博洛尼亞 (已結業)

終於的起心肝再寫食評繼續沙田區搵食今次黎食麵包出名的博洛尼亞兩個人, 唔太肚餓, 所以叫左一個餐就算整體黎講食物質素可以, 麵包尤其出色, 叫左個餐係有意粉同牛扒不是說不好味, 而是意粉來說, 跟意粉屋差不多牛扒可以話大家樂水平味道可以接受, 但未見驚喜 二人一餐, 冇記錯係under 200埋單, 應該不會多去其實今次應該係第三次去, 感覺有點每下愈況.

上星期六同朋友去左沙田，朋友話佢同事係沙田食過一間餐廳好吸引，好想食，搵左一輪都搵唔到，之後去客戶服務問先知原來我地冇搵錯地方，不過要再轉入去先見到！！坐下就睇餐牌，餐廳環境幾舒服，我地分别都叫午攴，同樣叫洋蔥湯跟沙律，朋友食煙三文魚意粉，我食蜆肉意粉，碗洋蔥湯好好飲好甜呀!有些洋蔥絲，正呀!！沙律係麻醬伴椰菜絲，有少少蕃茄粒，椰菜絲切得好幼，加埋好香的麻醬一齊食好好味，好有咬囗，good!! 跟住係多士，麵包係呢度的主打，好香好好味，少少酥皮的味道，加埋牛油一齊係好好的配撘！！我跟朋友的套餐分别係我係多士及意粉係分开上的，朋友係全份上，賣相靚d，有半隻奇異果，士多啤梨，煙三文魚意粉好多三文魚架，好好味喎，意粉唔油几乾身，夠爽口彈牙，好味！！我的蜆肉意粉都好多蜆肉，好香好爽好味，都係一樣乾身唔油的呀!包一杯飲品，這個午餐原來晚上都係一樣不過要貴几十蚊，咁樣就好唔抵啊!我們走後朋友話想買麵包，呢度有外賣麵包的，但係仕应真的有点不想做你生意的態度，全程黑面，冇咩反应，其實我們係入面食嘢佢加水的態度也好差，好大力將隻杯放回枱上，服務有待改善！

日日帶飯悶悶地，今日同同事早左半個鐘過新城市食飯落到最低層 見到哩間有SET LUNCH 而且都唔過$100 就入左去食午餐有主菜+多士+餐湯/SALAD+飲品 雖然好抵食 但我覺得太多 可能我唔多鍾意食到飽飽濟濟咁做野乾淨企理的餐具同糖 坐O係度都舒服D餐湯係甘荀粟米忌廉湯個湯唔會敷衍 好CREAMY我的鮮白菌忌廉雞肉長通粉哩個長通粉應該唔難整味道CREAMY =] D汁既濃度剛剛好 亦唔會過鹹這是朋友的意式石斑配田螺飯我見個飯好似幾吸引，”不”左少少黎試我地同樣覺得哩D珍珠米好好食 加埋D田螺好特別好香 好有意式軟飯既味道塊魚我就冇試 不過賣相都已經唔差朋友就加$23轉左哩杯天然玫瑰芙蓉花茶雖然D色有點兒接受唔到 但朋友話杯茶酸酸地 好香好清新店員話哩杯茶可以養顏 哈哈 啱哂我哩位貪靚的同事食完主菜飲返杯清茶清下腸胃繼續工作都不錯 =P 哈 唔想咁齋飲咖啡同茶，所以我加$12轉LATTE杯LATTE一上台就覺得轉得抵因為只係睇LATTE上面既拉花都已經好開心=]有外在都有內涵 因為奶同啡的比例配合得好好 而且好滑

