古早味台灣原味 (已結業)

今晚和媽媽撐檯腳，於是就去找下中式嘢食，在銅鑼灣行行下，見到呢間台灣嘢，媽媽好耐無去台灣，於是就上去試下先，等媽媽懷念台北味道，再次同我去旅行，哈哈！一上到去，就發現好多後生仔在食飯，成個氣氛都好正，安排坐在裡面的二人桌，早少少到就應該有窗口位，望住街食會仲有feel！餐牌內有好多不同的款式，小食都有兩大頁，真的都幾難選擇，那些相又相當吸引，於是叫了一個宜蘭卜肉和蝦餅，上到嚟的時候，和張相的賣相又堅係差唔多，而且味道都不錯！之後，食台菜就當然來個炒米粉，咁就試到廚司正唔正宗，但又見到鄰桌的櫻花蝦荷葉飯好好樣，於是叫埋嚟試下，米粉又真的好正宗，好食過在台灣食的，媽媽都好滿意！然後個飯嚟到又係一個驚喜，好香好好味，以為係飯但原來係糯米飯，好喜歡那味道，不錯！食的時候又真的幾有台灣味，下次掛住台灣時，都可以嚟食下！

Fatbrown 同女朋仔一向鍾情台灣野，一有假期就會即plan 個短trip去台灣轉個圈妹耐無去台灣喇，突然好懷念台灣菜的味道，唯有系香港揾間台灣野過下口癮頂住先喇位於銅鑼灣中心地帶的古早味台灣原味裝修偏昏暗型格，銅黑色的燈光令到呢間台灣菜館添上現代感<嘉義雞肉飯$58>份量唔算多，Fatbrown 其實可以啪多個都仲得，雞肉採用手撕雞，肉質尚算嫩滑，連雞汁撈飯食，香噴噴咁好正不過略嫌真系細份左少少<麻油雞麵線$75>麻油雞麵線的麵線同系台灣食的唔同，台灣的偏向糊狀，而古早味的麵線偏挺身彈口，個人有少少失望，可能系本身expect 真系會食到台灣風味的緣固麻油雞得一小件雞塊，唔夠過口癮，而且麻油味欠奉，七十幾蚊咁的質素實在系唔抵<醉雞捲$88>碎雞捲好重酒味，鍾意酒味的朋友大可以一試一客大概十件，份量極多，每件醉雞都好大塊肉質鮮嫩得番唔鬆散，食兩、三舊個雞仔都飽飽地Fatbrown 同女朋友最後都食唔曬總括而言，古早味的小食遠勝主食但系價錢確實偏貴，台灣野都系環系台灣食先抵

今年都未有時間去台灣旅行，又掛住台灣既味道，今日特登搵台灣野食下先得。黎到古早味，好，坐底睇下有咩好食先。麻辣豬耳，豬耳好爽脆，有少少麻辣味，因為有別於四川麻辣，台灣唔會過辣，啱香港人口味。古早味牛肉麵，刀削麵爽口彈牙，亦到沾到湯底既味，牛𦟌厚肉有咬勁，食落仲好有牛肉味添！黑糖薑母雞翼， 呢個好特別，除左雞翼外皮炸得酥脆之外，個黑糖薑母汁係靈魂，個感覺好似飲緊黑糖薑母茶咁樣，甜度辣度啱啱好，正！黑糖珍珠鮮奶，簡直係黑糖控，平時岀面飲既黑糖珍奶一定係凍既，呢度有熱既，一定要試。呢度既熱飲係爆熱，可能同隻杯有關，個熱度保持好長時間，其實識飲一定飲熱，因為凍飲會降低味蕾感覺，而且冰塊溝淡左個味道。呢杯熱飲冇令我失望，好香好滑既奶，而又飲到黑糖既香甜，而且個鮮奶放左一陣係會起皮，証明唔係奶精，超超超好飲，不過珍珠就軟左少少，少左份咬勁！

