台北茶坊 (已結業)

點解我會叫呢間做台式茶餐廳？因為佢有台式食品飲品之外，仲有港式茶餐廳既炒飯同港式車仔麵可以選擇。同埋而家好少會見到午餐可以低過$40。但呢間餐廳有！我叫左個台式肉燥豬軟骨飯，個餐有一杯野飲，都係$39。好抵。講返個飯，可能比其他店平，所以份量少d。但我就覺得岩岩好，因為其他店咁多，反而都食唔晒。雖則話份量少d，但其實佢俾既餸都多，多都見唔到個飯。味道方面都可以。所以唔大食既朋友可以試下。朋友叫左個咸魚雞粒炒飯，不過佢就散叫，價值$48。

叫左3個餸，一個咖哩牛腩，硬加鞋不但止，汁還汁，舊肉入面冇味😢蚵仔蒸蛋，蚵仔苦嘅叫最正常嘅三杯雞，完全同個名冇關係，有味嘅炒雞碎，骨多於肉一定唔會有下次，唔明點解唔執利申：唔係住哩區

因為見到有網站有優惠 所以就叫左2份外賣 1碗四寶 一碗六寶 然後飲品就一杯熱好立克 另一杯就加錢轉珍珠奶茶 結果黎到 又話大碗飯 最後仲細碗過平時d外賣飯最慘係杯野飲 個邊超級污衊 好似擺左唔知幾耐咁 超級嘔心。

禾輋商場正在大翻新，最愛行的Aeon沒有了。好彩2/F食肆沒有大變，特別是台北茶坊！肉燥米粉＋紅豆冰 $20 材料雖簡單肉燥，少量配菜及新竹米粉。份量大，米粉爽囗嫩滑， 配上惹味肉燥，味覺清新不錯！鹵水雞肶配多士＋紅豆冰 $28雞肶大大隻，入囗充滿鹵水味。厚多士可選不同醬，我們點了花生醬。 花生醬鋪滿全片厚多士，賣相已經收引！ 如果是粗粒花生醬相信囗感就更豐富！ 下午茶送紅豆冰或涼粉冰，我們選了紅豆冰。工功比較多，自家製也不容易。紅豆稔也不會太甜，加上花奶，夏日消暑涼品！ 整體來說： 價錢親民，食物質數、服務丶環境亦合理！

今次是第一次幫襯，之前行過好多次見到個餐牌，好平好抵食的晚餐，3個餸，$138元真係好抵食，但係3個餸真係好多好抵，而且餸菜款式多樣化，連埋飲品白飯及湯。真係唔食對唔住自己。辣雞煲好食，但雞少及瘦，但味道好味。柯仔煎旦，柯仔大粒，但柯仔唔夠鮮味，份量足夠。鳳梨豆豉蒸鯇魚，我唔多食魚的，但係另一半就覺得好食，有飲品，有白飯，真係抵到爛。例湯好飲

千萬不要食麵，啲麵生㗎。第一次來就話沒有麵，晚上七時許已買完，沒有麵供應。第二次來就ok.最近這次只得兩個侍應。等了一會才落單。但這次經驗卻不很爽。我以後也不會光顧。

今日早上城門河練習完龍舟，大家周圍搵嘢食，來到禾輋，有位新隊員介紹台北，好喎。店內裝修環境雅緻，也有許多卡位，今日附近有中學開放日，不少學生前來光顧，熱鬧非常。學生哥或者持有學生證者，有學生餐，一個飯或麵，熱飲唔洗加錢，凍飲加$3或特飲加少少$。台北午餐都好抵食，有小食及飲品。叫咗個台式茄子肉燥石鍋飯， 石鍋超級熱，唔小心會容易燙傷。鹽酥雞球肉燥飯~ 鹽酥雞球再脆一點會更好。鹵水雞翼麵，比一般更一般。五香牛肉麵~牛肉炆得非常淋且入味。台式茄子肉燥石鍋飯，個石鍋超級熱，肉燥茄子super配搭，食食下有少少飯焦，非常香口。台北午餐小食要台灣腸，短短地，幾惹味。荔枝紅茶甜甜地好清新。學生餐最抵食，好多附近嘅中學同學，他們經常幫襯。

