同撈同煲 (堅拿道西)

營業中

休息中

今個星期天氣涼小小就想去打邊爐，今晚同朋友去左銅鑼灣同撈同煲，喜歡店內懷舊玩味風播住80年代嘅歌打住邊爐另有一番風味，晚飯時8:30左右到，好快可以入坐，店內每位店員都好有禮貌，熱情招呼同主動💯10分讚！火鍋湯底好多都好吸引，我地揀左胡椒豬肚少爺雞湯，湯內配料有好多豬肚，兩大件豬骨，仲有半隻無激素雞，雞肉好嫩滑，食極都仲有，湯底飲落胡椒味道唔會太濃烈，用黎打邊爐食物唔會比胡椒味搶左，調配得好好👍🏻我地兩個人都叫左唔少食物🥢蜂巢豆腐好大件，索哂湯底味道🥢蟹籽蝦滑有兩條，見到有原隻蝦係入面架🥢鵝肝墨魚丸，食落似自家製墨魚丸，好鮮味彈牙🫶🏻🥢韭菜餃，餡料多而且個皮好薄🥢皇帝菜又係大大兜，同銀針粉一樣吸晒個湯嘅精華🥢自家製飲品我地揀左冬瓜薏米水同山揸紫背天葵推介山揸紫背天葵，味道唔會太酸，甜度適中，好飲食到尾仲有甜品鯉魚糖不甩同遮仔啫喱送鯉魚糖不甩店員會幫忙整食落好重花生香味又冇湯底鹹味，幾得意成餐飯同朋友都食得好滿意💯

一入到嚟餐廳就俾裝修吸引左，好似返左去舊時代嘅香港咁。店舖亦播懷舊金曲，屋企人都話好有氣氛！！🎉🎉🍤蝦多士有好多懷舊小食可以揀，但最吸引我係依款。炸到香脆嘅麵包加上蝦肉，食落口好鬆化，一啲都唔油膩🤭🤭五香肉丁墨魚丸叫左啲特色手打丸嚟試下，墨魚丸好彈牙之餘，仲食到粒粒墨魚，食左一半就食到有五香肉丁係入面，幾有驚喜🤪🤪🦐蟹籽蝦滑係我食過咁多次打邊爐最驚喜嘅蝦滑，欣賞冇打到蝦好碎濕濕，蝦原隻上好彈牙，真材實料又好食👍🏻👍🏻特級手切牛打邊爐必備嘅牛肉，牛肉帶有脂肪，有肉味再帶有少少油香😋😋原來最後有甜品送，好耐冇見過啫喱杯上面加左一把遮仔，童年回憶返哂嚟😝😝糖不甩原來係用返本身嘅湯底再煲熟啲糖不甩，本身以為會好唔夾，但食落又覺得幾夾，鹹鹹甜甜咁幾得意嘅食法。最後店員會灑上花生同砂糖，食得超滿足😆😆😆龍鳳檸樂超大杯，飲到最後都仲有🥤

湯底-鹹蛋芥菜湯呢個湯底要大讚！非常清甜，加埋鹹蛋嘅鹹香，真係冇得輸！個湯底就咁飲已經好好味，用佢嚟打邊爐更加可以得出食品嘅原汁原味😆海鮮拼盤🦑我哋揀咗鮑魚、扇貝同埋聖子，餐廳將海鮮處理得好乾淨，鮑魚亦都切好左，三款海鮮都非常清甜同新鮮😍藥膳醉雞子雞子醃得好入味，粒粒都有好香嘅花雕酒味，超好食🥹羊肉片🐑我哋揀咗羊肉做今日主要嘅肉，有淡淡的羊肉味，但係冇好「蘇」非常適合打邊爐！飲品-冬瓜薏米水餐廳自己煲嘅非常清甜甜品-糖不甩呢個甜品一定一定要試，非常有趣，佢係用本身嘅湯底煮件糯米，開頭好驚湯底會影響糯米嘅味道，但再加埋超多嘅花生碎，係一件好出色嘅甜品😍