今日約左舊同事係銅鑼灣見面 去左京都廣場諗住多餐廳比佢慢慢揀 西餐唔岩口味 又怕生冷熱氣野 台灣菜就成為最好選擇 上到呢間餐廳 一出電梯見到黑色佈局 中間大大個餐廳名 下面擺放幾個台式飲品店見到個d壺 有種神秘感 佢一睇餐牌就話好適合佢 原來佢係午餐內見到牛肉麵二話不說就選擇左佢 而我就要份古早味乾撈麵呢度可以用半價加小食 每個餐可加一份 我選擇咗呢個花枝蝦排 朋友就決定揀多一份醬汁煮牛肉配佢個牛肉麵我份干撈麵午餐滷肉肉配滷蛋跟粗麵 汁醬調校得非常好味 作為干撈麵靈魂真係非常稱職 同事份牛肉麵午餐牛肉嫩滑唔會鞋口咬唔到 湯熱辣辣有甜味麵身爽口唔會煮到淋晒 佢好滿意話我揀得好 之後我個花枝蝦排都送咗上嚟 炸到非常之脆 本身同事話好怕炸嘢食都忍唔住食咗一塊個皮好脆口 入面嘅花枝蝦滑都好仲係軟得黎又爽口 口感唔同好假個種丸個醬汁煮牛肉份量超多 仲好好味 係微微台式麻辣味 同事食左好多塊都仲讚讚讚 我地仲叫左綜合芋圓甜品 熱辣辣天氣就是要吃冰 佢有仙草 紅豆 蕃薯圓 芋頭圓 又係好食之作 推介另外呢到侍應都幾好禮貌 雖然餐廳都幾忙 但坐得好快比水餐廳 舉手點餐都好快留意到

同朋友係附近行街 經過京都廣場就諗住食呢排好耐無食的台灣菜叫咗兩份午餐分別係古早味乾撈麵同埋古早味牛肉麵 套餐會包咗小食三款同飲品一杯朋友揀咗茉莉綠茶而我就選擇加多十蚊叫咗杯紫薯黑糖飲品 首先飲品嚟咗先 我個杯紫薯黑糖飲品真係超有驚喜 簡直可以同出面台式飲品店可以媲美 加十蚊真係超級抵 一定要推薦大家食餐要轉飲呢個黑糖珍珠非常堅韌 同埋紫薯食到一粒粒 唔錯唔錯 轉頭食物就嚟啦 我個干撈麵其實就有一啲好似滷肉咁樣嘅肉碎之後就隻滷蛋 另外我做粗麵配搭埋啲汁 啖啖都好味 味道好似台灣食到嘅滷肉飯 轉頭同事個牛肉麵都嚟咗 佢即刻就飲咗啖湯話好正 牛肉都唔少 而且幾厚身 非常滿意 佢話連跟餐小食都非常好味 有少少辣香味

晚餐黎到古早味澎湖台灣紅磡分店1️⃣酥炸雞扒麵麵既質地麻麻湯都唔係牛肉麵湯好清。好想要牛肉麵湯底值得一讚係塊雞扒真係新鮮炸出黎好脆口又唔會成口油雞都唔會太肥好好食呢個。值得一叫2️⃣炒麵（友人叫既所以我唔記得全名）上台顏色好靚好香食落口都唔錯丫不過香港味重過台灣味啦呢個小朋友冇扭都食左一碗即係真係好食既而且真心炒得好香即炒出黎好正每人60-70 蚊左右唔算好貴而且環境黎講真係唔錯卡位放得落4 大1 細服務都好好一叫即幫忙上菜時間都好快

個日三點幾喺銅鑼灣見完朋友之後冇食lunch就去咗呢間古早味食tea 咁啱嚟到食下午茶嘅時間見到佢啲下午餐 套餐都幾抵 最平48蚊就食到有一個主食一碗湯同一杯嘢飲 所以我揀咗呢個大雞扒滷肉飯 會花之丸同埋加咗幾蚊呢杯蜂蜜檸檬薏米水去做送埋碗例湯 好有住家feel個雞扒厚度大小適中 外表脆得呢裏面嘅肉係嫩嘅花之苑總共有三粒都幾大粒嘅大過平時喺夜市食嗰啲同埋佢都唔算好熱氣 好有台灣嘅味道之後我另外嗌咗個涼拌青瓜佢 酸酸地得呢 好開胃 份量都好多 如果兩個人都食更好 仲有少少辣 真係好啱夏天食啊另外個蝦餅 裏面啲蝦 都幾新鮮真係食到裏面啲蝦同埋配埋個 醬料真係一流呀不得不提嘅係呢杯嘢飲 杯嘢真係好養生好健康同埋蜂蜜同檸檬嘅配合一齊 酸度會唔會太酸 容易入口好適合食完啲肥膩嘢之後清下腸胃如果喺銅鑼灣附近嘅朋友 想食tea嘅話一定要嚟呢間古早味呀

