸胃炎入廠啦。唔係得一星可以揀，我會俾佢負5星😷😷

今早去油街影相， 影完去好想食好耐嘅南記芫茜米線，之前睇有D食評話好難食，如果喜歡食芫茜嘅人應該吾太抗拒...我叫左芫茜米線+芫茜可樂 (茜樂)，米線有芫茜、2舊炸豬扒、1隻皮蛋、4件炸豆卜及3粒芫茜丸...起初我買時見可加$3鮮芫茜，但當時我冇，到出去攞時見：原來成碗芫茜係已整熟左，變左出嚟賣相同宣傳吾同....湯底有芫茜味， 吾錯，豬扒炸得過火左D，'鞋"同硬了，其他配料都OK....至於個茜樂，我覺得幾得意，有芫茜果D嘅草味，好似飲緊蔬菜汁加可樂的味道...整體都算吾錯...下次應該會加$3 鮮芫茜加強個芫茜味....P.S: 我於9/6/22 去CBY南記再食，加左$3 鮮芫茜，原來都係熟上...吾知係咪要REQUEST 生上架呢？

每次去南記，其實都唔識點樣點餐，反正嗌好湯底，咩餸，咩麵就OK LA。但每次去食，米線個熟度都有唔同，最好食係岩岩熟，有啲彈性個口感。▩招牌魚肉春卷粉感非常重，泡湯食唔會有脆脆口感，但因為腐皮包裹住魚漿，咬落似煙韌口感嘅魚旦▩四寶米線紫菜湯好好食，肉丸好一般▩湯底：清湯因為早幾次同朋友食，都係會嗌酸辣嘅FD，但唔係我喜歡嘅味道。是次之後會揀清湯，加辣醬！Wah~ 成件事好好多！所以次次去都會加▩其他啲服務員個個都同我提，米線冇得要幾熟，因為碗碗都煮好架啦。有幾次都係食到勁林嘅，似泡左好耐熱水咁，可能要留意翻有呢個機率

我好鍾意食南記最鍾情就係酸辣腩肉小窩米線重點推介係走酸菜因為我好怕食酸菜原來身邊好多朋友都走酸真係物以類聚😝辣味腩肉鬆軟惹味獨特炮製方法其他地方食唔到囉真係食極都唔厭裏面好多配菜芽菜 韭菜 腐皮缺一不可湯底嘅肉碎都係神絮當然仲要加魚肉春卷魚肉彈牙 好味必食係南記嘅招牌美食今次加埋貢丸冇乜特別 而且質地太林唔係一級貢丸 下次唔使再叫南記杯凍檸茶都好好飲㗎茶夠香夠濃 檸檬就撞手神囉今次夥計好慳皮 得兩片平時伙記手鬆 會有四五片㗎😉我通常下午茶時間去堂食午餐時間就多數外賣我真係好鍾意食記住係酸辣腩肉小窩米線走酸菜

廿年前係因為南記而開始愛上酸辣小窩米線。嗰陣時都未有譚仔，其他米線鋪仲未大行其道。之後因為南記質素下降左，啲湯淡左，而又有其他選擇所以冇食南記好幾年。呢日去開北角又見有南記，所以買左碗麻酸辣春卷小窩米線加大腸。外賣冇講明都已經幫我米線同湯分開裝，好細心。試過其他米線舖先知道酸辣米線（甚至小窩米線）都唔一定有韮菜，酸菜同腐竹。而今次再試南記小窩米線覺得佢回復番我最初食時嘅水準。湯底唔水，厚身，酸味適中可以話係小小偏甜，但啱我，好好味。冇另加但都有唔少酸菜，甜甜酸酸，少量芽菜，韮菜，肉碎，同埋見到有腐竹！好感動！真係唔可以take for granted! 喺關注組學左點叫先會跟四條春卷😎 春卷依舊好野味。大腸就比較有個性， 一開始只見到大腸碎，仲以為佢唔記得俾我🙈之後見到兩塊好長好似冇切嘅大腸😅好味道，但比較薄身。啲米線就比較淋，唔係爽口嗰種，但外賣嚟講都可以接受。

今日行過北角個間南記，就入左去食個lunch 我叫左番茄湯魚片春卷米線我記得南記嘅春卷依然都係好好食，仲有蕃茄湯啲蕃茄超甜，我好滿意呢間嘅番茄湯啲番茄不過呢間分店嘅位置就較少，可能因為疫情關係，開放嘅位置較少。今日食返，都覺得個味道還好嘅

之前覺得呢間分店啲產品味道都唔錯，耐唔耐都會食一次，但依家啲食物質素每況愈下。湯底唔夠味，米線硬身煮得唔夠透。加上收銀阿姐態度好差!影響對呢間店舖既印象，令我覺得啲食物更加難食。

很多人經常爭論到底喜歡吃南記或是譚仔, 個人認為兩者最大分別是辣味及配料, 最初讀大學時認識南記的是酸辣春卷, 而譚仔是麻辣炸醬墨魚丸, 到現在兩家都既有酸辣又有麻辣！今日lunch time與同事一同叫外賣點了南記麻酸混合湯底, 我想我以後都會選這湯底了! 既麻又酸Perfect! 另外加了兩餸春卷和墨丸更和同事交換了貢丸, 小食多滋味! 如果點小窩米線特別推薦的話更可以選擇牛展、辣豬肉或招牌春卷都好好味啊! 是吃午飯又快捷平價之選!

下午差不多4點左右還未吃午飯，於是和朋友來到南記吃下午茶餐。朋友叫了招牌河套餐，除1杯豆漿外，河粉上有2條南記招牌春卷、牛丸和魚片，味道較為清淡，春卷已沒有以前般的鮮濃魚味。我就叫了一份春卷魚片小窩酸辣米綫套餐，由於湯的酸辣度不夠出也不夠味道，所以要自己加入辣椒醬和紅醋自行調味。下次如買2份套餐，建議大家必須分開購買，這做法才有半份生菜贈送，如一次過購買2份的話，便不能享用此優惠咯。

記得以前食南記係喺上環樓上舖，當時午餐去食已經人頭湧湧非常之難搵位，而嗰陣只係得香港區先至有南記可以食到，直到後期紅磡旺角觀塘都開咗就可以隨時食到南記啦。今日出去北角做嘢，去到渣華道見到南記即時衝入去食，佢最好嘅一樣野係就算朝早去食都有酸辣粉，當然春卷一定唔少得啦，雖然比起以前總店係即炸嘅時候差咗好遠，但係味道講佢係不變嘅只不過係質感食落去唔同咗，而牛展呢不嬲都最鍾意喺南記食㗎啦，因為佢大大塊夠口而且肉質啱啱好，通常我嘅配搭係春卷拼牛展，咁春卷就可以有四條，可惜嗰朝早唔知係咪店員未瞓醒幫我整咗牛展拼春卷除咗春卷係主角之外其實佢嘅酸辣湯底都係一流，好多時出去食都係酸菜唔夠而南記酸菜俾得好足！

係open rice 睇到附近有南記，諗住食返碗南記粉麵啦，超勁失望，呢間南記真心好好好好好好難食，叫左碗墨丸春卷紫菜河，河粉鞋過塊臉、墨丸死實實、春卷有油益味，真係冇下次⚠️