今次已經係第二次幫襯😝店舖除咗有懷舊嘅裝修，如果你係80,90年代出世嘅，一入到店舖，你會諗返起以前讀書嘅日子，因為店內播放著一系列懷舊80,90年金曲！等我介紹下今晚食左啲咩先😬湯底方面，今次試咗限定嘅胡椒豬肚少爺雞湯🐓材料非常新鮮, 非常之足料，半隻無激素雞，仲有大量豬肚，落咗雞之後，熟咗再等四分鐘，就可以開始食！呢個時候，個湯已經變得鮮甜, 即刻飲咗先，然後先開始落配料打邊爐！不得不讚，豬肚煮得好淋，好入味👍🏻叫咗兩個小食，都係店舖推介！老友鬼鬼👻油炸鬼入面讓咗啲黑松露墨魚滑好特別，油炸鬼好脆口，黑松露味都好濃。蝦多士🦐蝦多士係以蝦為餡料的炸多士，讓咗雲吞的蝦膠，再油炸至金黃色而成。呢度嘅蝦多士係薄薄地，但炸得係好鬆化，又唔油膩！鴛鴦滑🐟我哋揀咗黑松露墨魚滑蟹籽蝦滑魚滑好滑又起哂膠，而且仲好夠味！真材實料有水準！特級手切牛🐮每一片牛肉都很新鮮，牛肉質鮮嫩，牛味濃郁，有入口即溶嘅感覺！叫埋單，餐廳原來有甜品送，有懷舊錦鯉糖不甩同埋遮仔啫喱, 糖不甩會即場放落湯入邊煮熟，然後再撈上花生及糖，甜甜鹹鹹感覺，唔知點形容，係好食懶飛，煙煙韌韌咁！至於啫喱，加上花奶，好有家的感覺，上面既紙遮

［九龍城同撈同煲］不嬲香港人無論熱天同冬天都好鍾意打邊爐🍲🍲同埋講求都要有質素的打邊爐😚😚最近試左一間帶返你去六七十年代的火鍋店🤣🤣一入到去會比過裝修吸引住勁多打卡位好多懷舊的擺設加埋以前的舊歌真係好似感受上以前阿爸阿媽的年代咁🤩🤩❤️冬甫美人鍋💋💋🔅都幾多料架雞、冬瓜、竹笙、桃膠、紅棗、娃娃菜等等🔅一開始店員話叫我地飲好湯先, 再幫我處理D雞🔅個湯都幾清, 唔會有油膩的感覺❤️芋頭蠟味餃都幾特色真係有陣陣的蠟味味道我自己都幾鍾意👍🏻👍🏻❤️家鄉米酒黃沙潤🐷🐷鍾意食豬潤的朋友一定唔好錯過平時好驚D豬潤切得太厚要煮好耐先得, 但煮得耐就會好老唔好食🙁🙁呢個厚度岩岩好, 就算碌耐左,都仲係咁好食👍🏻👍🏻👍🏻❤️安格斯牛肉🐮🐮牛肉都鮮嫩都好新鮮❤️大檸檬可樂同菠蘿冰🥤🥤超級大杯, 好抵飲食完之後仲會送上懷舊啫喱杯, 梗係會有埋傘仔啦⛱️⛱️仲有金魚🐠🐠形狀的糖不甩店員會幫你放入湯底煮熟，然後再撈上花生及糖，甜甜鹹鹹感覺，好搞笑🤣🤣P.S 店員服務好好👍🏻👍🏻會係你面前洗一次D碗筷間唔中都會過黎幫你片走D泡泡🫧🫧美中不足係孜然炸魚皮有d淋🙁🙁個孜然粉唔係好痴到係魚皮度🙁回頭指數(10分) : 6分√√√√√

啱啱秋風起，又想食香港人一年365日都鍾意嘅打邊爐。今次去咗九龍城同撈同煲（銅鑼灣店）。我哋5:30嚟到，由於時間尚早，有好多位可以揀。侍應帶我地係舒服嘅卡位坐低咗。店內裝修好有香港懷舊特色。霓虹燈，公雞碗，綠色窗框，紙皮石階磚等等，帶我哋搭時光機回到昔日嘅香港。侍應喺我哋面前用熱水將餐具再清洗一次，令我哋食得安心。我哋點咗以下嘢食.胡椒豬肚少爺雞湯：有兩大舊豬骨喺胡椒湯鍋入邊。再有半隻無激素雞另上。湯底滾起，侍應幫我哋將半隻雞放入湯鍋入邊，叫我哋4分鐘之後就可以品嚐啲雞先，之後飲完個湯後再加湯做火鍋湯底。我哋跟住侍應所講既去做，啲雞真係好滑。胡椒味好香，但又唔會太勁搶晒啲味同唔會太辣。豬肚冇怪味，厚身，爽嫩，易咬開。其實淨係食完呢個鍋都已經飽飽地。黑松露墨魚滑拼蟹籽蝦滑：兩個滑都好彈牙新鮮。蝦滑拼埋蟹籽啲粒粒，咬落更加卜卜聲。而黑松露同墨魚既味道好夾（一個味道好搶，一個味道清鮮），黑松露一擺入口已經好香。鳳城水餃：一口一粒，入面嗰啲蝦好新鮮爽口，配搭埋木耳絲，口感更加豐富。特級手切牛肉（大）：雪花分布均勻。牛肉味濃，鮮嫩易咬開。老友鬼鬼（小食）：其實即係黑松露墨魚滑，釀喺油炸鬼入邊再