台灣古早味想食台灣野但又想搵價錢唔貴又味道唔差嘅餐廳都唔係易事，好彩有朋友介紹我去食一間又地道又好食嘅嘢就係呢間喺銅鑼灣嘅台灣古早味。餐廳環境格調唔錯， 座位寬敞舒適，餐牌上面嘅食物種類都幾多。而且價錢唔貴好容易已經搵到想食嘅嘢。台式滷水拼盤大腸、豬耳和滷水雞翼。大腸煙韌而且滷水入味。豬好爽脆，好彈牙。滷水雞翼煮得很入味雞翼好大件。整碟拼盤都有食咗再想食嘅感覺。雞絲拉皮拉皮係用薯粉做嘅，所以食落口感好煙韌而且拉皮都好粗好大條好有口感。雞絲再配上青瓜再加上台式醬汁味道超夾。雞絲一絲絲的在碟上而且佈滿了醬汁，令人垂唌欲滴。拉皮是用薯粉做的而且很粗大吃下去很有口感，一一條條的拉皮雜燴豆腐豆腐係黃金色嘅而且外皮係炸過，好有口感而且豆腐非常之滑再加上紅燒醬汁，味道一流。另外，雜菇再加上豆腐味道好夾。我覺得呢道菜係必點嘅。下次想食台灣美食都唔一定要去台灣，呢間古早味一定會搵到啱心水嘅台灣嘢食而且價錢又唔貴，下次我都會再繼續嚟食過。

台灣古早味-平民價錢台灣味道想吃台灣的美食但想找價錢不貴口味不錯的餐廳不是易事，朋友介紹了這間位於銅鑼灣的餐廳-台灣古早味給我們， 就是我們心目中想找的。餐廳環境不錯很有格調，很適合情侶和朋友在這裏聚餐。我和朋友看了餐牌一會兒已經爭着要點幾款菜式了台式滷水拼盤有大腸、豬耳和滷水雞翼。大腸煙韌而且很肥味，滷水煮得很入味。豬耳很爽脆很彈牙。滷水雞翼煮得很入味而且很有肉。整個拼盤的味道很讚。雞絲拉皮雞絲一絲絲的在碟上而且佈滿了醬汁，令人垂唌欲滴。拉皮是用薯粉做的而且很粗大吃下去很有口感，一條條的拉皮很彈牙和台式的醬汁味道很夾。雜燴豆腐這道菜有點像中式的紅燒豆腐，豆腐外皮是金黃色而且和雜菇一起煮，豆腐非常滑，雜菇很有口感，吃了一口就想再吃一口的感覺。這個菜很值得推介。想吃台灣的美食不用到台灣，只要在這個餐廳就可以吃到又便宜又好味的地道台灣菜，下次也會介紹朋友來的。

同朋友喺銅鑼灣唔知食乜好，就喺OpenRice搵到呢間台式餐廳！一上去其實都真係幾多人，但好彩都有位～由於真係好肚餓，就拿拿臨嗌左野食先😏首先就黎左個鹽酥雞扒滷肉飯😋我就最鍾意食鹽酥雞，而佢層炸粉唔係好厚，唔會成口粉～滷肉就唔似出面成日都係得肉碎，係一舊舊肉咁，帶少少肥，食落口嗰朕油香好正！食完飯就同朋友一齊食個芋圓，呢度啲芋圓都幾大粒下，同埋都幾煙韌，同埋都真係食得出佢唔同色有唔同味（你知出面唔知點解會粒粒都差唔多味😂）。呢個係我既至愛—冬瓜茶，呢度既冬瓜茶唔會飲落好死甜，唔錯！食飽飽後又有能量繼續行街了🤣

平時係跑馬地返工，食銅鑼灣地鋪都食到厭，最近試試發掘樓上鋪，咁岩見到依間台灣野既評價唔錯，琴日放工就黎試試。裝潢幾有心機，入餐廳前要先穿過石級小巷。我入座時，岩岩七點，雖然個場都爆爆地，但因為我一位，所以侍應好快就安排到座位比我。望望餐牌，原本都expect佢只係會有傳統魚蛋紫菜湯牛肉麵呀魯肉飯果類野，但估唔到選擇超級多，小食、麵、飯、湯、甜品、飲品樣樣都好多款式揀，仲有好多味餸都無點聽過，好想試下。五味透抽要睇睇英文解釋先知原來係以五個sauce配魷魚片，個sauce食落甜甜地，有好濃濃既蒜味，除左魷魚片仲有d芽菜同青瓜絲，爽口開胃。湯我就揀左無試過既排骨酥冬瓜湯，湯料超足，五六件大大舊既排骨，冬瓜亦煮得好夠淋，個湯清甜入味，撈飯一流。另外仲叫左杯黑糖珍珠奶茶，又唔貴，22蚊，平過好多飲品鋪。甜度適中，多珍珠。走既時候，八點左右，雖然係閒日，但已經有人龍排隊，所以如果多人去食既話，建議book左位先。

