名代宇奈備長炭燒鰻魚飯專門店 (iSQUARE國際廣場) (已結業)

近期留意到日本過江龍鰻魚店進駐尖沙咀，男友喜歡食鰻魚，故十分期待到此一試。知道十二點才開始營業，我們約11：40 左右到達。排隊的人未算多，等著等著，不知不覺就打蛇餅了，排了三行。撘正十二時便放人入去就座。透過廚房的玻璃，職員正默默地一盒盒的鰻魚放在燒爐上面燒。座位夠闊落，不會覺得太焗促。我們首先看餐牌，全都是鰻魚，只是分量不同。我點了鰻魚飯三食，男友則點鰻魚重特上。我點的鰻魚飯三食先上。職員先介紹有三種食法: 直接食/添washabi/茶漬首先係直接食，由於客人同一時間就座，同一時間點餐，未知是否預先整定，未夠熱。鰻魚就像平時切淨的一樣碎，而且有碎骨，沒有想像的口感，有點失望。 而我沒有添washabi。最後是茶漬，很香，沖淡了直接食的濃味，各有各味道。我差不多食完鰻魚重特上才上。這個可能真的即時整，夠熱。兩都肥腩加一魚尾， 香氣撲鼻，魚腩肥美，燒得夠香，食落膠質豐富，比起鰻魚碎口感豐富很多，十分滿足。鰻魚汁撈飯亦比三食濃味！可惜飯分量有點少。雖然有點貴，但值得的，可以再encore～

門口無人排 見入面都有一半場係吉既 等咗陣又嗌左staff示意2位點知個女職員眼神交流完之後就走咗 無打算帶位 或者講聲等等呀會安排入座之類都無企左有十分鐘 女職員依然好似好忙咁無打算理門口等位既人 同時我地後面開始有十零人排隊 (入面都係有好多吉枱)咁到底係想點樣？女職員係勁黑面完全唔想理客 再指點其他同事做野等等最後我地放棄去咗格黎食台灣野忠孝東路 唔洗受氣先

好少寫食評，今次真係要寫！本住由日本過黎餐廳應該吾會太差！今日三點左右去，心想呢d時間應該好快有位！去到係有空位，但要留空清潔，等左十分鐘左右。門口睇佢燒鰻魚，其實係燒返熱。order 左呢兩個！重點差係1.魚吾熱！2.魚冇炭香味3.食飯小又吾型軟4. 3食個set, 勁小鰻魚台灣肥前屋都好過佢！

車媽媽極愛吃肥美甘香的鰻魚，尤記得台北浜松屋的慘痛經歷可按此回味真的記憶猶新，但這樣並不會嚇怕我吃鰻魚的決心喔！ 從食友草莓小姐口中得知日本名名代宇奈終於來到香港開設首間鰻魚飯專門店！我這鰻魚忠粉那會不心癢吖！在昨天趁著一個人的浪漫來了個Late Lunch。 下午二時到達尖沙咀國際廣場3樓只見6人在排隊心中暗喜，在排隊途中看見師傅不停以備長炭燒鰻魚，那股誘惑更令我引頸以待呢！！ 我用了20分鐘便已可入座嘿嘿咪開心住啊！原來入座後也須等待即燒的鰻魚大約需時45分鐘，我好彩等了40分鐘已經有得吃了！所以沒時間和喜好的朋友我不建議來吃！ 香港人時間須然寶貴！不過美食當前仍然捨得用來交換美食！！ 餐廳飲品超簡單得汽水、烏龍茶和啤酒，而汽水又冇可口可樂！唯有退而求其次選了七喜，但來到時我才驚覺是汽水機貨色仲要冇氣的，可幸店員有禮物的給我換上另一杯，須仍然冇氣但也作罷不追究了！特別一提店家不收加一真的難能可貴！！ 檯上放有清水、筷子盒、紙巾等用品，另有七味粉和山椒粉供應。 餐廳聲稱用料依足日本店均以高級備長炭燒烤鰻魚，鰻魚亦選用同一供應商，配上自家特製的本醬油及日本米，不知是否能做出跟日本店同樣

😛是日心情不佳豬仔包話帶我試新野一去到 原來係我超中意ge鰻魚飯啊！！呢間野未開之前 新假期港生活個d已經瘋狂介紹 令我期待左好幾個月～為左食到我心愛ge鰻魚bb 我地開始左漫長ge等待 等啊等 等啊等 等左45分鐘左右 前面有個女仔突然間暈低 幾秒之後又企番身繼續等😨😨究竟呢碗鰻魚飯有幾甘癲 可以令到一個人暈低都要繼續排呢......哈哈哈......就等姐姐我認真甘try下先...等左1個鐘之後 我同豬仔包已經餓到 覺得自己成條鰻魚甘 企都企唔直 眼見下一個就係我地 而明明鋪頭裡面有好幾個空位 但d職員都唔放我地入去 我同豬仔都R曬頭......就算佢地想玩飢餓式銷售 都唔可以當我地盲ga嘛😂終於 等左10分鐘之後 職員終於帶我地入去其中一張已經空置10分鐘ge吉檯到坐低..坐低之後～我同豬仔包分別叫左一個98同138 ge鰻魚飯～🤤等左20分鐘到～鰻魚飯bb終於到啦～由於太餓 我地無慢慢品嘗 而係大大啖甘瘋狂鯨吞੧😆ง 好彩 等左甘耐總算無白費到 鰻魚bb好肥美好厚好多汁 味道唔會太濃唔會太淡 食曬整條都無覺得口渴 唯一美中不足ge係 d鰻魚骨真心有d多 唔識食魚骨ge朋友仔應該