🎂朋友同我去咗同撈同煲慶祝生日，呢間餐廳設施超級復古😆玩味十足！餐廳所有裝飾，碗碟都好懷舊，好似穿越左時空，番左去五六十年代咁🚀同朋友點咗冬甫美人鍋🍲，夏天比較解暑之餘，仲有半隻雞🐥，湯底一滾就可以先飲頭啖湯，入口十分鮮味，湯入面有花膠，桃膠，大蔥，黃芽白，紅棗，杞子，蟲草花等材料食材相當講究，用料新鮮，門前更設有海鮮水缸，郁多款時令海鮮🦑🦐🦞🦀選擇，更有不少海鮮套餐供應，選擇多樣化先點個自家製shake shake 炸魚皮🐠🐟，係店內名物，有6款口味選擇。魚皮加上了薄薄一層炸粉，口感更鬆脆更有層次安格斯牛肉🐮師傅將牛肉起雙飛，刀功了得，肉味鮮甜，非常軟淋四寶餃分別有韭菜餃/鳳城水餃/鮮蝦雲吞/養顏美人餃😙 特別要介紹返養顏美人餃係由椰菜同桃膠整成，真係好滋補😌 而且4款餃都好足料🔥 必點啊 🔸即炸響鈴呢個真係即時炸起，好新鮮！加入湯碌一秒，吸晒湯汁，口感同味道都一流😍 飲品方面我哋叫咗龍鳳大檸樂同大菠蘿冰，兩杯汽水都用一個勁大嘅杯裝住，我同我朋友都飲唔晒😂 龍鳳大檸樂係杯底會有一粒話梅，飲落去酸酸甜甜咁， 正好解解油膩感😌而菠蘿冰入面就有好多粒冰菠蘿🍍打完邊爐食返粒，幫助消化一流啊😚

從同事口中得知, 近鵝頸橋一間樓上舖餐廳, 以懷舊做主題嘅火鍋店, 岩哂打卡。趁住放假同丫姨Shopping, 順道去打個邊爐先歸家。餐廳門外左右掛上霓虹燈做佈置, 從外至內都散發著港式懷舊風。就連碗碟都用上70,80年代嘅款式, 令丫姨都不禁想當年。醬油供自由混醬, $18/位 湯底款式, 就揀咗---【火焰醉雞煲(半隻)】HK$178 (自選小辣)雞煲汁料當然要再加上一D吸味火鍋配料先最perfect, 所以額外加咗枝竹同埋豆卜 (各HK$38)雞煲內嘅雞件已預先熟至7成左右再上檯, 而枝竹同埋豆卜已經mix埋入雞煲中, 上檯預熱後, 店員加上酒再點火, 又另一視察享受。店員協助將所有配料、汁醬撈至平均, 雞件不會過熟而柴, 細味有香純酒香, 鹹香惹味, 夾集莞茜食更加香口; 枝竹沾上汁醬味道不錯, 不過豆卜吸太多汁而有點過鹹。食完雞煲再加入清湯打邊爐, 【牛胸爽】HK$88每片均為薄切, 同平時食嘅唔同, 焯熟後, 牛胸爽不是爽脆, 而是偏林。【黑松露墨魚滑】HK$98墨魚滑偏林身好滑, 細味有黑松露味, 黑松露比墨魚味更為突出。【鯇魚骨腩】HK$88鯇魚骨腩唔爽, 魚質偏林,