平日路經沙田順道午飯,要不是天氣太熱真想走到盛記找找B哥,最後懶筋發作還是留在沙田市廣場搵食好了。平日下午的沙田市廣場人流仍多,比起摩肩接踵的週末已是非常輕鬆,週末通常一位難求的底層多間食肆也沒有滿座,尤其位處邊陲的扑落黎呀更為清靜,不用等候就可入座,太爽了;沙田店雖沒有尖沙咀店無敵大海景或近日大熱的叮噹(多啦A夢不是我年代的)作主題,落地大玻璃窗仍然有點開揚感覺,雖然只是車來車往的景觀仍算得是舒適的。侍應送上開水及幾張餐牌,還有一張是早餐餐牌,只可惜不是沙田居民,特意來吃個早餐實無可能,望望精美照片當吃過好了!桌上還有以小黑板手寫的是日推介,只是這款黑板推介沒有包括麵包的,在這裡不吃麵包實在有點不對題,結果還是在幾款有麵包的午餐中選了其中一款。雜菜湯和忌廉湯中選了後者,看似純白忌廉湯中有著不是粒粒,那位廚師的手藝那麼差?可以將湯煮成那麼多粉粒?品嚐清楚後原來是粟米,正確一點是忌廉粟米湯或粟米忌廉湯也可。濃稠適中的湯底泛著粟米香比忌廉味更重,幼滑湯底中有不少已打成蓉的黃粟,微甜粟米味為有點奶香的湯底加味,只是溫度不太熱的,還算得蠻好味的白湯。一小碗沙律在餐湯未完成時已送到,多快!切成幼

子健即將調職，工作地點不定，所以趁我們都還在沙田附近工作時吃個飯。不少人推薦博洛尼亞的麪包（尖沙咀博洛尼亞的叮噹記憶麪包吸引了驚人的蛇餅），於是便過來了。由於只對那兒的麪包有興趣，所以放棄套餐（那些隨餐餐湯、沙律、甜品、餐飲甚麼的大概也不會有甚麼驚喜，所以我就pass了）而散點了蛋治（當前菜沙律）、明太子意粉（當正餐）和朱古力西多士（當甜品），務求用盡quota試麪包。蛋治配以一大堆薯條薯條普普通通，勝在是熱的，感覺新鮮，又有一枝茄汁提供，也算滋味精彩的當然是蛋治81層的丹麥麪包鬆軟度果真非同凡響包面抹了牛油所以很香包邊甜甜的也許有點蜜糖烘熱了的香口鬆軟麪包配以冷碎蛋沙律，冷熱對比更能突顯兩者各自的特色明太子意粉是有水準的（就是正常日式咖啡店的意粉水準）跟丹麥麪包一起吃的口感也有趣但在吃過蛋治後便不覺得有甚麼特別沒有評價的價值倒是伴碟的那半個奇異果值得讚許：熟度剛好，而且少見這種伴碟（其實一點也不花功夫，只是切半個奇異果上碟），效果不錯最後的朱古力西多士其實是花了最多時間選的考慮到在多士上放雪糕的那些，只是薄薄一塊多士也賣近HKD80那我為何不加多HKD20去Holly Brown吃D

早晨啊！博洛尼亞原來有早餐，冇諗過law. 唔係啊爸漏咗嘢係屋企叫我幫佢拎落去大會堂，我都唔知佢地咁早就開。一個食早餐又好悶嘅，打電話叫埋細妺落嚟食 ^•^我叫咗煙三文魚炒蛋多士，細妹叫咗個超值早餐A。炒蛋好滑，加上三文魚嘅香味，配搭得好好。超值早A都配搭得好好，雖然有炸物，但有沙律，炒蛋，玉米，多士。豬扒食得出係新鮮做的因個皮好脆。其實佢個早餐真係ok 抵食，份量唔小，有餐飲，有最新報紙雜誌睇又有人serve.不過可惜啊，我一年都未必有一日咁早起身食早餐，後會有期啦菠蘿梨 (我地沙田人好多都係咁叫 Bo-Lo'GNE)

