博多拉麵別天神 (已結業)

今日經過灣仔，見到一間博多拉麵別天神。就此入去一試。餐牌選擇不多，只有四樣野揀，豚骨湯麵，蝦味噌豚骨湯麵，餃子，小龍蝦蟹子沙律。我揀了豚骨拉麵和小龍蝦蟹子沙律。一球似雪糕狀的小龍蝦蟹子沙律。用紫菜包住來吃，蟹子好脆，好fresh。湯底奶白色。先嚐一口，濃郁的豚骨湯好味，不油膩。據知這裡的湯是用壓力煲長時間熬製而成，沒有味精。吾怪得D湯咁清甜，喝完都吾口渇。另有溏心蛋開邊，兩塊叉燒，幾多木耳絲。叉燒好腍，好入味。麵軟硬度適中。

今日放咗工之後就去食拉麵。喺灣仔A2出口轉左直行1-2分鐘就到。地點夠哂方便。建議食法有中文同日文的版文：以我所知。日文文型無錯。同中文版的意思一樣。 下半部分就係介紹唔同食法。食物今次我叫左別天神set（$105）。呢款拉麵係九州拉麵：麵比較幼身，而且麵都幾長；食落又滑又爽。玉子賣相好靚，蛋黃為橙黃色，仲有蛋汁：當蛋黃黏稠嘅口感，令人欲罷不能：豬骨湯底嘅好深色，食落去有好濃嘅豬骨，感覺好實在。個湯一定煲咗好耐。木耳絲粗幼均一，食落去好爽口。餃子由於我叫嘅子係set  ，所以有四隻！如果叫淨餃子就35蚊6隻。入面有豬肉同菜，食嘅時侯有肉汁滲出嚟。餃子好薄而且煎到金黃色。餐廳餐廳內擺放了唔同嘅調味料：上層有蒸蓉、芝麻、荳芽：下面有七味唐辛子、薑絲同餃子汁。餐具佢地嘅筷子係天然無漂白筷子。夠哂特別。餐廳外擺放了餐牌，可以俾客人選擇。服務：侍應姐姐好友善先落單俾錢後上菜。當我食完後就問佢點處理，佢話擺低就可以。語氣好溫柔。就係呢個服務態度就想食完呢次再去多一次。

在灣仔返學，匆匆吃個快飯，見到這間拉麵店便豪不猶疑地進去坐不來。裝潢設計有日本拉麵店的風味，店裡只有十個左右座位，打開牌餐牌，麵和小食共只得四個選擇，貴精不貴多，大慨是店家想專心製作和專注對待每一個客人呢。 桌子上有辣芽菜，七味粉、芝麻和蒜蓉等等..食客可自行加入拉麵同吃，桌上亦有指引再作出什麼配搭口味，幾得意。 我點了一番個蝦味噌豚骨拉麵+小龍蝦蟹子沙律套餐 ($115)轉個頭已經上菜了一上枱蝦香味已紅一湧而上，碗面堆滿櫻花蝦乾，另外有粟米、蔥花，，叉燒及溏心蛋，蝦味和濃郁豚骨味很融和，增強了一份鹹鮮味。麵質煮度適中，彈牙煙韌，叉燒肥瘦剛好，滷得好入味。這裡的豚骨湯長時間熬出來，沒有加味精，喝多兩口亦不會很口渴吧！ 而套餐的小龍蝦蟹子沙律則小小一個雪糕球的大小，但混著很多小龍蝦肉，裡面的蟹子亦脆卜卜，用附送的紫菜卷起一同放入口裡，作開胃前菜確實不錯呢！。