有時環境好啲，胃口都開胃啲。而家好多餐廳都係裝修上花咗一啲心思，而懷舊主題，就係好多餐廳好鍾意用上既裝修，今次呢間都唔例外。上到去呢間餐廳，你會見到成個主題都係六七十年代，一啲舊式嘅杯杯碟碟，舊式嘅霓虹光管，舊式嘅畫，再加上餐廳一路播住六七十年代嘅歌，周圍都一直充滿着懷舊嘅氣氛，感覺就好似去返以前父母嘅年代，一路食嘅時候就會比較有趣。講個湯底介紹，佢有唔同嘅湯底，但係我哋都係鍾意食辣嘅人，所以就要點佢嘅秘製麻辣湯底，佢嘅湯底係越食越好味，因為出邊好多嘅麻辣火鍋湯底，可能頭30分鐘，你會覺得好食，但係當加咗個湯之後就越嚟越無味，但係呢個湯底竟 然係你會覺得佢係越食越好味，而且唔係話好辣嗰種，但係你覺得好味得來又唔會好鹹。評分：👍🏻👍🏻👍🏻👍🏻/5店員推介海鮮拼盤，不過我朋友唔食魚，所以個海鮮拼盤浪費咗，所以我哋冇叫到；我哋叫咗個安格斯牛肉，聖子，和牛牛丸，蓮藕片，食食吓再加多一個黑柏葉，老大腸，叫咗一杯大檸樂。安格斯牛肉有大理石紋理，油脂分布平均，嫩滑和多汁，我覺得厚度適中，唔會好似出邊有啲牛肉好薄，我哋最鍾意就係五成熟，落幾秒就可以食得，佢又未似入口即溶，但係好林唔會好硬，味道濃郁。評

愛打邊爐嘅我今日去位於銅鑼灣（堅拿道西）嘅「九龍城同撈同煲」懷舊火鍋店，餐廳以70,80年代裝飾佈置，伴隨着播放懷舊金曲，真係好有氣氛！餐廳提供多款湯底、火鍋配料同雞煲！醬料及茶芥每位$18火焰醉雞煲$178雞份量有半隻，配搭芫荽、青椒，我哋重加左豆卜（$38/份）同支竹（$38/份），濃郁醬汁配小辣，店員把酒加入雞煲後點火，霎時間熊熊火焰升起，打造充滿視覺同味覺驚喜的味蕾體驗，再轉小火煨煮，產生的酒香及醬香全都濃縮在湯頭裡，雞肉嫩滑，支竹同豆卜吸晒醬汁好惹味！食完雞煲開始加湯打邊爐🍲安格斯牛肉（小）$198 油脂雪花分布均勻，有肉香味！鱔片$108 新鮮冇腥味，但沒有爽脆口感！半份芝士蝦丸$68 半份有四粒，應該係手打，有別於普通蝦丸，這次釀入芝士，爽口彈牙！ 當我哋埋單時原來有免費甜品送😋 啫喱～港色花奶啫喱再加把小紙傘，絕對係香港人童年的回憶！糖不甩～是用糯米糰做成鯉魚形狀，店員會幫手用火鍋湯底整熱，然之後剪開再撈上有糖花生碎，好味又煙韌，真係不一樣Q彈甜糯的經典懷舊小食！

同朋友慶祝生日網上都有吾錯嘅好評上到去環境係正常嘅可惜一坐低就發現個電磁爐係壞嘅職員提議換gas爐 但我哋見到有好多閒置既枱都多口問句可否轉其他枱坐點知職員表示其他的爐都是壞的而且食物方面冇咩特別好食沙嗲湯底偏鹹。。嗌咗個牛嘅拼盤 上到枱牛嘅顏色已經唔吸引總結我哋6個人淨係主要食娃娃菜同埋烏冬填飽肚唔會再幫襯。我哋一行六人都表示食牛大人都仲好食過佢。仲點喺平過佢之餘，仲要多選擇（試問用一間放題比較。可想而知質素。。）

今日約左朋友打邊爐😋，佢搵左間位於銅鑼灣嘅餐廳～ 位於銅鑼灣嘅九龍城同撈同煲裝修走懷舊風，裝修好特別，好有舊香港嘅特色，好多打卡位。今日安排左坐卡位，位置較闊，坐得舒服。冬甫美人鍋 $228湯底選擇豐富，我地揀左冬甫美人鍋。湯底本來就好多材料，好豐富，材料包括雞、冬瓜、竹笙、桃膠、紅棗、娃娃菜等等。鍋底煲好後，我地先飲湯，湯底好濃郁，雞味好香。然後，我地食左雞件，雞件都嫩滑。大安格斯牛肉 $278大份嘅安格斯牛肉有好多片，而且切得厚。其實可以見到牛肉紋路好靚，油花分佈平均，食落都好好味，牛味重，質地軟淋，帶點油香。牛舌 $88牛舌牛味再濃啲，食落帶點爽口彈牙。半份蝦丸 $63蝦丸有4粒，每粒都好大！應該係手打的。蝦丸新鮮，蝦味鮮甜，而且食落好彈牙。椒鹽豆腐 $58我地仲叫左個小食，一款經典炸物。椒鹽豆腐面頭鋪滿炸蒜，好惹味。豆腐外皮酥脆，內裡豆腐好滑，口感非常好！芋絲 $48芋絲份量多，吸滿晒湯汁，好好味。紅薯粉 $38主食方面，我地叫左紅薯粉。紅薯粉要煮到變透明，食落好煙韌。杞子圓肉菊花蜜 $28飲品偏甜，飲落好舒服，好滋潤。粒粒橙汁 $19粒粒橙汁個罐好懷舊，係出面冇見過！啫喱最後