依家已經好多地方有呢間麵包店佢既麵包真係做得幾出色日式+西式既combination 仲好引人入勝想拜會我既至愛carbonara 同埋麵包仔要個set 就最好不過麵包香脆又甜甜的，依舊美味Carbonara 夠晒creamy 咖哩唔會好辣但都有陣咖哩香仲配埋香脆既吉列蝦我地加左$45 變set，即從湯/ mini salad/餐飲同甜品 四樣選擇兩樣Green tea 沒有奶，原來叫凍的幾難飲Blend coffee 就幾香但無咖啡味呢有脆脆伴雪糕，朱古力同綠茶一樣吸引

今日到沙田分店換取$1 團購麵包，原來博洛尼亞除了賣麵包外，還有堂食的，決定試下。1:15 來到餐廳已經要等位，可能是星期五加月頭，幸好只是等了10分鐘左右。餐廳是開放式的，有大大的落地玻璃，可望見沙田大會堂的園境，在繁忙的午巿中有一種很舒暢的感覺。點了一個午餐，蜆肉香草意粉，香草不是一個完全正確的名字，因他是用Pesto sause 的。Pesto 的味度是很特別及濃郁的。要挑剔就挑剔意粉食到尾段比較多油，不過這應該是用Pesto 的原因吧。除了意粉外，餐還有湯或沙律，麵包及飲品。最後用HSBC結賬，可有85折，整個午餐埋單不用$75。十分超值。不得不提，原來博洛尼亞的麺包是很好食的。我再買了2片麺包走。店員很用心講解他們麵包的造法及最佳食用方法。見他沒有穿制服的，可能是老板吧，很後生，年青有畏。努力吧!

又到happy Friday~放工當然要同朋友食餐飯先捨得返屋企啦=]朋友揀左去沙田~因為新城市廣場夠哂多野食~我地揀左食西餐~哩間店之前都聽聞過~由中環既小店開到沙田~剛剛見到or先知原來銅鑼灣都開左新店呢~哩度既設計十分open~感覺好自由~一d焗促感都無~店員遞上餐牌，第一個吸引我的是那份「醉人晚餐」~因為有我最喜愛的黑松露!!最好的黑松露係可以提昇食物的味道~而且果種香味可以留在口中久久不散~這碟菜上枱果一刻唔係即刻食!!(亦都唔係即刻影相) 而係聞一聞~這裡的黑松露絕對乎合我的要求~再配上大大粒日本帶子~一流!!!!朋友就點左一個海鮮錦盒~用佢地最出名的麵包整成一個盒裝住咖哩海鮮~我沒有試~但朋友說當麵包遇上咖哩絕對是不錯的配搭~我的意粉跟餐送湯、多士及飲品~其實我第一次食這裡的多士~唔洗我多講，睇其他食評就知這裡的多士係品質保證~飲品我轉左益力多檸檬~酸酸甜甜感覺好醒神~第一次試這間餐廳感覺不錯~服務都算好~起碼要咩有咩~下次一定要再試下佢地的星級晚餐=]

酷熱天氣驚告生效 ，沙田大會堂做完嘢當然去新城市涼下冷氣啦。又唔想食中菜，最後去咗博洛尼亞，聽講啲麵包好得。 3：30 前有Lunch 食，佢有兩個daily special 好吸引，但係最後都係 lunch menu 點了兩個lunch. 個lunch set 都好豐富，價錢一?都唔貴，$70-98，有湯或沙律，博洛尼亞麵包，主食，飲品。 湯可以選野菌茸湯或意大利菜湯，我地點了野菌茸湯。呢個湯好有誠意，唔係好似出面?白湯咁用麵粉打，佢?湯係用野菌打容再做，今到個湯?texture同香味都好凸出。麵包好利害，好香，好鬆化，食過之後我唸好難食反白包主食叫咗香蒜煙肉鮮茄意大利粉同照燒鴨胸配抹茶御飯。意大利粉簡單得?好好食，好食係邊？出面?意粉好多夠熱但太淋，一係就軟硬度適中但唔夠熱。呢度剛剛好取得平行。份量都好好，係味度扁偏談，不過時下要健康飲食，自己調下味都好。個抹茶飯好得喎，我係出面未食過。問waitress 點整，佢話師傅先用抹茶粉炒香個飯，再用蒸氣燆番軟?飯。抹茶令到一個平平無奇?飯變得出色！讚！食完飯仲有餐飲，我叫?杯Green Tea Latte，睇食評比星巴的還要好，果然沒

前菜沙律特別調配既醬汁, 好開胃辣汁蜆肉意粉味道有層次, 唔會太鹹太辣而且夏天食少少辣, 可以促進血液循環特別喜歡sidedishes: 奇異果&車厘茄~ Fresh ^^朱古力雪糕不過不失~~ 勝在心形曲奇有心思!