好吃的拉麵店絕對是不用太多款式, 博多拉麵別天神在香港不止一家分店, 雖然店鋪雖小/拉麵款共兩款, 但依然吸引一批食客光顧除了散點拉麵, 可以選擇套餐, 套餐可以選四隻餃子或小龍蝦蟹子沙律, 如果套餐, 拉麵會多一隻半熟蛋小龍蝦蟹子沙律, 賣相如雪糕球般, 配上六塊紫菜, 先夾著一小份入口, 蟹子卜卜聲, 小龍蝦是一條一條混在沙律中, 份量比例多, 沙律帶輕輕的wasabi 調味, 口感滿分, 無論是淨食或是夾著紫菜食, 同樣美味蝦味噌豚肉湯麵, 湯底以豚骨及純水熬製, 所以質感不會水汪汪, 加上櫻花蝦帶上鮮味又不會蓋過豚骨味, 濃濃的口感, 難以抗拒, 喝完白湯後再來一啖拉麵, 每條拉麵完整沒有散修修, 口感適中, 這碗拉麵絕對令我一啖湯一啖麵如果重口味者, 可以按照店鋪資料七味粉+辣芽菜, 芽菜有咬口, 辣辣地, 為免影響原汁原味, 所以試左一啖麵加芽菜, 實屬惹味拉麵跟上粟米粒/香蔥, 一隻一開二的半熟蛋, 有流心效果及肥瘦適中有肉味的豚肉兩塊, 對女生來說, 絕對飽肚店內有提供紙巾, 冰麥茶或冰水, 跟日本拉麵店是一模一樣不得不讚的是, 店內只有一名員工, 一人要色演多個角色,

日式拉麵最著重湯底，湯底會影響整碗麵的質素。其實香港好多標榜日本風味，往往都末如理想，欠缺知識，熟練和熱誠。灣仔有一兩間拉麵店我認為值得推介。今晚順路經過，一於嘆番碗先回家。每次食拉麵我喜歡簡單的味道，不用太過花巧，豬骨原味。湯底濃稠用心餚製，有漿口感覚，充滿骨膠原。麵條爽彈卦湯力強。流心蛋效果好掂，蛋香四溢。义燒薄薄的不嚡口，不錯👍。小龍蝦蟹籽沙律份量剛好。每啖包含鮮味，還有絲絲龍蝦的質感，口感豐富。

今日放工之後到灣仔上堂，所以要獨自食晚餐，考慮了很久都未想到應該食什麼。一路行到地鐵站，想起一個人最適合食拉麵，所以就到了這間在地鐵站旁邊的拉麵店。我點了一份蝦味噌豚骨湯麵套餐，有一碗拉麵及一份小食。點套餐是比較划算，而且比分開點多一隻糖心蛋。這家店標榜沒有味精，還有自行添加濃味推介，所以我在等待的時候，有一刻擔心過拉麵會淡，但這個真材實料的拉麵毋須味精或自行增添調味品。湯底很濃厚，蝦味濃郁，不油膩亦不會過鹹。拉麵麵質幼滑，軟硬適中。配料包括叉燒、葱粒、紫菜及糖心蛋。叉燒不肥膩，重肉味，質感結實，但不會嚡。糖心蛋的味道淡了一點，要沾點湯一起吃。小食餃子味道可以，餡料比較鬆散，是一般日式餃子的口感。店家提供不少調味料，我嘗了一些芽菜，非常辣。我覺得拉麵不用額外調味，但可加一點芝麻，為美味的拉麵再增添一種香味。

又到上課時間，上課前吃的晚餐總是隨隨便便，今天襯新科目開課第一天偷閒吃個Quick Dinner全場只有十個座位，提供兩款湯底拉麵，分別是豚骨湯和蝦味噌湯拉麵。食客可選擇性單點或配小食套餐，另有少量飲品提供，或可飲用免費茶水。這裡標榜豬骨以純水煮成濃湯做湯底，不加味精，想拉麵湯底更有層次變化可利用桌上調味料： 蒜茸、菜甫、芝麻、七味粉、薑這次我點了套餐，加配了一份小龍蝦蟹子沙律，每份沙律均配有五片原味紫菜。主角我選了蝦味蹭湯底～首先喝一口湯，湯底很濃郁，有少許膠質，卻不會太肥膩，重點是吃完不會有口乾舌燥的感覺。曾經聽過有人對味精敏感，一吃到味精重的食物會有過敏反應—頭痛、出紅疹、口乾口渴等。但吃這碗相信不會有問題。拉麵上的溏心蛋有畫龍點晴的作用，這顆蛋有很漂亮的流心色澤，而且平常吃到的溏心蛋是較重口味，這類的還吃得到雞蛋的鮮味，跟無味精湯底很夾。而配菜叉燒有兩片，厚厚易咬的。吃罷拉麵，只需將碗連盛麵的盤子一拼放到櫃台上，師傅就會收拾好很欣賞店子善用每個角落，在櫃台上方設有紙盒裝紙巾，客人只要遞高手就可以取用，非常方便。而且提供的面紙還不是雜嘜呢！