睇勻個商場都好似冇乜特別吸引嘅餐廳, 而且開始人多, 係呢間叫做冇乜人, 可以冇咁嘈, 舒舒服服咁食個晚餐~其實佢選擇都唔算多, 不過你唔係日日食, 點都求其選到最啱胃口的食物~ 秘製豬軟骨台式麵所謂秘製, 我覺得咁又係滷水汁, 淨睇色水已經似, 仲要食落有花椒八角味, 咁仲唔係滷水? 不過佢又唔會話好濃好kok喉~個麵又煮得幾好食, 又夠彈牙, 不過當然都係趁早食, 因為浸得耐, 始終都會變淋, 冇咁好食~豬軟骨都算炆得唔錯, 唔會話炆都爛哂冇口感, 啲肉就好林, 但啲軟骨仲有咬口, 同埋好夠入味~ 高雄豆豉醬汁排骨配肉燥飯雖然都知係蒸排骨飯, 但見未試過"高雄豆豉醬", 咁就試下啦~ 落單果陣已經事先聲明要等十分鐘, 因為係收到order先蒸, 所以要等, 唔緊要丫, 橫掂唔趕時間, 由佢慢慢蒸~一路食住個麵, 一路等, 都唔覺等咁耐, 好快就上枱, 新鮮熱辣辣, 而且好香, 不過個醬就好鬼杰, 同埋偏甜, 但就好鬼大碟, 好多排骨, 雖然唔係新鮮肉, 但都唔太差~其實佢唔應該配肉燥飯, 佢個汁已經可以撈飯, 配白飯已經夠, 如果唔係就太重口味~ 凍青蘋果綠茶個色都幾嚇人, 夠哂青

點餐時員工態度比我的感覺是請你快點離開。以免我要工作。叫乜冇乜，員工黑口黑面，叫咗又要我比no佢，所以未食已經離開了。平同好食都冇用。這樣的一個員工，可能是令公司沒有客戶的原因。

一田大減價，同男朋友走左黎沙田一趟！黎到呢邊，周圍行下搵左野食先去血拼！黎呢間台式餐廳試下！黎到時，未算好多人，但一到左12點幾，啲人開始出動，勁多人啊！好彩黎得早咋！入到黎，沒有好堂皇嘅裝飾，但枱凳都用系baby blue，好靚啊！打卡之選啊！揀野食時，我地揀左兩個午餐 - 香烤雞扒蕃茄意大利飯加$8配原味珍珠奶茶、蒲燒鰻魚石鍋飯加$8配芋香珍珠奶茶另外，仲揀左半份滷香雞中翼。香烤雞扒蕃茄意大利飯🍅飯嚟到嘅時候，已經聞到番茄好香嘅味道😆塊雞扒嘅皮煎到好香脆，而肉就好軟滑，唔會好嚡，吸收唔同嘅汁，好Juicy好好味❤而且蕃茄汁又開胃👍配合埋個意大利米軟硬適中，口感一流👍蒲燒鰻魚石鍋飯嘅鰻魚好滑好大條！！！一間睇落普通嘅餐廳，但食物質素可以咁高，用料亦一啲都唔麻夫！！鰻魚汁唔會好甜，將飯同汁撈埋一齊，再系個石鍋上燒下佢，好香！飯焦更系一流啊！滷香雞中翼嘅鹵水味好香好重！鹵水入曬雞翼嘅肉入面，食雞翼時亦食到鹵水嘅香味！正啊！原味珍珠奶茶嘅珍珠唔算好多，正適合我地呢啲好驚太多珍珠搞到好飽嘅人啊！另外，呢款奶茶嘅茶味突出，男朋友最愛飲茶，正啊！因為叫左少甜，飲落冇左陣好甜嘅糖水味，好好味啊！出

行道風山前，先嚟醫肚。今日又凍左，想食點熱熱食物，經過就入左。台灣野，有肉躁飯應該夠哂暖同濃味點啦？！東坡肉肉燥飯好多，東坡肉好多肥肉。。。。。但皮無毛。有點juicy好肉。鹽酥雞球肉操飯，份量好多，雞都有7件，炸得金黃，估不到呀。少少油都有肉，仲有大大肉燥，勁多但唔喊，仲有清菜！每個餐都有小食同野飲，正。鹵香雞翼同上湯韭菜餃。鹵香雞翼入味既，可惜得兩隻喔，雞肉都入左味。上湯韭菜餃3件，韭菜重重地，肉都多，不錯。仲加左一份我最愛台灣小食，就係炸花枝丸，6粒有36蚊！炸得酥炸既，但係花枝丸普通，好似魚蛋咁，過下引。野食係熱咖啡為你飲咖啡，哈哈，香香地奶味重。另外加左10蚊飲朱古力珍珠奶茶，叫左小甜nice。珍珠都ok，有得咬下，朱古力同奶茶都夾到喔。依到好快手，好快搞掂走得去行山。飽飽去，暖下身。依個商場都幾多其他野食，旁邊學校既學生lunch都幸福啦，哈哈，台灣引完口痕，旁邊就有間。