試過一塊丹麥包後, 一直都好想黎食, 五點左右, 不用等位原先打算一咸一甜的, 可是覺得甜的沒咸的吸引, 於是叫了三文治跟意粉, 拿破侖意粉味道偏濃, 而意粉軟硬適中, 將意粉乘在鬆軟微甜的丹麥包上一併吃下, 十分美味!!照燒雞扒三文治, 麵包夾著生菜和雞扒, 配上燒汁和沙律醬, 是一流的組合 而且雞扒蠻厚的呢!雖是略貴, 但還是值得推介!!

很長一段時間沒有寫食評了, 我應該勤力一點, 再度把最愛的麵包與蛋糕分享給知心人…幾間分店的博洛尼亞我也試過, 由set menu的意粉到漢堡包及三文治亦嘗過不少, 但自從沙田開店後, 我習慣外賣法包及丹麥麵包回家, 因為麵包始終是我的最愛, 加上可以自製成多士或各式sandwich, 也覺得水準最穩定啦!其實麵包款式不多, 除了最有名的丹麥麵包外, 我每次總不會錯過raisin walnut及prune walnut bread, 材料份量很多, 充滿整個麵包之中, 而walnut是較大粒的那種, 略軟身, 不會有苦味, 加上西梅跟提子都是甜甜的, 與麵包味道很夾, 是挺易入口的. 不過, 我大多會先烘過才吃, 因為會變得香脆, texture更好, 否則會覺得太難嘴嚼, 也有朋友可能會覺得乾, 但我能接受. 此外, 我也愛吃有粟米的一種, 法包密度依舊很高, 充滿氣孔, 簡單而美味! 簡單的圓法包, 也是不錯的選擇, 吃的是純粹的麵包香, 有口感的texture, 只配上一杯latte, coffee或chocolate, 已成為我美味的一餐呢! 喜歡甜的, 有很多danish可供

往事只能回味~!水準不及當初(年頭而已) ?!當初熱切歡度迎新店, 可惜守住水準真是困難嗎?!哎~ 就連咖啡都走樣啦~現較為"行"貨, 可能是流失客路的主因 (我們亦無心機留下來, 馬上另找食店再吃!)"超小"羊架質地 / 調味尚可 , 但意粉過火, 黏口又量少, 賣相焗促無細心修飾舖排, "堆"在細碟上的食材嚴如執趕時間自助餐樣子 !!soup & bread are not that warm & fresh~是晚以 $185 食全份晚餐, 是否有點過份"食水深"?!可是實際上可能是出品的質量極有改善的空間:唔敢再來?!瞥見此處人丁單薄, 純粹以為是閒日及價格使然, 與好朋友相約看畢卡索展覽, 特意訪尋較安靜的角落 ,

去睇畢卡索前, 先黎呢度TEA一TEA先打開MENU, 發覺呢度既野都唔平BOR 不過一場黎度, 就試下都無坊啦照燒雞扒三文治: 先講麵包, 真係好好食, 好鬆軟, 好香, 有適中的甜度; 照燒雞扒夠JUICY, 肉質嫩滑, 兩樣加埋真係好好食玉桂蘋果配雲呢拿雪糕: 玉桂粉好多, 聞落好香, 但食落味道就唔多濃, 蘋果酸甜味清新, 加埋香濃的雪糕同埋無敵的麵包, 正!!雖然價錢係貴左DD, 但係味道環境都係幾好, 值得幫襯.