今日去嘅係尖沙咀新開嘅日本平價鰻魚飯大部份配菜未有提供茶漬飯加鰻魚飯有驚喜落單到食等左16分鐘 都算快👍但可能期望太高 味道都無想像中好一定要叫鰻魚重份量先足夠雷聲大雨點少 小編對佢有啲失望😣-鰻魚冷豆腐 $38豆腐口感一般 無想像中順滑豆味不足 勝在有紫菜同鰻魚汁搭救🤷🏻‍♀️🤷🏻‍♀️-鰻魚飯 $68鰻魚飯同鰻魚丼嘅分別係飯有紫菜 而丼無兩者都有細件鰻魚 部份鰻魚帶骨 小朋友要小心食小編覺得鰻魚份量有啲少唔夠送飯食 而且食完都唔飽😭-鰻魚飯 三食 原味 配料 茶漬 $88茶漬係日本常用的鏗魚湯 有些少柚子味令人驚喜係 同鰻魚一齊食好夾可以完全帶出🐟嘅鮮味醬汁係唔會影響湯嘅味道配料係日本芥末 小編覺得有啲怪好睇個人食唔食芥末 但鰻魚份量有啲少 只可以當下午茶🍵-評分:6.5/10

平時都唔會寫評語，但這間餐廳真係好有問題...入面其實好多吉位，安排非常有問題。四座位嘅枱就算唔係四個人都照比一位、兩位坐，唔會分開張枱或搭枱。根本就係道營造好多人要排隊嘅假象。啲staff好似唔想做，拖慢手腳，一啲士氣都無。等左差不多一個鐘，坐低落單，又要等... 廚房得一個爐，一個師傅燒，所以出單出得好慢。就算啲食物有幾好食，都唔值得等咁耐。遲入位但係相同食物反而到先過坐低先個個客人。根本等位同出單都可以快啲、唔駛等咁耐，啲食物到都等到一肚氣，都食得唔開心啦。除非改善以上缺點，都應該唔會再來。應該對自己嘅食物有信心，唔駛用啲假現象嘅手法，改善一下管理方式，否則...

素聞名代宇奈鰻魚飯非常出色。今次作為過江龍來香港開分店，豈能不試！怎料大失所望！！！！！！！！！！！第一：鰻魚不夠熱，由上菜到放進口都只是短短三十秒，鰻魚已經轉為溫暖！第二：飯不夠熱！飯拿出來已經沒有一層層蒸氣，我以為香港店限定，有凍食鰻魚飯。第三：鰻魚有骨，一份出色的鰻魚是不應該有骨！總結：令人失望！等候時間長已經不在話下，原來等了這麼長時間是食這些街邊貨色。完全配不起聲稱日本第一鰻魚飯這個稱號！所以 沒有下次！！！！！！！！！！！！！！！！！！

六月份係日本食呢間鰻魚飯🍚 食過返尋味😋 日本嗰間真係整到世界級好食🙈🤣 到香港終於開咗啦！ 襯佢啱啱開左無幾耐就快快手岀翻個食評先🙈🙈-我地去嗰日去係閒日 再加上過咗放lunch時間 所以都係排咗15mins左右既隊😚 -我地嗌咗個鰻魚重 上再加個鰻魚冷豆腐🥶 但呢個豆腐真係有驚喜🙈 一啖咬落去食到凍凍既豆腐再加鰻魚 真係勁好食🥺-而鰻魚飯唔知點解都係覺得係日本好食啲😳😳🙈 條鰻魚感覺比日本燒得乾身咗 可能因為香港佢係一次過一大堆拎去燒 所以就燒得無咁靚🤷🏻‍♀️ -咁好無食呢？係好食既 但黎到香港之後就同其他日本🇯🇵店既鰻魚飯大同小異 岀色dd咁啦！ 再加上佢比日本都貴幾多下🙈 無咩事 都係草下$去日本再食🤣🤣-

開張第二日去試試，排咗1個鐘唔緊要，只期望食到有水準嘅嘢，但我真係估唔到佢d飯會生米粒,餐牌上食物唔多，掛個生招牌話買鰻魚飯，連基本嘅飯都未做得好，鰻魚本身亦沒有驚喜，用炭燒過理應好香，好熱，但唔覺有炭燒香味，份量亦太少，只有一層薄薄嘅飯，面頭有幾件鰻魚，唔值得比$158去食,其實份量少但好好食都可以原諒，但唔係囉，完全唔覺呢間係所謂嘅‘日本過江龍’食店。如果想試嘅朋友，叫個$68果款過吓口引都ok，但再叫貴d嘅，我覺得去其他地方食好過。