同朋友係銅鑼灣行左陣街，朋友話想食台灣嘢，就帶左我黎呢間古早味台灣原味。餐廳嘅裝修都幾有風格，主要以木質嘅設計為主。我同朋友一人叫左一個麵，另外再加左一個小食。古早味牛肉麵湯底濃厚，牛肉比左牛展嘅部分我地，食落牛肉充滿肉汁，有口感。份量分面無論麵定牛肉都比左唔少我地，都幾飽。三個伴碟嘅小食都處理得幾好，滷水蛋同埋豆腐都整得好入味。紅燒豬軟骨麵湯底同樣香濃，每舊豬軟骨都汶得好冧好入味，軟骨唔會太硬，亦都唔會太肥，好好食。麵方面用左扁麵，好有彈性，我同朋友都好鐘意個麵質！另外佢每碗麵都有菜同埋蘿蔔一齊上，除咗令到味道冇咁單一，亦都更健康。小食方面，鹽酥雞炸得好香脆，食落一啲都唔乾，仲好有肉汁，十分推介大家去試。飲品方面，雖然我哋冇嗌到少甜，但係佢都唔會太甜，胚牙同仙草嘅份量都好足，夏天消暑飲一流。整體而言，今餐份量足，味道好，價錢亦都唔算好貴，值得大家一試。Menu:

干貝櫻花蝦荷葉飯表面舖滿櫻花蝦 澎湃豐盛不過荷藥味不太強烈有好多臘肉係糯米飯裡面一啖脆脆櫻花蝦配飯 香口又爽脆鹽酥雞軟骨一口剛剛好 炸粉不會太多沒有厚重油膩感雞絲拉皮有別於坊間食到的雞絲粉皮它比較爽口 整天咬不斷的感覺不過它的麻醬好好味涼拌黃瓜清新少辣 開胃易入口麻辣豬耳好辣好爽口，但唔深刻印象

係灣仔睇完醫生 想醫下肚都唔知食咩好 男朋友見到呢間野 就上去試吓排骨麵 湯底略有點淡麵係彈牙嘅如果鍾意濃味嘅朋友們可以唔使叫呢個面啦但排骨係幾好味嘅因為係即叫即炸而且佢調味都算濃郁牛肉麵我推介呢個面因為佢唔單止湯底好濃郁而且仲有淡淡的蘿蔔味你左邊嘅三個小菜 做工並唔馬虎味道都唔錯最上面嘅蓮藕係帶有酸味嘅 略為開胃中間嘅豬聽 煙un有嚼頭 辣味足最下便嗰豆角係我最鍾意嘅 因為佢有好足夠嘅大蒜味幾香口睇吓佢牛肉真係三大片㗎 而且又厚又實在而且湯底我食到最後我都飲晒啦因為佢湯底算係我幾中意既雖然啲面 好少但係其實佢既面係好厚嘅而且係好粗嘅所以其實飽足感都夠珍珠奶綠佢個珍珠合格 而奶綠亦都好有好香嘅綠茶味但你就有d不夠應該唔係用明治奶不過整體上都合格嘅紅茶由於冇咩味我都唔再多講啦不過食完炸物再飲佢真係好清爽好多

香港人真係好迷戀台灣牛肉麵，就講我自己啦，每一次去到台灣真係去到邊都要整返一碗，就係因為咁所以養成左我思念既情緒，不過好彩係香港既為美食天堂，要搵一間台灣野的確話都無咁易，今次搵到去銅鑼灣熱門"駱克道"，好容易就搵到既一間台式小店，地方幾大，仲保留左台灣傳統既做法，係香港都食到台灣原汁原味既tim！📌古早味牛肉麵 - $65👉先試一碗傳統既牛肉麵，聽師傅講佢地既湯底係加左超過10種藥材，色澤清澈味道甘甜，當中既闊條麵更加係由店鋪特登去搵麵廠製作，所以特別控制到厚薄適中，入口又彈牙爽滑，最出眾既當然係呢塊厚切牛肉啦，炆到岩岩好，夠哂腍又入味，呢個價錢認真唔話得！一定要試！📌蚵仔煎 - $52👉由餐廳改良過既比你平時食開既更加好食，加左木薯粉之後，口感更加有煙韌，同埋佢煎得夠薄身，你唔會食到成口都係粉漿既感覺，更加食得到蠔本身既味，面頭既醬汁係將番茄汁再配搭新鮮既辣椒調製出黎，甜得黎有少少辣，好過癮！📌酥炸雞扒湯麵 - $60👉雞扒嫩中帶滑，表面炸得好乾爽，色澤帶金黃，火候同時間師傅都掌握得唔錯，食落唔會話太鹹，因為普通食到鹽酥雞都會落重d調味料，相反呢到就做得岩岩好，湯麵唔會浸過龍，麵質