今日行過見肚餓，呢間咁啱唔駛等位，入去食囉住下就見有水自己斟，好有日式FEEL睇左一輛餐牌，叫了個最普通的招牌拉麵等拉麵其間，冇野做周圍望，灣仔真係十年如一日的多人，仲間中聽到叮叮聲拉麵到啦，嘩，好多蔥，成坐山咁，首先試下湯底先，豬骨味濃，合格麵是幼身的，都好彈牙，正

我揀咗個豬骨湯拉麵啊，絕對冇伏。糖心蛋煮得啱啱好， 有少少甜幾好味。食拉麵我會用匙羹「不」啲湯一齊食，滿滿嘅膠原feel，又香又濃郁。叉燒份量好夠，抵食，好飽。係呢一幅圖裏面我冇撈翻上嚟姐配菜：木耳～我都食晒架，因為浸湯浸得好入味介紹吓我覺得超高質嘅小食唔記得咩名🤦🏻‍♀️因為我第一次來呢，唔知道點樣食法。跟住我見到啲紫菜我先知道⋯⋯原來係包住嚟食架，係超級好味！！有兩款餸：餃子同埋呢一個，強烈推薦你食呢個！肉：小鹹 小甜 好鮮味 配紫菜 好味過所有壽司😍😍

I was walking along Wanchai, looking for food to eat for lunch. I have a sudden craving for ramen and since i was alone, it was easier for me to find a seat. After walking for a while, I walked past Betsutenjin and there was a short queue forming outside. After waiting for around 5 minutes, I found a seat. It was a small ramen store, able to seat around 10 people only. Their menu was very simple and no-frill. It only have 2 choices for ramen and 2 side dishes. They even claimed that their soup d

今晚同朋友去咗呢間"別天神"，铺面雖比較细，但食客卻人來人往，都好正架！裡面嘅拉麵款式雖然唔多，但一樣咁有日式風味，一樣咁足料！首先，我地叫咗兩個拉麵套餐，「豚骨拉麵」配料有紫菜、粟米等。湯底味道鮮味濃郁，滿有黑豚肉味道，而且大大碗，真喺可以兩個人分享一齊食添！另外，拉麵套餐可配置小食，我就叫咗一碟餃子，外皮十分爽脆，而且唔太肥，份量都可以share兩個人享用嘅！仲有叫咗「龍蝦湯豚肉拉麵」，湯底味道較濃郁，選用嘅配料亦豐富，價錢合宜，唔算太貴，而且拉麵都好彈芽，值得一試架！還有特別嘅係，每款日式拉麵都配有溫泉蛋，除左賣相吸引，味道亦唔錯呀！

澳洲嘅朋友難得番黎香港 緊係要聚一聚舊 佢最鍾意食日本野 經過灣仔見到呢間拉麵店 唔諗甘多就入左去 畢竟同朋友聚餐食物質素都係其次 身邊嘅人先係重點 估唔到味道有驚喜.我同朋友各自點左一個套餐 有一碗拉麵同埋一款小食 百零蚊一個餐 價格可以接受.拉麵主要有兩個選擇 分別係蝦味增豚骨湯同埋豚骨湯 我鍾意特別D所以揀左前者 加左櫻花蝦多咗陣鮮味 唔會死鹹 湯底好濃郁但係又唔會太肥膩麵條比較幼細 食落爽身 糖心蛋入邊係半熟加埋湯好美味 叉燒有兩大塊肥瘦適中 讚！.小食方面 有餃子或者小龍蝦沙律 我揀左小龍蝦沙律 有啲紫菜伴碟 用黎加埋啲沙律食嘅 小龍蝦好彈牙 沙律醬入邊就係有啲Wasabi味 有少少攻鼻但係又幾特別喎 朋友嘅餃子皮幾薄.雖然餐廳地方細細 得吧台位置 坐滿都只可以容納十個人 逼逼地但係感覺好日式 而且廚房呈開放式設計可以望到師傅煮麵 食得好有風味