香港一直都無鰻魚飯專門店 難得日本人氣名代宇奈黎香港開分店 緊係要去試下平日星期四7:30到 排到9點先落單😳-鰻魚重特上 有幾款鰻魚飯簡 分別在於鰻魚部位同份量唔同(⁎⁍̴̛ᴗ⁍̴̛⁎)而特上係有齊魚腩、中段、魚尾，總共三件💗鰻魚份量好足夠！嗌呢款已經好滿足！鰻魚即叫即燒😍等15左右就食得😋炭燒到表面微焦 淋上特調醬油 味道完全同係日本食到既一樣！米飯煮得煙韌軟熟 口感好而且充滿米香🍚但份量方面都幾少 對男仔黎講係食唔飽😥 第一啖都覺得有驚喜幾好味 但越食越失望 因為好多細骨 雖然鰻魚本身就係有細骨同勉強都可以吞 但每一啖都有細骨呢點真係扣曬分💢-鰻魚重上味道一樣只係無咗個魚尾同少一舊鰻魚中段（女仔食份量啱啱好！）活乳酸可樂 白桃乳酸梳打 正常乳酸有氣飲品 無太大驚喜-未係日本食過係無比較之下，呢間係唔錯，比起好多係香港其他既日本餐廳出色好多！而且無收加一同價錢合理最平$68都有交易。但係日本食過既鰻魚飯外層烤得酥脆之餘而且無細骨問題比較今次呢間排咗個半鐘 食起黎真係有些少失望-

慕名而來食新開既鰻魚飯，餐廳入面仲有好多吉既位無人坐，但店員無安排食客入座，所以我同朋友喺門口排隊排左大慨35分鐘。臨入去之前，店員就話鰻魚係即燒，所以要喺入面再等多45-50分鐘。咁都排左咁耐，都唔爭在啦！不過好好彩入到去20分鐘左右個飯就黎啦呢個$108 （ 好似係） 呢個$138 個人黎講我覺得$108好味過$138， $138 個口感好粉😂 而且啲飯都唔係好熱，鰻魚又唔係好熱而且燶燶地，姐係全部野都係暖，唔熱的。味道黎講，ok 啦， 炭燒味唔係好覺有，普通鰻魚飯咁既味囉～

開頭睇到食評，見到有人劣評，都心大心細，不過又諗唔到食咩好，最終3點幾係出面排左15分鐘，叫左個鰻魚重，同鰻魚重上，都等左十幾分鐘先上，食第一啖，好食喎，鰻魚好林，又夠熱，價錢係貴，但係想食鰻魚，食呢間都唔錯。

又一間過江龍，大愛鰻魚既我梗系要試試呢間既日本分店我印象中食過兩次，香港賣68蚊既鰻魚飯，日本只賣500yen ，平差不多一半，但因為日本實在太多店好食過這種連鎖式既店，所以好少幫襯佢。中午12:08黎排隊，12:56先有到去坐，排到差不多到既就會見到有師父系度燒鰻魚，但鰻魚其實一早熟左運到店舖、只不過系燒一燒，整番熱佢咁可能初開業人太多所以系先落單黎入坐，不過有d失望既系中午食好多小食款都冇，例如蛋卷，茶碗蒸，天婦羅侍應話全部都要晚餐先有得食所以今次淨系叫左雙層鰻魚飯同鰻魚豆腐坐底大約10分鐘豆腐先上老實講冇下次，因為一d都唔夾，豆腐雖然實淨豆味香，但雪得太凍，鰻魚見其他人既圖好大舊但我呢份好細過多5分鐘到雙層鰻魚飯都黎左又幾大塊鰻魚幾靚啵，食落都好香口，但食到有原粒炭屎，呢度要扣分，鰻魚好軟身好厚肉，油份多算系肥美我覺得有專門店既質素，比起出面既日本餐廳既鰻魚飯好食得多。提大家，識食鰻魚既要腹部食，唔好簡尾呀，因為尾油脂少又薄d，冇咁好食架最後咁既價錢我預左會有骨所以要食得好小心

分量太少，食完等於無食，完全無飽肚感！鰻魚份量太少，仲要係碎上，even係鰻魚重都好同起日本食差天共地！味道還可接受，調味都有山椒同七味粉調配味道，坐位安排就非常差，有空位都唔入客，二人坐四人枱，坐果個好開心，排隊果d人就不斷鬧，搞到門口成村人排隊，隊尾到隊頭要起碼45分鐘，仲要order咗嘢食到上菜都要多成15 mins，即係由你排隊果一刻開始到你有得食就要成個鐘，保守估計咋！遲早無人會再用咁多時間等食！