朋友生日知道他喜歡懷舊事物及愛食火鍋，於是乎網上搜索發現了銅鑼灣分店有間叫九龍城同撈同煲完全合乎標準。餐廳由外到內裝潢設計門面、餐枱、地磚、餐具、海報、牆裝飾及金曲都讓你置身於時光倒流60-70年代的香港風格，裝潢精緻絕對是一處打卡的好地點。蕃茄薯仔肉片湯&158養胃又健康，蕃茄及薯仔滿足料，肉片不會太老，蕃茄越滾香味更添濃郁。賣魚勝海鮮拼盤$398大大隻海蝦6隻、鮑魚4隻及元具2隻都好新鮮/鮮甜，咁嘅價錢抵食。半份鵝肝墨魚丸$68鵝肝味道獨特混合墨魚兩者味道濃郁突出，入口感爽彈，不錯。甜品～啫喱及金魚糖不甩有傘的啫喱令我回憶起童年與姐姐爭把小小傘，明明啫喱是主角，但我們每一次為了小小傘被父母責罵。另一個甜品金魚糖不甩上台個樣似過年食的金魚年糕，侍應將它放入湯底鍋裏面煮成軟身成團，然後剪開一舊舊，再鋪上砂糖香脆花生碎，熱辣辣的，口感軟煙韌，非常之好食😋整體來說由環境，服務、食物質素都非常之高值得回顧。

由門口既霓虹燈招牌，到一入餐廳就聽到8-90年代廣東歌🎤再加埋牆上既壁畫同佈置，即刻覺得時光倒流左30年⚡️不得不讚，估唔到賣懷舊嘅邊爐店有咁貼心嘅服務🥰由一坐低，店員會過嚟幫手洗碗碟，處理湯底，全程加湯、控制火候等等都照顧周到👏🏻係少有既5星級服務💯🍲湯底方面，試咗限定嘅胡椒豬肚少爺雞湯🐓($258)，非常之足料，有拳頭咁大嘅豬骨👊🏻，超補骨膠原😆 半隻無激素少爺雞件🐔大量豬肚🤣同埋芹菜、枝竹‼️落咗雞之後，個湯變得鮮甜🤗足足飲咗兩大碗先開始落配料打邊爐🥰配料方面📌極級封門柳 ($266細)油脂唔多，牛味重，2人食每人都有約7-8片👍🏻📌桂花蚌($118)十分之爽口😇餐廳仲另外提供左一個筲箕藍🤣咁就唔怕放完落湯度揾唔返🤗📌黑松露墨魚滑($98/2條)足足有2大條，黑松露味十分之突出同埋幾多👏🏻📌醬爆瀨尿牛丸($48/4粒)大大粒🥰食既時候要小心，入面好juicy一咬就有牛肉汁要湧出黎🤣📌蜂巢豆腐($38/8片)一片片切到好似海綿咁🧽有空氣感，好軟熟! 而且超級掛湯☺️📌小食 椒鹽雞軟骨($68)除左軟骨外亦有雞肉，比例接近1:1，收埋左係大量炸蒜入面🤗好惹味🥰餐廳最後仲附送甜品，有懷舊錦鯉

超好玩、爆晒肚、極好味、仲有驚喜打邊爐體驗！一早WhatsApp訂定枱，差不多到的時候，他們就會發一些套餐資料俾你預訂。我訂咗房可以唱歌，最低消費$4000 ，仲免我兩支酒的開走費。我覺得價錢合理。整個餐廳的佈置有懷舊香港特式，很多打卡位。個房係舊式酒樓一個大大嘅壽字，之後旁邊有龍鳳呈祥的佈置，很有特色。我叫咗海鮮套餐和魚生。一嚟到個個嘩嘩聲！靚之外仲要新鮮好味😋其他基本打邊爐配料都應有盡有，而且材料新鮮好味。食完飯送上兩個甜品，有懷舊遮仔啫喱和驚喜鯉魚造型的XXX （都話係驚喜，所以唔講俾你聽係乜嘢，你要自己試吓）😂😂😂當初定呢度食飯，就係見有咁多like，依家我知點解，除咗食物店服務亦都係超班。