名代宇奈備長炭燒鰻魚飯專門店 (iSQUARE國際廣場) (已結業)

做壞日本果邊招牌！一入去未坐低就話食鰻魚要等40分鐘，係餐牌點咩食無咩食！點叫自己鰻魚飯專門店？店員服務態度比澳牛好少少。環境ok因為新開張。所以環境同衛生我比4星重點！碗鰻魚飯比日本本店差10倍！店員講明得紫蘇葉莖，估唔到上到枱得3小條，肉得魚尾皮同丁點肉。茶漬凍既！味同清水差唔多！滿心期待既心情直插谷底！枉我地專登過黎試下..失望！好彩我地夜晚黎唔使排，如果排左成個鐘先比d咁既掛住日本黎既名義但毫無服務及食物質素既，會更加失望！唔會再幫襯！👌

等左一個鐘，侍應仲話落單後都要等40分鐘。第一碟就係鰻魚重 特上，等左3個字就有。最耐就係鰻魚重 特大，等左5個字。但時間上都可以接受。其實，我對鰻魚就一般，因為好多細骨。當然，大家都話可以食落肚。依到鰻魚用備長炭燒，肉質肥美，食落好軟熟，汁分量剛剛好。唔係太大食既朋友，可以叫鰻魚重 特大，兩個人share，再試下其他小食。鰻魚凍豆腐鰻魚相反爽口些，豆腐唔係話好滑，相對實少少，但就好有豆味。鰻魚蛋奄列最唔好食，入面係鰻魚同豆芽，蛋皮嚡口同薄，鰻魚唔太多。由於賣晒玉子燒，所以先叫依個。鰻魚肝湯冇咩特別，冇咩味，肝好似腸咁，細細個，湯內仲有好細好薄既檸檬皮。想試鰻魚三食朋友仔要留意，三食既鰻魚係碎，唔係一大嚿鰻魚。建議第一次黎食可以試左原條，原汁原味先。

排隊45分鐘，等食物30分鐘。得一個燒爐但間餐廳可以坐80人，所以坐唔滿都唔比咁多人入，所以先要等咁耐。茶漬湯唔夠熱，飯唔夠熱，麵豉湯都唔夠熱。茶漬飯set $88一個普通人應該要食兩份先夠飽，鰻魚超薄身，所以麻麻地。特上餐$158，鰻魚夠厚身，所以都幾膩。天婦羅鰻魚夠脆，粉亦夠薄，佐酒應該唔錯。試業中唔要求得太多。試業期間好多餐牌上有的食物也未能提供，所以淨係試得咁多。仲有只提供水，沒有茶，真係食厚身鰻魚飯很膩口的食物而無茶準備，唔夠貼心囉⋯⋯

幸福滿載的美味是非筆墨所能形容。一口能便能直達京都了必食推介：鰻魚重特上》一丼三口感、三件鰻魚有三種層次。魚腩-肥美嫩滑、中間-味濃不膩、魚尾-碳火精練，肉質Q彈。簡直完美鰻魚天婦羅》上枱即食-熱熱辣辣、粉漿夠薄夠脆、外脆內軟、魚腩肉質多汁唔腥，入口即溶。 涼一點食（即係食第二嚿）-外脆Q彈有質感鰻魚玉子燒》 鰻魚同旦一樣滑、鰻魚味濃，旦Juicy溫馨提示🌹中午12點營業，11:43排隊才是午餐首批後半輪入座，目測前半輪有20人已入座及點餐。但因為即叫即燒即制，等候時間也要15-20分鐘。離開時約12:50 只是第三張2人枱埋單離座。外面還有大批大批食客輪候。有限時食飯的朋友，要好好安排一下午飯時間，預留排隊等候或調早一點。😉而且還要想好食咩午餐🥣唔好浪費一分一秒🤗午飯大作戰💪🏻成功🎊

第一天試業排隊的人不少區區排左45分鐘才入座點餐後，店員說預計要等40分鐘才上菜實際20分鐘已經有得食，不俗的期望管理手法。鰻魚三食$88原味 不錯Wasabi 落少許已經很辣（在下不太食辣）茶漬飯最有驚喜。隔離枱投訴 湯不熱，店員亦有幫忙更換😅鰻平燒$58味道一般，芽菜跟鰻魚的份量 比例不合（鰻魚太少）全店不收加一但如果要等45分鐘去食快餐不太岩香港人的生活節奏😌

由細到大都唔鍾意食鰻魚，因為真係超多骨，而一間肯去鰻魚骨嘅餐廳，你真係多多tips都比得落，因為你食緊嘅係師傅嗰個用心。除咗日本，喺香港我淨係食到三河屋老闆個心，而呢一間試業中嘅”鰻魚飯專門店”。。。Sorry，我食唔出有幾用心去做好呢件事，我花半小時去等，然後再花15分鐘幫條鰻魚去骨，食到尾我直頭放棄唔食，食到我一肚火，希望試業中嘅你捱得住🙂

今天是開業第一天，看到果籽新假期介紹便決定幫襯。五時半到達，人龍不算長，但店內有空位。大約六時入座，始見人龍。店員解釋因需要即烤所以鰻魚飯需等待30-40分鐘。OK～等了20分鐘左右，鰻魚飯上齊，再下單點冷番茄。先評價鰻魚飯，飯是暖的，但鰻魚是凍的，這是不可接受，一定劣評！門口的伙記不是在燒鰻魚嗎？為什麼鰻魚是凍的？味道還好，但感覺已經差了很多了！兩個人叫了兩份鰻魚飯，$158+$138。冷番茄等了20多分鐘都未有蹤影，催單亦無效果，直接取消埋單走人。工作人員很green，好像訓練不足，而且好像不見leader壓場。不好意思，不打算再幫襯。

香港人消息真係好靈通，有乜嘢新野都唔會介意排隊去等。好彩我早放工可以避開人潮，等左10分鐘到就可以入座，走嘅時候已經見到門口打晒幾個蛇餅。呢間餐廳係日本嘅過江龍，第一間分店就係開起香港。香港人真係好有口福，難怪被稱為美食天堂。餐廳即叫即燒，並選用備長炭，原產和歌山，係用橡木製成的。燃燒時火力穩定而持久，幾條就可以燒幾個鐘。所以燒鰻魚就啱晒，火力平均較容易控制。除咗有出名嘅鰻魚之外，仲有其他小食、前菜可以比客人選擇。不過由於試業，所以有啲產品已經沽清，例如茶碗蒸同埋個鰻魚卷蛋咁。咁唯有叫返個經典選擇啦。$68鰻魚丼一碗小飯加上一舊鰻魚。個汁係餐廳自己調製嘅有豉油同埋醋，用嚟撈飯一流，而且餐廳係用日本米粒粒飽滿。入正題講鰻魚鰻魚都算厚切，而且肥美。所以皮肉間帶有油脂香味，經燒烤後特別香溢，有啲焦香。不過我覺得果皮可以再脆少少，因為之前食過另一間出名嘅一夾皮就會斷。味道不過不失，不收+1，以香港物價睇，價錢都算可以接受，不過如果排過20分鐘，我就覺得唔值得等。