灣仔莊士敦道地下有一間拉麵小店， 裡面既風格跟日本很相似！紙巾放位，高檯靠近大廚，飄來陣陣濃湯香味！拉麵一到，睇到麵質，飲啖湯，已知跟日本的很相近！幼幼麵條，麵質唔淋，爽身得黎有口感，唔會有膩感，就好似去日本食極都唔飽的感覺！溫泉蛋既點綴，蛋芯生熟參半，蔥、木耳、粟米配料份量又剛好，紫菜浸浸湯就最入味！ 期間限定蝦味噌豚骨湯真係超濃蝦味，飲落湯底超厚味道，絕無多餘油脂了解之下，係師傅每早用壓力煲長時間熬製，不含味精，真的好有質素！即場製作超濃白湯，100%豚骨及純水調味料有七味粉、自家製既辣芽菜！超香蒜蓉，蒜蓉都落了好幾轉薄皮餃子，滿滿餡料！用脆脆紫菜包住啖啖小龍蝦蟹籽沙律！粒粒蟹籽，好喜歡這種清新感！

放工跟男友來到灣仔買野，肚餓就去了附近的日本拉麵店用餐～男友特別喜歡食拉麵，這間也食過不錯，原來宜家灣仔都開左間新分店，唔洗行到銅鑼灣食啦！拉麵店同樣跟銅鑼灣店的細小，座位比較少，以吧枱型式的設計，開放式的廚房可以看到廚師在入面煮食的情況，期待著美味的拉面上枱！拉麵店的只有兩款風味的拉麵選擇，湯底主要以自家製的超濃白湯豚骨湯底煮成，不含任何味精！這裡有提供飲用水，可以自行飲用不另外加錢～而座位前都擺放了各款的調味料及建議的食用方法，除左本身的湯底味道之外，仲可以自行調較自己喜歡的味道～我們各自點了一個拉麵套餐，可以選配一款小食，小食也只有兩款～蝦味噌套餐（HK$115）即叫即煮的蝦味噌豚骨湯麵落單後也很快送上～一碗熱騰騰的拉麵，經聞到陣陣鮮蝦的香味～上面有少量櫻花蝦乾，也是這碗拉麵的靈魂，超香超鮮味～而湯底是以豚骨湯底為主，不油膩但味道好濃郁～旁邊配有蔥花、栗米、叉燒及半熟蛋等配料！叉燒肉質嫩滑，薄薄一片好易咬開，亦都好入味～而拉麵麵質好煙韌，軟硬度適中，好有口感，份量亦足夠！而套餐就配上煎餃子4件，餃子餡是以豬肉及韭菜為主，薄皮餡料多，不會過咸，沾上餃子豉油十分不錯！

中午和友人到公司附近的拉麵店吃。別天府是連鎖店，之前我也有和父親吃過太古的分店。灣仔分店位於地鐵站旁，位置非常顯眼，但店面不大，少於十個座位。但這小店設計卻很別緻。吧枱座位圍著廚房，紙巾亦很巧妙地置於上方，不會佔用枱面少少的空間。枱上有不同的調味料供客人自己調配。我最愛右上角那個辣味芽菜呢！餐牌選擇不多，只有兩款拉麵和兩款小食可供選擇。我和友人全部四樣都點來試試。小龍蝦沙律。這是冷盤，小龍蝦肉爽脆，但沙律味很濃。紫菜上桌時已經半淋了，若能脆一點會更好。紫菜包著沙律吃就口感十足！日式煎餃。我見店員用即食餃子加熱，煎的感覺亦不夠，更像是蒸餃。豬骨濃湯拉麵。湯底濃郁，蔥花清香，木耳脆口！塘心蛋很好吃，蛋醬流心，蛋白軟軟咸咸的。叉燒大大兩片非常足夠，而且肉質軟軟的。這櫻花蝦拉麵，與豬骨湯是同一湯底，但多了蝦米味。配菜亦差不多，少了木耳但多了粟米。粟米甜甜的，但我更愛木耳的爽脆。順帶一提它的麵種是幼麵直身麵，比較少彈性和咬口。不過直身麵不會拖起太多湯亦不會太咸。題外話，今天是爸爸新曆生日，吃碗麵順帶幫他慶祝呢！