禾輋一向自成一角，要吃飯總要回到沙田市中心附近才有選擇，早幾天實在太餓，所以最後繼續留守禾輋商場，走著走著偶然看到台北茶坊，看見價錢合宜，人流不多，又有我最喜歡的台式肉燥飯就決定一試。店內食物種類頗多，有台式涮涮鍋物、小食、台式濃湯/撈麵及台式飲品。我與朋友半份醬燒豬頸肉、半份花枝丸、半份鹽酥雞球、自選台式涮涮鍋及兩杯芋香珍珠奶茶。台式涮涮鍋物（$52+$10=$62）：$52的涮涮鍋包括3款食物，價錢令人振奮，與外面速食店價錢已經相差一大截。雖然點的肥牛響鈴和芋絲味道一試便知道是冷藏食品，但是配上台式肉燥飯，感覺截然不同。肉燥肉碎夠幼，味道夠濃香，碎香菇彈牙，整個醬汁完全值滿分，與我在台灣吃到的肉燥飯不相伯仲，實在令人驚嘆。醬燒豬頸肉：豬頸肉肉質偏軟爛，與泰國豬頸肉大有不同，有少許像腩肉的口感。我個人喜歡腩肉軟淋的口感，而且由於是軟淋的質感，豬頸肉在烹調時醬汁更易吸收，豬頸肉每個部分都收盡了香咸的醬汁，整體分數極高。鹽酥雞球：雞球是即叫即炸的，所以上菜時雞球仍微微冒煙，出乎意料地雞球外脆內軟，雞肉嫩滑，不似是冰鮮雞肉。雞球的調味恰到好處，不是死咸味，而是有配搭過的調味粉，是很正宗的台

星期一呢日嚟到禾輋村商埸，辛苦完一日，又餓又攰當然想大食一番恰好想食台灣菜，當然選擇打住台式招牌的台北茶坊啦。一入到餐廳，門面四正，舒適度高，搵好位置就馬上看餐牌食物款式眾多，對於選擇困難嘅我的確喺一大挑戰淨喺小食已經好多，而且價錢相宜，點半份一嘗不同小食亦可，十分貼心。為咗滿足自己嘅慾望，我點咗大碗雞粒肉燥珍珠飯加上一份鹵水蛋豆腐。大碗飯果然貨真價實，大大碗都喺44$，有蛋有菜。雞粒唔會炸得太乾，肉燥所用的豬肉唔算太瘦。見到間餐廳極力推薦涮涮鍋，香辣三杯雞配上響鈴、玉子豆腐、台灣腸，仲有台灣面配生菜仲有自選配料區，自己味道自己揀飲品選了西洋菜蜜，味道唔錯。

呢個舖位都成日轉名, 今次連埋轉角西餐一齊大裝修, 呢part由日式嘢改為台式嘢, 不過你都可以叫西餐食, 咁都幾好噃~唔知係咪台式嘢少人食, 由我地入去食到走, 都係得幾枱客? 佢裝修後都幾好丫, 又夠光猛, 全部都係卡位, 有全卡位同半卡位, 好似墾丁果d海邊feel, 因為用咗粉藍色~既然入得嚟呢間, 當然係想食台式嘢啦~ 如果要食西餐, 都入咗去隔離舖, 唔會嚟呢度囉~ 佢都有飯麵選擇, 我地當然要試試佢d湯麵得唔得, 因為飯都唔會有太大驚喜~第一次食, 樣樣都想試, 唯有叫兩個湯麵, 再加兩份小食, 以解台灣相思之苦~一次過4樣美食一齊送到, 但個畫面好搞笑, 因為全部望落都係同一個色 -- 啡色~  秘製豬軟骨湯麵一大個湯碗入面, 有大約4舊滷到好深色的豬軟骨, 仲有半棵小棠菜, 少少花生粒同芹菜粒, 因為我話走蔥~豬軟骨都炆得好淋, 不過好似唔係好入味, 雖然顏色好深~ 至於個麵就好好味, 連平時對麵好有要求的老公都話個麵好得, 質地好, 煮的時間又控制得宜~  不過個湯先特別, 我覺得似炆蘿蔔牛腩果陣味, 咁啱又真係食到有一粒仔白蘿蔔~  鹽酥豬扒湯麵豬扒唔駛叫都另上,

正值午餐時間，附近有好多學校學生哥放食飯，心諗一定要排長龍先有飯食，點知見到呢間餐廳難得唔使等位，梗係即刻入去坐低食個快飯啦好快就決定到要肉燥花枝丸台式麵+豆漿$38肉燥麵一上枱嘅時候，我先用筷子點下個湯底試試味，第一下感覺有驚喜覺得幾清甜。而無論係麵，肉燥，定係花枝丸，佢地嘅份量都相當適中，唯獨係花枝丸比我嘅感覺冇咩花枝，就唔似我哋喺台灣一般食到嘅花枝丸咁，會食到一粒粒嘅花枝肉，呢方面就遜色左d。食完晒成碗麵覺得好口渴，有d太咸嘅感覺，忍唔住即刻乾左杯豆漿‼️1️⃣另外我覺得餐廳整體比我嘅感覺雖然係都算乾淨整齊，但係就燈光方面如果可以加強d會更加好；‼️2️⃣仲有就係如果店員可以更加細心就好喇。因為我坐嗰張枱上面係冇餐具冇餐牌，我入座之後亦都冇店員主動同我提供呢兩樣野，係我自己過隔離枱攞嘅。希望店員係呢方面都可以注意下，咁樣先至可以比到食客一個愉快嘅用餐體驗。